بكل بساطه الهلال محتاج صانع لعب عليه القيمه والشيء هذا الكل يطالب به من بعد البرازيلي نيفز الى الآن الهلال يلعب بصناع لعب من اصحاب المستويات المتوسطه يعني نقدر نقول فئة (*** نجوم )وماعندنا الاعب اللي يصنع بمهاره للمهاجمين ويسدد اخطاء قريبه من المرمى في الشباك مع احترامي للمحبوب الشلهوب ولكن اكيد ان للسن احكام وفي نفس الوقت عزوز الاصابات اثرت عليه ومافيه احد نقدر نقول انه صانع لعب جيد الا نواف العابد اذا سلم من الاستعراض والمزاجيه .

ماهو معقول تفكيرنا يكون نجيب مهاجمين وماعندنا صناع لعب مميزين !!المشكله ان اكثر منسوبي النادي مقتنعين ان المشكله عندنا فقط في الهجوم وان خط الوسط مايحتاج لاعب اجنبي .

الهلال كان يقدم بوجود البرازيليين (كماتشو) و(نيفز)اجمل وافضل وامتع كوره يعني فترة كماتشو كنا نضمن صناعة لعب ونضمن تسديد اخطاء من خارج منطقة الجزاء ونفس الوضع في فترة حضور نيفز كان الفريق مرعب والسبب قوة خط الوسط واذا عجزوا المهاجمين عن التهديف ارسل البرازيليين صواريخهم من مناطق بعيده تصيب الشباك .

أتمنى من ادارة الهلال استغلال فترة التعاقدات الشتويه والتعاقد مع صانع لعب برازيلي ولا غير البرازيلي لانهم على رأي مصطفى الاغى (الافضل والاجمل والاكمل)حتى لو كان المدرب ماهو مقتنع في البرازيليين وحاول يجيب لنا من حراج الدوري الفرنسي لان مانجان يكفي ويوفي في هذا الجانب .

يعني تخيل خلف ويسلي وياسر صانع لعب فنان من ابناء السامبا اكيد رح يكون للفريق وضع آخر.