اصلا التشكيله خطا ونزول نامي خطا

مدرب فاشل ولا جايب منقان ياهله عندنا توه جاي من اصابه يوم بدا يستعيد عافيته باعه

الاداره هي السبب

حبيب قلبي أحمـد 999
حالياً ما ينفـع الا بأن نكون يداً واحـده .. ولسآآ بدري ع الكلام هاذا
وتقيـيـم الأمـور من الآن .. ان شاء الله اللاعبين قادرين ع التعويض
بالقآآدم .. بدعم الجميع .. واولهم انت يالغاليـ ..
الإدارة كانت مميزة بالسابق والآن اخطئت لابد بأن نقييس الكفتيـن
أذا اخطئت سنة او سنتين فهـي نجحت ثلاث سنوات وهااكذا ..



اخوي انت تتابع المباريات زين والا لا
مشكلتنا مو في الاعبين
الاعبين ماقصروا وهذا هو مستواهم
هذه مشكلة الاداره اللي ماجلبت لاعبين محليين على مستوى ولا مدرب بحجم الهلال
جايب لي مدرب مفلس ولعب فينا بتخبطاته
الاعبين سوو اللي عليهم شوف المدرب وتغيراته وتخبطاته هي اللي بهذلت الفريق وسكوت الاداره خلته يتمادى
تجي وتقولي ندعم وش ندعم واللي يرحم والديك
ثاني شيء الاداره ماقصرت في فتره سابقه بس ليش مابقت على عطاها نفي تلك الفتره
ليش صارت تتخبط بجلب مدربين وبعض الاجانب سيين
اخوي احنا مانا في تقييم او تصويت عشان تقول نقييس على الكفتين
يعني عشانها نجحت في ثلاث سنوات نسكت على مهزلة سنه وسنتين
اخوي الهلال ماهو في محل او مكان مقارنه اومزايده عليه
نرضى بتدهور مستواه عشان الاداره في سنوات مضت ماقصرت
اخوي الهلال ماهو للاداره وماهو حق احد عشان نسكت على اخطاءه
ماقصرت في فتره سابقه على عيني وراسي بس مو معناته نترك الهلال يضيع عشان تلك الفتره
الهلال مو حقل تجارب مدربين او كبش فدا للاداره وعملها السابق
اخوي ترى كلامك يزيدنا غبن فياليت تقول خير وشيء في مصلحة الهلال اولا مو في مصلحة الاداره او اترك الردود الغريبه مثل تخبطات المدرب وسياسته الغريبه

هذا هو الكلام الصح

مشكور يا صاحب الموضوع

بعض الجماهير غوغائية ماسلمنا منهم لما يفوز الفريق و لا حتى في حالة الهزيمة

و الله العظيم كرهونا في النقد من كثر ما ينقدوا كل شي

لو كان فيه دعم كامل للاعبين و المدرب و الادارة من بداية الموسم والله العظيم النتايج بتكون غير لكن للاسف ؟!

مرحباً فيك اخوي محمـد 1424
اكيـد راح تسمـع في كل موسم هالكلام .. ولا بد من تقبـله منك او منيـ او ايت احـد ..
مثل ماتسمـع التبريكااات وتشوفـ الاهداءات بالمنتدى ..آلـخ .. ونجي وننبســــــــط
ونمدح اكيد راح تسمع هاردلك او اخطاء او غيره وبرضوا لازم نتنااقش وندعــــم

وياازيـن الاجازة هالوقت من الدوام .. ااذا عندكـ نووم الله يستـر عليك او مدرسـه ..
وشاكر مروركـ

إقتباس الرسالة الأصلية كتبت بواسطة CAFU هلا اخـوي الوليـد .. اكيـد اغلب المحترفين أو 80% راح يفضلون الدوريات الآخـرى عن الدوري السعودي وذلك الاجواء والمنآآخ الي هنآآك .. وانت عاارفـ الآسبآآب ومايحتاج اذكرهـآآآ وأعيدهآآ ويكفيـ نظآآم الاحترافـ مطبق بالشكل السليـم هنآآكـ .. وأولهـم اللاعب مريـل رادوي .. ترك الدوري وذهب الامارات وهنآآآك مرتااح وخرج وقآآل هاذا الكلام الاجواء هنآآ مختلفة عن الدوري السعودي .. والشئ الآخـر ترا الدعـم ليس كمآآ كان بالسآبـق .. والرئيس قالهاا لا استطيـع ترك الرئاسة وعليـه ديــــــــــــــون .. ولا استطيـع بأن الومـه بأن يدفـع لوحـدة هاذي المبالغ .. بالعقل حنآآ هناا نقول جب هااذا وخل هاذا وما نعرف كم مزانية الهلال ومين دفع ومين مادفع

الحين الهلال عليه ديون بالله مو عشان السياسه الخطا
مدرب ولاعبين بتلك الملايين وهم مايستحقونها
ابيك تقولي اخوي كيف سياستنا مع شركة موبايلي اللي من صارت الراعي الرسمي للهلال وهي تطلع مليارات تفوق الوصف اين حق الهلال
اخوي سياسة الاداره واضح لاتتحج عنهم سياسه اقتصاديه في المقام الاول
وماشاءالله عليك اخوي واقف انت على الشرفيين وتعرف مين اللي دعم ومين اللي مادعم
اخوي الهلال معروف بشرفيينه المخلصيين في كل احواله وهم اكبر داعم لكيان الهلال
فلاتتكلم عن مايخصهم وكأنك تجزم بان ماحد يدفع الا الامير
هذا مو عذر وكلامك غير منطقي ابدا لحال الهلال
وعذرك وعذر الامير غير مقبول

دعم اللاعبين فقط .. فقط .. فقط



تذكروا كلآمي و بععد الدوري أذكركم .. ملامح الدوري .! هلآآآليـهه

هلالنا وإدارته
(( لن تسير وحدها أبداً ))

الله يعطيك العافيه
تسلم أناملك على ما كتبته !

إقتباس الرسالة الأصلية كتبت بواسطة سلطان العودة هلالنا وإدارته (( لن تسير وحدها أبداً )) الله يعطيك العافيه تسلم أناملك على ما كتبته !

مع احترامي لشخصك وللإشراف

اكثر ما ساعد على استمرار الأخطاء الإدارية تسخير منتدى جماهير الهلال لدعم الإدارة بدون نقد حقيقي وصادق لتصحيح الأخطاء.

هااارد لك ع التعااادل ... السيناريو يتكرر مع الإتفاق ومع الفتح ...

بإختصاار

مدام هذا المدرب موجود ... إنسوا البطولات ... أو حتى المراكز الثلاثه الأولى ...

كلن يطقطق علينا

لا حول ولا قوة الا بالله ...

ادارة فاشله...تشيل عمر الغامدي، المؤشر، شافي،رضوان الموسى!!!
وتترك لنا الزوري، المرشدي، الغنام، نامي!!!
استقاله الادارة اصبح مطلب الجمهور الرئيسي... اكثر من كذا ماشفنا.. عبث بالنادي، استهتار بسمعه وتاريخ الهلال

إقتباس الرسالة الأصلية كتبت بواسطة دراسة جدوي مراحب انتقادنا للاعبين والمدرب وبشكل خاص للادارة ليس بالضرورة يكون تجريح & ومن يمتطي افضل جواد يتحمل النقد اذا كان مكانة في غير المقدمة الفوز والخسارة في عرف الهلالين كجمهور غير مقبولة وغير مبررة لاننا نختلف عن الاخرين فالزعيم غير والمنافس مع احترامي اقل امكانيات من فريقي ليش اخسر امامة الخلل واضح وقديم جدا في دفاعات الفريق حتي بوجود هوساوي المنتقل والادارة عاجزة عن ايجاد حلول !! وين تتصرف هاذي !! من قل مستواة يحاسب من لم يطور مستواة يحاسب من يشكل عبء علي الفريق يحاسب من لايشاهد مايحصل وساكت يحاسب الكيان ملك للجماهير ومن لايستطيع خدمة وحفظ هيبة الزعيم فليرحل

هذا الكلام اللي يليق .... بالهلال والهلاليين

تصدق وأنا اقرأ ردك تذكرت مباراة الهلال والترجي وهدف الثنيان

كــــــــــفــــــــــــــــيــــــــــــــت ووفــــــــــــــــــــيـــــــــــــــــت

صحيت من النوم قلت ابشيك النت .... الشباب ما قصروا

إقتباس لأن بااقيـ ( 9 ) جولات بالدوري ولازال باااقيـ ( أمـل ) وكبيـر بـ دوري زيـن .. ولم ينتهـي بعـد ويوجد بطولة ( كأس ولي العهـد ) ( والآسيويـة ) ..

صراحة المؤمن لايلدغ من جحر مرتين

فكونا ... من ثلاث مواسم والاسطوانة تتكرر للاسف

ادعموا ..
ثم .. وعود كل نهاية كل موسم ... ( اذا حدث كذب ، واذا وعد اخلف)

24 مدرب ما صفينا الا على عاطل

طيب التعاون و نجران والنصر من وين جابوا هالمدربين المتميزين .. لا وبلاش

خلاص يجب ان نقول الادارة ما قصرت وفت وكفت .. يجب تجديد الدماء

عطني مستشار فني واحد تستشيره الادارة ... كل من في الادارة لم يمارسوا العمل في كرة القدم

الرجاء

التوقف عن مثل هذه المواضيع التي صارت عادة في الاستخفاف بعقول الجماهير

والتي بدورها تزيد في تمادي الادارة في مجانبتها للصواب والاستمرار في العمل العشوائي

المحلليين الفنيين والخبراء الرياضين قدموا للادارة النصائح ...

وآخرهم المدرب عبدالعزيز الخالد ما قاله اليوم : تعادل الاتفاق لان الهلال يلعب بدون مدرب

وفضيحة تصرايح مدرب الاتفاق بقول : اعطيت الهلال اكثر مما يستحق في الشوط الاول

(مدرب متمسك بمدافعه االي جابها منجان ثم يتنازل عنه بسهوله ثم يقول الهلال لايحتاج مدافع ..

كيف لادارة -تعد نفسها تعمل باحترافيه - ان تسلمه الخيط والمخيط بكل شيء


ولكن ما اريكم الا ما ارى