مفاوضات نادي ...... لــ ياسر الشهراني !!! بسم الله الرحمن الرحيم جمعه مباركه على الجميع ما اطول عليكم يا اخوان لكن لفت نظري خبر في إحدى الصحف الإلكترونية مفاده أن هناك تحركات اهلاوية جاده وسرية لنقل خدمات اللاعب ياسر الشهراني ليمثل الفريق إعتباراً من الموسم القادم . طبعاً سوف يكون هناك نفي كما هو معتاد من الجانب الأهلاوي مثلما نفت الإدارة مفاوضات اللاعب اسامه هوساوي الموسم الماضي واذكر ان كانت هناك تغريده بإسم احد اعلاميي النادي الأهلي يؤكد فيها انتقال اسامه لفريقه ، وفي نهاية الأمر هاهو يمثل الفريق ويعتبر احد أعمدته الرئيسية وما قصة إحترافه في الدوري البلجيكي إلا كبري لتجاوز حساسية إنتقاله من الزعيم . كل ما أتمناه من إدارة عبدالرحمن بن مساعد ونائبه نواف بن سعد سرعة إنهاء موضوع اللاعب ياسر الشهراني مع إدارة ناديه المؤقته ، حقيقه لا اعلم ان تفاصيل عقد اللاعب مع الزعيم وهل هو عقد ملزم بإنتقال نهائي ام لا بعد فترة إعارته ، كل مايهمنا كــ جمهور هو انتقال اللاعب بشكل نهائي للزعيم فعلاوة على مستواه المميز بشهادة المنافسين نجد فيه نحن الزعماء الحماس والقتالية في اللعب والحرص على إظهار كل مالديه من إمكانيات لتسخيرها للفريق والتي للأسف لاتتوفر في باقي اللاعبين ، فهو يذكرنا بقتالية سامي الجابر ويوسف الثنيان وخالد التيماوي وعبدالله شريده ونواف التمياط . نقطه أخيره : ياإدارتنا العزيزه اوجدنا لكم العذر في التفريط باحمد الفريدي كما اوجدنا لكم العذر نفسه بعدم التعاقد مع اسامه هوساوي مره أخرى رغم سوء دفاعنا ، ولكن لن نبحث لكم عن عذر في التفريط بياسر الشهراني فاللاعب مقنع في مستواه وفي اخلاقه وانضباطيته فلماذا التأخر في سرعة حسم ملف انتقاله !!اود من ادارتنا الابتعاد عن ((شغلة التمطيط)) اللي اصبحت ماركة مسجله بإسم هذا الادارة للأسف . نداء لرئيسنا ابوفيصل ؛ اذا ماخاب ظني ان عدد الاندية المسجله بالاتحاد السعودي لكرة القدم تبلغ 153 نادي ، لو ابعدنا اندية زين الــ 14 يبقى 139 نادي ، معقوله 139 نادي مافيها لاعب سنتر افضل من المرشدي والزوري !!!!! معقوله الــ 139 نادي مافيها لاعب ظهير ايمن افضل من محمد نامي !!!!! لماذا لاتقوم بتوجيه من خدم النادي في سنوات ماضيه بالبحث عن بدائل لهذين المركزين فهناك مدربين وطنيين سبق لهم العمل بالنادي جديرين بالوثوق بهم كـ عبدالعزيز الخالد ، عبدالعزيز العوده ، حسين الحبشي ، عبدالعزيز المنصور ، كذلك الإداري ناصر الأحمد . |
الاهلي كل ما شافوا لاعب هلالي يبونه الله يشغلهم ب انفسهم لا باذن الله ادارتنا تشتري بطاقته .. |
ان شاء الله انه ماراح يلعب لغير الهلال.. واتوقع الاهلي مايبيه لان عندهم منصور الحربي.. |
راح هوساوي والفريدي الا الشهراني ياخوفي يروووح لضعف المفاوض الهلالي |
