|
قبل ان يرحل الفريدي...شاهدوا حال الوسط..وقرروا...رائيكم السلام عليكم ورحمة الله وبركاته... اسعد الله اوقاتكم بكل خير ظهور الفريدي الاخير استشعر انه حديث الرحيل فاللاعب قالها ورددها انه يبحث عن مادة وهذا من حقه في السابق كنا نقول ليرحل ولن نتأثر بذلك ولم تكن الكلمة من فراغ حيث اننا كنا نملك تخمه في الوسط بمستويات عاليه واسماء رنانه خبرة ومستقبل وكنا محسوديين من الجميع على ترسانة الوسط التي بامكانها هد اي حصون واقتلاع جذور كل من يواجهنا...هذه الميزه على مستوى الاجانب والمحليين وكان الهلال موفق حتى في استقداماته الخارجية جميع ماسبق كان كافيا لوحده ان لانلتفت الى الفريدي او حتى غيره فمن يريد ان يرحل وبالذات في هذا الموقع فليرحل ((والقلب داعي له)) الان..تغير الحال فالشلهوب لم يعد محمد الموهودب وسالم الدوسري يشهد مستواه هبوط حاد اشبه بهبوط مؤشر سوق الاسهم قبل سنوات وعبدالعزيز الدوسري مع تواجده الدائم اساسي يشهد مستواه هبوط تدريجي ولايظهر في المباراة الا على فترات بسيطه وكانه لاعب يحتفى به في مباراة اعتزاله والبقية لايخلو احد من عيب لم يكن يتواجد بالهلال والقصد معروف من كلامي هذا هذا هذا التراجع والهبوط في هذه الخانة هو المحفز كي نقول للادارة تمسكي بالفريدي ولا للتفريط به حتى لانندم يجب التجديد معه يجب اعادة المفاوضات والجلوس معه وتقريب وجهات النظر او التحرك لجلب وجلب هذا اللاعب فقط((يحيى الشهري)) اسعد برائيكم ومناقشة هذا الموضوع بطريقة تخدم مصلحة الهلال فقط محبكم |
تبي الجد خلاص عافه الخاطره خصوصا انه كان المفروض من اول يقول انا ابغى مبلغ اعلى خصوصا ان الاداره من زمان قلت قدمنا عرضنا ولن نزيده ويجلس يماطل لحد الدخول في الفتره الحره ولايستفيد منه النادي ذيك الفايده وبنفس الوقت قلها بنفسه لو عرض الهلال اقل باقبل فيه يعني الهلال اعطاه 6مليون ونصف لنفرض انه جاه 7او 8لانه مستحيل نادي يدفع فيه اكثر ليه ماوقع لان العروض متقاربه اما ان كان هناك عضو شرف نصراوي حسب كلامهم بيدفع 35مليون خلاص الله يرزقه يروح بس عليه يعرف انه مابيكون عن طريق النادي ويمكن مايعطيه |
إقتباس:
لايهمني من سيدفع له المهم عندي وبوضعنا الحالي..عدم تركه الوسط يعاني..ويعاني تحيتي لك |
إذا راح الفريدي اتمنى جلب يحيى الشهري بديلً عنه غير كذا سلملي على الوسط وجلب يحيى الشهري تعويض من الإداراة الهلال عن رحيل الفريدي غير كذا مانقبل ويحيى الشهري راح يسد مكان الفريدي ويعطي درس للبقيه اللي مستوياتهم طايحه |
إقتباس:
ثم يجيك لاعبين الهلال الاخرين يطلبون نفس الشي ياخي اذا اردت ان تطاع اطلب المستطاع وبعدين الوسط عندنا بخير ونقدر نجيب وسط او صانع لعب اجنبي واتحدى يكلفنا 35مليون وبعدين تروكم فاهمينها غلط هي اعطة سته مليون ونصف ع السنه اذا يبي سنتين 13مليون واذا اربع 26مليون والله نعمه |
اللاعب , من حقهه , يبحث عن مصلحته اولا ثانيا , اتمنى من الادارهه عدم التفريط في اللاعب , وخصوصا ان احمد يقدم مستوايات جيدهه ثالثا , في لاعبين في النادي احق من يحيى الشهري , بس يتمنون الفرصهه , رابعآ , مدربنا هو من يقتل لاعبينا , ويوظفهم في اماكن ليست لهمم اسال الله العظيم ان يوفق هلالنا وترجع هيبته يااارب اشككرك اخي على موضوعكك |
