لاعب فقدناه - نادي الهلال السعودي - شبكة الزعيم

أعشقك يالهلال · #1 02/12/2012, 09:19 PM

السلام عليكم ورحمة الله وبركاته

إخواني لو تلاحظون مباراة الهلال والاهلي

الأعب اول مادخل صنع هدف  خطير

والاعب هذا أكيد عرفتوه وهو**الموهوب الشلهوب**

شباب الأعب هذا صانع لعب جميل جداً

يصلح مساند لياسر ولوبيز

وبصراحة هالايام ماصار ياخذ حقه

اتمنى اشوفه المباراة الجاية مع هجر

وان شاء الله اشوفه مدخل هدف وصانع هدفين

النقطة الثانية

اتمنى لو هوساوي والفريدي يتعلمون من اخلاق الموهوب

الفريدي اللي ساوم الهلال

شف الشلهوب وقع مع الهلال بدون مايشوف العقد

وين الي يقول مافيه ابن نادي

الا فيه اذا انت ماتعرف ابن النادي رح عند الشلهوب يعلمك و((ياسر))

والنهاية اتمنى اشوف الشلهوب اساسي لكي يمتعنا بالمبارة

تحياتي

مشاري

@mak14191
او
مشاري القرناس
ولاتنسون التويتر

^
^

^

f.rochemback · #2 02/12/2012, 09:30 PM

الشلهوب من ابناء النادي بعكس الفريدي وهوساوي وثاني شي صحيح الشلهوب موهوب ولاعب كبير وصانع لعب مميز لكنه كبر في السن ولا يعطيك شوطين بنفس اللياقة

غرورالزعيم@ · #3 02/12/2012, 09:35 PM

ماقصر الشلهوب الله يوفقه ويعطيه على قدنياته صحيح له فقده بس الخيار الاول والاخير خيار المدرب شكراً لك الله يوفق الهلال في قادم مهماته))10

أعشقك يالهلال · #4 02/12/2012, 09:35 PM

إقتباس

الرسالة الأصلية كتبت بواسطة f.rochemback


	الشلهوب من ابناء النادي بعكس الفريدي وهوساوي وثاني شي صحيح الشلهوب موهوب ولاعب كبير وصانع لعب مميز لكنه كبر في السن ولا يعطيك شوطين بنفس اللياقة

اخوي لو يلعب الشلهوب الى دقيقة 60 يصنع فارق كبير لانه يمكن يسوي ربكة بمدافعين الخصم

وتسهل المهمة على الزعيم

أعشقك يالهلال · #5 02/12/2012, 09:38 PM

إقتباس

الرسالة الأصلية كتبت بواسطة غرورالزعيم@


	ماقصر الشلهوب الله يوفقه ويعطيه على قدنياته صحيح له فقده بس الخيار الاول والاخير خيار المدرب شكراً لك الله يوفق الهلال في قادم مهماته))10

امين

بس يالغلا ماودك ينزل مستواه من الحين نبيه زي ايام قرتس

كان اذا تقدم الخصم يخاف اما الحين وسط الهلال ماله هيبة زي اول

نسيت الكلام · #6 02/12/2012, 10:05 PM

الشلهوب كان مصاب فقط ، والان بيرجع للمشاركه تدريجيا

اسبرسوالزعيم · #7 02/12/2012, 10:57 PM

موجود موجود ما غاب لحظه عن العين

فتى الازرق .. · #8 02/12/2012, 11:13 PM

الموهوب يبقى كبير

بالتوفيق للشلهوب باذن الله تعالى

اتمنى لابو بندر كل خير

يعطيك العافية

.Mohammed# · #9 02/12/2012, 11:17 PM

آلشلهووب ثآآآبت وآلبآقين متحرركين .. بآذن آلله الشلهوب يعود لقيآدة الهلال بآلمباريات الجآيه

عضو وبس · #10 02/12/2012, 11:37 PM

وعليكم السلام ورحمة الله

صحيح كلامك له بصمته في أي مباراة يلعبها

ع الاقل ينزل من بداية الشوط الثاني مع العابد يشكلون ثنائي خطييير بالوسط

مع خط الهجوم الرائع والناري بنتطلع نتيجة كبيرة اقلها 4 اهدف

نزيه المشاعر · #11 02/12/2012, 11:50 PM

اتمنى اشوف الموهوب اساسي بمباراة هجر

فديت إسمك ياهلآآل · #12 03/12/2012, 12:04 AM

الشلهوب لاعب له ثقل في الهلال
أتمنى أشوفه أساسي في كل مباراه
موهوب ومميز ويلعب بروح

مجنون أبو يعقوب · #13 03/12/2012, 12:15 AM

يعطيك العافية

والشلهوب كان مصاب عشان كذا كان غايب عن المشاركة

وأوّل مباراة رجع فيها كانت قدام الأهلي

أما الفريدي وهوساوي طريق السلامة ...

بالتوفيق للهلال فوق كل أرض وتحت كل سماء

هزاع حسن الشريف · #14 03/12/2012, 12:17 AM

اتمنى اشوف الشلهوب امام الاتحاد بإذن الله .
الشلهوب ابن النادي وقع مع محمد بن فيصل اربع سنوات زاد مدة العقد خمس سنوات
ماهو المطوف للشركات الفريدي والهوساوي

waw500 · #15 03/12/2012, 12:19 AM

مافي مقارنه بين الشلهوب والفريدي او هوساوي فرررق كبير ياخوي
وان شاء الله نشوفه في مباراه هجر والاتحاد
بالتوفيق يارب ....