إقتباس الرسالة الأصلية كتبت بواسطة azoooz20 صحيح الهلال سي لاكن ليس بهذا السوء وانت شكلك تبي مشاكل بين الجمهور و الفريق مع احتراماتي لكـ اذا الاتحاد موقادر يفوز على القادسية تبيه يفوز بكاس الملك ؟؟ النصر هذا ركيناه بـ 3 مع الرأفه وتقول يهزمنا الهلال ماخذ 2 على دوري زين لهلال ينقصه محترفين مميزين > الفتح < الفتح هذا فاز على الشباب , الاتفاق , الاتحاد ,الهلال > الفتح < الفتح الى الان لم ينهزم ولا مباراة > الفتح < عناصره الي تستهبل عليهم يلعبون بروح واحسن من عناصرك والهلال عندما اتى ليقابل الفتح اخذته العزه بالاثم واستصغر الفتح و انهزم صحيح ان المدرب ليس بـ ممتاز ولكن اجانبك مهو ممتازين اذا الفتح فريق متوسط فـ الهلال و الاتفاق و الاتحاد و الشباب من فرق الوسط والفتح ناقصه شي واحد هو (( تدعيم الاحتياط )) فقط لا غير وانا ما اتوقع انكـ مندس او او او لكن موضوعك مع احتراماتي

أولا ابغى اقولك شي ... أن بعض الظن أثم ..

ثانياً
الفتح فاز على الشباب اللي انهزم من الرائد .. وفاز على الاتحاد اللي خرج من القادسية .. وفاز على الاتفاق اللي خسر من نجران

انا لا اقلل من قيمة الفتح لكن .. اللي بقوله ان الفتح اماكنيات متواضعه وفرق الدوري فيه تراجع واضح بمستوياتها بالاضافه وهذا الاهم انه يمتلك مدرب ذكي وعارف لعيبته ويشعله الروح والحماس بلعيبته قبل يتخذ القرارات الانضباطية ضد نجوم فريقه , بالمختصر الهلال يملك اغلب الامكانات لكن يحتاج لها عقل مدبر وواعي وتعديل على اجانب الفريق ,, وعلى فكره ما انسى الهلال لما كان بمساعد المدرب توماس دول وسامي الجابر ولعب باللعيبه الشباب وقارع اكبر فرق الدوري ... السبب بث الحماس بالاعبين وتوظيفهم بالشكل السليم ...

ثالثاً
توقعت هذه التوقعات بسبب ان الاتحاد اللي هزمناه يعرف طريق اللعب بالذهاب والاياب وهو مقبل على فتره شتويه ولابد ان هناك سوف يكون تعدبل على الفريق بالاضافه اننا واجهناه وهو في اقل مستوياته والهلال على قولهم مستقر فنياً وسلمنا من خساره كانت بتكون موجعه .. وهو احد الفرق الكبار ويمتلك مدرب ذو كفائه عاليه ومشغل مخه بالعاميه بغض النظر عن مشاكل الفريق الادارية

النصر بمستوى متحسن حاليا وراح يقابل الاهلى اللي متدني مستواه بعدها بيكون امامه القادسية او الرائد واعتقد بامكانه الوصول للنهائي ومقابلة الهلال اذا تمكن من الفوز على الفتح .. وصدقني لو وصل للنهائي امام الهلال لن يضيع الفرصه الثمينه وهو امام مدرب فاشل ومستوى معجب الرئيس والجمهور

ختاما .. احترامي لك

ما ودي اجرح في احد لكن مدرب النصر من ثاني مباراة نظم الفريق..الله يستر عالزعيم.

إقتباس الرسالة الأصلية كتبت بواسطة هلالي@قديم ما ودي اجرح في احد لكن مدرب النصر من ثاني مباراة نظم الفريق..الله يستر عالزعيم.

هنا المفروض يشوف رئيسنا المدرب تبان لمساته ع الفريق على طول مو شرط يجلس سنه وتخبطاته واضحه

ولا تستغرب يمكن يعطونه فرصة سنه ثانيه لانهم راح يبحثون وبيرفض 62 مدرب وبيقولون مالنا الا كمبواريه

ااااااااااه يا زعيم حالك ما يسر

الصحيح والمفروض بعدما تمت اقالة جيرتس من تدريب المغرب سرعة التعاقد معه فوراً بدلا من ذهابه لقطر !! ولكن للاسف ..
واكيد الملامة على جيرتس اللي تركنا في وقت مهم علشان المغاربة .. وبالاخير اقالوه المغاربة !!

اتفق معك فعلا هذا اللي راح يصير والمشكله نفس الاخطأ تتكرر كل سنه مدري نسمع بالتصحيح ومت نشوفه

عني انا مجهزه نفسي لخسارة يوم الاحد وربي صرنا اضحوكه عند التونسي مدرب الفتح

الله يعين بس

يعطيك العافيه

الحل منصور الاحمد اداري مجرب وخبير

المدرب إذا لم يرحل سوف نندم أشد الندم مثلك أتوقع إذ ضيع البطولات بتقيله الادارة وبتقول ما سمع كلمانا وقام يخربط
بعد خراب مالطه

الله يعيننا ع عبدالرحمن بن مساعد موب قادر يجيب مدرب زي الناس ولا محترفين صح
اول سنه لبو فيصل هي اللي ماتنسى بعدها قام يتخبط واللي يقهرك له خمس سنوات وكل سنه بنفس الاخطاء
يجب البحث مع المدرب من الان لني ما اشوف في الفرنسي جمل تكتكيه اتوفع لو يمسك الفريق زولاتكو راح نشوف هلال غير

انا ابغا اقول شيء بس لا تزعلون

انتم جمهور على اي هزيمه قلتوا من المدرب ليه من المدرب

يمكن الاعبين يلعبون بدون روح تعلموا من ريال مدريد شوفوا كم هزيمه جاته الموسم ذا

بالتوفيق للملكي .

إقتباس الرسالة الأصلية كتبت بواسطة love ياهلال انا ابغا اقول شيء بس لا تزعلون انتم جمهور على اي هزيمه قلتوا من المدرب ليه من المدرب يمكن الاعبين يلعبون بدون روح تعلموا من ريال مدريد شوفوا كم هزيمه جاته الموسم ذا بالتوفيق للملكي .

احترمك اخوي

لكناقسم بالله اني ما تكلمت الا بعد متابعه دقيقة لعمل المدرب واتضح لي انه مفلس بكل ما تعنيه الكلمه من معنى
وضيعنا الله يضيعه .. واتمنى نلقى تصحيح من الادراة والبحث من مدرب من الان الا نهاية الموسم بكل روقان وبسريه تامه
فوزنا على الفرق القوية بالدوري ليس بسبب تكتيك المدرب وقوة الفريق انما على ضعف المنافس .. ولي معك موعد نهاية الموسم !
وسلامتك

اقالة وجلب مدرب في نصف الموسم من اكبر الاخطاء

هههههههه موضوع سخيف تتكلم على البطولات ومين بياخذها وتوزعها على الفرق بكيفك " كيف المشرفين يسمحون بكتابة اي موضوع دون المراقبه عليه"هيبة المنتدى راحت صار كل من هب ودب يكتب