السلآم عليكم ورحمة الله وبركاته 
.. هاردلك يا احبائي وخيرها بغيرها ياشباب .. الهلال ومسلسل الخروج الآسيوي هل يتوقف..؟!
.
.
منذ فترة ليست بالبسيطة والهلال يعاني بالآسيوية ..
طبعاً معلومة قد تخفى على البعض او لا يتذكرها الآخر هي ان آخر لقب اسيوي حققه الهلال كان عام 2002 امام تشونبوك الكوري النهائي اقيم بقطر..
بعدها طبعاً تغيير اسم البطولة وتغير نظامها واصبح مسماها دوري أبطال اسيا ..طبعاً كان نظامها من كل بلد ناديين او نادي .. من الدوري السعودي كان فيه ناديين يشاركون بطل الدوري وبطل ولي العهد ..
غاب الهلال عن دوري ابطال آسيا مرتين فقط .. عام 2005 ،2008..
مشاركات الهلال بالسابق اتكلم ما قبل 2007 كان الهلال يعاني فيها بدور المجموعات ..وكان وقتها الاندية الخليجيه و"الإماراتية" بالتحديد متخصصه في هزيمة الهلال..
بعدها تجاوز الهلال هالمرحله واصبحنا نتقدم ونتجاوز المجموعات بسهوله ونتصدرها وايضاً اصبحنا نتفوق على الأندية الخليجيه بشكل واضح ..
ولكن في كل مره نقول هذه المره افضل مره.. وكان لسان حالنا أمام اولسان هذه المره افضل من كل المرات..
لكن الامور تحدث على العكس تماماً !..
اربعة اهداف اثقلت كاهل زعيمنا مساء الأربعاء بالملز ..
للاسف خسسارة قاسية وتاريخية ومشوهه ..
.
.
الكثير يحملون المدرب الفرنـسي كومبواريه ما حصل بالملز مساء الأربعاء..
متناسين انه لم يكمل اكثر من شهرين بالرياض مع الهلال..
اعتقد المشكلة الحقيقية اللي يعاني منها الهلال ..تعامل الإدارة مع الآسيوية..
أولاً نحن نتكلم عن المشاركة الآسيويه الرابعه برئاسة الامير عبدالرحمن بن مساعد..
أولاً لاحظنا مع الامير عبدالرحمن تغيير المدربين بإستمرار..
كوزمين،ليكينز،عبداللطيف الحسيني،قيرتس،كالديرون،دول،هاشيك،كومبواريه!!
طبعاً هالتغيير المستمر له سببين لا ثالث لهم..
اختيار الادارة سيء للمدربين فمع الوقت يتضح انهم مدربين سيئين..
او ان الإدارة تحاول تمتص غضب الجماهير بإقالات المدربين..
اللاعبين الاجانب ..
برضوا الإدارة تعاقدت مع اسماء متعدده وغيرت بإستمرار..
ومن النادر نشوف التعاقد مع 4 اجانب متمكنين الا بفترت قيرتس ممكن..
التهيئة النفسية..
انا متأكد انها سيئه لان الفريق بمبارايات الحسم الآسيوية لا يكتفي بالخساره ..الخساره تكون مع اداء محبط وسيء..
طبعاً البعض بيقولي انت متحامل على الادارة والادارة مالها الا 4 سنوات وهذي سنتها الخامسه..!!
الحقيقة ان الإدارة هذي وتحديداً عبدالرحمن بن مساعد بحوار ظهر على العربيه قبل 5 سنوات قالي طموحي كبير مع الهلال والاسيويه هي الهدف..
بعد ما استعصيت البطولة تغييرت لهجته واصبحنا نسمع موضوع ان الاسيوية صعبه وقوية على جميع الانديه السعوديه وانه اخر نادي حققها عام 2005 !..
هذا كلام صحيح لكن مجرد الإلتفات لكلام الجماهير الاخرى والتراجع عن الوعد اللي اطلقته اعتقد انه فشل كبير يا سمو الأمير ! ..
