مساء الخير جميعاً

حسبي عليك يا رادوي.. ضيقت صدورنا اليوم

كل من شاف رادوي اليوم يتحرك في كل مكان.. يسدد.. يمرر.. يقطع.. يقاتل

لابد أنه قال:

آآآآه يا رادوي

حبيبنا أبو فيصل،

بإختصار نبغى هلال 2010

رادوي.. نيفيز.. ويلهامسون

أنا ما أقول رجعهم لأنها مستحيلة

لكن.. إذا تبغى آسيا فعلاً.. رجع هلال 2010

النسخة الحالية للفريق -ما ودي أحلف- أنها مستحيل تجيب آسيا.. السبب بإختصار، فارق الإمكانيات

لكن العمل لاااازم يبدأ من الآن للموسم القادم

جوستافو .. يو بيونق .. ويسلي

باي باي

حتى يمديك تسوقهم إذا تبغى تمارسك هوايتك - ما أظن جوستافو يتسوق - لكن لابد تلقون أحد تضحكون عليه زي ما أحد لقاكم

بصراحة اللي يجيب صفقات للهلال أشك في وضعه!!

مانغان كان مصاب وجوستافو ما لعب له شهرين والظاهر أنه ما تمرن له شهرين

لدرجة أني أتوقع أنه الشخص هذا بعد ما يتم توقيع العقد، يقول لأبو فيصل: مقلبتك يابوي

المهم ما علينا، هذا ماضي والموسم هذا راح من اللحين أقولكم، لكن المطلوب من الآن العمل للموسم القادم:

جلب محور دفاعي أجنبي جاااامد جداً

جلب مهاجم ما يعرف إلا الباب وياليت يكون أفريقي أو مهاجم خال على وجه التحديد ههههههه مدري ليش بس أحس ما عندهم تفاهم

جلب مدافع أجنبي مع أوزيا.. كنت بأقول محلي، لكن الشكوى لله السعودية كلها ما فيها مدافع صاحي إلا أسامة المولد وهوساوي

الأول صعبة يطلع من الإتحاد والثاني خاين

تدعيم النادي بصفقات محلية من العيار الثقيل..

يحيى الشهري.. منصور الحربي.. إبراهيم غالب..

تقول ما أحد بيترك لعيبته، أقولك الدراهم تجيبهم وعذرك عذر الكسول

ليش الشباب ترك لنا عبدالله عطيف؟! المحاولة ما تخسركم شيء

قبل هذا كله، يرجع زلاتكو للأولمبي ويتم تعيين سامي الجابر مدرب للفريق الأول وإلا علشانه سعودي مهب عاجبكم؟!

اللوح كومباروية أحسن من في إيش؟؟

وش سوى جوارديولا مع برشلونة وهو كان سنة أولى تدريب؟!

يا ابن مساعد ما بقى إلا ما جربت واحد من عيالك يدرب النادي، عط ولد البلد فرصة

هذا العلم كانك تبغى العلم

وسلامتكم

آآآآه يا رادوي

لبى الهلال 2010

نيفيز + ولي + رادوي احلى طقطقه و احلى خمسات !
راحت ولن تعود !

كلامك صحيح واتفق معك في كل نقطة

والله رادوي لم يقدم ولا حتى 30% من مستواه اللي كان مع الهلال كان يلعب بقتاليه وما تفوت عليه الفاولات
لبى الهلال هو اللي برزه ولا رادوي ولا غيره همني انا مايهمني الا زعيم اللي باذن راجع السنه الجاي با اجانب ع مستوى عالي مو اجانب كبار بالسن او اجانب جايين يتاهلون عندنا اول مره ارضى بالامر الواقع واتقبل الخساره
وحابه اقول لسالم لا تزعل لانه خسارتنا كانت بنسبه كبيره بس عجبني غيرته عالكيان وحلو انهم يزعلون هالكيان
وثانكس اخوي عالموضوع

لم يبكي أحد على راودي

بس

الشعب الهلالي كله قلبها مناحه

أما بقية الكلام ... ليس وقته

مع كامل الاحترام

الهلال الحين مستواه يفوز على النصر بس !!!
اما سالفه انك تفكررر بابطال اسسسياء ووالله بعيده عناء بالحيل

( اول شي المدرب ماحنا ضامنينه زين ماهو اسم كبير
( ثاني شي المحترفين الاجانب ماهو المدرب زلاتكو الي اختارهم
( ثالث شي المدرب جاء بوقت متاخر على انه يدرب الفريق ويتعودون على تكتيكه
( رابع شي المحترفين الاجانب المحترفين السعوديين آفضل منهم واكبر دليل عندك يونغ وجستافو احتياط و ويسلي لك عليه لاعب صندوق وبس ماعندنا الا المحترف البرازيلي المدافع أوزيا
( خامس شي عبدالرحمن بن مساعد لو معطي الفرصه لولد النادي الذيب سامي احسن من انه يجرب مدربين فآشلين ويصبر عليهم ويعطيهم فرصه واخر شي يحوسون الفريق وياخذون الملايين ويمشون .. لو معطين سامي فرصه ونصبر عليه اقل شي لو مانجح لاسمح الله ماخسرنا شي لانه ابن النادي ويصير الهلال اهله وساعده ورفع من اسهمه التدريبيه ..

بس الله يهديك ياشبيه الريح عزالله حست الفريق حوس دمشقت الفريق دمشقه وجبت لنا نكباويه حاس الفريق ومشاء لولا الله ثم زلاتكو تسان صارت علوم لاكن احمد ربك الي انتهت مباراة النصر فوز ولا يمكن تنشال من كرسيك ألموسم هذا راح بخيره وشره .. الموسم الجاي نبي فعل مانبي زي كل موسم . فاوضنا اكثر من مدرب وماقدرنا .. ادفع طلع خشم الريال لاتقول ماقدر قل مابي ادفع ؟
الزبده الموسم هذا راح بخيره وشره الموسم الجاي نبي مدرب على اعلآ مستوى ..ونبي محترفين بدال ( يونغ ، وجستافو ، ويسلي ) ويحسنون الاختيار الاجانب بمراكزهم ومايخلون المدرب على كيفه يسوي الي يبي لازم يحاسب على كل صغيره وكبيره وان شاء الله يتعدل الوضع

إقتباس الرسالة الأصلية كتبت بواسطة بنت زعيم اسياء والله رادوي لم يقدم ولا حتى 30% من مستواه اللي كان مع الهلال كان يلعب بقتاليه وما تفوت عليه الفاولات لبى الهلال هو اللي برزه ولا رادوي ولا غيره همني انا مايهمني الا زعيم اللي باذن راجع السنه الجاي با اجانب ع مستوى عالي مو اجانب كبار بالسن او اجانب جايين يتاهلون عندنا اول مره ارضى بالامر الواقع واتقبل الخساره وحابه اقول لسالم لا تزعل لانه خسارتنا كانت بنسبه كبيره بس عجبني غيرته عالكيان وحلو انهم يزعلون هالكيان وثانكس اخوي عالموضوع

حاب أضيف معلومة بسيطة فقط:

رادوي كان الكابتن الثاني في منتخب رومانيا قبل ما يجي الهلال وشكراً

إقتباس الرسالة الأصلية كتبت بواسطة shafieq لم يبكي أحد على راودي بس الشعب الهلالي كله قلبها مناحه أما بقية الكلام ... ليس وقته مع كامل الاحترام

ما أحد بكى لكن إذا ما تتحسر على خسارة لاعب بقيمة رادوي على من تتحسر؟!

الموسم هذا انتهى على قولة كريزي بخيره وشره

كأس ولي العهد وأخذناه.. الدوري طار.. كأس الملك تخصص إتحادي أهلاوي.. وآسيا ما بيشمها الهلال بهاللعيبة لو يركبون لهم مراوح ع ظهورهم

إقتباس الرسالة الأصلية كتبت بواسطة أناااا حاب أضيف معلومة بسيطة فقط: رادوي كان الكابتن الثاني في منتخب رومانيا قبل ما يجي الهلال وشكراً

اخوي شكرا عالمعلومه بس عارفتها من قبل هالمعلمومه والحين لو تحسرنا عليه يعني بيرجع خلونا نتحسر ع زعيمنا ونسانده في مهمته مهم كانت نتائجه ونخلي هالموسم لنسيان بس كسبنا فايده من هالموسم هو انا زياده عدد بطولاتنا فقط لاغير
وثانكس اخوي عالحوار

إقتباس الرسالة الأصلية كتبت بواسطة بنت زعيم اسياء اخوي شكرا عالمعلومه بس عارفتها من قبل هالمعلمومه والحين لو تحسرنا عليه يعني بيرجع خلونا نتحسر ع زعيمنا ونسانده في مهمته مهم كانت نتائجه ونخلي هالموسم لنسيان بس كسبنا فايده من هالموسم هو انا زياده عدد بطولاتنا فقط لاغير وثانكس اخوي عالحوار

شكراً على وقتك أختي

أتفق معك تماماً أن الحسرة ما بترجع رادوي ولا غيره

لكن لعلها تخلينا ما نرتكب نفس الأخطاء - هذا لو جابوا لاعب يسوى طبعاً -

كلام جميل

وآآآآاآهـ للمليون على رادووووووي
افضل محور مر على الكوره السعوديه
ياحظ العين فيك بس

غير منطقي التحسر عليهم..هم اتخذوا قرارهم و كملوا طريقهم ..الهلال لازم يستعيد هيبته وضع الفريق غير معقول جدا سيء !

انا ما ذبحني الا هياط الرئيس ..

اذا راح رادوي وويلي بنجيب احسن منهم ..!!

احسن منهم من ؟