كفو كفو كفو بدأو الاعلامين
مسبوقين الدفع من قبل ابن مساعد وصارو الحين ضد الفريدي بعد ماتأكد انه راح يخرج من النادي
لاتقصرون بالتقليل من الفريدي واسامه هوساوي بعد خروجهم من الهلال واقترابهم من
الاتحاد وكثرو من النقد على شان بعض الجمهور لايكره بن مساعد على سياسته بطرد الاعبين او التوقيع ببلاش

اسامه هوساوي+ احمد الفريدي+ عيسى المحياني .. في اقل من سنه تم اخراجهم من النادي وهم من شالو الفريق

عطوني لاعب محلي جابه بن مساعد من حسابه واستمر للحين مع الفريق
جل لاعبين من فئة رخيص وتسكيت الجماهير . ومن ابرزهم النجم العالمي سعد الحارثي بنص مليون ببلاش ياحبيبي ببلاش

وين كلامك يابن مساعد يوم تقول اتفقت انا وهوساوي اذا رجع للسعوديه لايرجع لغير الهلال
وين كلامك يابن مساعد بعد ماوقع الفريدي مع وكيله البلوي طلعت في اكثر من برنامج وصحيفه وتمدح البلوي وتقول شخص عملي لاينتمي الا اي نادي

وين كلامك يابن مساعد وتحط اصبعك على خشمك وتقول ابشرو اسيا بجيبها وقبل فتره تقول العالميه صعبه قويه

قسم بالله اني اكرهك يابن مساعد والسبب سياستك الفاشله اللي دمرت الفريق واخرجت النجوم

نصيحه لك يابن مساعد .. هذا الوقت المناسب لكي تخرج الاعلامين مسبوقي الدفع الس وتخليهم يمدحون سياستك لان اغلب الجمهور الهلالي الان تفتح شوي وصار يفهم وش اللي قاعد يصير بناديه

والله ليبكيكم عبدالرحمن بن مساعد
بس اصبرو شوي كمان وتشوفو المهازل
لاعبين الهلال راح تلقونهم في الاتحاد والاهلي
اتمنى من الرئيس عدم العبث بالنادي وتخريبه قبل مغادرته
اتمنى يسلمه من الان وكفايه الي صار
مع هوساوي والفريدي
والاتحاد راح يرجع يتربع في القمه
بفضل لاعبين الهلال

اللاعب محترف ويبحث عن مستقبل ومثل ماقال اذا الادارة تبي مصلحتها أنا أبحث عن مصلحتي
والصراحة الادارة ماهمها اللاعبين وتبي الاستثمار

بالنسبه لي ماقوله الله يوفقه بقوله مثل ماقال صالح النعيمه الباب يوسع جمل وبزيد عليها الله لايوفقه بناديه الجديد

هذه نصيحه من تجربه ماشاهدناه في اوقات سابقه
الحين فترة رئاسه جديده لبو مساعد وراح تكون فتره روتينيه اتوقع والله اعلم
يعني بناخذ كل سنه بطوله او بطولتين مثل السنين الي مضت وراح تنتهي الاربع سنوات وابو مساعد مثل الفتره الي سبقتها وراح يروح ابو مساعد وينسونه الشارع الرياضي لانه زيه زي غيره من رئساء الهلال ماعمل شيء جديد هذا واقع ومتوقع
لاكن نصيحتي لابو مساعد
ان يخليها فتره جحيم على جميع الانديه وفتره ماينسونه جماهير الهلال ويتغنون فيه لعشرات السنين واكثر قدام وكذلك يفرض هيبه قويه له في الشارع الرياضي او الشارع الاعلامي وهيبه لفريق الهلال
طبعاً مثل ماسمعنا ان خزينة الهلال بخير والحمد لله لاكن ابو مساعد بداالسنه يوفر في امور الماليه وهذا اكبر خطأ راح يرتكبه من العام المضي يعني اذا دخل الهلال مثل ماتقول الاداره 100 مليون في السنه والله كفايه تولعها وتشعللها
يعني الفريق الحين في حاجه ماسه جداً للنجوم والفريق في حاجه لـ30 لاعب بمستوى واحد عشان ترهب الخصوم بكل المباريات والكؤوس
اسامه هوساوي والفريدي عطهم الي يبون لايروحون الاتحاد او الاهلي لان الاهلي بيدفع الي يبونه ميزانيتهم مفتوحه ؟ وكذلك الاتحاد لان وراهم البلوي عطهم يبون 7 او 8 او 10 مليون بالسنه عطهم الفريق في حاجه لهم وشوف فريقك وش يحتاج من نجوم وجبهم مثل اسامه المولد مثل منصور الحربي مثل يحيى الشهري سعود كريري ناصر الشمراني اوماهجم الاتحاد المولد الصغير واحمد عطيف وحسن معاذ مثل الحارس حق الفتح او السبيعي حق الاتفاق
كم راح يكلفون كلهم بالسنه 60 او 70 مليون والله ماهي خساره فيهم اذا تبي فريق مايقهر وتبي الكل يهابك ويهاب فريقك الكل يتكلم عنك وعن فريقك وعن البطولات الي بتحصدها وكذلك ماراح ينسون عبدالرحمن بن مساعد رئيس الهلال راح تبقى في الذاكره وللعلم راح يوقفون معاك الكل عضاء شرف شركات رعايه وغيرها عكس منت عليه الان ترى سواها البلوي في السابق وحقق خماسيات ورباعيات من بطولات وكاس اسياء سنتين ورى بعض لانه جاب نجوم ورفع عقود الاعبين واغراهم بالمال وجابهم ورفع اسعارهم من مئات الالوف الى ملايين ونجح والى الان يذكرونه ويذكرون وش سوى مع الاتحاد ويطالبون فيه الى الحين ولو رجع راح تكون كارثه اتمنى والله امنيه انك تسويها لاتخشى رئيس الشباب او الاتحاد او الاهلي لاني الاحظك ماتقدر تدفع لاي لاعب ينتهي عقده من هذه الانديه والمثال حسن معاذ وكريري وغيرهم ماقدرت تدخل المزايده قوي قلبك وخل عنك المثالايات لاتزودون على ولا ازود عليكم اتفاقيه فاشله مع رئساء الانديه الي يبي يتميز لابد ان يتجبر ويتوكل على الله انت كل شيء مهيئ عندك موجود لاعبين نجوم بس بحاجه انك تدعمهم بست او سبع نجوم من الفرق الاخرى نصيحه انسى موضوع التوفير والمثالايات وجرب ماقلته وشوف وش بيسير
واتمنى لك التوفيق

ما ضيعنا الا المكابرة وشوفة النفس الفريدي لاعب كبير وانتقاله خسارة كبيرة جدا وسيقلب الموازين لمصلحة الاتحاد ليه الادارة كذا مو كفاية ضيعت اسيا تجي تعميها بالفريدي والفرق ثلاثة مليون بس

رحيل الفريدي أمر متوقع لأنه إنسان مادي ويزايد على نفسه في القنوات،،،،المشكلة لو راح هوساوووي الأخبار تقول أنه اقتر من الإتحاد

تسلم الأنامل على ما كتبت

سلملي على كلام الأسطور صالح النعيمة فقد أعطاك وصف دقيق لحالة اللاعب الفنية
وأضيف عليها صفة النرجسية التي تحيط باللاعب وهي ليست صفة يتخلق بها نجوم زعيمنا

الهلال لا يقف على لاعب

مع السلامه

يعطيك العافيه ع الطرح

الفريدي مايختلف عليه اثنين.. نحترمه ونحترم لعبه هلالي كان والا غيره . والحين احنا بعصر احتراف الله يوفق الفريدي وين مايروح ... ماقصرت.. لاتنسون الكوره جماعيه لاعب مايأثر بفريق .وخاصه مثل الزعيم . باي باي فريدي وبالتوفيق يازعيم

الهلال لا يقف على لاعب الهلال كيان راحووو غيره ورجعوو منكسرين

لاعب بارد ممل وزي ماقال ابو فهد لاعب يحضر مباراة ويغيب عشر

مع السلامة والقلب داعي له بعد

من كميه الدلاخه اللي براسه
وين بيلقى احسن من الهلال !
متكبر وشايف نفسه وماخذ المباريات
ع مزاجه



عوافي