موضوع الفريدي اخذ اكبر من حجمه ..

احنا نتكلم عن الاحتراف ونطالب بالاحتراف
ولما يتطبق ويكون ضد مصلحتنا نقول لا ما نبغى ..

اللاعب كان موقفه واضح وصريح
الادارة قدمت عرض
اللاعب رفض العرض وطلب عرض اخر ..

اللاعب في الاول والاخير ما غلط
ألتزم و كمل عقده كامل مع الهلال ..
ولا هو ملزوم يوقع للهلال ..
في الاول والاخير حر في قراراه ..

اتمنى من الفريدي يقبل بالعرض الهلالي
لكن في المقابل ما راح ابكي اذا غادر الهلال لانه اذا غادر هذا فيه مصلحة للاعبين الشباب
في انهم ما يبالغوا في عقودهم ..

يا ليت يكون عندنا عقلية احترافية ونقبل الاحتراف من جميع جوانبه ..
كلنا شفنا اللاعبين القدامى لما اعتزلوا بدون تأمين مستقبلهم كيف صارت اوضاعهم
لا ادارة نادي ولا اتحاد قدم ولا حتى جمهور تذكرهم ..

الله يوفق الهلال الكيان ..

ياجماعة الخير أي تأمين وأي مستقبل
كفاية
الواحد يقول أبغى. خمسين مليون عشان أأمن مستقبلي
يأمن مستقبله ولا يأمن مستقبل للقبيله كلهاااا
كفايه ضحك على الدقوون
ماحد قاله يلعب ببلاش
هذا مو تأمين مستقبل هذا اسمه طمع والطمع ضيع ماجمع

لاعب ينتمي للماده و يخفي جانب طمعه بلعبه لكرت ( الاحتراف + تأمين المستقبل )
ابي افهم شيء واحد .. 5 مليون في السنة ما تأمن مستقبلك ؟؟ انت ناوي تأمن مستقبلك و الا مستقبل
5 عوائل غيرك ؟؟ من حقه طلب اي مبلغ يريده لكن من حق ادارة النادي رفض طلبة و حفظ حقوقها و ردع
ابتزاز الاعب ..!!

الـهلال أكـبر من هذه الشكليات من الاعبين الناكرين للجميل ,,

ياليتك ترحل انت يا ماجد الدوخي

اللاعب المحترف موظف ويبي عرض افضل ومن حقه يختار

الاعب محترف ويحق له الانتقال
لكن عقد الفريدي موضوع اخذ اكبر من حجمه
يعطيك الف عافيه يا اخوي
جزاك الله الجنه

بكرة نخلص من الفريدي يطلع لنا المرشدي يقول ابي 30 مليون ابي أأمن مستقبلي !

للأسف البعض يردد بطريقة عجيبة أن اللاعب محترف ومن حقة طلب السعر المناسب.. أحنا ماقلنا شيء .. لكن هل سبق وشفتوا لاعب في الهلال أو غيره بعد كل مباراة يطلع ويصرح ويسوق لنفسة بشكل يضر الفريق وهو لايزال على ملاك النادي ؟

والمضحك أن الفريدي له سنتين وهو عالة على الفريق .. يلعب 10 دقائق ويغاب 10 مباريات
ولا لعب برود قاتل وأستهتار غير طبيعي..

أتمنى من الأدارة الأعلان عن سحب عرضها للفريدي حتى تبان حقيقة اللاعب.. وعروضة الوهمية.. أللي جالس يهددنا فيها

أجل لوكان مثل الشلهوب والثنيان والذئب والتمياط والتيماوي وغيرهم ممن كانوا أعندة الفريق أيش بيسوي فينا ..

خروج الفريدي من الزعيم بالنسبة لي أعتبرها بطولة بحد ذاتها

إقتباس الرسالة الأصلية كتبت بواسطة sahaib لاعب موهوب ومن حقه يطلب الي يبغئ وفرق بينه وبين لاعب مصنوع

شكلك من اللي كانو يمدحون الكوري والله اعلم

لو مصنوع مالبلوي عطاه ملايين

إقتباس الرسالة الأصلية كتبت بواسطة ماجد الدوخي أتحفنا ولد الفريدي وكانه أراد ان يحرج شبيه الريح عندما قال : انه مؤتمن على نفسه كما رئيس الهلال كذلك .... هنا والآن بالذات اقول شتان بينك وبين ولد قحطان ياسر الكاسر .. الذي خرج للعالم وقال اريد الهلال ولا غير الهلال وأتشرف بخدمته وبالقرب منه وهو الذي بزغ نجمه وذاع صيته بعيدً عن أسوار الهلال .. لكنه عرف يختار وضحا بالمزايدات وآختار الزعيم وهو شرف لنا كما هو شرف له .. اما انت يا من تزايد على من عرف من حولك بك .. ما زلت تكابر وتراوغ بعد ان غرتك الدنيا فهل جزاء الإحسان الا الإحسان ارحل غير مأسوف عليك فسيظل الزعيم زعيم بدونك وسنظل نعشق الزعيم وننساك ... رجائي الخاص من إدارة الزعيم المؤتمنه على قول ابن الفريدي ان لا تزايد ولا ترهق ميزانية النادي من اجله وتدعه يرحل فسوفا تنقضي غايته عندها لا ينفع الندم ...

بالعكس هو تعلم من خطا ياسر
ياسر لما ضحا للهلال شوف جماهير الهلال وش يسوون فيه يتكلمون ويحطمونه لاعب مستواه نازل وجته ظروف لو جت احد غيره ليعتزل وهم يزيدون الطين بله ويقولون ليش مايرجع الحمدلله رجع بفضل الله الان

عااااااااااااااااااادي جدا الفريدي 000 راحل الي افضل منه والزعيم بقي زعيم ماشاء الله نفسي اشوف احمد الفريدي في غير الهلال

الصادق الأمين
هو
نبينا / محمد بن عبدالله بن عبدالمطلب من قريش
صلى الله عليه و سلم

أما رئيسك و غيرة من البشر فلا يستحق أن يلقب يأي لقب من ألقاب الصادق المصدوق صلى الله عليه و سلم

انتبه لا تعميك الكورة

اولا لي تحفظ ع لقب الصادق الامين هذا خاص لرسول البشر
فمهما كان الشخص الا انه لايصل ليكون صادق امين لانه بشر
ولامعصوم الا رسولنا صلى الله عليه وسلم
اما الفريدي فانا اشوف ان 6او حتى خمسه مليون نعمه
والبعض يقول يحق له يطلب اللي يبي انا اقول ان الامر هنا للاداره
وليس للاعب الاداره نقدم للاعب العرض اللي تشوفه انه يستاهله
ان قبل به خير وبركه وان رفضه يجيب النادي اللي مستعده يشتريه
ويكسب الهلال منه ويروح له
اما البعض اللي فاهم الشغله غلط ويحق له يطلب لانه نجم
اقول لهم وباقي لاعبين الهلال ليسو نجم
ام هل هم ملائكه ماراح يطلب مثل الفريدي او ربما اكثر
في كل انديه العالم ليس الاعب اللي يطلب المبلغ اللي يبي
او يترك النادي بل هناك قوانين وعقود