تقرير عن نادي الريان القطري
 

هذا التقرير سويته بناء على مراقبتي لنادي الريان في عدة مبارايات (ام صلال - قطر - الجيش) فازوا في كل المبارايات ما عدا مبارات الجيش خسروا ١-٠ ولكنهم هم من سيطروا

اول شي تعريف على اللاعبين الاساسين اللي واضح انهم مجموعه متجانسه جدا يلعبون مع بعض وما تغير فيهم احد تقريبا من الموسم الماضي واغلبية اللاعبين يلعبون مع بعض من ٢٠١٠

اول شي انا سويت مراقبة لجميع لاعبينهم واحد واحد من الحارس الى راس الحربة والتشكيلات اللي يلعبون فيها

التشكيلة اللي عادة يبدأون فيها واللي كل مباراياتهم بدأوا فيها هي ٤-٣-٢-١

وهي
(عمر باري30)
(عبدالله علوي) (بوردون) (موسى هارون) (حامد اسماعيل)

(تشو يونغ هيونغ) (يونس علي) (دانيال غوما)

(فابيو سيزار) (رودريغو تاباتا)
(نيلمار)

وابي اشرح لاعب لاعب بس اتمنى من الكل يعلق علشان يشوفون المشرفين الموضوع واتمنى يثبتونه لان مجهودي وعشقي للزعيم خلاني اسوي بحث كامل على اللاعبين اللي مالهم معلومات اصلا واتحدى اي احد يطلع المعلومات هاذي عن هذولا اللاعبين واذا قدر ابي اشجع النصر >>>>امزح امزح ما وصلت لذي الدرجة ههههههه

طيب نبدأ مع الظهير الايسر السريع (عبدالله العلوي) واللذي يجيد الهجوم والدفاع ولكن لاحظت انه يندفع ببداية المباراة وبعدين يفقد لياقته ويستبدله المدرب في كل المبارايات وهذا اللاعب بالذات ما قدرت اجمع عنه معلومات زينة له ولكنه ظهير ايسر ليس من اللزوم ان اتابعه وهو لاعب جديد في النادي.

بدون صورة

طيب ننتقل للمدافع الايمن الكبير الايطالي بودورن هذا لاعب كبير لعب بالبوندوسليجا مع الفريق الكبير شالكه وله تاريخ كبير وخبرة صاحب 37 سنة ويمتاز بالطول والقوة الجسمانية ومهما كتبت عنه يظل انه كان لاعب سابق في شالكه اكبر دليل على ثقله وقيمته الفنية.

http://i.kooora.com/?i=schalke%2f303.jpg

ونروح للمدافع الايسر موسى هارون لاعب مغمور من وجهة نظري يجيد الادوار الدفاعية بشكل ضعيف ولكن بودورن مغطي على كل اخطائه اضافة الى ان النادي القطري يلعب بــ 3 محاور عادة لذا فقليلة الكور اللي من جهته وهو لاعب جديد بالنادي القطري.

http://sports.al-sharq.com/pictures/main/U7690OUYR.jpg

والحين ننتقل للظهير الايمن حامد اسماعيل لاعب كبير في خانة الظهير الايمن يمتاز بالتسديدات الصاروخية بالقدمين ولكن يعاب عليه بطأ حركته وانه يترك منطقته فارغة لوقت طويل ولكن اللاعب الغيني يغطي منطقته في تقدماته.

http://sports.al-sharq.com/pictures/...med-as,ail.jpg

ونروح الحين للاعب المحور الكوري الدولي تشو يونغ هيونغ هذا لاعب نشيط جدا وصاحب تمريرات دقيقة ويغطي المناطق الدفاعية بشكل ممتاز وسريع ويحرك اللعب بشكل رائع وكان يلعب بنفس نادي يو بيونج سو يعني يعرفون بعض واللاعب يبلغ من العمر ٢٩ سنة

http://i.kooora.com/?i=world_cup2010...ong+hyung1.jpg

ونروح للاعب المحور القطري اللذي اعتبره نقطة ضعف الفريق فهو لاعب ثقيل ولا يجيد التمرير وكثير الاخطاء وهو يونس علي وهو كبير بالسن عمره ٣٠ سنة

http://i.kooora.com/?i=players%2fqat...younus_ali.jpg

والمحور الاخير الدولي اللذي يعد محور هجومي وهو اللاعب الغيني السريع وصاحب التسديدات والتمريرات الممتازة هو دانيال غوما لكنه كثير الاصابات لذا ان شاء الله تجيه اصابه ونفتك منه بصراحه مزعج

http://www.qsl.com.qa/uploadArimages...c/newsB729.jpg

والآن ننتقل للاعب الوسط المخضرم الاشول الخطير اللذي يسجل الفاولات وهو فابيو سيزار وهو احد اهم عناصر الفريق مع رودريغو تاباتا ونيلمار فهؤلاء المثلث الخطير بينهم تفاهم لانهم كلهم برازيلين مع ان فابيو يلعب بمنتخب قطر بس برازيلي ههههههه اللهم لا شماته بس والله لاعب كبيييير وينحط علجرح وعليه تمريرات انت وظميرك.

http://www.akhbaralarab.net/images/s...abio_cesar.jpg

والان نروح لافضل لاعب بالدوري القطري صاحب المهارات العالية والتمريرات الدقيقة واللاعب البرازيلي الممتع وصاحب الفاولات الخطيرة واحد افضل اللاعبين المحترفين في اسيا رودريغو تباتا واتوقع اغلبيتكم يعرفه زين وهو لاعب مكمل لفابيو لان هذاك يسجل الفاولات اللي من اليمين وهذا من الفاولات اللي يسار هذاك يرفع الركنيات اللي يمين وهذا يرفع اللي يسار وبينهم تفاهم وتجانس مع نيلمار بصراحة مثلث مرعب

http://superkoora.com/images/1337025009tabata.jpg

والاخير المهاجم الغني عن التعريف نيلمار دا سيلفا المهاجم القادم من الدوري الاسباني تحديدا من اكثر اندية اسبانيا اللتي لها صولات وجولات وهو النادي فياريال وهو طلع بصفقة ضخمة للريان وانا اعتبره افضل مهاجم بالدوري القطري لسرعته ومهارته وتفاهمه مع اللاعبين فابيو ورودريغو

http://imagecache.te3p.com/imgcache/...063b1ebaf6.jpg

والآن نروح لاهم ٣ بدلاء وهم

البديل الهداف اللي يدخل بدال لاعب محور في المبارايات الهجومية وهو جار الله المري رقم ٢٠ لاعب لا يملك مهارات لكن لديه حس تهديفي يسجل باقدامه وبراسه ولكنه بديل ناجح يدخل من الدقيقة ٥٠-٦٠ ويساند نلمار كثير

http://i.kooora.com/?i=01a%2f30+(215+x+250).jpg

واللاعب الشاب الثاني اللي يلعب وسط يمين وهو لاعب شاب ومقاتل وعنده طموح كبير ودايم يدخل بدال لاعب محور وهو سياف محسن الكربي رقم ١٨

http://www.ahdaafonline.com/arabic/w...8%A8%D9%8A.jpg

واللاعب الجوكر الدولي وهو اللي يلعب ظهير ايسر او محور او وسط ايسر هو اللاعب الطموح والشاب رقم ٤

http://d.yimg.com/i/ng/sp/reuters/20...2011181612.jpg

والفريق لديه ميزات اهمها الثلاثي الخطيييييييييير الخطييييييييير وبتشوفون مباراة الهلال والريان صحة كلامي وهم فابيو سيزار ورودريغو تباتا ونيلمار دا سيلفا

بصراحة ثلاثي خطير ودائما ما يتقدم احد المحورين الهجوميين ويساندانهم وهم اللاعب الكوري واللاعب الغيني

بصراحة فيق منظم ويلعب بهاذي التشكيلات والتشكيلة الاساسية وهي ٤-٣-٢-١ والتشكيلتين اللي في حالة ضعف الخصم او الهجوم القوي ٤-٢-٣-١ او ٤-٢-٢-٢


واتمنى تثبيت الموضوع لاهميته او ان يحظى بعدد كبير من التعليقات
كان معاكم الشخص اللذي يهوى التدريب والمراقبة والتحليل واللذي يتمنى ان يصبح مدرب ولكن كلها احلام :(

مسـاء الخير ,

معـــلومـات قيمة جدًَا , تشكر عليه بكل أمانة

واضح أنك فعلاً متابع لـ الفريق القطري وهذا يدل على حرصكـ وحبك لـ الزعيم ...,


ألف شكر لكـ ولـ موضوعك وطرحك الجميل ...,,

الموضوع اجتهدت عليه اتمنى ان يلقى احسانكم وتعليقاتكم ومشاهداتكم

الاندية القطرية والاماراتية دفيعه وجيبون لاعبيين اجانب مميزين
والاندية الصينيه لحقت الانديه الاماراتية والقطرية بالدفع بل صار يدفعون اكثر منهم
والاندية الكورية واليابانية متطورة اكثر منا بعناصرهم المحليه


اما نحن الواقع لايبشر بخير

موضوع جميل ومفيد جدا ومعلومات مهمه

أشكرك على مجهووودك الكبير والرااائع

اهم شيء الكوري بيونغ سو يعلمنا شيء على ولد عمه المحور:d:naughty:
وبالتوفيق للملكي :smilie47:

االله يعطيك العافيه وان شاالله مارح يكون فريق صعب ع الهلال((االله يوفق فريقنا ب الاسيويه)).

اخطر لاعبين في فريق الريان

محليين : جار الله المري .. حامد اسماعيل .. فابيو سيزز ...

اجانب : تباتا صراحه هذا كنت اتمنى اشوفه بشعار الهلال ...

الله يكتب الخير للملكي ...
يعطيك العافيه ع المجهود المميز ...

اتفق مععع‘ـآكك أخوي بس الفريق يعتمد كليآ على آلآجآنب في كل شي

الحرس من تاباتا وفابيو يجيد الكورات الثابتهه

انا بالنسسبه لي متشائمم مع هالمدرب كومباريهه خصوصا ان مجموعة الهلال قويةة

ماقول الآ الله يسستر

يارجااااااال الريااان ماعندهم سالفتن ابد

والله غير انصقعهم رااايح جااااي

انت خف من العين والفريق الايراني

ولا الريااان ماااعندك احد :yes::s2:

الله يعطيك الف عافيه على مجهودك ..
فريق اشوفه قوي ومانستهين فيه بالمجموعه ..
بس را يطلعون احد الاجانب ..
وخلونا نستبعد تاباتا ونيلمار واللاعب الكوري ..
بتكون بين المدافع واللاعب المحور واقرب ماله اتوقع المحور !!

الله يكتب اللي فيه الخير للزعيم ..
وان شاء الله نتاهل مع هالاوضاع اللي حاليا ماتسر الاغلبيه من الجماهير واللي نطمح له لهلالنا ..

بالتوفيق للملكي ،،

بقطر يعطون اللاعب جواز قطري ويمشي وضعه كلاعب محلي

بصراحه اتمنى يسونها عندنا لخويا ماعندهم الى لاعبين قطريين والباقي اجانب بس يعطونهم جواز وبطاقة دولية على اساس انهم قطرين

جار الله المري دايم احتياط ويدخل الشوط الثاني