بتكلم بشكل دقيق عن المشاركة الاخيره ..
بعد الهزيمة من الإتحاد 3-1 تيقنت ان الإدارة بتكرر تجربة قيريتس وبتحاول تتلافى الاخطاء اللي تواجدت على ايامه وبنجح بتحقيق الآسيويه ..
جاء القرار المتعجل برحيل اجانب الفريق..
والبدلاء ما كانو بمستواهم ابداً..
ومن ثم اتى الرهان على مدرب شاب يملك سي في جيد ولكنه ليس ممتاز ..
توماس دول..
اقالة توماس دول اعتقد دهورنا كثير .. وجهة نظري لو استمر الألماني ممكن الآن كنا نفرح بالتاهل للدور النصف النهائي ..
دول مسك الفريق بلاعبين اجانب متغيرين ..رحيل ياسر وبرضو رحيل خالد عزيز..
يعني لا لاعبين منسجمين مع بعض ممكن يغطون عيوبهم ولا مدربهم يعرف امكانياتهم ولا يعرف الفريق اللي ماسكه..
بالوقت اللي بدأ دول يتعرف على الفريق وصحيح خسر من الأهلي بجده 1-0 لكن قدم مستوى كبير والحكم حرمنا من هدف التعادل الصريح ،زائد تضييع فرص سهله من قبل اللاعبين..
اعتقد الاستمرار مع دول كان بيكون فريق قوي ومدرب عارف مشاكل الفريق بعد مرور عام وبإمكانه اختيار الخانات اللي يحتاج فيها اجنبي يسدها..
وايضاً يكون مع الفريق بالمعسكر من بدايته خصوصاً ان الآسيويه تحتاج اعداد قوي بالمعسكر لانها تلعب ادوارها الحاسمه ببداية الموسم..
الشيء الثاني اللي تسبب بالخسارة هو اللاعبين الاجانب ..
ممكن اقتنع ان الإدارة تعاقدت مع اسم كبير بالدوري الفرنسي لسد مكان هوساوي..
لكن بمجرد ما سجل يو بيونغ سوبر هاترك امام بني ياس تناسو انه مهاجم عادي واقل من عادي ويضيع فرص بشكل دائم! .. كنت اتمنى استمرار ولي معانا وممكن نتعاقد مع مدافع اسيوي .. لكن للأسف الادارة ما وفقت بهالقرار ابداً!..
.
.
الحل الآن لنعيد الزعيم لشكله المعهود..
الابقاء على كومبواريه!!
لو يقدرون يجددون معه من اللحين فل يجددو !.. الهلال من عرفته ما استمر معه مدرب اكثر من سنه .. او سنه وبنصف الموسم الثاني يمشي !!
لذلك نجد دائماً اختيار الاجانب سيء ، لانه مدرب جديد لا يعرف الفريق كيف تبيه يحدد احتياجات الفريق..
استمرار الفرنسي ، وبيناير نبحث عن لاعب وسط اسيوي يحل مكان يو لانه اخذ فرصه ومب لاعب مجدي.. مانقان ممكن نعطيه فرصه الى نهاية العام خصوصاً انه ما زال لاعب جديد بالفريق ولم يقدم كل ما يملك..على عكس الكوري يو اعتقد انه لاعب مجتهد ومحترم لكن خلاص هذا اللي عنده واعتقد انه غير مرضي ابداً..
ايضاً لابد يكون التعاطي مع الاسيوية مختلف من الادارة ..
للأسف دائماً احترام مبالغ للمنافس مثل لقاء الاتحاد الآسيوي 3-1 ..
وكأن الأدارة تبي تقول للاعبين الخروج امام الاتحاد لن يزعجنا فهم اقوى منكم..
وامام اولسان لاحظنا التعاطي من قبل الادارة والاعلام بآن واحد مختلف وهو الاستهانه من اولسان رغم فوزه بالذهاب 1-0 !! ..
اتمنى من الإدارة تعالج الاخطاء وتتوقف عن تكريرها ! ..
الوضع الشجري
