إقتباس الرسالة الأصلية كتبت بواسطة гẽĘmŠŋ #حمله_أبعاد_أشباه_الاعبين : pic.twitter.com/4pWjtfaS

شكرا لردك ومرورك الكريم ..

تقبل ودي ..

يالبى قلبك يا بو باسل والله كلامك عين الصواب وتوقعت انك بتمجد الرئيس وهرماش وطقته بس كلامك نطق بما في قلبي وتبي الصراحه مالها الا رجالها بندر بن محمد هو اللي يعرف يتعامل مع اللاعبين اجل عبدالعزيز الدوسري من رابع مباراة في الدوري يقول تعبنا من مغط المباريات وهذا الاعب بالذات مأخذ اكبر من حجمه وبروزه فقط مع الفرق الضعيفة وودي اشوفه في مبارياتنا مع الاتحاد والمباريات القوية يبرز

موضع لا غبار عليه ، كلام يشكل الواقع ، كلام في موضعه ، حلول جداً ممتاز بل هي اعلى من ممتازه ،
أشكرك جداً لطرح هذا الموضوع ، بإنتظار جديدك المشوق ،

ونحن مع الملكي قلباً وقالباً ،
كل التوفيق للملكي



ودي لك

اذا اردنا ان نحقق اسيا .. وانا قلت اذا اردنا يجب ان ياتي مدرب لايهاب مثل جريتس وكوزمين

كلام جميل .. واسلوب راقي .. حفظك الله .. بس في هالوقت ما راح يأكل عيش لسبب بسيط المفروض توصل رساله من كافة الجماهير وبأسلوب حاااااااااااااااااااااااااااااااااااااااااااااااااد



انا لا احرض .. انا واحد قلبي بينفطر على حال الهلال وعلى حال اشباه الاعبين الي الواحد مايستحق يلبس هالشعار

انا ضد الي يحمل المدرب خساره الفريق .. المشكله تنحصر اولاً في إداره فاشله لاتملك من الخبث الكروي ابسط مقوماته .. واشباه لاعبين لا يملكون الغيره ولا الحماس . لاعبين باردين
يعجز الواحد يعيش منهم حياته الخاصه فما بالك يصبح نجم جماهيري في نادي مثل الزعيم !!

الاعبيون اخذو الفرصه كامله ..ومسأله انا نطبطب عليهم ونحاول نخلق لهم الأعذار ما راح نستفيد شي وراح نزيد المشكله تعقيداً !!.

الي توقف طموحه سواء كان لاعب او اداري الله لا يهينه يريح الجمهور منه ويرتاح او ينتقل لنادي ثاني تعودت جماهيره على الخذلان اما جمهور الزعيم فهم رجااااااااااااااااااااااااااااااااااااااااااااااال لا يرضون بغير القمه ..

طريقة الخروج من البطوله ( أهانتنا ) ..

الحين راحت الأسيويه والي كانت الهدف بالنسبه للجماهير .. والبطولات المحليه هالسنه لو تحققت كلها ماراح تغير في نظرتنا لهم شي ..


هذا افضل توقيت تستقيل فيه الإداره تسمح للأداره القادمه تستعد للموسم القادم من بدري اما حكاية انهم يجلسون على قلوبنا حتى نهاية الموسم مشكله ثانيه راح تعاني منها الإداره القادمه لأن ماعندها وقت تخطط وتنفذ بشكل سليم ..

موضوع مميز ..

لكن يجب مصارحة الجمهور مو التطبيل و اول المطبلين هو عبدالكريم الجاسر ..

ويجب تدارك الوضع من اليوم والتفكير في تحقيق الدوري وكأس الأبطال ع الاقل هذا الموسم ..

والموسم القادم ينتخب رئيس جديد صارم وغيور وليس استثماري وابعاد المستثمرين اللي تحت مظلة الرئيس ...

هذه الحلول بأذن الله ستجلب لنا المستعصيه ..

هذا مايريده الهلال من جمهوره...النقد البناء
وضع اليد على الخلل..معالجة الأخطاء
التوكل على الله...
"
سيبدأ دوري المجموعات بعدعدة أشهر ماذا أعددنا له.؟

يعطيك العافية ...

اصابوني في مقتل هذا اللي صار والله ما يعقل ... ..

على الجرح اخوي ابو باسل

مانبي لاعبين مهارات وتسحيب على الفاضي

نبي لاعبين يشيلون الفريق بقتالهم على الكورة

نواف التمياط يوسف الثنيان سامي الجابر

ليش ماتعلمون الجيل الحالي كيف الوفاء والقتال في الملعب

ولا ننسى اخوي ابو باسل مانشيل اللاعبين فوق طاقتهم

فاقد الشيء لايعطيه مثال عبدالعزيز الدوسري حاطه يمين وهو لاعب يسار

يلعب بثلاث محاور المدرب ونطالب اللاعبين بالاهداف

الحمدلله على كل حال

بسم الله الرحمن الرحيم
قرأت الموضوع بشكل سريع لأني مالي خلق والهزيمة لها أثر في ذلك
أنا من عادتي أني دائماً كنت أدافع عن الادارة ولكن أكتشفت مؤخراً أني من المطبلين

اللاعبين خذلونا ولعبهم بدون روح وهل الروح تنشرا

نبي روح وكل من طلع في مقابلات الجماهير في القنوات قالو بالحرف الواحد نبي روح الاتحاد أو الاهلي

طيب كيف تجي الروح

الروح تستمد من شخصية فالفريق تكون كالأب الروحي للفريق
كابتن الفريق أو مدير كره أو رئيس نادي

سابقاً: كان لدينا صالح النعيمة يشحذ همم اللاعبين بأسلوبه الحماسي والكل منصاع له
وبعدها: كان لدينا الامير بندر بن محمد لازلت أتذكر في أحد البطولات وقت تبديل لاعب ودخول محمد النزهان كان الامير يحمسه ويبث الروح من على مقاعد الاحتياط

وبعدها: كان محمد بن فيصل بأسلوبه الحماسي

لنرى الفرق الاخرى :

الاتحاد وهو فريق متشتت إدارياً لا زال محتفظ بالروح بسبب كابتن وهو محمد نور

الاهلي نرى كيف الاستاذ طارق كيال في مباراة الاخيره مع سبهان كيف كان حماسي
طبعاً لا ننكر تهيئة الامير خالد بن عبد الله التي قبل المباراة أنا هنا أقصد من هو داخل الملعب

الشباب راح المعجل وغابت شمسه
كما هو الهلال

إذاً أعتقد أننا بحاجة إلى أب روحي للفريق إذا لم يكن رئيس النادي يعطى له كل الصلاحيات
سواء كان كابتن أو مدير كرة أو نائب رئيس

والهلال لا عنده كابتن حماسي متفق عليه لو تسأل من كابتن الهلال ناس بتقولك ياسر وناس بتقول حسن وناس بتقول الشلهوب بل حتى المرشدي أصبح كابتن

ومدير الكورة راح
و نائب الرئيس هادي الطبع
والرئيس مثالي
وحتى الرئيس فالمباريات الكبيره غائب!!!!!!!!!!!!!!!!!!!

بما أنه العله عندنا لا يوجد من يستخرج ويفجر طاقات اللاعبين
أذن المشكلة ليست اللاعبين ولا المدرب المشكله بمسير النادي


كانت هذه فضفضة ليس من المهم أنها تتناسب أو بنفس سياق موضوعك
لك ودي

الله يعطيك ألف عااااافههه على الموضوع الجميل

و الله شيئ يفشل الحقيقة مدرب ما عندده حتى التشكلية اللي يثثبت عليها

كلام على الجرح .. تشخيص واقعي ومنطقي

ولكن أختلف معك

فأبو الحلول هو ان تتنحى الادارة عن المشهد وتعلن انسحابها من الوسط الرياضي

ومن ثم اقالة المدرب الذي اثبت ما لا يدع مجالا للشك بأنه مدرب سيء

ابوباسل .. هزيمة كهذه لا نقبلها .. واستمرار الادارة لن يجدي نفعا ..


اربع سنوات كافية .. قدمت ما لديها .. وحان وقت الرحيل

تحياتي لك ابوباسل

دمت بود