بسم الله الرحمن الرحيم

أولا الأخبار الطازجه هي جاري مفاوضات الآن مع لاعبين2 محليين ومفاوضات مع 3 لاعبين أجانب بدون ذكر أسماء أو حتى مراكزهم أو جنسياتهم وراح أفيدكم في التفاصيل إذا استجد شي في أقرب وقت أن شاء الله .

ثانيا موضوع الفريدي وهوساوي بكل صراحة بقولها وكلامي محسوب علي كلهما اللاعبين طالبين على الإدارة الهلاليية مبالغ باهضه جدا لاتوازي إمكانياتهم الفنيه تدرون ليش لانهم مايبون الهلال بكل صراحة ومن الأخير طالبين هذي الطلبات المعجزة حتى هم اللاعبين يطلعون من الموضوع ويكون الضحيه الإدارة ويتورطون في عقدهم لانهم لايريدون الرياض يبون عند أهلهم هذي هي الصراحة اللي محد راضي يقولها لكم الكل عارف كيف هوساوي وقع مع الهلال عن طريق المضاريف وقبل لايوقع كان ذاهب يوقع مع الإتحاد في مكتب الرعاية في جده لكن حصلت مشكلة بينه وبين نادي الوحده وإلغيت الصفقه وتم فتح المضاريف وكان الرابح فيها الهلال وجاء للهلال وكان جاي غصب عليه مو بيده الأمر حتى يرفض أما أحمد الفريدي الكل عارف أنه غير مرتااح جدا في الرياض بسبب بعده عن أهله منذ فترة طويله من يوم كان في فئة الشباب الى الآن وهذي هي فرصتهم الوحيده حتى يقربون لم أهلهم ويشترون لهم بيوت ويستقرون هناك اللاعبين ماهم طالعين في الإعلام ويقولون مانبي الرياض نبي عند أهلنا لان راح يقومون عليهم الإعلام ويصفونهم بغير محترفين يعني بالعاميه اللاعبين مايبون الرياض ويبون عند اهلهم .


هذي هي الحقيقة بكل أسف انا ماجبت شي من عندي كل هذي الإشياء من شخص ليس بقريب وليس ببعيد عن الإدارة وعن الوسط الرياضي عامه الآن هم راح يشوفون مستقبلهم وعلينا حنا بعد نشوف مستقبلنا وندعم فريقنا ولاعبينا وندعم الفريق في لاعبين محليين واجانب وراح نحرز البطولات أن شاء الله تعالى .


15 _ خلهم ينفعونك دامهم يعجبونك اليوم تضحك شفاتك وبكره تبكي عيونك _3


أنتهى