إقتباس:
تكلمنا عن امور قبل هذي ولم نجد اذان صاغيه اتمنى في هذا الموضوع ان يكون هناك تحرك قوي |
إقتباس:
ان كان اللاعب قيمته الفنية عاليه من حقه مطالبتي هناك لاعبين حتى وان طالبني وانا لا احتاجه وبالغ في طلبه فلن التفت له لكن ان نكابر ونفرط كما فرطنا في السابق بكماتشو وتفاريس والدوخي وخميس العويران التفريط يجب ان لايستمر لابد من المحافظة على من نحتاجه بالنادي القضية ليست مطالبه والكل راح يطلب وليس كل من طلب سنلبي له انا في عملي لو جاني راتب اعلى من راتبي الحالي لذهبت ان ذهب الفريدي سنخسر كفانا مكابرة ان نقول ان الهلال لايتأثر يستأثر الدوخي سنوات ونحن نبحث عن من يعوضه وكم دفع من الملايين قليل من التفكير احبتي |
إقتباس:
لكن انت حاليا تحتاج لاعب جاهز والشهري كذلك اللاعبين في الهلال تحتاج اعطائهم فرصة من بداية الموسم اللهم امين وحياك الله |
نعم أوافقك الرأي هذا هو الكلام السليم لابد من احضار الشهري بدل الفريدي اذا رحل اما بخصوص العضو اللي يقول فيه لاعبين بمستوئ الشهري اتمنئ منه يذكر لي هالاسماء ألبي بنفس المستوئ!!! |
إقتباس:
|
إقتباس:
لكن احنا مابيدينا شي غير النقاش لكن انا في صف الاداره 6مليون ونصف كفايه وبعدين والله الفريدي مش هو اللي شايل الوسط قولي مع كوزمين وقرتيس وكالديون والحين كم لعب مباراه لكن انا قلت رائي والله يختار مافيه الخير لنادي |
الله يوفق احمد مع الهلال او غيره في لاعبيه راح يسدون مكانه في منطقة الوسط بالتوفيق لاحمد وللزعيم باذن الله تعالى يعطيك العافية |
اتفق معك ان حال الوسط حالياً لا يسر . في حالة رحيله لا قدر الله اتمنى تواجد البديل المناسب في وسط الملعب اين كان لاعب محلي او اجنبي .وفي حالة استمراره فهذا شي يسر الخاطر .. الله يكتب اللي فيه الخير شكرا لك . |
الوسط مليان في الهلال عند ك محمد الشلهوب نواف العابد عبدالعزيز الدوسري سالم الدوسري مبارك البيشي بدر المرشدي عبدالوهاب الفريدي عبدالعزيز السويلم كل لاعبين في مستوا الفريدي |
مشكلة الفريدي يبغى فلوس يبغى يأمن مسقبله علشان يقول للكره مع الف سلامه والله الفريدي لاعب وله مستقبل لو انا مثله راح اوقع للزعيم على بياض والله على بياض |
ككلنا نتمنى بقاء الفريدي بس مع اسلوبه هذا اتمنى الاداره ماتغير رائيها ابد ولا تزيد ريال واحد على العرض المقدم له لاسباب وجيه الاول :كم عندك نجم واعد قريب من التجديد اذا كل نجم رضخت الاداره لمطالبه ماراح نخلص ..! ثانيا : الفريدي لم يقدم للهلال مايشفع له المطالبه في زيادة العقد المقدم له من الاداره والارقام والاحصائيات تشهد على كذا ..! ثالثا : صحيح انه فيه انخفاض في مستوى لاعبين خط الوسط في الهلال بمافيهم الفريدي وارجع السبب من وجهة نظري البسيطه الى غياب اللاعب الاجنبي المتميز في هذا الخط |
اتمنى رحيل الفريدي لاعب فضل مصلحتة على النادي والجمهور وبصراحة اول مرة اشوف لاعب يسوي في نادية زي كذا الله لايردة ولاعاد اشوفة وبخصوص الوسط الهلال بوجود الفريدي او بدون الهلال يحتاج صانع لعب اجنبي وبعدها الوسط مليان ,, العابد افضل من الفريدي بلميون مرة ,الفريدي لاعب طاح من عين الكثير باسلوبة الوصخ للاسف |
