إقتباس الرسالة الأصلية كتبت بواسطة ABU.MOHAMMED كلام استعراضي لتعويض المستوى المتهالك. الحين بدل ما تلومون الادارة بالتقصير مع التجديد الفريدي وهو سآوي. صارت الاداره تستخدم كبتن الفريق ولعيبه الي وقعوا معهم بان عندهم ولاء من جد إدارة ابن مساعد فاشله وقاعده تلمع نفسها

أولا أحب أبارك لك الفوز في مباراة الديربي الخليجي بين :

الحالمــي & الــحــد البحريني

ثانيا اذا كنت كما أعتقدك فقراوي فأتمنى لك الفوز في بطولة رجيع الاندية العربية ..

أما اذا كنت هلالي فأتوقع أنك الشخص اللي صار ملطشة لجماهير الاندية

... عندما عرى الجاسر عقليته الطفولية في برنامج لقاء مع الجماهير الهلالية

بعدين أنت واضح مشكلتك مع الادارة التس وضعت النقاط على الحروف وألجمت كل كاذب وناعق بردود منطقية !!

على كل شبهه اثيرت من هوساوي للفريدي للمدرب لياسر وغيره ...

بالنسبة لياسر رجل في عز تألقه حورب

وفي عز انخفاض مستواه كان هداف الهلال وقبل لايرحل للعين كان مسجل 12 هدف في الدوري

هذا ومستواه منخفض

الان لو ماسجل نفس العدد ولكن اللاعب يؤدي وإيجابي وخطير وهذا المطلوب ان لم تسجل فأعطي المجهود والروح والصناعة وأعطي كل مالديك !!

الشلهوب ياسر المرشدي نامي الزوري الفرج الحارثي سلطان وكل لاعبي الزعيم والادارة والجمهور

من يحب الهلال يقف معه في السراء والضراء

والا يقشط من هنا ونقوله ماقال النعيمه :

الـــــبـــاب يــفـــوت جـــمــــل

ياااسر قااائد محنگ...

ومن الكباااتنه الذي ينتشلون الروح الانهزاميه دااخل افراد الفريق بالملعب...


الله يوووفقه لقيادة الملكي للمزيد من الانجازاااات....

إقتباس الرسالة الأصلية كتبت بواسطة ABU.MOHAMMED ياسر لو يقول بانتقل مااحد يبيه والدليل ماقدر يستمر بالمنتخب السنه هذي حتى الان مبدع هل وجود وسلي فك الضغط عنه ثالثا كلمته يجدد بريال كلام مايوكل عيش بعد ماشبع يبي الشهره ماتنقطع يعني لاتهايط وتذبحنا بالولاء لو عندك ولاء مارحت للعين وكان بقيت بالهلال لو احتياط.(فضل مصلحته على مصلحة الهلال) ابن مساعد انهزامي وماعنده روح التحدي والله العالميه صعبه قال بيمتص الغضب معظم الجمهور في هالمنتدى حلال فيهم يقطعون ويسبون لعيبة الهلال لكن فيه لعيبه حراااااام تقول فيهم كلمه ماضيع الهلال الى المبزره الي تكتب وترد واذا راحت للمباراه وتأخر الهلال بهدف والا ثنين شفتهم انهزاميين وقلبوا ضد لعيبة الهلال ومباراة اولسان كنت احد الحضور وتحسفت ان فيه بعض الجماهير الانهزاميه

