|
الهلال والنصر من هو العقدة للآخر !! بــــسم الله الرحمن الرحيم السلام عليكم ورحمه الله وبركاته ,, (( النصر عقده الهلال في النهائي )) سمعتها كثير من اعلامهم خلال الايام السابقه ,, وكآنهم يحاولون بها ان يآثرون على نجوم الهلال ويزرعون الثقه في نفوس لاعبيهم ونسوا ان الهلال هو عقده النصر الاكبر في بطوله كاس ولي العهد 2008 م 2009م 2010م 2011م 2012م المواسم السابقه كان للهلال كلمه في اخراج النصر من بطوله غاب عنها 32عام وفي 2013م النصر يطلق صراخاته متباهي بقدراته بعد مابرز عضلاته على انديه لم تكن في مستواها ليقول (( العالمي قادم )) ولكن عاد النصر من جديد ليصدم بالزعيم وقد يعود على اثر الاصطدام الى نقطه الصفر كالعاده ابت البطوله ان تتوج زعيهما حتى يعبر من جسرها فـ النصر هو جسر الهلال لبطوله كآس ولي العهد حتى وان كان الهلال في غير مستواه ,, لكن بآذن الله سنرى الهلال مختلف في النهائي فانا اشوف النهائيات والدربيات تختلف تمامآ عن المباريات الاخرى والمواقف كثيره كنا نشوف الهلال في غير مستواه المعروف ولكنه يختلف عندما يلعب النهائي ,, هذي شخصيه الابطال * الهلال الثاني في الدوري ومتآهل لنهائي كاس ولي العهد ( الهلال ليس هو الهلال ) * النصر الرابع في الدوري ومتآهل لنهائي كاس ولي العهد ,,, حقيقه( النصر عاد ) ............................................ ............................................ ............................................ * الهلال فاز على الاهلي والنصر والاتحاد والشباب ( الهلال ليس هو الهلال ) * النصر فاز على الهلال والاهلي وانهزم من الاهلي والهلال والشباب وتعادل مع الاتحاد ,,, حقيقه ( النصر عاد ) هذا هو الفرق بين الكبار والصغار تحياتي |
لا تبخس الناس حقوقها النصر عاد وبقوه ان لم تحترم المنافس فلن تحقق طموحك النصر مع كارينو ليس مثل نصر ماتورانا يجب احترام النصر وتعطيه حقه بالفظليه كا فريق متطور وحماسى ويلعب بجد انقلبة الروح الانهزاميه الى قوه تبحث عن الفوز والبطولات النصر توفق مع مدرب طور مستوى النصر واصبح ينافس ويبحث عن البطولات اخشى عودة النصر للبطولات من بوابة الهلال فان تحققت هذه البطوله ستختصر المسافه بطوله ومن امام المنافس الذى له خمس سنوات مهيمن على كاس والى العهد بطوله عن الف بطوله على لاعبين الهلال احترام المنافس النصر تغير |
متفائلين خير ان شاء الله لكن الله يستر من هالمباراه صراحه الفقر فاز فزة ددسن والهلال وضعه مايطمن يعطيك العافيه :rose: |
اي عقده يتحدثون عنها والنصر مالعب مع الهلال نهائي من عشرات السنين الهلال مستواه سيئ لكن بإذن الله يخطف الكأس من امامهم اهم شي الحكم مايكون سعودي يعطيك العافيه |
متفآئلينن بآلزعيمم , آن شاء آلله آلكـأس ملكيَ :ba: |
يالله يارب تييسرها من عندك يا كريم |
ياخوك السالفه ماهي عقدهـ توفيق من الله والنصر من سنه كم مالعب نهائي اذا نبي نرجع النصر السنه هذي تحسن مستوآإهـ والكل شايف النصر بس عندنا عناصر افضل من النصر بشكل كبير بس إلي خذلنا المدرب كومبواريه تخبطاته وكل يوم في تشكيله وعدم الارتكاز على رتم معين النهائي بذن الله بيكون ماركه هلاليه للمرهـ السادسه على التولي } |
إقتباس:
تفائلي وثقتي الكبيره بفريقي لايعني اني لااحترم فريق النصر والله العظيم اني متفائل كثير >> ببساطه لان مو الهلال اللي يخسر من النصر مرتين في الموسم صحيح ان هذي كره قدم وكل شي فيها وارد .. لكن باذن المولى عزوجل يخلصها الهلال من الشوط الاول |
كعادة اعلامهم الكاذب المفلس طبعا الكاذب على جمهورهم وليس علينا لاننا نعرفة اعلام مفلس اخلاقيا ولاكن الجمهور المحرو م يتعلق ولو بكذبة يعرفون ان الزعيم داعس عليهم من سنوات وخاصة في الكاس دئما النصر هو طريق الهلال للبطولة والنتيجة باذن اللة فارق 3للهلال لانة نهائي والهلال يعرف كيف يتعامل في المباريات النهائية بعكس فرق الوسط البعيدة عن البطولات لحوالي 16سنة مثل النصر لوالنصر ايضا بعيد عن بطولة الكاس لمدة اكثر من 32سنة اي ان ثلاث ارباع جمهورة لم يروة يرفع كاس فلا تخافون عللى الهلال في النهائي لان الفرق الوسط لاتعرف تتعامل مع مثل هذة المباريات فيصيب لاعبيها الارتباك وعدم القدرة على التحكم بالكرة والدليل العام الماضي على النهائي اكل فريق هم 4من الاهلي حطو رجليكم بمويا باردة وسوف ترون |
ههههههههههههههههه خربشات نصراوية الزعيم عقدة النصر الازلية |
الاحظ ان الاعلام اليوم هو من يحمل النصر برفع معنويته حتى صدقت جماهيره انه النصر الحلم اتذكر ان نفس الدور قام به الاعلام كمرحله تجريبيه ليدخل الاعلام في جو المنافسه بجانب النصر يسنده ضد اكتساح الهلال للمنافسه حصل ان اوهموا الجميع ان النصر مع كماتورانا غير وصدقت الادارة الثورة الاعلاميه وجددة عقد ماتورانا من خلال مباراتين وبعد ان واجه الامتحانات الحقيقيه وخسر نهائي الخليج امام الاهلى وابتعد للمركز الخامس وتجلت حقيقة النصر طرد ماتورانا وعادوا على رئيسهم واعضاء شرفهم والتشكيك في كل شئ والان يعودون لنفس النغمه للدخول في جو التنافس اعلاميا وستعود الاسطوانه بعد ان تتجلى الحقيقه تدور حول المدرب مرة اخرى نظره للعناصر في الفريقين ستعرف من بطل النهائي القادم والمباراة السابقه للنصر انقذهم الحكم الالماني بشهادة كل المحايدين من الحكام وبالنظر للفرص المهدره والاستحواذ الهلالي على الشوط الثاني وعند الامتحان يكرم المرء او يهان بعد اللقاء لنا لقاء حينها سيعرف الجميع حقيقة النصر وعودته الاعلاميه الكاذبه |
إقتباس:
|
الله يوفق زعيمنا اللي لايسر ولا يمتع |
من جد كيف عقده وهو معقد وصل للنهائيات من زمان |
النصر السنه هذي ليس النصر العام الماضي... فريق تطور ويلعب بحماااس كبير ... اتمنى من الملكي احترااام الخصم والعب بتركيز تااام واستغلال الفرص... كلي تفااائل بإن الملكي سيلقن النصر درس قاااسي متى ماتعااملوا مع المباراة بجديه.. مشكور.... |
اهنيك اخوي عالموضوع اللي يلامس الحيقيقه بس مهم كان لو يكون فريق الوحده اللي راح نلعب معه النهائي لازم نعطيه حقه وهو ما وصل الا انه فريق يستحق الاحترام بس زعيمنا تعود ع النهائيات مو زيهم بيدخلون بحذر وشويت خوف المهم حتى لو الكاس مو لنى هذا مقدر ومكتوب وطموحتى اكبر من كاس ولي العهد اهم شي نوقف مع الاعبين ومع المدرب الجديد لتحسن مستوى الهلال يعطيك العافية اخوووي |
ياوااااد الكااااس هلالي هلالي مو معناتها انه ما نحترم الخصم لا الكاس هلالي هلالي تسلم يا الغلا |
إقتباس:
هههههههه هد اعصابك ياعزيزي الرجال ماقال شي وما بخس حق ناديك قصدي نادي النصر :d:d الرجال ماقال ان النصر ما "تطور" كل اللي قاله ان الهلال هو عقدة النصر في النهائيات وأنا أزيد عليه، الهلال عقدة النصر دائما وأبدا مو بس في النهائيات |
كلام كبير يابوشوق ،، مقولة تردد من قبل أعلامي النصر رغبة منهم في التأثير على جمهور الهلال قبل لاعبيه ! الهلال بأذن اللي عينه ماتنام بطل لكأس ولي العهد . كلامي مو عاطفه ولكن لمعرفتي بنجوم الهلال ومواقفهم في النهائيات . أعلام النصر يقول فريق النصر متطور ويعبي الأعلام والجمهور بذلك ، وعلى الطرف الثاني يشن هجوم محموم على كل ماهو أزرق ! ياجمهور الزعيم الوفي وقفوا خلف فريقكم وادعموه وأتركوا مايثار في الأعلام خلال الفترة الماضية والكم الكبير القادم في الآيام المقبلة !! الهلال قدامه مباراتين أمام الشعله والشباب قبل النهائي ، فرصة كبيرة للجهاز الفني لأعادة اللاعبين لوضعهم الطبيعي وبلاشك عودة جميع اللاعبين المصابين . ياحبيبي هاذا الهلال قال النصر عقدته !!!:s2: |
مع احترامي الشديد لك لكن انت بعنوان موضوعك تساهم وتنشر الافكار اللي اعلامهم يحاولو يوصلوها اما بما يخص المحتوى فانا اتفق معك فيه |
إقتباس:
سبحان الله وااااااااضح رد الفقراوي يا سبحاااان الله |
متى ما وجد لاعبوا الهلال مدرب يوظفهم صح لن يستطيع معظم الفرق الفوز على الهلال نعم التوفيق مهم ولكن الهلال كلاعبين افضل بمراحل من النصر لكن مدربهم وظف لاعبي الوسط بشكل رائع جعل كل لاعب يلعب بارتياح كبير وهذا ما سيكون باذن الله مع الهلال شكرا لك |
من يتحدث عن عقدة الفقر للهلال فهو جاهل مغفل |
الله يوفق الهلال ويحصل على الكآس السادس على التوالي والـ12 بتاريخه ببطولة ولي العهد حظوظ الفريقين متسوايه نطلب من الجهاز الفني والأداري تجهيز اللاعبين وبث الروح والحماس والتكتيك المناسب وقراءة نقاط الضعف والقوة بالفريق النصراوي ليظهر الزعيم كعادته بطلاً لكاٍ ولي العهد بإذن الله |
متفآئلينن بآلملكي كثيير ' وآن شآء آللهه اللآعبين م يخيبون ظننآ فيهم ' |
أنا أشهد إنك جبت الذيب من ذيله.. بجنبي نصراوي يقول مستحيل النصر يفوز ع الهلال بكأس ولي العهد .. رديت عليه و قلت : غريبه فيكم عاقل .. عموما .. لا إعلامهم و لا جماهيرهم دائم يضحكوني .. طبعا كله بعد توفيق الله .. |
التفاؤل مطلوب بشرط إحترام الخصم مهما كان حجمه النصر تطور كثيراً وبصراحة يخوف وهذه الكأس مطلبنا وخاصة أنها أمام غريم تقليدي يجب أن ندعم الفريق الآن ونخطط للكأس من الآن .. نبتعد عن الماضي وعن التغني في الماضي نحن أبناء اليوم ونخطط للمستقبل .. الله يوفق الهلال لإحراز الكأس |
الله يستر ومستوى الهلال مش مطمأن ومستوى النصر في تطور |
مصدقين أنتم إعلام النصر حتى يخدعوا جماهير ناديهم حاطين مباريات الدور الثاني للدوري اللي كان يتقابل فيه الهلال والنصر في آخر الدوري كنهائيات والأخوه جماهير النصر طايرين في العجه ومصدقين طيب على كذا المباراة الماضية التي فاز فيها النصر تعتبر مباراة الدور الثاني للدوري هذا العام فهي تعتبر على حسبت النصراويين نهائي يا مال العافيه اللهم ثبتنا بعقولنا 0 لذلك حبايبي يرى الإعلام النصراوي أنه من السهل عليه خدع الجماهير النصراويه المغلوبه على أمرها والتي تدور أي شيء ضد الهلال حتى لو كان كذب وتدليس ولكن هيهات هيهات تنطلي مثل هذه الأكاذيب على جماهير نصف الأرض 0 ههههه لو بالحسبه ذي عد وإغلط كل مباراة فاز بها الهلال على النصر في الدور الثاني من الدوري هي نهائي جابوها لنفسهم الله يقطع إبليسهم هههههههههه |
تبي تعرف ليه النصر يفوز على الهلال لانه اول مايجيبوالنصر هدف يجلسو دفاع والكورة كلها بوز والهلال يرجع يحضر هجمه بطيئة والنصراويه مافي الا تشويت لاحظ كل مباريات الهلال والنصر اذا فاز النصر فهو اول من جاب هدف ماتلاقي نهائي النصر عدل النتيجة لصالحه |
النصر تطور مستواه مع الأرجواني كارينيو ، أتمنى من زلاتكو تطبيق تكتيك معين وفرضه في أرضيه الملعب لتعود روح الهلال وتحقيق اللقب بإذن الله |
اهنييك ياخوي على طرحك شي جميل نشاهد اقلام رائعة في منتدانا ومن هذي الاقلام طرحك الجميل بصراحة استمتعت بطرحك الجميل وزتني تفاؤل اسال الله ان تكون هذي البطولة هلالية يااااارب العالمين |
النصر عندهم مدرب داهيه ويخوف بصراحه ويقرا المباراه ويجيد الحسم المبكر وسد ثغرات الدفاع ويوظف اللاعبين في اماكن حسب قدراتهم ويجيد المغامره المعقوله كادخال لاعبين من الاولمبي وهذا يدل على شجاعته وثقته بنفسه عاليه ايضا لا يخفا علينا محترفين النصر لهذا العام اقوياء اضافه الى غالب والزيلعي وعبده والسهلاوي. على العموم لايستهان بهذا الفريق وبالتوفيق للزعيم |
مدرب النصر يريد الاعلام الاصفر ان يلبسه ثوب العمالقه والنصر اخرجه الحكم الالماني من هزيمة معتاده ويوم النهائي سيتضح كل شئ وسيقول الهلال كلمته التى يتوقف عندها الاعلام المخادع |
متفآئلينن بآلزعيمم , آن شاء آلله آلكـأس ملكيَ |
النصر عاد او العالمي عاد هذه هي الحقيقة كل يوم يوم النصر يعود عدم التقليل بالنصر هو ايضا يعمل ليحقق الكاس وما دام وصل للنهاىي فهو ليس بالسهل ايضا نحن نعمل ولكن ايضا ان نحترم الخصم مهما كان قويا او ضعيفا الهلال قوي وان شاء الله نحقق البطولة وان شاء الله يفوز الهلال |
انشاالله اذا التحكيم اجنبى وحكم من الممتازين الفوز هلالى وعلى الهلالين التهيئه النفسيه وان لايلتفتوا لكل اشاعه فقراويه واخبار كاذبه لانها راح تسمعهاا عن الهلال الى يوم المباراه |
يازعماء وزعيمات لحظه تفكير تريح الضمير >>>> شاعر اول شي اتركوهم خلوهم يقولو الي يبو كل الكلام هذا راح يعطيهم في النهائي نتيجه عكس مايحلمون به ولنا في نهائي كاس الملك امام الاهلي اكبر دليل وكيف خرجو بعدها يجرو اذيال الهزيمه بالاربعه ثانيا دئما مباريات الهلال والنصر من يشحن لاعبينه قبل المباراه يخرج خاسر واكبر دليل سيطرتنا في السنوات الماضيه على الدريبي وخاصه مبارياتنا في كاس ولي العهد ولنا في رجال الهلال عبره كبيره فهم لايردو عليهم قبل المباراه بل بعدها والله العظيم اني سعيد جدا وهذي بشراء خير ان شاء الله بفوز هلالي والرجاء منكم تركهم في حالهم وعدم الانشغال بكلامهم التافه |
ابطال الهلال ان شاء الله انهم على قد المسؤوليـه ان حضرت الروح ..اهدونا الكآس .. وان غابت الروح ...قتلتونـا بيـديكم |
متفائل بـ فوز الهلال في النهائي و الهلال بيعيد النصر لـ نقطة الصفر من جديد |
حظ الفقر انة الهلال نزل مستوا والفقر تطور والله يستر |
الله يعطيك العافية وبالتوفيق للهلال |
المباراة باختصار إذا أراد الزعيم كسبها فعليه باحترام الخصم،،،وضرب النصر بهدف أو هدفين من اول نص ساعه ،،،بعدها سينهار النصر وسيزيد الضغط عليهم ويبدأ التفكك والارتباك في صفوفه،،، |
خلهم يطرون هم وفقرهم باذن الله الكاس هلالي بس تكفون يارجال نبغة الملعب يوم المباراة ازرق الله الله بالحضور والتشجيع |
متفآئلينن بآلزعيمم , آن شاء آلله آلكـأس ملكيَ :ba: |
الله يوفق الزززعيم و ان شاء الله متفائلين |
اذا قدم الهلال مستوى ممتاز فـ بااذن الله راح يفوز ولكن اذا ظهر بالمتسوى مثل مستواه امام الفيصلي فـ احتمال كبير يخسر البطولة |
بس احترام الخصم شي ضروري .وحقيقه لازم ندركها ان النصر الحالي ليس نصر السابق ولكي نعيده لدوامه الخساير لابد من احترامه ولو كان فقراوي |
دام الاعلام يرشح النصر فتفائلو البطولة هلالية بحول الله اهم شي الهلال مايرشح بالاعلام ماكفتكم ياهلاليين لعبة الاعلام من كم سنة معقولة ماطلعت قلوبكم اللي يعارضني ودي اجيب خيزرانه واجيب مانجان وراعي البل رادوي يعلقونه واسوي له فلكه |
اي عقده يتحدثون عنها والنصر مالعب مع الهلال نهائي من عشرات السنين الهلال مستواه سيئ لكن بإذن الله يخطف الكأس من امامهم اهم شي الحكم مايكون سعودي يعطيك العافيه |
و الهلال ان هزم النصر ؟؟؟ إقتباس:
اعتقد لاشئ فالصغير اذا انهزم من الكبير فهي نتيجة طبيعية اما اذا فاز الصغير على الكبير فله حق ان يطبل على كيفه . لذلك لاتعطون الامور اكبر من حجمها فحتى لو هزم الهلال لاقدر الله فالهلال هو الكبير و النصر سيظل صغير فمباريات الكؤوس لا تعطي الافضلية وليست مقياس لقوة الفريق المقياس هي بطولة الدوري فقط. |
ماعلى الملكي خووف باذن الله ـ لان ادارتنا متعوده على النهآئيات والتعامل معها وحتى اللاعبين متعودين الخوف من الهلال نفسه ولا النصر مايخووف ولا عممره خوفنا ـ نبي ترجع الثقه بين اللاعبين والجمآهير والله ثم والله ان الكأس يكوون ب خزينة الهلآل |
النصر عقده للهلال ههههههههههههههههه آآه يابطني النصر هو جسر عبور للهلال نحو البطوله الغاليه جربها في جميع المراحل ..دور 16 ودور ال8 ودور ال4 ولم يتبقى إلا النهائي وبإذن اللـه يفوز الهلال ويحصل على البطوله ..... لمن يقول أن النصر عائد وبقوه ... أريد أن أسألك . من أين عاد النصر..؟ وإلى أين .. استغرب هذه المقوله بصراحه لأن النصر في الماضي كان الهلال مسيطرا عليه والآن مسيطرا عليه ولازال وبإذن الله يستمر الهلال في السيطره قولو أن النصر تطور قليلا مع المدرب كارينيو ولكن لاتقولو أنه عاد فإنه إن عاد لن يتغير شيء فالهلال مسيطرا عليه ماضي وحاضر بالتوفيق للهلال |
أنا أتمنى إن إعلام الاصفر يتغنووون كثيرآ من أجل أن يستفزوا نجوم الملكي ويصفعوهم صفع هههههههههههههههههه .. |
إقتباس:
المعنى الحقيقي لكلمة (( نلعب على كل طاروق )) هههههههههههههههههههههههه يارب نفوووز وناخذ الكاس .. ساعتها نقووول هزمناهم على كل طاروق :smilie47: :ga: |
((كلام منطقي وصحيح يجب استغلال الوقت الحالي لتصحيح الاخطاء والا الخسارة تنتظرنا )) |
الفريق البطل هو من سيحصل على الكاس وبإذن الله هلاليه علينآ الان دعم الاعبين في الدوري اما الشعله والشباب وبعدين نفكر في مباراه النصر في النهائي والهلال متعوود ع البطولات عكس النصر اللي ماتعود عليها والهلال هاذي لعبته اما النصر |
النصر كان عقده الهلال من 1407 وحتى نهايه دوري 1409 فقط وتلك الفتره كان هجوم الهلال يعاني من تواجد الكومبارس الذين يضنون انهم يلعبون في دوري الاحياء وكان النصر يكسب الهلال(1_0) بعدها انتفض مدافعي الهلال وانقذوا كبرياء الزعيم حتى ظهر الاسطوره واصبحت الكفه هلاليه بحتكار شامل و لم يفز النصر على الهلال الا في مباراه ابراهيم العمر واضن النهائي القادم نصراوي اذا استمر المتفرج في هجوم الازرق |
اقول عاد قبل النضرات ولابعدهن طير يابوي مبارات الهلال الذي خسرها قبل ايام للهلال بلنتيين ولم يحسبن ومع مباركة المخرب يس المدرب كمباريه والله يستر على ابو رشيد يقول اللهم من اراد بالهلال سوء فأشغله بنفسه |
ما تدري يمكن هالشي يضر فريقهم اكثر من ينفعه ! قدامنا مباراتين مهمه قبل النهائي لازم نفكر فيهم ونعطيهم حقهم بالتوفيق لهلالنا |
| الوقت المعتمد في المنتدى بتوقيت جرينتش +3.
الوقت الان » 07:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd