|
اللي يشوف تشكيلة الهلال في الشوط الاول امام هجر , يا جميع لاعبينا مصابين , أو مدربنا موب صاااحي !!! بسم الله الرحمن الرحيم أكتب لكم هذا الموضوع , والهلال الحمدلله متقدم في الشوط الأول على هجر عن طريق ويسلي :smilie47: وإن شاء الله يضيف الفريق أهداف أكثر الشوط الأول .. عموما .ـ أنا ولا مره أنتقدت فيها المدرب كومباوريه , من أول يوم بدأ يدرب فيه الهلال إلا هذي المره لسببين مهمين , الأول : انو كانت جميع قراراته في الفترة الماضية منطقية إلى حد ما , صحيح نختلف معه في بعض الخيارات وعنده بعض الأخطاء لكن بالأخير جميعها كانت في حدود المعقول . والسبب الثاني : انو الانتقاد المتكرر للمدرب ممكن يأثر على الفريق واستقراره , وهذا جميعنا ما نتمناه . لكن بصراحة تشكيلة الفريق اليوم أمام هجر , خلتني في حيرة كبيرة !! السؤال المهم .؟ 1- عادل هرماش . 2- سلطان البيشي . 3- ياسر الشهراني . 4- ياسر القحطاني . أربعة لاعبين مهمين ولعبوا في مباراة الأهلي , وقدموا مستوى جيد و كذلك مستواهم في تصاعد , ومنسجمين مع الفريق .! هل كان استبعادهم لأسباب إصابة و عدم جاهزية , أو كان قرار فني .؟ إذا كانت السبب الأول على عيني وراسي .. بس إذا كانت خيارات فنية !! بصراحة مدري وش أقول .!!! أتمنى بالأخير أنو يأخذ كلامي على أنه تساؤل , أكثر منه نقد . أترك لكن التعليق:rose: |
الحمد لله على الفوووز.... اعتقد انه يبي يريحهم لمباراة الاتحاد وخايف عليهم من الاصابااات.... |
انا قايلهآ من زمآن يوم بدع الشهرآني وآبو عزوز خلآهم احتيااط . مدربب مدري وش يحس فيه .. |
فلسفة كومباريه كادت ان تبعد الهلال عن صدارة الدوري لو سجل هجر هدف وقفل المناطق الخلفيه لعجز الهلال عن الفوز فلسفه ليس لها مبرر لا يوجد ضغط مباريات المفروضً لعبً بتشكيلة الاهلي لكي يزيد التجانس بينهم اصرار المدرب على عزوز رغم مستواه المتراجع علامة استفهام كبيره المرشدي غنام والنامي. اعتقد اثبتو افلاسهم ويجب الاستغناء عنهم بالشتويه ادارة الهلال المفروض محاسبة المدرب على اخطائه البدائيه ولا وقت للتجارب والفلسفه خسارة اي نقطه قد تضيع الدوري |
المدرب ذا ما يحترم الفرق المتوسطه كانه ضامن الفوز مدرب يتفلسف كثير |
يا زين الصبر والثقل مدربك ما عليه كلام إن شاء الله فقط نريد من جماهيرنا الثبات حتى آخر ثانية في المباراة وبلاش التقليل من إمكانيات المدرب واللاعبين الهلال يسير نحو لقب الدوري بكل اقتدار شدوا من أزر لاعبينكم وحفزوهم على العطاء وبذل الجهد ومن ينتقص من أي لاعب .... اعرفوا انه مندس يحاول يبين انه مشجع هلالي ملكي لكن التزييف واضح |
انا مع المدرب في ماقام فيه ضغط المبارايات قد يفقدنا اهم اللاعبين من كان احتياط لفترة طويلة فرصة ان يشارك والتدوير مطلب في مثل هالظروف مدرب كبير وقدير يعرف ماذا يعمل نحتاج ندعمه وبدال ماننتقد خل نشوف همتكم بالحضور بالملعب بدل مايكون حضورنا خلف الشاشات |
ي انكم تحضرون ولافكونا من النقد خلوه يسوي اللي يسوى اذا حضرتو لكم الحق انقدو |
هذي تغريدة إقتباس:
المدرب يبي يسوي مداوره وهذآ شيء مهم على شآن يكون عنده تشكيلتين ولا يقف على لاعبين معينين :razz: لك:rose: |
اقول ياناس وربي كومباريه مصيبه احلى شي ان محد يضمن التشكيله من شان كل واحد يلعب ويشد حيله هذا منتخبنا يوم صار كل واحد يلعب فيه تغير فلذلك يا حضنا بكومباريه |
إقتباس:
|
المدرب يبي يسوي نفسه ذكي ومزعجنا بالتدوير ماودي اقول الا الله بس يهديه ويفتح مخه شوي ترا كل مباراة مهمه وندور النقطه دواره وانت داخل بتشكيله ما يحطها مدرب مبتدئ بعدين فكرة يريح الاعبين يريحهم من ايش خل مدرب الاهلي يريح لاعبيه اللي انكرفوا كرف وكان من المفترض انك تجهزهم للاتحاد بعد التوقف الله يوفق الزعيم دائما وابدا يعطيك العافيه |
يمكن يبي يريحهم لمباراة الاتحاد ولا يبي احد تجيه اصابه يعني ماخذ حذره بس اهم شي الفوز ولا غير الفوز اقول بس مبرررررررررررررررررررررررروووووووك الفوز |
ياجميع لاعبينا مصابين أو مدربنا موب صاحي !! أمممم احتمال الثانية..!! |
أشكر الجميع على الردود وعلى التفاعل :rose: بس ردي البسيط على اللي يقول المدرب يدور في التشكيلة عشان الاصابات والارهاق . اسمحوا لي اقول لكم ممكن قبول أي عذر ، لكن عذر زي كذا من جد غريب !! كيف يدور في التشكيلة و الهلال متوقف اكثر من اسبوعين ، من اخر مباراة مع الأهلي !! أي تدوير ، الله يرضا عليكم ! :s5s: |
الجمهور السبب الأول في ظهور الهلال بهذا المستوى والفرنسي لازال يجامل الدوسري ويفرضه على التشكيل الاساسي ويصر على لعب الاطراف رغم فشل هذه الطريقة مع الهلال ودليل ذلك ان الفريق يغير لعبه في الشوط الثاني في كل مباراة ويغير في التشكيل .. انا بصراحه بعد ماسمعنا انه مقتنع بالاجانب ولايريد التغيير عرفت ان المدرب نظرة الفنية للاعبين ضعيفه جداً |
والله دايم يعجبني المدرب ودايم يقهرني يعني بالله اليوم مانشوف لا الشهراني ولا البيشي ولا ياسر ولا هرماش وكلهم مؤثرين بالهلال وشي آخر يجنني يوم انه كل مباراه يلعب الدوسري اللي صار اسوء لاعب بالهلال لا تمرير وحتى اليوم 3 مرات يحاول يجيب هدف حلو شي يقهر صراحه .. بس الحمد لله على الفوز واهم شي الـ3 نقاط وان شاء الله المستوى يتعدل في المرات القادمه |
عندنا ثقه في جميع لاعبي الهلال والي يلعب اساسي فهو يستاهل ونظره المدرب في التدويرفي المباريات السهله نسبياً ( من وجهة نظري) صحيحه والاسباب : 1- جعل جميع اللاعبين في الجاهزيه المطلوبه متى ما احتاجهم الفريق في حال اصابة اي لاعب او ايقافه او لاي سبب اخر . 2- عدم ضمان اي لاعب للمركز ومعرفة ان هناك اللاعب الجاهز الي يلعب مكان الاساسي متى ما انخفظ مستواه وهذا يعطي اللاعبين دافع للجديه في كل مبارة يلعبونها . 3- اعطاء الثقه للاعبين البدلاء وعدم ركنهم مبارايات طويله . وبالتوفيق للزعيم ان شاء الله |
إقتباس:
ياسر عنده شد بسيط مثل مايتداول لكن احنا محتاجين كل نقطه ايش الفايده اذا خسرنا اليوم ولاقدر الله خسرنا امام الاتحاد لازم نركز في كل مباراة في وقتها |
إقتباس:
|