بقاء احمد الفريدي من رحيله ليس بيد الإدارة انما هو قرار احمد الإداره قدمت مبلغ هيا تقدر عليه .. والقرار الاخير لحمد هل يبقئ ام لا لاتستطيع الاداره ان تغصب احمد علئ اللعب للهلال .. فلا تضغطوا علئ الإداره ببقئ احمد إذا ارد احمد أن يبقئ ف اهلا ومرحبا وان اراد المغادره فالباب مفتوح والله يوفق احمد سوا بقئ ام غادر وفي حالة مغادرة احمد للهلال اتمنئ جلب والتقاعد مع يحئ الشهري روؤوحي هلاليه ♥♡ |
الفريدي لا يريد الهلال بالعربي ولا في احد يرفض 26 مليون |
بملايين الفريدي نضيف مليون ونجيب الشهري افضل منه بمئة مرة فليرحل مع الضحك عليه ايضا |
مشكور اخوي على الموضوع اتفق مع الكلام الي قلته وخاصه يحيى الشهري اتمنى اشوفه لاعب هلالي لنه يعتبر افضل صانع لعب في الفتره الحاليه وخالصه من اللاعبين المحلين في الدوري ويذكرنا ببدايه الشلهوب لاعب ذكي وسريع مراوغ لمساتحه حاسمه للمهاجمين وبتوفيق للملكي يااااااارب |
الجمهور الي يقولون يحيى الشهري ( الاهلي عرضوا عليه 28 مليوون و لا و افقت ادارة الاتفاق ) والاداره مهب راضيه تدفع اكثر من 12 مليوون للفريدي ! غيررر ان الهلال لو بيفاوض اي نادي على لاعب بيرفعوون السعرر و تسيرر مزايداات مع انديه :to: :ba1: |
خسارة الرقم اللي يلبسه والله ................. |
كرامة الهلال عن 1000 فريدي ..!! لاعب يبتز النادي جهاراً عياناً .. لاعب صّرح انه ينتمي للماده فقط .. لاعب يبدع في مباراة و يغيب في 10 .. و الاهم من هذا كله لاعب ضرب بالنادي و جماهيره عرض الحائط ,, لاعب ما قدرك كجمهور فـ ليش جاي تقدره و تدافع عنه ؟؟ على ما قال النعيمة (( الباب يوسع جمل )) و وسطنا غنيُ بمن هم افضل منه و اكثر فائدة فنية " بإلاحصائيات و الارقام " ,, |
يعطيك الف عافيه موضوع رائع جزاك الله الجنه |
يحيى الشششهري :smilie47::smilie47::smilie47: والفريدي الله مععاك روح النصصر قسسم مامعاك غير الهزايم والنكد :s2::laugh: لبى هلالنآ s13s كم اعششق هذا الككيآن :smilie47::smilie47: |
ما نحتاجه مستواه متواضع الهلال يحتاج الى لاعبين افضل منه |
كنت اتمنى بقائه اما الان اتمنى رحيله ملينا الين متى وهو على هالحال ياشيخ الزعيم سيبقى شامخ |
الهلال مايوقف على لاعب , راح اللي افضل منه , اذا بيقعد اهلا وسهلا اذا ماراح يقعد الله يستر عليه وعلى قولة المثل ما تعرف قديري الا اذا جربت غيري الهلال مليان وسط , وكل واحد يقول الزين عندي |
نحتاج صانع لعب أجنبي من طراز عالي وساعتها راح ننسى الفريدي واشباة اللاعبين اللي زية ماخذتهم الغرور بالنفس .. |
كلامك منطقي وفي محله لابد من الجلوس والتفاوض معه حتى الاقناع اما بالتوقيع او الرحيل ولكن مع التعويض بلاعب بدل منه ..... |
إقتباس:
|
هذا حال الوسط وهو موجود لا جديد اللي يرى موضوعك يقول ان الفريدي توه يصل للهلال وقاموا بالتخلي عنه يا اخي الفريدي في الموسم الماضي لعب 22 مباراة في الدوري وسجل خلالها هدفين فقط ولم يصنع سوى خمسة أهداف الله يسهل عليه |
