|| UCL .. دوري أبطال أوروبا || اليوفي يسحق البلوز بالثلاثة ،و سيتي يودع دوري الأبطال بعد تعادله مع الريال || تقديم ومتابعة || - نادي الهلال السعودي - شبكة الزعيم

مهند حسن · #1 20/11/2012, 07:51 AM

يعافيكم ربي على التقديم

ليه يوسف سيف

.. معلق كبير خلوه يعلق على مباراة كبيرة وريحونا

... الله يعينا على النشرة الجوية .. وعلى ميسي ومريستيانو الحزين

بيبهذلنا ابو سيف

ارسنال مونبيليه

لازم ويجب وضروري ومهم وكل ابو شي

نحقق الثلاث نقاط .. مباراة على ملعبنا طالعين من خماسية على الغريم ... خصمنا متذيل وما عنده شي يخسره .. نعم احيانا الفرق اللي ما عندها شي تخسره تبثرك داخل الملعب لانهم يلعبون من غير ضغوطات لكن لازم نفرض اسلوبنا اعتقد تسجيل هدف مبكر في اول 20 دقيقة بتريحنا كثير الفريق اصبح يعرف كيف يتعامل مع هالوضع .. شفت من خلال مباراتنا مع توتنهام بعد تقدمنا الفريق قتل اللعب بصورة ممتازة جدا ... وهذا ما يعني انه استفاد من اخطاء مباراة فولهام وشالكه ولو جزئيا ... فنيا متوقع ندخل بنفس التشكيلة اللي لعبنا فيها ضد توتنهام لا غيابات لا ايقافات ... تشكيلة ممكن تحقق النصر باقل مجهود على خصم هو الحلقة الاضعف في المجموعة.

شالكة اولمبياكوس

اتمنى الفريق الالماني يخلص ويفوز على الومبياكوس حتى نتاهل سوية .. حتى وان كان متصدر للمجموعة .. اهم شي نتاهل وبعدين يحلها الف حلال .. الفريق الالماني مرعب وسط جماهيره المرعبة وبيلاقي فريق صلب للغاية دفاعيا وعنده مهاجم بثر جدا (اللي حالق حلاقة غريبة

) .. موفقين يالالمان في خدمتنا بالطبع

.

هالجولة فيها كم قمة ما شاء الله

اكره شي في مباريات الابطال هالموسم ان مبارياتنا تلعب في نفس توقيت مبارايت المجموعة الحديديه متاعت الريال والسيتي وبكذا ما امداني اتابع ولا مباراة في مجموعتهم

الرايل سيواجه خصم شرس جدا .. لا اتوقع ان يرمي السيتي منديل المنافسه مبكرا .. واتوقع انه اضعف الايمان انه بيحاول يقتنص مركز ثالث مؤهل لليوربا ليغ .. السيتي ومع عودة سيلفا للعب .. ومع توهج تيفيز ممكن يسبب مشاكل كبيرة للريال بنشوف مباراة مفتوحة من الطرفين اتوقع انها اكثر مباراة ستقدم لنا متعة في هالجولة ولعب مفتوح وللاسف ما اراح اتابعها

ليت ارسنال ضامن التاهل بس

.

في نفس المجموعة اصبحت متعاطف مع دورتموند بصورة كبيرة فريق محترم ويقدم اداء راقي للغاية ومكسب للبطولة ان تاهلو لدور ال16 اتمنى يفوزون على اجاكس ويقتربو من التاهل اكثر واكثر ومستواه الفني يؤهلهم لذلك.

فالنسيا البايرن

اتوقع فالديفيا

ما خلا لنا شي نقوله

.. اتوقع من المباريات اللي بتكون ممتعه للغاية فالنسيا اظن نتائجه في الليغا ممتازة . والبايرن باختصار متسيد البوندز وموسمه حتى الان خورافي بنشوف ملحمة كبيرة.

تشيلسي اليوفي

بدون جدال هي من ساتابعها اليوم ... قمة قمة قمة .. اتوقع بنشوف صراع تكتيكي رهيب بين دي ماتيو .. وكونتي (هو رجع لمقاعد البدلاء ولا كيف؟؟ ) ... مباراة ستوضح الكثير فيما يختص بالمتاهل من المجموعة .. اليوفي سيكون مدعوم بجماهيره وتشيلسي يمتلك خبرة البطولة باعتباره حامل للقب .. فنيا اتوقع الفريق اللي بيسيطر على منتصف الميدان ... والفريق الاصلب دفاعيا هو من سيظفر بالنتيجة الايجابية ... دي ماتيو ان اراد الانتصار عليه مشاهدة مباراة الانتر واليوفي في نفس الملعب .. الانتر لم يكن مرعبا هجوميا .. بالعكس كان صلب جدا في الدفاع وخط وسطه كان يضغط ويضيق المساحات .. اما الاهداف فجاءت بالاخطاء الفردية من لاعبي اليوفي اتباع نفس الاسلوب سيكون مثمر لتشيلسي ... بالنسبة لليوفي اتوقع المباراة ستكون صعبه عليه اليوفي محتاج لهدف من بداية المباراة وكل ما مر الوقت سيزداد الضغط على لاعبي اليوفي .. اتوقع عندهم مشكلة في الهجوم ومنبع قوتهم تاتي من خط الوسط المتميز جدا .. لو كل المهاجمين متاحين لبدأت بكوالاريلا

>> اكيد التهجئة غلط طبعا

.. ومعاه فوزينيتش .. اما جوفينكو ابو بندر لن يكونا مفيدين في مثل هالمباراة الاول ضعيف في الصراع البدني .. والثاني شكله الى الان ما اتعود على اجواء الطليان.

فتكو بعافية جميعا