شكرااااااااااااااا للمشرفين على رفع الموضوع

كلام جميل ومنطقي واركز علي نقطة هرماش اغلب اهداف الهلال من هرماش يافاول يا تمريرة غلط

يعطيك العاافية موضوع مميز جدا , وضحت فيه اسباب الاهداف بالصور ,,

لكن ان ماتم بيع عقد مانجان والكوري وهرماش والمرشدي و الزوري ,, راح نظل على نفس المستوى , وماراح يتغير في الهلال شي ,,

قدر الله ومآشآء فعل..
كلآم سليم ومنطقي
هذي هي المواضيع اللي تفيد ويحتآجهآ زعيمنآ بهآ الوقت..
يعطيكك آلف عآفيهه

المضحك انك تتكلم عن الهلال في مباراة اولسان فقط رغم انها طامة لكن يبدو انك لاتعرف الهلال عبر تاريخه ولاتعرف مافعلته الادارة الحالية بتخبطاتها منذ اكثر من موسمين او ثلاثة
التكتيك سيء لكن ذلك لان الادارة لاتفهم حتى تناقش المدرب
اللاعبون متخاذلون لكن ذلك لان الادارة تركت الدرعا ترعى
بالله عليك لو نادي الاخدود والا الجبلين عنده مليون ريال للتعاقد مع مدرب سيفاوض ٢٧ مدرب ويفشل ويقارب المعسكر على الانتهاء ثم يتعاقدون مع مدرب عاطل من ٦ شهور فهل ستلوم المدرب
ويسلي لوبيز يبدأ الدوري ونلعب اول مباراة ولم يتم تسجيله فهل هذا خطأ سواق الباص
وليهامسون وهرماش والعربي والكوري الذين بقوا مع الهلال حتى كاد المعسكر ان ينتهي ونحن وهم لايعلمون من يبقى ومن يرحل وكل يوم خبر فهل هذا خطأ حارس النادي
ملف الفريدي هل هو خطأ عامل مسبح النادي
اما باقي المصائب الادارية التي لااجد وقت لكتابتها فالخطأ هوخطأ اللي يطفي لمبات الملعب

الحمدلله على كل حال قدر الله وماشاء فعل

كل الامور بيد رب العالمين واللي حصل مساء امس ماكان بالحسبان

الكل ماتوقع اللي حصل امس

حظر الجمهور .. الكل كان متفاؤل .. الكل متحمس .. الكل يشجع

وفجأه انقلبت الموازين كلها

انصدمنا بمستوى عادي جدا .. لعب ضايع .. خطوط مفككه

لاعبين غير قادرين على صنع المستحيل

مستوى هزيل .. تغييرات متاخره

روح غائبه .. تمريرات مقطوعه .. محاولات يائسه

دفاع مشتت .. وسط متباعد .. هجوم نايم

جمهور غاضب .. وتخبيط مدرب


صدمه غير طبيعيه .. نتيجه غير متوقعه

ردة فعل جماهيري كبيره .. رمي قوارير واحذيه اكرمكم الله

كسر زجاج سيارة لاعب ماله ذنب .. ردة فعل لاول مره تحصل من جمهور الزعيم

اين العقلاء .. هذا مهو جمهور الزعيم اللي نعرفه

خسارة مباراه لاتعني نهاية المطاف .. ياما فزنا بمباريات وحققنا بطولات

ليه ياجمهور الزعيم تسوون كذا ؟ .. هل اثرت فيكم جماهير الانديه الثانيه ؟!!

هل الفريق اول مره يخسر ؟ .. نسيتو اننا خسرنا من الفتح !!

وش صار بعدها !! .. وش اللي اختلف !! .. كلها مباراه وخسرناها !!

رجعتو ترددون اقاويل الانديه الثانيه .. من متى العالميه صعبه قويه علينا ؟

نسينا البطوله اللي تاهلنا لها .. نسينا اننا الفريق الوحيد باسيا اللي محد كسر رقمه ..

حققنا 53 بطوله .. وغيرنا يبي له سنين يوصلنا .. عتبي الوحيد لكم انكم انجريتو

خلف مشجعي الانديه الثانيه .. وقمتو ترددون اقاويلهم .. ردة فعلكم غير طبيعيه

وش ذنب ياسر الشهراني !! .. تكسرون زجاج سيارته .. ويدخل المستشفى عشانكم

انا متاكد ان اللي صار مهو من جمهور الزعيم .. لانه جمهور عقلاني وماتوصل

ردة فعله لهالشي .. طلعنا من اسيا .. وخسرنا الكاس .. باقي قدامنا بطولات

امس ماكان يوم طبيعي لنا .. التشكيله هي نفسها اللي مع الشباب .. والخطه نفسها

والتكتيك نفسه بعد .. حققنا الفوز قدام الشباب .. وخسرنا من اولسان

فرق شي واحد بين المباراتين .. الرووووووووح كانت مفقوده امس

يعني المشكله مهي من اداره ولا مدرب .. المشكله من اللاعبين فقط

الروح كانت مفقوده وماكان فيه روح .. وهذا هو سبب الخساره

حتى لو غير المدرب .. وسوى اللي عليه .. الخساره بتكون هي هي

مابيتغير شي .. لان اللاعبين ماكان عندهم روح عشان يفوزون

والهدفين ضغطت عليهم اكثر .. وصار الفريق يلعب بلا هويه

امامنا استحقاقات كثيره .. لابد من ايجاد الحلول

لابد من التغييرات .. المهاجم الكوري لابد نغيره ونجيب صانع لعب

وهرماش لازم نغيره بعد .. خلاص اخذ فرصته بشكل كبير

ومانجان ارى تغييره ضروري .. لانه ضايع وغير ملتزم دفاعيا

يتقدم كثير وتكون خانته فاضيه ويتورط المدافعين

نحتاج مدافع محلي على مستوى كبير .. ومهاجم محلي كبير

واتمنى من الجمهور الهلالي ماينجر خلف اقاويل جماهير الانديه الاخرى

وترى احنا النادي الوحيد اللي يشارك كل سنه باسيا .. لاننا ثابتون والبقيه متحركون

السنه هذي الشباب ماشارك .. والنصر ماشارك .. والسنه الجايه الاتحاد مابيشارك

وكل الانديه السعوديه ماحققت بطولة اسيا .. اخر فريق الاتحاد عام 2005

يعني لا تجلسون ترددون كلام الانديه الاخرى .. تراكم افضل فريق سعودي

ولا يغركم كلامهم .. والدليل على ذلك .. انهم طلعو في القنوات يتغنون بخروج الهلال

عرفتو الحين ان فريقكم هو الفريق المسيطر على الكؤووس وغيره يندب حظه

له كم سنه ماحقق بطوله .. ووبطولتهم الموسميه .. خروج الهلال من اي بطوله حتى لو وديه وهذا الواضح واللي ملاحظ منذ زمن بعيد

شاكر لكم حظوركم ومساندتكم .. وبالتوفيق لزعيمنا في قادم البطولات

مشكلتنا احنا يااخواني اننا على نياتنا وطيبيين نشجع باقي فرق الوطن اللي تمثلنا خارجيا وندعي لهم

وهم بعد خروجنا تشمتو فينا وطلعو حرة السنيين اللي ذاقو فيها المر من الزعيم

وعلى راسهم فهد الهريفي وحاتم خيمي وطقتهم

اتمنى من كل هلالي يحب الزعيم ويعشقه انه مايشجع اي فريق سعودي يمثلنا خارجيا

لانه مهو شغلنا فازو او خسرو اهم شي هلالنا

لمناقشتي ادخلو هنا

http://vb.alhilal.com/t1124404.html

إقتباس الرسالة الأصلية كتبت بواسطة زعيم هلالي10 يعطيك العاافية موضوع مميز جدا , وضحت فيه اسباب الاهداف بالصور ,, لكن ان ماتم بيع عقد مانجان والكوري وهرماش والمرشدي و الزوري ,, راح نظل على نفس المستوى , وماراح يتغير في الهلال شي ,,

اهلين اخوي انا معاك بالاستغناء عن هرماش والكوري ومانجان في اقرب فرصه واحضار صانع لعب متميز لانه يفتقده الهلال واحضار قلب دفاع ذو حضور وشخصيه مثل تفاريس والاستغناء عن المرشدي ووضع الثقه بالمسلم

إقتباس الرسالة الأصلية كتبت بواسطة عشقهآإ ملكي~ قدر الله ومآشآء فعل.. كلآم سليم ومنطقي هذي هي المواضيع اللي تفيد ويحتآجهآ زعيمنآ بهآ الوقت.. يعطيكك آلف عآفيهه

حياك الله واتمنى من جميع الاعضاء التكاتف والوقوف مع الكيان

إقتباس الرسالة الأصلية كتبت بواسطة عذب السجايا المضحك انك تتكلم عن الهلال في مباراة اولسان فقط رغم انها طامة لكن يبدو انك لاتعرف الهلال عبر تاريخه ولاتعرف مافعلته الادارة الحالية بتخبطاتها منذ اكثر من موسمين او ثلاثة التكتيك سيء لكن ذلك لان الادارة لاتفهم حتى تناقش المدرب اللاعبون متخاذلون لكن ذلك لان الادارة تركت الدرعا ترعى بالله عليك لو نادي الاخدود والا الجبلين عنده مليون ريال للتعاقد مع مدرب سيفاوض ٢٧ مدرب ويفشل ويقارب المعسكر على الانتهاء ثم يتعاقدون مع مدرب عاطل من ٦ شهور فهل ستلوم المدرب ويسلي لوبيز يبدأ الدوري ونلعب اول مباراة ولم يتم تسجيله فهل هذا خطأ سواق الباص وليهامسون وهرماش والعربي والكوري الذين بقوا مع الهلال حتى كاد المعسكر ان ينتهي ونحن وهم لايعلمون من يبقى ومن يرحل وكل يوم خبر فهل هذا خطأ حارس النادي ملف الفريدي هل هو خطأ عامل مسبح النادي اما باقي المصائب الادارية التي لااجد وقت لكتابتها فالخطأ هوخطأ اللي يطفي لمبات الملعب

عندما تقول اني لا اعرف تاريخ الهلال فانا اجزم انك قرأت ما ترغب في قرائته واهملت الجزء المتبقى ارجع للموضوع واقراه ثاني الله يجزاك خير وستعرف اني اعرف الهلال من قبل ان تعرفه

عزيزي لو انك قراءت عنوان الموضوع فقط لفهمت لماذا تحدثت عن مباراه اولسان فعنوان الموضوع اسباب الخساره وهل لعبنا غير مباراه اولسان الكوري

عزيزي لقد وضعنا الخطاء امام كل شخص بالتساوي من اداره الى جمهور وكل انسان يحاسب على خطئه فهل معنى كلامك الذي سردت ما يحلو لك من اخطاء الاداره فقط دون التطرق للاعبين والمدرب والجمهور فوجهة نظرك هي ان تتحمل الاداره كل شئ دون محاسبه باقي المقصرين

وجهة نظرك احترمها ولكني لا اقتنع بها

طيب مشكلة الهلال الفنية منذ ثلاث مواسم وهي كالتالي:

1- احتفاظ لاعبي خط الدفاع وبقاء الكرة لفتره طويلة في منطقة الدفاع ينتج عنها خطاء في التمريراو ضربة جزاء او خطاء قريب

2-عدم الضغط على حامل الكرة من قبل جميع اطراف خط الدفاع سواء قلب دفاع او ظهير اي لاعب يستطيع لعب كرة عرضية من اطراف الهلال و سهولة المرور من قلب الدفاع

3-الكرات العرضية لايجيدها الهلال اطلاقا لا هجوميا ولا دفاعيا

إقتباس الرسالة الأصلية كتبت بواسطة الساهر99 طيب مشكلة الهلال الفنية منذ ثلاث مواسم وهي كالتالي: 1- احتفاظ لاعبي خط الدفاع وبقاء الكرة لفتره طويلة في منطقة الدفاع ينتج عنها خطاء في التمريراو ضربة جزاء او خطاء قريب 2-عدم الضغط على حامل الكرة من قبل جميع اطراف خط الدفاع سواء قلب دفاع او ظهير اي لاعب يستطيع لعب كرة عرضية من اطراف الهلال و سهولة المرور من قلب الدفاع 3-الكرات العرضية لايجيدها الهلال اطلاقا لا هجوميا ولا دفاعيا

طيب اخوي بالنسبة لضعف خط الدفاع انا ذكرت هالشئ
بالنسبة للظغط على حامل الكره هذي غلطه مدرب وقله مستوى الياقه لدى لاعبين الهلال