هذا التقرير سويته بناء على مراقبتي لنادي الريان في عدة مبارايات (ام صلال - قطر - الجيش) فازوا في كل المبارايات ما عدا مبارات الجيش خسروا ١-٠ ولكنهم هم من سيطروا
اول شي تعريف على اللاعبين الاساسين اللي واضح انهم مجموعه متجانسه جدا يلعبون مع بعض وما تغير فيهم احد تقريبا من الموسم الماضي واغلبية اللاعبين يلعبون مع بعض من ٢٠١٠
اول شي انا سويت مراقبة لجميع لاعبينهم واحد واحد من الحارس الى راس الحربة والتشكيلات اللي يلعبون فيها
التشكيلة اللي عادة يبدأون فيها واللي كل مباراياتهم بدأوا فيها هي ٤-٣-٢-١
وهي
(عمر باري30)
(عبدالله علوي) (بوردون) (موسى هارون) (حامد اسماعيل)
(تشو يونغ هيونغ) (يونس علي) (دانيال غوما)
(فابيو سيزار) (رودريغو تاباتا)
(نيلمار)
وابي اشرح لاعب لاعب بس اتمنى من الكل يعلق علشان يشوفون المشرفين الموضوع واتمنى يثبتونه لان مجهودي وعشقي للزعيم خلاني اسوي بحث كامل على اللاعبين اللي مالهم معلومات اصلا واتحدى اي احد يطلع المعلومات هاذي عن هذولا اللاعبين واذا قدر ابي اشجع النصر >>>>امزح امزح ما وصلت لذي الدرجة ههههههه
طيب نبدأ مع الظهير الايسر السريع (عبدالله العلوي) واللذي يجيد الهجوم والدفاع ولكن لاحظت انه يندفع ببداية المباراة وبعدين يفقد لياقته ويستبدله المدرب في كل المبارايات وهذا اللاعب بالذات ما قدرت اجمع عنه معلومات زينة له ولكنه ظهير ايسر ليس من اللزوم ان اتابعه وهو لاعب جديد في النادي.
بدون صورة
طيب ننتقل للمدافع الايمن الكبير الايطالي بودورن هذا لاعب كبير لعب بالبوندوسليجا مع الفريق الكبير شالكه وله تاريخ كبير وخبرة صاحب 37 سنة ويمتاز بالطول والقوة الجسمانية ومهما كتبت عنه يظل انه كان لاعب سابق في شالكه اكبر دليل على ثقله وقيمته الفنية.
ونروح للمدافع الايسر موسى هارون لاعب مغمور من وجهة نظري يجيد الادوار الدفاعية بشكل ضعيف ولكن بودورن مغطي على كل اخطائه اضافة الى ان النادي القطري يلعب بــ 3 محاور عادة لذا فقليلة الكور اللي من جهته وهو لاعب جديد بالنادي القطري.
والحين ننتقل للظهير الايمن حامد اسماعيل لاعب كبير في خانة الظهير الايمن يمتاز بالتسديدات الصاروخية بالقدمين ولكن يعاب عليه بطأ حركته وانه يترك منطقته فارغة لوقت طويل ولكن اللاعب الغيني يغطي منطقته في تقدماته.
ونروح الحين للاعب المحور الكوري الدولي تشو يونغ هيونغ هذا لاعب نشيط جدا وصاحب تمريرات دقيقة ويغطي المناطق الدفاعية بشكل ممتاز وسريع ويحرك اللعب بشكل رائع وكان يلعب بنفس نادي يو بيونج سو يعني يعرفون بعض واللاعب يبلغ من العمر ٢٩ سنة
ونروح للاعب المحور القطري اللذي اعتبره نقطة ضعف الفريق فهو لاعب ثقيل ولا يجيد التمرير وكثير الاخطاء وهو يونس علي وهو كبير بالسن عمره ٣٠ سنة
والمحور الاخير الدولي اللذي يعد محور هجومي وهو اللاعب الغيني السريع وصاحب التسديدات والتمريرات الممتازة هو دانيال غوما لكنه كثير الاصابات لذا ان شاء الله تجيه اصابه ونفتك منه بصراحه مزعج
والآن ننتقل للاعب الوسط المخضرم الاشول الخطير اللذي يسجل الفاولات وهو فابيو سيزار وهو احد اهم عناصر الفريق مع رودريغو تاباتا ونيلمار فهؤلاء المثلث الخطير بينهم تفاهم لانهم كلهم برازيلين مع ان فابيو يلعب بمنتخب قطر بس برازيلي ههههههه اللهم لا شماته بس والله لاعب كبيييير وينحط علجرح وعليه تمريرات انت وظميرك.
والان نروح لافضل لاعب بالدوري القطري صاحب المهارات العالية والتمريرات الدقيقة واللاعب البرازيلي الممتع وصاحب الفاولات الخطيرة واحد افضل اللاعبين المحترفين في اسيا رودريغو تباتا واتوقع اغلبيتكم يعرفه زين وهو لاعب مكمل لفابيو لان هذاك يسجل الفاولات اللي من اليمين وهذا من الفاولات اللي يسار هذاك يرفع الركنيات اللي يمين وهذا يرفع اللي يسار وبينهم تفاهم وتجانس مع نيلمار بصراحة مثلث مرعب
والاخير المهاجم الغني عن التعريف نيلمار دا سيلفا المهاجم القادم من الدوري الاسباني تحديدا من اكثر اندية اسبانيا اللتي لها صولات وجولات وهو النادي فياريال وهو طلع بصفقة ضخمة للريان وانا اعتبره افضل مهاجم بالدوري القطري لسرعته ومهارته وتفاهمه مع اللاعبين فابيو ورودريغو
والآن نروح لاهم ٣ بدلاء وهم
البديل الهداف اللي يدخل بدال لاعب محور في المبارايات الهجومية وهو جار الله المري رقم ٢٠ لاعب لا يملك مهارات لكن لديه حس تهديفي يسجل باقدامه وبراسه ولكنه بديل ناجح يدخل من الدقيقة ٥٠-٦٠ ويساند نلمار كثير
.jpg)
واللاعب الشاب الثاني اللي يلعب وسط يمين وهو لاعب شاب ومقاتل وعنده طموح كبير ودايم يدخل بدال لاعب محور وهو سياف محسن الكربي رقم ١٨
واللاعب الجوكر الدولي وهو اللي يلعب ظهير ايسر او محور او وسط ايسر هو اللاعب الطموح والشاب رقم ٤
والفريق لديه ميزات اهمها الثلاثي الخطيييييييييير الخطييييييييير وبتشوفون مباراة الهلال والريان صحة كلامي وهم فابيو سيزار ورودريغو تباتا ونيلمار دا سيلفا
بصراحة ثلاثي خطير ودائما ما يتقدم احد المحورين الهجوميين ويساندانهم وهم اللاعب الكوري واللاعب الغيني
بصراحة فيق منظم ويلعب بهاذي التشكيلات والتشكيلة الاساسية وهي ٤-٣-٢-١ والتشكيلتين اللي في حالة ضعف الخصم او الهجوم القوي ٤-٢-٣-١ او ٤-٢-٢-٢
واتمنى تثبيت الموضوع لاهميته او ان يحظى بعدد كبير من التعليقات
كان معاكم الشخص اللذي يهوى التدريب والمراقبة والتحليل واللذي يتمنى ان يصبح مدرب ولكن كلها احلام
11Likes
الوضع العادي