أول شي طال عمرك تبينا نتكلم بتعقل ومنطق وواقعية ؟ ولا تبينا نسولف سواليف شباب جالسين عند بقالة وكلن طالب له قوطي بيبسي !!!! وننزل بمستوانا لسواليف كشتات ومش حالك !!! إذا طال عمرك تبيها بالعقل والواقعية أقولك :
نرجع للنقاط اللي ذكرتها وحدة وحدة :
1. موضوع إن ياسر مااحد يبيه !! هذا مو موضوعنا طال عمرك !! يعني انت الحين منغث عشان ياسر مالقى له عرض خارجي ؟؟ أو إن هل ياسر كان صادق في نيته أو غير صادق ؟؟ النيات هاذي طال عمرك ماهي مسئوليتنا وأمرها لله .. فلا نصير مثل الصرامي والملحم والدويش وجيستينية والشلة اللي انت خابر اللي دخلوا بنيات البشر!! الآن أمامنا كلام مشرف وكلام حلو ورائع .. رجل يقول أشهد الا إله إلا الله ليش حنا ندخل بنيته ونقول إنه غير صادق ؟؟
2. موضوع إنه ماقدر يستمر بالمنتخب : أيضا هذا مو موضوعنا !! وش علاقة المنتخب بالموضوع ؟؟؟ مع انه أنا شخصيا والله العظيم عن نفسي إني أتمنى إنه ولا لاعب هلالي ينضم للمنتخب !! لسبب بسيط : حتى يتفرغ الهلال لتوليفه صحيحه ويسلم من الإصابات ..ويفتكون اللعيبة والإدارة من الضغط الإعلامي .. مع إنهم في الواقع ماراح يفتكون لو ينقل نادي الهلال لجزر الواق واق !! لكن اللي أبغى أقوله إنه مسألة المنتخب ماااااهو موضوعنا .. وبعدين شكلك ناسي إن ياسر هو من طلب الاعتزال دولياً واللعب مع المنتخب .. وبعدين كيف تقول إنه المنتخب مايبيه ؟ مع العلم إنه أخر مباراة للمنتخب مثل ماأنت عارف إنه مدرب المنتخب ريكارد طالب ياسر لأخر لحظة بانضمامه لمباراتهم مع الارجنتين .. فأنت لم تنقل الحقيقة كما هي !! وأيضا أقحمتنا واقحمت ياسر بموضوع المنتخب مع انه ماهو موضوعنا !!!
3. موضوع إن ويسلي هو من فك الضغط عنه !! اللهم لاحسد !! انت حاسده بأن وجد له لاعب يفهم عليه ؟؟ ياأخي قبل ويسلي نادي الهلال بكيانه وتاريخه فك عنه بعض القيود لإبراز مواهبه ونجوميته !! وينك ماقلت نادي الهلال هو من صنعه ؟؟ سبحان الله صار الشي اللي من المفترض ان يمدح فيه اللاعب صارت مذمه عليه وعار ومسبه ؟؟؟ هذا بدال ماتقول الحمدلله اللي أخيرا وفق ياسر بمهاجم يفهم عليه وبالتالي تكون إبداعاته حاضره والمستفيد في الأخير هو نادي الهلال ؟؟؟؟ سبحان الله !!!
4. موضوع إنه قال بيجدد بريال واحد .. وليش ماكله بقلبك وتشرب ؟؟؟ هو طبعاً الأكيد ياسر ماهو قاصد إن الرقم ريال واحد حرفيًا !! لاشك انها صيغة مبالغة ..لكنه أراد أنه يوصل رسالة لأناس أظنها وصلتهم الرسالة .. لكن الأكيد والمؤكد إن الرسالة ماأعجبتهم وصارت ماكله بقلوبهم أكل !! والله شي غريب ماني فاهمه ؟؟؟
5. موضوع إنه لو عنده ولاء ماراح للعين ؟؟ هاذي بصراحة أغرب مامر علي !!!
الجميع والكل يعلم إن الفترة اللي راح فيها ياسر كان يمر بنفسيه وأوضاع غير صحية
ومن صالحه وصالح النادي إنه يغير المكان والأجواء لمدة مؤقته حتى يرجع لسابق عهده .. وهذا هو الصحيح ..بدليل رجوع مستواه الملحوظ .. وأغرب شي في هذه الجزئية إنه فيه ناس ولا أعلم إذا ماكنت انت من ضمنهم كانوا حينها يطالبون برحيل ياسر بل وبعضهم كان يطالب بتنسيق ياسر كليا عن الهلال !! وارجع للمواضيع القديمة وانظر كيف بعض الأعضاء كانوا بالأمس يطالبون برحيله واليوم جعلوها مسبة وعارا عليه ؟؟؟
6. موضوع إن ابن مساعد انهزامي فهذا الكلام انشائي وسهل جدا تقوله في حق أي شخص بالعالم .. لكن اعلم إنه لايصح إلا الصحيح .. وأنبهك لأمر مهم إذ لو أن ابن مساعد انهزامي لما طالب باستمراره في دفة الرئاسة .. بالعكس لكان له خلاصا ونجاة لهذه الإنهزامية !!! فرجل يعمل بالليل والنها رويتعب ويكدح بصرف النظر عن بعض الأخطاء المرتكبه وهو ليس بمعصوم فالخطأ وارد ..لكن أن نأتي وبخطة قلم وبكل بساطة نصفه بما ليس منه وبأقذر الأوصاف عند العربي الأبي بأنه انهزامي وجبان ؟؟
7. موضوع أن العالمية صعبة هذه أتركها لك ( لاتعليق ).
8.موضوع إنه بعض اللعيبة حلال فيهم إنهم ينسبون ويشتمون ( هذه ثقافة مستوردة من النادي الجار ) !!
9. موضوع إنه ماضيع الهلال الى المبزره الي تكتب وترد واذا راحت للمباراه وتأخر الهلال بهدف والا ثنين شفتهم انهزاميين وقلبوا ضد لعيبة الهلال !!
فأعتقد إنه أنا وأنت لسنا من هؤلاء النوعية !! وهذا واجبنا اتجاه هؤلاء ( المبزره ) في حد تعبيرك ..واجبنا أن ننبههم ونوعيهم ونثقفهم ونجعل ثقافة تعاطيهم في المنتدى وفي الملعب عالية .. لا أننا نهيجهم وننزل لمستواهم ونزيد الطين بله !!!
ملاحظة بسيطة : أولئك الجمهور الذين تتحدث عنهم وخااااصة في مباراة اولسان فيه معلومة ماأدري إذا كنت تعرفها أو لاتعرفها هم في الواقع ليسوا هلاليين بل هم نصراويون ولذلك قالوا ماقالوا في مباراة اولسان ..فقط للمعلومية ..فما أدري هل تعرف هذا الشي أم مايحتاج نعرفك لكونك تعرف مسبقًا ؟؟

شكرا ياسر ماقصرت وماراح تقصر إن شاء الله

صحيح كان رأيي السابق تجاهك قاسي وكنت مؤيد إنتقالك للعين سواء بالإعارة أو نهائياً نتيجة لمستوياتك بالمواسم الماضية مع الهلال ،، لكن بالموسم الحالي أثبت للجميع بأن لا زال لديك الكثير وعدت لجزء بسيط من نجومية ياسر ووصلت لمرحلة النضج الكروي حالياً بالفريق وخير من يحمل شارة القيادة بالهلال الآن

ننتظر منك المزيد يابوعزوز

كبير يا أبو عزوووووووووووووووز

بالتووفيق للزعيم وللقناص
قلوووبنا معاه والله يوفقه

ارجوا أن نحترم بعضنا ولا نجعل اختلاف وجهات النظر سبب في التهجم على بعضنا بعبارات

سيئة .. فالمنتدى الهلالي واجهة لكل هلالي .. فلا تعكسوا صورة سيئة عن الهلاليين !!

اما بالنسبة لي .. فلن اقتنع بعودة ياسر لمستواه السابق الا في حال مساهمته بتحقيق بطولة قوية

على مستوى .. مثل بطولة الدوري او بطولة كأس الملك وامام فريق قوي .. عندها سأقر واعترف

يستـآههل آبـو سعيـد .. يعطييك آلعـآفيهه

شاكر لكم مروركم و مشاركتكم

مشكور ويستاهل ياسر والله يوفقه وعندي ثق بي الله اولا ثم بياسر وزملائه بحصدالبوطولات ان شاءالله

شكرا لكل من شارك وان اختلفنا

الله يوفقك يا ياسر لكل خير