يمكن يبي يريحهم لمباراة الاتحاد ولا يبي احد تجيه اصابه يعني ماخذ حذره بس اهم شي الفوز ولا غير الفوز اقول بس مبرررررررررررررررررررررررروووووووك الفوز |
يا صبرنا على هذا الغنام ياناس هذا مافي راسه كورة والله حرام يلعب ها للاعب يا كور مقطوعة يا تمريرات خاطئة يا ارتكاب أخطاء بدائية مالها أي داعي ياناس خلاص أعطوه مخالصة نهائية خلاص الرجال شيب ليه نحطم الصغار أمثال القرني ونلعب الغنام والله مشكلة |
اول شي انت حضرت المباراة مجرد تساؤل ... وبعدين بالعكس افضل مدرب مر على الهلال المهم النتيجة وليس الاداء واتمنى اللي مايحضر المباريات.... لايكتب اي موضوع ويقعد يسجنا المدرب فعل والرئيس فعل ... ودمتم .. |
أولا: تشكيله ترفع الضغط ثانيا: ليش سعد الحارثي خارج التشكيله نهائيا " لسبب فني" أخاف تكون مثل نهاية حسن العتيبي!! ثالثا والأهم : ألف مبرووك فوز الزعيم ونطمح لمستوى أفضل بإذن الله .. |
بالعكس حلوة التشكيلة الفريق عنده مباراة قوية امام الاتحاد خارج ارضه ولازم يريح البعض المباراة القادمة بعد 4 ايام وفيها سفر وحلو يخلي الجميع يشارك علشان يدخلون اجواء المباراة مايتورط اذا لاعب اصيب فجاة او طرد يدخل واحد بعيد عن حساسية المباريات |
هذا مدرب اكيد تكفون فكونا منه فاشل ومع ذالك بيطلع ويصرح وراح يقول نحن غير محتاجين لتغيرر الاجانب ههههههاي شكل الكوري ومنقان عاجبينه على العموووم الدوري للفتح يستاهلون عندهم روح في الملعب . الله يستر من لاتحااد ما يحطون خمسه هههههه |
بالعكس مدرب ذكي وفاهم وش قاعد يسوي وعلى فكره الدوري طويل واذا ارهق جميع اللعيبه سنفقد الدوري |
ياسر القحطاني جاه شد عضلي هرماش ممكن ياخذ كرت وينحرم الشهراني قرار فني البيشي اعتقد نامي كفى و وفى لكن وش فيها تشكيلة اليوم ؟ .. |
اولا : الحمد الله على الفوووووووووووز ثانيا : اعتقد انه رااااااااااااح يريحهم لمباراه الاتحااااااااااااااااد |
إقتباس:
لكن إذا المدرب يقوم بأخطاء واضحة وغريبة ، والفريق يفوز . هذا شي جيد من ناحية انو عندك فريق قوي وممكن يفوز حتى بدون مستوى .. لكن سيء من ناحية انو ، راح تتعب كثير لما تواجه فرق تقدم مستوى مثل الفتح وغيره . ودليل كلامي مباراة الاهلي ، مباراة كبيرة دخل المدرب بتشكيلة منطقية وبدل تبديلات أغلبها صحيحة ، فكانت النتيجة مقرونة بمستوى رائع . هذا نبغى الهلال يوصل له :smilie47: |
المدرب مدري وين يبغى يوصل وبعدين معاه.. الين دحين ماثبت على تشكيلة وهدا اكبر غلط. |
ياخي الحمدلله فزنا حنا بس جالسين ننقد بالفريق رح انقد نفسك و رح ادعم فريقك و احضر مو تنقد و بس !! |
التدوير لايكون بعد توقف أسبوعين المفروض بعد الاتحاد |
من شفت التشكيلة فيها المرشدي و نامي و الغنام و عزوز و أنا ادري اني ماراح اشاهد الهلال هذه الاسماء هي غياب روح الهلال |
يعطيك العافية على الموضوع ومبروك الفوز وتحقيق الثلاث نقاط وفلسفة المدرّب حلوهـ لأنه يبغى يعطي جميع اللاعبين فرصة بالمشاركة وهذا نتيجة إنضباط جميع اللاعبين في التمارين والمنافسة القوية بين اللاعبين على الخانة بصراحة تمينت إني أشوف عبدالله الزوري في خانة قلب الدفاع لأنه أفضل من المرشدي وأشكر المدرّب على إشراكه لمحمد الشلهوب كـ أساسي حتى يعود لمستواهـ وبالتوفيق للهلال فوق كل أرض وتحت كل سماء :ba: |