الفريدي لاعب فنان من افضل صناع اللعب بهذه الفترة والتي يعتبر بها صناع اللعب عملة نادرة كجمهور نتمنى من الإدارة أن لايذهب هذا اللاعب نتمنى ان يتم التجديد معه ( امور المفاوضات وطريقتها ومبلغ العقد ومدته هذا شغل الإدارة) ليس من أختصاصنا مايهمنا الا يذهب هذا اللاعب وفقط البلطان حافظ على ابناء عطيف بعز مستواهم وجدد لشهيل ومعاذ ورغم انه لاتمارس عليه ضغوط جماهيرية كبيرة .. نتمنى من عبدالرحمن بن مساعد أن لا يذهب احد افضل لاعبي الوسط من فريقنا .. شكرا لك صديقي التويتري |
يعطيك العافيه اخوي وطرحك اكثر من رائع وانا اوافقك الرأي وكتبت موضوع بهذا الخصوص احس ان الهلال بدأ يفرط بنجومه وانا خايف بصراحه من هالسياسه |
أتمنى من الفريدي يروح لأي نادي آخر لأن الهلال ما يوقف على لآعب مهما كان مستوى هاللاعب وبعدين اللي يشوف بعض تعليقات الإخوة الأعضاء في الموضوع يقول إن الفريدي يلعب أساسي ترى الفريدي ما لعب هالموسم إلا دقايق معدودهـ يعني لو حسبناهـا ما تجي مباراتين أو ثلاث على بعض وإذا خرج الفريدي من النادي أو لم يخرج أتمنى من الإدارة جلب صانع لعب برازيلي مثل طيب الذكر نيفز يعطيك العافية على الموضوع وبالتوفيق للزعيم |
والله من جلس الفريدي بالدكه وصار عبد العزيز الدوسري اساسي يدهور الهلال عبدالعزيز لاعب ميت بالملعب تقل حاطين برجلية ثقااالات مايعرف يركض وكل تمريراته خطأ ياااااااااااااااااااااهـ متى يرووح للرائد متى |
اذا رحل الله يووفقه اما اسلوب المادة حنا صح بعصر احتراف بس قبل ما تطلب مبلغ كبير عليه أن يفكر هل هو يعطي في الملعب على قد هالمبلغ ولو الادارة رضخت لطلباته هالامر بيسبب مشكلة في المستقبل لان كل لاعب حيبدأ يعمل نفس الشيء ... |
والله شوف كلنا نبغى الفريدي يوقع معنا بس في مبلغ معقول جدا مو يجئ ويطلب 25 مليون عقده بالكامل أو 30 مليون ويقول انا أبغى اامن مستقبل أولادي ؤيبغى 5 مليون أو 6 بالموسم الله يهديك يااحمد شوف اللي فلوسه يدوب تجيب له شيء هذا برأيك كيف يقدر يأمن مستقبل أولاده ؤبعدين إذا عطينا الفريدي العرض اللي يبغاه وهو أصلا مايستحقه بيطلع لك العابد ولا ع الدوسري ولا س الدوسري ولا سلمان الفرج ولا البيشي ولا أي لاعب صفير ويطلب فلوس زيه وأكثر بعد |
إقتباس:
|
إقتباس:
نعم اما التجديد معه ومحاولة تقريب وجهات النظر ولا لاعب يسد مكانه ويعيد للوسط حيويته المفقوده حاليا الاستقطابات الخارجية مؤخرا لاتسر ولاتعطي مؤشر اننا من الممكن ان نحصل على لاعب يعيد للوسط قوته شكرا لك |
إقتباس:
لكن صدقني سنخسره ان كان هناك زياده معقوله اتمنى التفاهم معه البلطان دفع لعطيف اخوان ولمعاذ وللشهيل مبالغ اكثر مما يستحقون من اجل ابقائهم بالشباب والمحافظه عليهم والمحافظه على استقرار الفريق والمبالغ التي دفعت بهم لايستحقونه ولكن هذا واقع يجب ان تعايشه |
إقتباس:
العابد ممتاز جدا وهو افضلهم حاليا...يعاب عليه المزاجيه وتخشى ان لاتجده وقت الحسم عزوز للاسف يشهد مستواه تراجع بعد ان ضمن الخانه واصبح يلعب اساسي سالم الدوسري شوفة عينك غير موجود بالخدمة مؤقتا لاعبي الاولمبي لايمكن ان تعتمد عليهم حاليا بالشكل اللي تضمن فيه قوة الفريق وخصوصا في اسياء تحياتي لك |
إقتباس:
لذلك اخشى من هذه النقطة كثيرا لايوجد حاليا لاعب من الممكن احضار مثل يحيى الشهري تحياتي لك |
لاعبين محليين متميزين في نفس خانته وباقل من قيمته بصراحه لو الامر بيدي ما دفعت له ريال لا هو ولاغيرة من اللاعبين اللي يساومون النادي ويطالبون بالمادة على اساس انه عصر الاحتراف اللي هم انفسهم يجهلونه وما يطبقونه زين |
إقتباس:
عموما العقد سيكون على دفعات بشكل رواتب وليست كالسابق تدفع كلها او اغلبها لو انا مكان الفريدي اعطي الهلال اموال حتى اكون لاعبا هلاليا ولكن الواقع الان يقول انا غير ذلك لك تحياتي |
إقتباس:
الادارة في الاندية الاخرى تحافظ على لاعبيها وتقرب وجهات النظر بينهم بغض النظر عن حكاية المستوى ووضع الاسماء هنا لكن انا اتكلم في نقطة الادارة والمحافظة على لاعبي ناديك لنا في الشباب نموذج عندك الاتحاد لايفرط بسهوله الاهلي لايمكن اخذ لاعب من الفريق بسهوله اندية العالم تدير امورها بهذه الطريقة وهي افضل منا بالمواهب والتعاقدات الاجنبية مشكلتنا في الاونهالاخيرة لم نحضر لاعب نستطيع ان نقول ان هناك مفاوض محترف من الممكن ان يحضر لاعب من فيئة نيفيز بقاء الفريدي حاليا اراه ضروره تحياتي لك |
إقتباس:
لو كان ذهب الفريدي خلفه فائدة للنادي لكن الامر هين لكن ذهابه بهذه السهولة خسارة كبرى ماديا ومعنويا نعم نحتاج صانع لعب حتى بوجوده فحال الوسط في تراجع والمعروف عن الهلال ان قوته في وسط الملعب العابد افضل..لكن من غير العابد العابد الان يجلس في الاحتياط ويفضل المدرب عليه عزوز الدوسري هل هذا مؤشر ان العابد غير جيد ابدا عموما حبا في الهلال كتبت هذا الموضوع وليس باللاعب |
إقتباس:
الادارة تقدر على اكثر والمسلم مثلا ليس بافضل من الفريدي ان كانت الامور ستدار بما يفكر به البعض هذا ليس ظغط بل تذكير فنحن والادارة يهمنا الهلال انا من جمهور الهلال ومحب له واخشى ان يكون ذهاب الفريدي يخلف خلفه معاناة كما حدثت سابقا مثلا اثناء رحيل خميس العويران والدوخي وتفاريس وكماتشو ودفعنا بعدها مبالغ اكبر لتعويضهم الكرة لاتدار بالعاطفه الان هي لغة مال وعرض وطلب المشكلة ان غادر هل ستعقد الادارة صفقه مدويه تكون لنا كالبلسم تحياتي |
إقتباس:
وتغير بعض الامور في تولي النادي الذي خطط ان يذهب له الفريدي اعاد الفريدي لنا من جديد الفريدي الان بالهلال غدا الله اعلم شكرا لك |
إقتباس:
اتمنى ان يكون هناك تفكير مسبق في حالة رحيل الفريدي |
إقتباس:
الشهري الان هو افضل لاعبي الوسط بالسعودية لك تحياتي |
إقتباس:
انا اعرض عرضي الذي اراه مناسب وفي حالة وصول اللاعب لسعر عالي جدا للي الحق بترك المفاوضات كما حدث سابقا عموما بلغيث ذهب للاهلي بمبلغ ليس ببعيد عن مبلغ المسلم مع الاختلاف بمستوى اللاعبين نحن نفرط صدقني تحياتي |
إقتباس:
لكن طالما الامور وصلت لهذه المرحلة اتمنى ان لايذهب |
إقتباس:
نحن اخطاءنا بالبداية ولم نحفظ حقوقنا الان الهلال بحاجة للاعب والتفريط فيه ليست من المصلحة بشي اتمنى ان الباب الكبير يحضر من خلاله لاعب كبير ولكني لا اعتقد شكرا لك |
إقتباس:
واياكم ان شاء الله تحياتي |
إقتباس:
سيكون مفيد جدا للفريق يجب فتح قناة رسمية مع النادي لمفاوضتهم بخصوص اللاعب في حالة عدم ممانعتهم للتفاوض |
إقتباس:
الواقع الحالي يقول غير ذلك دمت بود |
إقتباس:
احببنا دق ناقوس التذكير الله يكتب للهلال وللجميع كل خير |
| الوقت المعتمد في المنتدى بتوقيت جرينتش +3.
الوقت الان » 01:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd