اذا فاز الفريق اصبح المدرب افضل مدرب واذا خسر اصبح سباك
طيب بن مساعد رضخ لضغوطات الجماهير وشوف لايش وصلنا
اذا كان مدربنا سيء فهو افضل باي شكل من الاشكال من اي مدرب رح يمسك الفريق في نص الموسم مهما كان اسمه
هذا اسلوب المدرب خلونا نمشي معاه للاخر ونشوف النتايج في نهاية الموسم

يقول الامير عبدالرحمن بن مساعد اني مشيت على عاطفة الجمهور العام الماضي واقلنا تومس دول .... بسئل سؤال واحد ياسمو الامير بعد مأقلتو تومس دول مو الهلال رجع وحقق كاس ولي العهد ... مو الهلال رجع وجاء الثالث بالدوري وتأهل لدوري ابطال اسيا... مو الهلال تصدر مجموعته في دوري ابطال اسيا وتأهل لدور الـ16 وقابل بني ياس وفاز بنتيجه ساحقه قوامها سبعة اهداف وتأهل لدور الثمانيه .. بالله وش تبي اكثر من كذا .

وأبي اذكرك بحاجه ثانيه اشوفكم ماتتكلمون فيها يوم راح جريتس مو جاء كالديرون في نص الموسم .. وحققنا كاس ولي العهد بنتيجه ساحقه على الوحده .. موب تأهلنا لدور الـ16 في دوري ابطال اسيا .. مو حققنا الدوري ...؟؟؟

منتخب البرازيل في كأس العالم 2002 أقال مدربه وعين سكولاري في ثالث مباراه وحقق كاس العالم هـل أضرة بالمنتخب ان المدرب الي مسوي لهم اعداد ومختار اللاعبين أقيل.....؟ بالعكس حصدو كاس العالم وتغيرة نفسية اللاعبين...

أبي اجيب لكم مثال على نادي الاتحاد السعودي في مباراته النهائيه الذهاب مع الفريق الكوري كان يدربه مدرب مايحضرني اسمه وانهم الاتحاد في جده مباراة الذهاب ثلاثه واحد وفي الاياب تغير المدرب وفاز الاتحاد خمسه صفر..؟

نذكر العام الماضي يوم الاتحاد كان يدربه المدرب السلوفاكي بعد مااقاله جاب مدرب يعرف الفريق الي هو ديمتري وأهلهم للمباراه النهائيه في كاس الملك وفاز على الهلال في دور الـ16 في دوري ابطال اسيا وفي ذهاب كاس الملك وكلها بنفس النتيجه ثلاثه اهداف.... ووصل مع ديمتري الي نصف نهائي دوري ابطال اسيا.

مو شرط يكون المدرب جديد على الفريق . نبي مدرب يعرف الفريق نبي مدرب يصحي الفريق من غيبوبه اسمها كومبواريه.

تسلم يمينك على هالموضوع الي يعلم الله يتكلم بمآ في صدور المشجعين وانا واحد منهم

بس اختلف معك بنقطه حتى هالنقطه سمعتها في تصريحات الامير عبدالرحمن بن مساعد . ان المدرب اذا تغير وسط الموسم يكون ضرر على الفريق . باقي على يناير حوالي عشره ايام يمدي المدرب الجديد جاء وحط في اعتباره الاجانب الي يبيهم من الاجانب الي بيرحلون . والشي الثاني المدرب يكون ضرر ذهابه وسط الموسم اذا كان مدرب كفو مو مدرب تخبطات ومدرب مايدري وش يسوي اصلا .. الزعيم يبيله مدرب لو له لمسه بسيطه فنيه مو مثل كومبواريه ماعنده اي حس تدريبي ... الله يستر على نور المترجم عز الله قالها انه سبب الانتصارات للهلال المتتاليه كانت تحت اشرافي وكذبناه وصدقنا الاداره ان كومبواريه ورى كل هذا .....

كلممممه اخيره ياادارة الزعيم ولاراح اضيف على اخوي الي كاتب الموضوع لاكن عندي كلمه .... تبغون المدرجات ترجع .. رجعو هيبة الزعيم في الملعب عشان جمهوره يستمتع ... و الا استقيلو واخذو كومبواريه في طريقكم..

اوووووف والله طفشت كل مباراه يدي على قلبي من هالغبي كومبواريه.

والسلام ختام