هههههههههههه مدري ليه احس انه الخال يبي برفع ضغطنا كهلاليين ويبي يرفع ضغط الاعبين ويرفع ضغط الخصوم |
احمدو ربكم فزتون غيركم تعادل وغيركم خسر |
بعد 5 أيام عنده مباراة مهمة مع الإتحاد وهالشهر بيلعب مباراة كل 5 أيام تقريباً يا شين الفلسفة بسس |
كلام غير مقنع،، اقدر لك حرصك بس ارفق وانا اخوك |
مادرى وش اللى تبون المدرب واللاعبين ماشين بالطريق الصحيح والمدرب عارف وش اللى يسوى وواثق من نفسه خاصة بعد ما تعرف على اللاعبين واللاعبين تجاوبوا معاه ومع اسلوبه واللى قال الاهلى ما ريح لاعبيه ما شاف وضع الاهلى وكم خسارة اخذ يبى يوض النقاط ............... للاسف هذا مو انتقاد او مجرد ابداء راى هذا محاولة لبث الفتنه بين الجماهير ولازم يوضع له حد ما يكفى ان المدرجات فاضيه ................ الكلمة الطيبة حسنه يا احوان |
بالعكس قمة الاحتراف مو معقوله كل مباراة تلعب بكل نجومك خصوصا انه فريق هجر :) التدريب يعتمد بشكل كبير على المغامرة و مغامرة كومباريه اليوم نجحت 100٪ اراح الاغلب و الاكثر تأثير و خذ النتيجه و الـ 3 نقاط للامانه فكر المدرب كومباريه اليوم اقنعني انه يشتغل من كافة النواحي و واضع خطط و اهداف يبي يوصلها مبروك الفوز :) |
مدرب جباااان جدا اللاعبين الكويسين يخله احتياط |
يآ حبيبي و البيشي و الشهراني و هرمآش مآسكين الدفآع كله مآ شآء الله .. و حرآم تخسر أحد اللاعبين على مباراة هجر الحمد لله الموجودين فيهم الخير و البركة .. مآنجآن و المرشدي أبدعووا من النآحية الدفاعية .. بغض النظر عن نآمي و أخطائه .. و اللوم الأول و الأخير عليكم يآ جمآهير الريآض .. أمآ اللي يقول كومبوآريه مخبط و مهب مضبوط أقوله أستريح .. ! كومبوآريه أبدع في إبقاء المباراة على النتيجة طوآل الشوط الثآني .. وذلك بطريقة تكتيكية كبيرة جدآ لآحظنآ بعد اللمسآت الجميلة للهلآل في المباراة لكن هجر كآن عنيد و دفآعـه جدا صلب .. شكرآ إدآرة شكرآ كومبوآريه شكرآ يآ أبطآل .. و الشكر الأول و الأخير للجمآهير الحآضرة فقط . .( فقط ) بالتوفيق أمآآم الإتحآد |
اعتقد يبغى يوصل لقناعة في بعض الاسماء لقرب يناير |
مدرب الهلال ذكي جدا جدا وانت بدال النقد احضر جمهور الهلال بالرياض فاضي للانتقاد ااما الحضور صرنا مثل الاندية الصغيرة في الرياض فقط |
يالعكس تريحهم للاهم وفزنا باقل مجهود وان شاء الله الايام الجاية تكشف لك الاسباب |
استغربت التشكيله .. لكن بعض المدربين الواثقين يحرص ان ال 18 يكونون جاهزين دايم .. تدوير غير ملفت وبالذات امام فرق الوسط والمؤخره ؟! اعتقد زمن تشكيلة ال 11 لاعب انتهى مع الاحتراف .. ادائك في التمارين هو الحكم .. وتوزيع الجهد للموسم كامل مع مبدأ التدوير |
