| إقتباس | | | | |
الرسالة الأصلية كتبت بواسطة alwaleed511 | | | | | | | | ارحب فيك اخوي وحبيت اقولك احنا اقصد اغلبنا بالمجتمع السعودي ماخربنا الا المجاملات وماخرب دورينا وماخرب المنتخب الا المجاملات ياخي وش بيضر الواحد لو شاف خطا من غيره ويخبره بخطاه ولا بس عشانه امير او عشانه مسؤوال كبير توقفون معه شف وانا اخوك الجمهور مايتكلم الا من حرقه للنادي وللمنخب واذا بتتكلم عن ابن مساعد كلامك اللي قلته شي طبيعي وتحصل بالاندية الكبيره بس احنا نشوف السبب اللي يخلي اللاعب مايرتاح بالنادي هذا اول شي ثاني شي فكرة ان عبد الرحمن بن مساعد استثماري فهو فعلا استثماري والدليل نيفيز بعد مانجحت معه وجاه عرض عجبه الوضع وجاب لنا احمد علي ومين هذا احمد علي ماكان بارز بالدوري المصري هو جابه يبي يستفيد زي ما ستفاد قبل نادي الهلال مو للتجارب واستثمار ماخبرنا الهلال بالمستويات هذه وماخبرنا الهلال الا بنجوم كبار ويفيدون الفريق مو نجيب لاعب ماعنده خلفيه عن الكورة ونغصب انفسنا ونجامل بعضنا ونقول هذا فنان مثل الكوري الموجود حاليا واللاعب سيئ بدرجه عاليه | | | | | |
| إقتباس | | | | |
الرسالة الأصلية كتبت بواسطة alwaleed511 | | | | | | | | وعموما اخوي كل واحد له وجهة نظر بالموضوع انت بنظرك ان ابن مساعد مو استثماري وغيرك يشوفه العكس على فكرة ماتعودنا الكلام والصفقات هذه برئاسة محمد بن فيصل فهو فعلا رئيس بمعنى الكلمه من ناحيه الصفقات الاجانب والمدربين واخير واكرر تبقى وجهات نظر وشكرا لك | | | | | |
خلني طال عمرك أخذ موضوعك نقطة نقطة لأجل أن يستوعب المشاهد :
1. قلت ( اقولك احنا اقصد اغلبنا بالمجتمع السعودي ماخربنا الا المجاملات وماخرب دورينا وماخرب المنتخب الا المجاملات ياخي وش بيضر الواحد لو شاف خطا من غيره ويخبره بخطاه ولا بس عشانه امير او عشانه مسؤوال كبير توقفون معه) مع احترامي لك ( هذا كلام عام إنشائي ممكن أي واحد يقوله ! لكن وين تشخيص المشكلة في مسألة الإحترام والتقدير اللي حضرتك تسميها مجاملات ( مع العلم إن المجاملات ماهي جريمة فادحة بل أحيانا تكون مطلوبة ) لكن الأهم ماتكون على حساب المصلحة وأنت ماحددت المصلحة التي على حسابها حصلت هالمجاملات ..
2. قلت ( احنا نشوف السبب اللي يخلي اللاعب مايرتاح بالنادي هذا اول شي ثاني شي ) الحين انت تقول ثاني شي !! خلنا نفهم أول شي قبل ثاني شي !! تقول احنا نشوف السبب اللي يخلي اللاعب مايرتاح النادي .. بس المشكلة انك ماذكرت السبب ؟؟ وش هالشي اللي خفي على الجميع وظهرلك ؟؟؟
نبغى نفهم وش السبب اللي يخلي اللاعب مايرتاح ؟؟ ونبغى حقائق وتفنيد وتفصيل لعدم الارتياح مو مجرد كلام مجمل وعام من غير تحديد !!!
3.قلت : ( والدليل نيفيز بعد مانجحت معه وجاه عرض عجبه الوضع وجاب لنا احمد علي ومين هذا احمد علي ماكان بارز بالدوري المصري هو جابه يبي يستفيد زي ما ستفاد قبل نادي الهلال ) سألتك بالله أنت ماتدري إن نيفيز مايبغى اللعب بالسعودية ولايرغب بالعودة إليها ؟؟؟ إن قلت ماأدري فهي مصيبة إنك كاتب بالمنتدى ومو عارف شي عن وضع لعيبة الهلال !! وإن قلت إلا أدري فالمصيبة أعظم ! كيف تستدل بشي أنت تعرف أسباب وحيثيات الشي هذا ؟؟؟ واحد يقولك بالصوت العالي : ياأخي ماأبغاااااااااااااكم !! يعني تتوقع رئيس النادي بعد ماعرف إن اللاعب مايبغى النادي ومو ( مرتااااااااااااح نهائياً ولا يرررررغب بالعودة للسعودية ) هل تتوقع إنه رئيس النادي ياخذها بعنجهية ومكابرة ويستفرد عضلاته ويقول لا يانيفيز تجي غصبن عليك وعلى البرازيل ؟؟؟ يعني الله يرضى عليك ترى الكلام له أبعاد وعندك هنا ناس من المتابعين على مستوى عالي من التفكير.. ومتاابعين بشكل دقيق لأحوال النادي.. فإذا تبغى تستدل بشي استدل بشي معقول الله يسلمك .. لكن إنك تقول أن الامير عبدالرحمن بن مساعد يوم نجح معه العرض عجبه الوضع !!! فطبيعي ياأخي إنه راح يعجبه الوضع وأصلن أي أنسان عاقل راح يعجبه الوضع .. يعني على سبيل المثال : أنت شخصيا لو جاك أي عامل تحت كفالتك وكانت عنده مشاكل أسرية واجتماعية ، وأنت ماعندك وقت عشان تدخل بدوامة مشاكل معه.. وسبب لك معاناة وتشتيت برنامجك وتنظيمك الإجتماعي في حياتك .. وتأكدت إنه ماراح ينتج لك شي ..وجاك عرض أفضل ومربح بشراء كفالته ..بالله ماراح تفرح ويعجبك الوضع ؟؟ شي طبيعي راح تفرح ويعجبك الوضع بل وتتمنى اليوم اللي يفارقك فيه .. فالحمدلله إن جاك عرض ماخسرك إلا شي بسيط او مقارب ومساوي فالفكة منه أبرك ..وان جاك عرض مربح فنور على نور.. وياليت كل أجانب الهلال أذا انتهت مدتهم إنهم يربحوا النادي ببيع عقودهم بشكل أفضل من قيمة شراء عقودهم لأن المردود المالي بالتالي المستفيد منها نادي الهلال ...لكن !! مسألة ربط نيفيز بأحمد علي ! فأتوقع مافيه أي ارتباط بينهم نهااااااائياً ... أحمد علي يوم يجي كان بتوصية من الكابتن والمدرب سامي الجابر وعلى العموم ماخسروا فيه شي يذكر وكانت مجرد تجربة مدتها كانت 6 أشهر ( استعاروه من ناديه وجربوه ولا أعجبهم وبعدها سرحوه ) فوين المشكلة ؟؟؟ وبعدين موضوع احمد علي مااستفادت منه شي الإدارة .. وبالعكس موضوع أحمد علي يعزز ويؤكد موضوع الأخ العضو .. فما أدري أنت ذكرت موضوع احمد علي لأجل أن ترد على صاحب الموضوع أو تؤيده ؟؟؟
4. قلت ( وماخبرنا الهلال الا بنجوم كبار ويفيدون الفريق مو نجيب لاعب ماعنده خلفيه عن الكورة ونغصب انفسنا ونجامل بعضنا ونقول هذا فنان مثل الكوري الموجود حاليا واللاعب سيئ بدرجه عاليه ) هاذي وجهات نظر مالها علاقة بموضوع الأخ أن ابن مساعد مااستفاد شي من معظم اللعيبة .. وبعدين مسألة أنه الهلال يجيب لعيبة ماعندهم خلفية عن الكورة فلن أعلق على هالجزئية مع احترامي .. لكن أحب أوضح لك شي مهم :
أنه المعايير عند المخولين في استقطاب اللعيبة الأجانب هي طال عمرك الآتي :
فإذا طال عمرك كل هالمعايير ممتازة وتتعدى الجيد جدا إلى حد ما .. فما أمام المسئولين إلا أنهم يتوكلون على الله والتوفيق من عند الله ... ممكن ياأخي من أول مباراة تجيه سكته قلبيه ويموت اللاعب .. ونخسر 6 أشهر بدون لاعب !!
ممكن تصير ظروف معينة خارجة عن إرادة وسيطرة الإدارة ولا يكلف الله نفسا إلا وسعها .. عندك مثال بسيط ( سيول اللاعب الكوري ) كان السيفي تبعه ممتاز وأخر مبارياته ممتازة .. بس سبحان الله انخفض مستواه لأسباب الله أعلم بها ..وهذا خارج عن إرادة الإدارة ..فالإدارة طال عمرك ماتعلم الغيب .. مايعلم الغيب إلا الله سبحانه وتعالى .. وأخيرا تبقى مسألة الإبقاء على اللاعب من عدمه بنسبة كبيرة بطلب المدرب ووفق تقارير وآراء الأجهزة الفنية والإدارية ..
5 . قلت ( هذه برئاسة محمد بن فيصل فهو فعلا رئيس بمعنى الكلمه من ناحيه الصفقات الاجانب والمدربين ) الأمير محمد بن فيصل والأمير الحالي وكل رؤوساء الهلال يجب أن تعلم أنهم قلبا وقالبًأ .. ولا ينبغي إقحام أسماء وافتعال مقارنات ليس منها أي فائدة سوى التشتيت وإختلاق حزبيات كما هو حاصل بنادي الإتحاد عافانا الله واللهم لاشماته .. فكل رؤوساء الهلال على قلب رجل واحد ..وهذه لاتدخل ضمن إطار وجهات النظر!! فهي مسألة محسومة وليس فيها مزايدات أبداً ..
شكرا لك ..