فهد بن خالد عمره الرياضي القصير عرف اصول اللعبة الا عبدالرحمن بن مساعد وتاريخه الرياضي هو واخوه عبدالله بن مساعد قاعد يعاند ويتصنع المثالية . الهلال ماله الا الاميران اللذان يدرسان الجميع في الوسط الرياضي وهما بندر بن محمد او نواف بن محمد |
والله مع الادارة هدي اتوقع اي شيء.. |
كل شي جااايز؟؟؟؟ اتوقع رحيله اقرب من جلوسه بالهلال ... حطوا هالاحتمال نص عيونكم عشااان ماتنصدمون بالنهايه... تعود على الصدماات قلبي... |
. . أخواني الزعمآء كان بيني وبين الكابتن الخلوق ياسر الشهراني اتصال بعد ماسمعت هالخبر ولكن قال لي بالحرف الواحد أنا أبغى الهلال .. وأكبر دليل على كلامه أنه يبغى الهلال ايام مفاوضات الاتحاد والنصر له ورفض كل العروض واتجه للهلال |
انت في زمن الاحتراف مثل ما يقولوا لك .. أتمنى أن يبقى ياسر الشهراني هلالياً المواسم القادمة |
عني انـا متهيــأ للصدمــــه |
، لن يتحمل الجمهور الهلالي اعذاركم في التفريط بياسر الشهراني فاللاعب مقنع في مستواه وفي اخلاقه وانضباطيته فلماذا التأخر في سرعة حسم ملف انتقاله ماعندك فلوس غيرك عنده افتح المجال |
الاداره ماتبي تدفع وهناك اداراة تدفع فلا تستبعد في اي وقت انك تفقد نجم من نجوم الزعيم وفي المقابل لا تعشم نفسك بنجم من نجوم الفرق الاخرى |
اذا راح ياسر الشهراني فعلى ادارة عبدالرحمن بن مساعد السلام ! خصوصا ان ادراتنا في اكثر من تصريح تقول في ما معناه مافي فلوس وكل شايفين تعاقدات الاهلي لازم تحرك من الان لاينتظرون الموسم ينتهي |
ياسر الشهراني رايح للاهلي وهذا عارفينه من يوم وقع مع ( غرم العمري ) وكيل اعمال اللآعبين وذالك تمهيدا للمفاوضات والسيطرة عليه بشكل واضح .............. خذوها مني |
مابقى إلا هاذي على قولة الفنان ناصر القصبي |
التفريط ب ياسر الشهراني راح يكون القشه اللي قصمت ظهر البعير فما اتوقع ادارتنا متهاونه بموضوع ياسر للدرجه هذي ياسر الآن يعتبر من اهم وأهم اللاعبين في تشكيلة الفريق |
ان شاء الله انه ماراح يلعب لغير الهلال |
إذا تم الاستغناء عنه فهذه أكبر غلطة.. ياااا رب الشهراني هلالي وتريحنا الادارة وتشتري بطاقته |
الصدمات مستمرة اذا معالجة الادارة وغيرت فكرها المفلس كشفت تقارير صحفية مطلعة أن صناع القرار في النادي الأهلي قد بدأوا في رسم خارطة طريق لضم نجم الهلال الحالي المعار إليه ، اللاعب ياسر الشهراني وذلك عقب نهاية فترة إعارته مع الهلال والتي تنتهي بنهاية الموسم الجاري. ويدعم التوجه الأهلاوي في ذلك تألقه اللافت مع الهلال في المباريات التي شارك فيها منذ ارتدائه القميص الأزرق قادما من القادسية وهو التألق الذي جعل منه النجم الأبرز في الفريق الهلالي حاليا. ووفقا للمصادر ذاتها فإن الأهلاويين سيرصدون مبلغا أكبر من المبلغ الذي سيرصده الهلاليون في حال رغب الهلاليون في ضمه بشكل نهائي. |