السلام عليكم المشكله عندنا وفي الدوري السعودي انهم يلعبون على حسب الاندية اللي تلعب معهم يعني مايفكرون في الانسجام والتشكيله الاساسيه واللعب المستمر ورفع معدل اللياقه تحصل لاعب معين يلعب قدام فرق معينه ولاعب ثاني مكانه قدام فرق معينه صراحه اللي يصير مهزله وماهي كورة برشلونه الفريق يلعب كلها حتى لو قدام فرق صغيره وتحصله يلعب مباريات ورا بعض وهنا تقول دوام ممرض شفتات امسك المباراة ذي وانا المباراه الثانيه المفروض على الجهاز الفني بقيادة الخال الثبات على التشكيله والاستعانه بالاخرين في الحاجه فقط وليس الاختبار ولا بنخسر نقاط ويطير الدوري ورانا اسيا بعد شهرين والحبيب ماثبت الا الان وشكرا |
الجواب واضح ان المدرب معطى مباراة الاتحاد اكبر من حجمها |
شكرا لك ، و لكن أعتقد أن المدرب على صواب بتدوير اللاعبين و لزحمة المباريات القادمة .. و لكن ما ذنبه أن بعض اللاعبين يخذلونه و يصدمونه ببهوت مستوياتهم ؟! فبصراحة يجب على عبدالعزيز الدوسري و محمد نامي و ماجد المرشدي و عبدالله الزوري مراجعة حساباتهم كثيرا قبل أن يجدوا انفسهم خارج أسوار الهلال ..!! |
اي تدوير والدوري اصلآ توقفات باالعكس ان اذئ تبي تدمر لاعب اذئ يبدع حطه احتياط ياسر منقطع عن المباريات فتره طويله تريحه ليه وتلعب عبسي ذا الكوري الاحول يااخي الفلسفه الزايده ماتصلح هرماش قلنا ماشي بينتقل ويفكنا من شره بس ياسر والشهراني احتياط قهر ونامي والكوري أساسيين تدوير ياابن الحلال نامي وش تدور فيه والكوري وش تدور فيه هم دايره روسهم اصلآ بتلعب مع الاتهاد وبعدين بيوقف الدوري اسبوعين وورنا التدوير الي غاثينا فيه |
ما اشوف فيها مشكلة خلي اللاعبين يريحون لكن لو ما كانوا في التشكيلة الاساسية بمبارة مهمة مثل الاتحاد او الشباب فـ انا بتفق معاك |
ي رجال اللي يقول المدرب يدور وماني عارف ايش ائا مع المدرب في اي شيء يسوية بس بعد مباراة اليوم اكتشفت انه م حولك احد مدرب لا يفقه في الكورة اي شيء اجل مخلي ياسر الشهراني احتياط وسلطان البيشي احتياط ويصر على اشراك ناني وابيدال اللي ولا واحد فيهم يعرف يعطي اوفر صح ويلعب الكوري وعنده سعد وياسر احتياط انا المدرب هذا اكتشفت انه م حولك احد مدرب افقد الفريق هويتة والله الفريق يلعب اجتهد لاعبين فقط ولا جملة تكتيكة والمدرب يصر على عزوز الدوسري اساسي رغم انخفاض مستواه واخر ربع ساعه يقفل بمحور ثالث والمبارة على ارضك والله اليوم ربي ستر علينا والله اليوم الحمدلله ان الله فعلا ستر علينا لو هجر جاب الهدف اللي تقدم فيه شراحيلي كان راحت مننا الصدارة وافلقني ناخذ الدوري عقبها مدرب فيلسوف مدرب م عنده اي فلسفة صحيحة ماله اي بصمه في الفريق فريق الهلال يلعب بدون هوية فريق الهلال يلعب بحماس لاعبية فقط من متى الهلال هذا مستواه مدرب لم اجد اي شيء يشفع له انه نمدح فيه مدرب اقل ما يقال عنه انها ماشية معه بالحض اجل الشهراني احتياط ومسلم احتياط والعابد احتياط والقحطاني احتياط والزوري اساسي ونامي اساسي وعزوز اساسي والمرشدي اساسي الف علامة استفهام على هذا المدرب اللذي لم اعد اطيق رؤية الفريق الملكي بهذا المستوى المخيب للامال ي للاسف فقط هذا م اريد قوله والله اول مره اتكلم فيها عن هذا المدرب داهية زمانه ؟؟؟؟؟ |
صح ان المدآوره امر مهم .. بس مو على حساب مباراه مهمه بالدوري .. اذا خسرت او تعادلت فيها تبعدك شي قليل عن المنافسةة .. كنت اتمنى تشكيلة الهلال اليوم بنفس التشكيل اللي لعب فيه قدام الاهلي .. ع الاقل نثبت ع تشكيل جيد وواضح لمباراة الهلال القادمة والكلاسيكو امام الاتحااد .. بصراحةة مستوى مش ولابد من اللاعبين .. بس اهم شي الثلاث نقااط .. واحترام الخصم ي كومباريه امر مهم جدا .. بالتوفيق لهلالنا في المباريات القادمةة .. يعطيك العافيه *.* |
المدرب يتخبط الله المستعان |
السلام عليكم هلا فيكم يا حبايبي يا زعماء:smilie47: أول شيء فريقنا كبيييير وم يوقف ع لاعب معين الشي الثاني بالعكس هذا في صالح الفريق أنك تجرب مجموعة كبيرة لكن اللي ضايقني أمس وم أعتبره تكتيك أو أمر فني هو التغيير في الخط الخلفي وهو أكثر خط يحتاج لانسجام وتفاهم وخصوصاً قلبي الدفاع لازم يثبت عليهم وبالأمس كان الفريق بلا هوية للافتقاد لصانع اللعب القائد ** باعتقادي أن هرماش انتقل لفريق آخر فلم نشاهده في آخر مباراتين ولن نشاهده :naughty: ** التفكير سينصب على صانع لعب برازيلي بتوصية من ويسلي :wub: ** الادارة ستتعاقد مع محور محلي (بوسبعان) ** الكوري سيأخذ آخر فرصة لإثبات نفسه أساسياً ف المباريات المقبلة على حساب (ياسر-ويسلي) قبل فترة الانتقالات ** مانجان وويسلي حجزهم فالفريق ok s13s |
لو قدر الله لهجر أن سجل , وبالمناسبة كان قريب من التسجيل في كذا مناسبة بسبب فهاوة حارس العمارة ولا يهون دفاع الغفلة لرئيس كثير من المتفلسفين المدفعين عن المدرب يصيحون وينيحون ويلعنون أسلافه هكذا هم بعض جماهير الهلال الفوز ينسيهم الكوارث والأخطاء قدر الله ولطف وأدعوا الله بسلامة ويسلي والله لا يتكلنا على غيره عزالله لاعب بألف هو وسلمان الفرج |
يمكن المدرب يتخبط ويمكن الاسماء تفرض عليه ماهي معقولة ياسر الشهراني والقرني والبيشي وعبدالعزيز الدوسري الي مستواه اساسي من بداية المبارة |
من المعروف تعمد الانديه الصغيرة اصابه لاعبين الهلال قبل الكلاسيكو و الله اعلم اذا مقصوده و الا حقد و شفنا شلون كانوا يحاولون كسر رجل الفرج و يسلي و ياسر لما نزل !!! نفسي هالهجر يلعبون نفس الطريقه و بذات الجوده التكسيرية عند الاندية الاخرى !! انا بالبداية خفت و لكم ما الوم المدرب بس الحمدلله ع الفوز |
اولا ليش القسوة بالانتقاد "مدربنا مو صاحي " مع احترامي بعض الجمهور هم اللي ماهم بصاحين .. ياحبيبي هذا شغل المدرب ليش حنا جايبين مدرب بملايين ؟ المدرب يلعب بلاعبين و يحتفظ بلاعبين لكي يجعل الكيان مايعتمد على أي لاعب وكلهم واحد هذا ( اولا ) ثانيا فيه مباريات مصيريه قادمه فهو يجرب له كم لاعب بها المباراة و اثبتوا جدارتهم و بإمكانه الاعتماد عليهم بالمباريات القوية . اتمنى تفتحون مخكم شوي |
| الوقت المعتمد في المنتدى بتوقيت جرينتش +3.
الوقت الان » 08:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd