انا اقول سامي الجابر يستلم تدريب الفريق الموسم القادم

و يشكل جهـاز فني

يكون فيه العمالقة الي ذكرتهم

الدعيع و الثنيان و فيصل ابو اثنين و النعيمة

إقتباس الرسالة الأصلية كتبت بواسطة ثائرالهميجان على الاقل ما اعرفه ان الحبشي درب الاولمبي بشكل جيد قبل اربعة مواسم وسامي مدرب الان والدعيع اعلن رغبته في التدريب ابو ثنين جاء مع سامي هل يريد العمل كمدرب ام لا الله اعلم ولكن اتمنى على ادارتنا المحترمه ان تنظر في هذا الموضوع وخاصه للفريق الاولمبي اذا كان على كلام الامير انه خايف عليهم اتمنى الحاق الدعيع والحبشي وابوثنين ان (رغب) بدورات على حساب النادي وبعدها يعملون في الفريق الاولمبي ولو ظمن الطاقم الاجنبي وبعدها (اون ردي) راح يجدون انفسهم كمدربين شكرا لك

حلو الحبشي بعد يشد حيله على الأظهرة ..

فكرة إنهم بالبداية يمسكون الأولومبي أحسن شوي ..

إقتباس الرسالة الأصلية كتبت بواسطة العمري15 ما كل ما يتمنى المرء يدركه تأتي الرياح بما لا تشتهي السفن

هذا صحيح ، و هذا اللي ذكرته بالموضوع ..

بس مو معناه اننا ما نحاول ..

لا تنسى المثل اللي يقول "إن لقحت و إلا ما ضر الجمل" ..

شكراً عـ المرور ..

إقتباس الرسالة الأصلية كتبت بواسطة سعوديه والهلال ناديه هي ع الرغبه لاعبين اللي اعتزلو كلهم لم نشوف الا الجابر اللي فكر انه يطور نفسه ويبحث عن التدريب لانه له رغبه ويمكن لغة ومعرفه تساعده وكلنا نتمنى لكن اظن صعبه جدا والاماني غير الواقع انا معك في الاستقرار على المدرب

أنا أقول الفكرة هذي تصلح تكون عـ المدى البعيد ..

و أتوقع أحسن شئ يكون سامي هو المدير الفني و الباقين معه بالفريق الفني ..

و أكيد صعبه بس مو مستحيلة ..

شكرا عـ المرور ..

إقتباس الرسالة الأصلية كتبت بواسطة مملــوك في حبك20 اتمني يصيرر بس صعبه لان سامي المدلل لي ابناء مساعد والبقين الي ذكرتهم اعتزلوا فااختفوا من الانظار وهم افضل من ساااااامي بكل شي

مو مسألة مدلل زو مو مدلل ، سامي إنسان طموح .. يوم كانو يلعبون بلوت اللاعبين هو كان يقرأ كتب و يتعلم لغات ..

و سامي تعلم و طور نفسه و الباقين لا .. بس عندهم الخبرة اللي تأهلهم يكونون بالفريق الفني بعد دورة مدة سنه في أوروبا ..

طبعاً سامي يكون المدير الفني .. و الباقين نبي خبرتهم في مراكزهم و روحهم للاعبين الصغار اللي عندنا ..

شكراً عـ المرور ..

إقتباس الرسالة الأصلية كتبت بواسطة روحي وعشقي ملكي مع أحترامي لك كافي التجارب في المدربين وأشباه المدربين نريد مدرب أجنبي كبير مثل كوزمين وجريتس والمدربين الوطنيين ماضيعنا إلا هم والدليل عبد اللطيف الحسيني وكثرة الأصابات من حضوره لنادي أنا مع المدرب الأجنبي فقط فقط وكافي مجاملات للمدرب الوطني !

مع إحترامي لك سامي الآن يلقى أنواع و أشكال الإشادات في فرنسا ، و أتمنى ما نصير من الناس اللي ما يبون إلا اللون الأشقر ..

و عبد اللطيف الحسيني من أفضل المتخصصين باللياقةو ما تدري وش كثر تضايقت لما طلع من الهلال قبل ، و لا تدري وش كثر فرحت بعد ما رجع ..

و شكراً عـ المرور ..

إقتباس الرسالة الأصلية كتبت بواسطة هلالي الاسمري اممننننننننيه و ياليت تتحقق ^*

شكراً على دعمك للموضوع ..

إقتباس الرسالة الأصلية كتبت بواسطة الغازي الهلالي انا معك ماعدى الدعيع اعتقد انه مثالي زياده ويمكن يترك الهلال في اي وقت اذاً ايش الفائده من تدريب مثل .هذا الدعيع ليسى سامي الجابر او النعيمه او ابوثنين ركزوا على ما يقوله في البرامج التي يتواجد فيها يتم الاساء للهلال وهو يهز رأسه يعني مافيه ولاء

أنا مو معك بالولاء .. إذا كان ما عنده قوة حجه أو ما يبي يدخل بقيل و قال يعني خلاص ما عنده ولاء .. هو ما اشتغل صحفي هلالي ، هو اشتغل محلل فني .. مو محامي للهلال و أعتقد الدعيع ما احد يقدر يزايد على ولاءه للنادي ..

شكراً عـ المرور ..

إقتباس الرسالة الأصلية كتبت بواسطة x_Mistro عندي لك حلم فريق فني ( بيليه , ريفلينو , سكولز , كانافارو , بيتر شمايكل ) وش رايك يالذيب

فريق قوي بس ينقصهم الولاء للكيان الهلالي ..

شكراً عـ المرور ..

فيه مثل يقول لاكثروا الطباخين فسدت المرقه

يجي سامي ويمسك التدريب احسن من انه يجينا واحد زي دول والا كمبواريه هالداجين والدعيع مدرب حراس ومنصور الاحمد اداري وبس

يعطيك العافيه

إقتباس الرسالة الأصلية كتبت بواسطة طبيب هلالي 2 سامي وفيصل ممكن اما تجمع لي يوسف وصالح والدعيع هذولا حقين بسطه وناسه والله يخلون النادي استراحه كبيره خاصه ابؤ يعقؤؤؤؤب

هههههههههههههههه ، بالعكس حلو إنك تجمع كل هالشخصيات ، كذا تجي الروح ..

و النعيمة بالعكس إحترافي و شديد بنفس الوقت ..

و لو الدعيع مو احترافي ما كون هذا التاريخ اللي يملكه ..

شكراً عـ المرور ..

إقتباس الرسالة الأصلية كتبت بواسطة FAISAL AL7RBY انا اقول سامي الجابر يستلم تدريب الفريق الموسم القادم و يشكل جهـاز فني يكون فيه العمالقة الي ذكرتهم الدعيع و الثنيان و فيصل ابو اثنين و النعيمة

هذا الكلام بس عاد مو الموسم القادم ، ودي نجعلها خطة عـ المدى البعيد يعني الموسم ما بعد القادم يمسكون الأولمبي و بعدها بموسم أو موسمين يمسكون الفريق الأول ..

إقتباس الرسالة الأصلية كتبت بواسطة هلاليه زي القمر فيه مثل يقول لاكثروا الطباخين فسدت المرقه يجي سامي ويمسك التدريب احسن من انه يجينا واحد زي دول والا كمبواريه هالداجين والدعيع مدرب حراس ومنصور الاحمد اداري وبس يعطيك العافيه

صحيح بس العمل الفني سفرة كاملة و فيها عدة طبخات (الحراسة ، الدفاع ، الأظهرة ، المحور، الوسط ، الهجوم ) ، كل واحد يطبخ الطبخة اللي يضبطها و بعدين سامي يقدم السفرة بشكل كامل كطباخ رئيسي ..