ما قصرو جميع اللعبين الله يوفقه في المباريات المقبله

القرنى مشروع نجم قادم ويحتاج للدعم من الجمهور الهلالى والتوجيه من لاعبى الخبرة فمن يتذكر بداية خالد عزيز او عمر الغامدي يعرف ان النجوميه لاتصنع فى يوم واحد او مباراة واحده وبالأمس اللاعب شاهدناه يؤدي دورة بكل اقتدار فى الضغط على حامل الكرة ونعم هناك كرات وتمريرات مقطوعه لكن بالتوجيه والتدريب سيكون افضل لاعبى المحور بالمملكة ان شاء الله
لك ان تتخيل ان المحترف الكولمبي كان بالأمس ضمن التشكيلة الاساسيه !!! رغم عدم جاهزيته اللياقيه حسب التصريحات ؟؟؟ ومستواه غير المقنع من خلال المباريات اللتى لعبها
شكرآ محمد القرني على ماقدمته والشكر موصول لصاحب الموضوع

صدقوني لو اكتفى بأنه يكون محور دفاعي وحاول يطور نفسه على هالمنوال كان تفوق انت ياعزيزي يا قرني محور دفاعي تتقدم وتسدد ليه ؟ مهمتك تغطي خانتك وخانة الظهير اذا تقدم وجهة الهجمه من نفس الجهه تحاول تقطع الكوره او تعطل التقدم حتى عودة الظهير غير كذا مو مطلوب منك ابدا لو حصلت لك كوره قدام الباب زين ماحصلت ما راح احد يعاتبك لكن التفت للدفاع والدفاع فقط اللي طالع شارع هايوي من يوم راح رادوي وما راح ننسى يا صاحب الموضوع ان الهدف الفقراوي جاء من مرتده مقطوعه من القرني وكان الاولى بك ذكر غلطاته عشان يتعلم ومو عيب لاعب صغير ومبدع بس يبي له شوية توجيه وراح يكون خميس العويران القادم بإذن الله
اما عن المباراة عموما تمنيت من المدرب يوجه اللاعبين اصحاب الخبره انهم يوجهون اللاعبين صغار السن بالاحتفاظ بالكوره ومحاولة تعطيل الهجمات وعدم الانجراف والانجرار خلف لعيبة النصر لانهم متأخرين وشيء طبيعي راح يتقدمون عشان يعوضون خصوصا ما باقي الا دقائق قليله نفس الغلطه في مباراة الشباب كان الفريق الشبابي مندفع والهلال حاول يجاريه بالاندفاع وهو اساسا متقدم بالنتيجه اوك حافظ عليها عموما هذي خبرات تجي مع التوجيه ويكتسبها اللاعب مع الوقت

كنت من اكثر من من انتقده في الايام الماضيه
بالامس كان نجما لامعا وسد خانته باقتدار
رغم تهوره بعد الهدف الهلالي وخروجه للهجوم باخر دقيقه وتسديدته العشوائيه التي كان يمكن استغلالها باضاعه وقت بالاطراف بالتمرير او كسب مساحه بالاطراف بدلا من تسديدها بشكل عشوائي كانت منها ضربه مرمي مررت بشكل طويل وسجل منها التعادل
نعذره في هذا لانه شاب صغير وفي مقتبل عمره الكروي
كل مانريده منه ان يفهم ان خانته اولا توجب عليه قطع الكور وامداد لاعبي النص والهجوم بالكور السليمه لبناء الهجوم ثم ان امكنه ان يبدع فليفعل بعد ان يؤدي واجباته الاصليه

وله جزيل الشكر ومنها لاعلي يا كبتن محمد

محمد القرني لم يقدم شيء في المباراة سوى حصولة على الكرت الاصفر

بيض الله وجهه وكل اللاعبين ما قصروا

وألف ألف مبرووووك الفوز والبطوله رقم 54

مبرووووووووك

يعطيك العااااافيه

للمعلومية القرني عمل نفس الشئ في مباراة الاتفاق يوم سجلوا التعادل 2-2
ياليت القرني يتعلم من الدروس اذا كان محور لايتقدم ابدا ويسدد !!

اتمنى بمناسبة الفوز بالبطولة نتصدق بالمرشدي والقرني ونامي

لاحد الاندية لعلهم يستفيدون منهم باي مجال غير كورة القدم

إقتباس الرسالة الأصلية كتبت بواسطة معلم كورة اشادة عشان ايش ؟ ارجع للمباراة ي حبيبي وشف لعب القرني , انواع التمريرات الخاطئة ولا يعرف يضغط عالكورة صح , كل الكورات المقطوعه تكون منه دايم , كل ما جات الكورة معه حطيت يدي على قلبي , لا تطيرونه في السماء ومستواه خايس .

باعطيك مثالين فقط في اول اللقاء على اللي سواه القرني .. و ليه اعقتد يتسحق اشاده اكبر و تقدير من اللي حاصل الان ..


6 لاعبين هلاللين في الهجمه بجانب تقدم الظهير الايمن ..



انقطعت الكره و اصبحت هجمه مرتده ولاعبي الهلال متقدمين ..



الكره اتجهت لـ باستوس ، لو القرني و بسبب تمركزه المميز و قرائته السليمه ما استخلص الكره لاصبح سناريو 3 على 3 او 4على 3 .. خصوصا ان في لاعب بجانب باستوس مرتاح تماما لو مررها له ..






لقطه اخرى .. الكره مع باستوس .. اوزيا ترك مركزه و السهلاوي منطلق للاستفاده من هالمساحه اللي تركها .. البيشي مسكر مجال اتمرير الى السهلاوي لكن باستوس عنده خيار اخر بالاصفر ..



ممكن يمررها للاعب بالفر واللي بدوره يلعبها للسهلاوي في المساحه الفاضيه لكن القرني اتجه لاقفال هالخيار
بذكاء





وانقطعت الكره اخيرا




هاذي فقط مثالين وفي بدايه المباراه لو امتلكت الوقت الكافي لاعطيتك عشرات الامثله على كم امكانيه هجمه اوقفها القرني .. مثل هالامور تغيب عن الكثير و يدققون في تسديده خاطئه او تمريره خاطئه بينما الاولى التركيز على مثل الامثله الي ذكرت .. لذلك ذكرت ان القرني شال الفريق البارح و قتل النصر ..

إقتباس الرسالة الأصلية كتبت بواسطة FAISAL AL7RBY محمد القرني لم يقدم شيء في المباراة سوى حصولة على الكرت الاصفر

ما ينقص القرني هو تخليص الكره أول بأول وترك الفلسفه الزايده

وأضمن لك بأن يكون من أفضل المحاور ....

صراحه القرني ماقاصر الله يعطيه العافيه مبروك للهلال

لاعب كبير وله مستقبل بس اهم شي يحتك بلاعبين كبار علشان يتعلم منهم

القرني من نجوم المباره وهو الاعب الذي يستطيع تخطي اي لاعب في الفريق المنافس وهو حماسي جدا وان شاء ينبه لبعض الاخطاء ويحاول التخلص من الكوره بالتمرير خاصه في الامام