هههههي الهلال والشهراني والقادسيه والاهلي معادله حلها عند بن مساعد عبدالله وعبدالرحمن وورقة الحل الاستثمار مطلوب ههههههي السنه الجايه الشهراني اهلاوي وغدا .......................الرجال شكله زي ابو خطط مدروسه وتاليتها باي باي هلال |
والله انا بصراحة اتوقــع كل شي هالايام ، مو بعيـــدة كل نجوم الهلال ، يروحون .. حتى مقولة ( عندنا افضل اللاعبين المحليين ) اخشى انها تروح بهالسنة : ( |
هذي بالنسبة لي راح تكووون اخر صدمه لو حصل فعلا كله من طارق كيال بس يتابع الهلال في كل صغيره وكبيره لكن لو انتقل هذا النجم الكبيرر انا اول واحد يطلع من المنتدى واول واحد يقاطع المدرج الازرق .. هذا افضل نجم في الخليج واسيا ومكانه اوروبا مو الاهلي |
الحل لعودة هلالنا هو تفعيل المدرسة عندها ماراح نحتاج أي نادي بل على العكس ممكن نستفيد ببيع لاعبين من المدرسة بمبالغ مجزية كفاية هدر |
إقتباس:
|
مابتكلم عن موضوع الشهراني بس أنا متأكد لو يفكر الهلال عرض المرشدي أو الزوري للإنتقال راح تشوف تنافس عليهم من الأندية الكبيرة وأولها الاهلي والشباب والنصر والإتحاد وجهة نظري المتواضعه المرشدي والزوري افضل بمراحل من سنتر الفتح مدري وش اسمه |
سيقتلنا رئيسنا ببروده ومثاليته |
والله لاتستبعد اي شيء مادام عبدالرحمن بن مساعد موجود فلاتستبعد ان يذهب ياسر الشهراني ...يجب ان نفهم ياهلاليين ان طبيعة ابن مساعد هكذا ..لازم نعرفه زين ..والله هو كذا ..يااما يقول مبلغ لايمكن دفعه ..او الفريق القدساوي يستغلنا ..ومنهالكلام الم تجربوه ..الم نجربه ؟؟ وكثيرا؟؟...!! ..عشان كذا اقول كل شيء متوقع مع ابن مساعد ..بتشوف العجب ..الظاهر انه حالف يطلع الشيب منا ..الله يعجل برحيله ..اعذروني لكن وصل الحال الى ...!! |
إقتباس:
لماذا تدعي عليهم نادينا هو من يفرط بالنجوم لابارك الله بسقف النادي الذي وضعه فقد فتح المجال للأندية تفاوض من تريد من نجوم الهلال وهي تعلم بأن الهلال وسقفه ومثاليته لايتحركون بل ربما انهم يبحثون عن رجيع الأندية اعضاء شرف الهلال تركوه للمثالي وشقيقه وفضلوا الابتعاد والثنائي ربما يكون فكرهم استثماري أو تقشفي |
ان شاءالله يبقى في الزعيم والله اني كنت ناوي اكتب موضوع فيه ولكن مواضيعي كثرت دبلت تسبود الاعضاء اللاعب ماشاءالله راع مجهود وان شاءالله يسوي زي ياسر القحطاني ويرفض عروضهم ويبقى في الهلال واذا توقفت على الفلوس اتمنى ان يعطوننا رقم الحساب البنكي لوالدنا فيصل الشهيل عضو شرف الهلال في الشرقيه وراح ندفع حتى يبقى في الزعيم |
باذن هلالي واللاعب صرح وباين عليه حبه للهلال |
الثقه في الاداره سقطت واتوقع ذهابه اذا صح خبرك فـ الأهلي استفاد من سكوت هذه الاداره وتقمصها دور الضعيف المسكين !! ولا يخفى عليكم ان الوسط الرياضي يحتاج الى اشخاص يدافعون عنك على الدوام اما بالنسبه للزوري والمرشدي الكعبي حضر بمبلغ وقدره وذهب بالمجان ولا اتوقع ان الاداره ستستبدلهم مع تحفظي على نقدك لهم !! شكرا لك وعلى حرصك |
