كالعادة الهلال يفوز بالحظ

جل المباريات اللي لعبهن الهلال في هذا الموسم يفوز بشخصية الهلال لا باسلوب المدرب فلو استبعدنا مباراة الشباب والاهلي فكل مباراة يفوز الهلال بعزيمة وقوة ومهارة لعيبته اما المدرب فاخطاء بالجملة لاتكتيك واضح بالمباراة مثلا كل اللعب كور طويلة وهذا ماهو اسلوب الهلال والاعتماد على الاطراف بشكل مبالغ بمعظم المباريات وهذا ماهو اسلوب الهلال ولاعنده خامات مناسبه لهذا التكتيك والمضحك سياسة التدوير ماعتقد سياسة تدوير بالعالم بكل مباراة تشكيلة هذي ماهي سياسة تدوير سياسة( تخبيص وتضيييع)سياسة التدوير بعد اربع الى خمس مباريات تغير لاعبين الى ثلاثة ماهو تغير بكل مباراة لعيبة وتغير التشكيلة والاسلوب وكل شي المدرب ضايع الى ابعد درجة ولاارى الفرق بينه وبين توماس دول سوى البشرة وبالنسبة للي يقولون الهلال ينافس على الدوري اقول الهلال في اوضاع كان اسوء ونافس على الدوري وتصدر الدوري بعد مثل بوسيرو الهلال كان متصدر ومع ذلك اقيل المدرب وجاء بداله كوزمين(وماادراك ماكوزمين )


اخيرا : الامير عبدالرحمن بن مساعد قال في احدى القنوات اكثر قرار ندمان عليه (اقالة توماس دول!!) مع العلم ان الهلال تحسن اضعاف اضعاف بعد اقالة توماس دول!!!! اترك الحكم لكم ياجماهير الزعيم
وثانكيوووو!! اقصد وشكرا

الآسيويه ريحوا انفسكم منها مستحييييل نخرج من المجموعات مع هالمدرب


عوافي


:-(



....

اخوي دول كان مدرب ممتاز وكان يقرأ المباراة ويغير تغير تحدث الفرق في المباراه ولم يخسر الا في مباراتين الاولي كانت امام الشباب وكان مسيطر علي المباراة ولا فلسفة الفريدي وعدم تقيده بما اسند له لكنا خرجنا بالتعادل علي اقل تقدير اما المباراة الثانيه فكانت امام الاهلي والكل يعرف ضروف تلك المباراه وكيف خسرها الهلال والا ننسي ان اقالة دول كانت بسبب الضغوط اللي كانت يقودها صالح الحمادي بعد كل مباراة لا لشئ فقط لان المدرب كان ناجحا وصنع فريق جيد
اما هذا المدرب والذي غاب الحمادي ومن علي شاكلته عن نقده فأخطاه واضح للاعمي الذي لايري لكن اداتنا لا تري الا بأعين صالح الحمادي وعصابة المفسدين
وشكرا

مدربنا هذا ما وطمنا ابداً

كل شوي يغير تشكيلته ويخبص فيها

الله يستر من اللي جاي لأني احسه بيجيب العيد مع الهلال

حد الهلال دور الثمانيه وبعدها باي باي باي

اذا استمر المستوى بهذا السوء
فلا كأس ولي العهد ولا الدوري بنشم ريحتها

أما دوري أبطال اسيا فقد سأمنا من أعذار الادارة
اذا هذولي محترفينك فسلم لي على أسيا
شوف محترفين العين والريان وصلابة وشراسة الفرس (الاستقلال)

مع مانغان والنامي والمرشدي والغنام والكوري

عادل هرماش صحيح مستواة ليس في مستوى رادوي ولكنه أفضل المحترفين بعد لوبيز

المدرب هذاا مراا قااهرني اذا بيجلسس كذاا صددقوني م حنااخذ ولا بطوولةة

الله يعين بسس .. عواافي خيوو

بِ آلتوفيَق لـ آلملككي ,،

مدرب فاشل ومااقول غير
الله يعدي مباراة الفتح على خير بس
وبعدها بننتظر قرارات شبيه الريح ..!

إقتباس الرسالة الأصلية كتبت بواسطة *زعـيـمـه جـنوبـيـه* الآسيويه ريحوا انفسكم منها مستحييييل نخرج من المجموعات مع هالمدرب عوافي :-( ....

حتى الدوري
حتى كاس ولي العهد
حتى كاس الملك

أذا استمر الوضع لن نحقق أي بطولة

هل انتم متاكدين ان الهلال عنده مدرب تاكدو شكله جاي زياره كمبواريه .
سامي الجابر تعال وشوف هيبه الزعيم كيف صارت مع السبااااك

قبل فوات الاوان مدرب الهلال ماينفع للاسيوية

لاتقولي توماس ولا مطرسته

من بعد سامي والمدرب هذاك حق الاولمبي اتوقع بونان مدري وش اسمه
قسم بالله كانت مباريات الزعييم مجنونه روح وحماس

من بعدها اختفى الزعيم , مابي اقول يرجع زمن جيريتس
لا ابي ترجع الروح للاعبين زي ماكانت مع سامي ومدرب الاولمبي

كان الزعيييم غييييير والله

إقتباس الرسالة الأصلية كتبت بواسطة (فيصل العنزي) اخيرا : الامير عبدالرحمن بن مساعد قال في احدى القنوات اكثر قرار ندمان عليه (اقالة توماس دول!!) مع العلم ان الهلال تحسن اضعاف اضعاف بعد اقالة توماس دول!!!! اترك الحكم لكم ياجماهير الزعيم وثانكيوووو!! اقصد وشكرا

الصراحة لم ارى ان الهلال تحسن بعد توماس دول
بل على العكس
والامير عبدالرحمن بن مساعد معاه حق
اخطاء الموسم الماضي لن تتكرر