شوي شوي لا حنا تشليح للاندية . يوم مدافع ويوم لا عب وسط ويوم ظهير ويوم حارس شوي شوي لا والله الجمهور متوزع نص اهلاوي ونص اتحادي ونص اتفاقي امــــــــــــا النصر ما ضنه.. |
الشكوى على الله نجيب الكديش ونفرط في النجوم ما ادري وش السبب اللي كنا نراه عند الفقراوية اليوم نشوفه في نادينا |
اللاعب يعشق الهلال وقال انه يبي يعتزل بالهلال يعني مستحيل يطلع من الهلال |
آلآ ياسر الشهراني , هذا اللاعب غيور على الشعار ويحترق في الملعب ثبت نفسه في التشكيله الاساسيه , لاعب يقدم مستويات رائعه أتمنى من الاداره تشتري عقده قبل لانندم , نحن ماصدقنآ تعاقدنا وياه رفض عرض الاتحاد والنصر عسب يلبس شعار الهلال الشهراني يعشق الهلال وبآذن الله بيبقى مع الزعييم |
رئيسنا نايم في العسل ولاهي في صفقة محمد مسعد |
انت في زمن احتراف ان لم تكن ذيب اكلتك الذيابه ونشوف وش تسوي الاداره مع اني عارف النتيجه من الحين . . باي باي |
أيام ما كان الهلال والنصر والاتحاد يفاوضونه قبل موسم او موسم ونصف قال ياسر ما راح العب الا للهلال |
الا الشهرراني حاليا يااسر من افضل اللعيبه راايح جااي من الدفاع للهجوم مافيه لاعب يتحرك زيه ياحبيبي فيررراري ياحبيبي ... |
الله يستر بس هالاعب ان راح صدقني اننا خسر شي ماينتعوض ياخوفي يروح ويجيبون الشهيل وتكمل |
مدري لي متى بنتحمل تخبطات ادارتنا الموقره |
اعوذ بالله من وسوسة الشيطان انا خايف لايكون الوافد الجديد ضمن البيعه (يعني خوذو مسعد وتركو الشهراني لنا ) ترا ربعنا صاروا يخوفون |
اذا راح الشهراني حيلحقوه العابد وعزوز وسالم وحنصفى على نامي والمرشدي والزوري |
إقتباس:
وليش أدارتنا ماتتعمل بنفس الطريقة مع كل نادي يفاوض لاعب من الهلال فاوضو لاعبينهم وادفعو مبالغ عالية عشان يتورطون في التجديد مع لاعبينهم ولكي يبتعدو عن المزايدة علي الزعيم الادارة فن بس ماعندك أحد للاسف |
سلمو المفآوضآآت لفخ‘ـر الهلال ، وبمشيئة الله رآحح يشتري عقد آللآعب كل آلتوفيق يآرب للملكي |
بالتوفيييييق للملكي :ba::ba: .. والله يكتب اللي فيهه الخخخير للهلال.. استغفر الله العظيم واتوب اليهه . . :smilie47: سسبححان الله وبحمده سبحان الله العظيم . . اللهم ارحم المؤمنين والمؤمنات والمسلمين والمسلمات الاحياء منهم والاموات . . . |
اصلا وش مسكت الادارة الآن ليه ما تفاوض القادسيه من الآن وتخلصنا والا لازم تنتظر نهاية الاعاره وتدخل في مزايدات مع بقيه الانديه !!!! |
بالرغم ان الشهراني له سنه مع الهلال لكن حبه للهلال اكبر من حب هوساوي و الفريدي لا تحاتون الشهراني ماراح يروح للاهلي |
مقال جميل وأعجبني فيه النقطة الاخيرة لو كل من خدم النادي احضر لاعب مفيد راح يكون الزعيم مستفيد وفي غنى عن أشباه لاعبين من طقة ناميو ولو كل محب للزعيم من اعضاء المنتدى احضر لاعب مفيد وفنان يكون الزعيم محتاجه ويجد ضالته فيه بس من يوصلهم للادارة ؟؟؟ |
ان شااء الله الشهراني هلالي هو رفض عرض نادي الفقر عشان الهلال لكن ياخوفي ااداره تطنش وماتفاوضه او مايكونون جدين بالمفاوضات يعني مفاوضات تأديه واجب ان شاء الله ياسر هلالي للابد |
إن شاااء الله اللاعب هلالي وما يرووح إذا راح ... على الدنيا السلام ... |
راح هوساوي والفريدي و الشهراني ياخوفي يروووح بسبب السقف الي محددته ادارتنا وكذلك بسبب ضعف المفاوض الهلالي وشغلة المكاسر |
إقتباس:
ايام الهواية وابن النادي راحت الحين احنا في زمن الاحتراف ادفع اكثر يجيك اي لاعب تبيه واللاعب يبحث عن رزقه ورزق عياله |
إدارة فاشلة لو راح الشهراني إذا ماعندها فلوس ترحل و تفكنا حاجة غريبة !!! |
ادارة الوعود الزائفه... هذا الموسم الاستثنائي... عبدالرحمن بن مساعد شكرا لك |
من الان اؤكد ان العرض الاهلاوي راح يكون اقوى ومغري للاعب للاسف الاداره الهلاليه اصبحت غير قادره على جلب اي لاعب يدخل في المنافسه عليه نادي اخر ولا تمتلك اسلبوب الاقناع لاي لاعب وعروضها اصبحت هزيله جدا والسقف المعمول هو من يقع على رؤوس الجماهير بعد كل احباط جديد الامثله كثيره واخرها نيني البرازيلي وتوقيعه للغرافه الحاجه الوحيده الي قد تبغي الشهراني في الهلال هو رغبه اللاعب ولكن مع جشع القدساويه والعرض الاهلاوي المغري قد تجبر اللاعب على الرحيل وهذا حق مشروع للاعب لان في كوره القدم وعالم الاحتراف الشيء الاهم هو المقابل المادي بعيد عن العواطف والميول اخيراً لو كان المفاوض الهلالي قوي والعرض جيد لكان من الاجدر ان يكون الشهراني انتقال وليس اعاره وتريح نفسك وتخرج من معمعه جديده قد تخرجك من المولد بلا حمص وتكون صدمه جديده للجمهور المصدوم ولا استبعد ان يكون قدوم مسعد تمهيد لذهاب الشهراني للاهلي |
للاسف هالاداره ماهمهاا مصلحه الفريق زي همها بالمردود الماالي نقوول يارب يارب بس ان ياسر الشهراني مايروح لاانه فعلا لاعب مؤثر مااشاء الله عليه كاافي تفريط ياا ادااره بن مسااعد خلاص خلو الهلال وين الامير محمد بن فيصل :( :( :( الله على ايامك :( :( يعطيك الف عاافيه اتفق معاك بكلامك كله :) |
اقسم بالله صرت خايف انه جابين مسعد بدل الشهراني لانه مسعد زي الشهراني بلعب في الظهرين الايمن والايسر مع اختلاف المستوى والله لو سوها الطحالب وخذو الشهراني مصيبة بس زي ما حسن النقور جابة للهلال وصمم علية خلة ينقلة للزعيم على طول |
إقتباس:
|
ياسر الشهراني رايح للاهلي وهذا عارفينه من يوم وقع مع ( غرم العمري ) وكيل اعمال اللآعبين وذالك تمهيدا للمفاوضات والسيطرة عليه بشكل واضح .............. خذوها مني |
الوقت المعتمد في المنتدى بتوقيت جرينتش +3.
الوقت الان » 04:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd