وخرجنا من ( الاسيويه ) خلاص نترك تشجيع الهلال ؟ " من وراء تكسير سياره الشهراني ؟ " - نادي الهلال السعودي - شبكة الزعيم

فآإرس الحربي · #1 04/10/2012, 01:24 PM

###

- السلآم عليكم ورحمه الله وبركآته
قدر الله وماشاء فعل والحمد لله على كل حال .. خروجنا مكتوب ومقدر
والاسيويه هالسنه ليست من نصيبنا ..

* أهم اسباب الخروج ( المتكرر ) من الاسيويه :-
هي عدم التوفيق من الله " دائما الحظ يقف بوجه الزعيم !

***

ودليل كلامي شوفو الاتحاد والاهلي !
الاتحاد تجاوز الفريق الصيني لحد الان مادري كيف !
ست كور بالعارضه وهجمات بالهبل تضيع " نعم الاتحاد قدم مستوى جدا ممتاز
ماحد ينكره في مباراه الذهاب " لكن في الاياب كان الحظ محالفهم ..

الاهلي خدمه الاخطاء التحكيميه " طرد حارس سباهان الغير مستحق
في الشوط الاول سهل لهم المهمة كثيرا ..

***

( لايوجد فريق سعودي يستحق الاسيويه لكن المسأله مسأله توفيق من الله
الفريق الصيني الوحيد اللي يستحقها " لكن ماتوفقو )

***

بكل صراحه فريقنا غير مؤهل للبطولة " الاسيويه مهرها غالي !
الاسيويه لن نحققها ودفاعنا الزوري المرشدي !

ولا يهون مانقان ..

- ثلاثيه الشباب وسداسيه الرائد خدرتنا تخدير وجعلتنا نتفاءل في مباراه البارحه !
ونسينا اخطاء دفاعنا الحواري ! ماراح اتكلم عن عناصر الفريق
لان هذا اللي عندنا وغصب نرضى فيهم " لكن في فتره الانتقالات الشتويه
سيكون لنا موضوع ..

***

الاسيويه بطوله وراحت وعلينا التفكير بالبطولات الاخرى ..
وبعد 5 اشهر تقريبا راح تبدأ اسيويه 2013 ! ويبدا المشوار من جديد

علينا اغلاق ملف خروجنا من الاسيويه واتمنى ماتأثر في طريقنا لصدارة الدوري ..

###

اخبار انتشرت البارحه عن دخول ياسر الشهراني المستشفى
لتعرضه لتكسير سيارته ودخول الزجاج في اعينه

مادري عن صحه الخبر لكن لو كان صحيح من وراءها ؟
ياسر الشهراني في مباريات الدوري كان افضل لاعب وفي مباراه الشباب
عند دخوله قامت الجماهير بالتصفيق له وترحيبه
والشهراني كان مصاب وماشارك بالمباراه وش ذنبه تكسر سيارته ؟

اشك الوضع فيه انّ ! فيه محاولات لتطفيش النجوم
نجومنا يحاربون " النجوم امثال الشهراني وعزوز وسالم والعابد مستقبل الهلال
صغار في السن وخبرتهم قليله ومن الظلم ان نجعلهم سبب الخساره ..

###

الاعلام الاصفر رسخ في ذهن الاعبين ان الاسيويه صعبه وانها بالمستحيله
وللاسف نجح في ذلك !

هلالنا تأهل لدور الـ16 متصدر لجموعته ( بدون خساره )
وتأهل لدور الـ8 بسباعيه بني ياس ..

ولكن الاعلام الاصفر في خلال الفتره الطويله مابين دور الـ16 ودور الـ8
استطاع ان ينجح في ترسيخ ان الاسيويه مستحيله وانها وانها وانها .... الخ

***

بكل صراحه اتمنى الاهلي ياخذ الاسيويه !
ليثبت للاعبين ان الاسيويه ليست بالمستحيله وان فريق مثل الاهلي استطاع تحقيقها

ممكن النقطه الاخيره تغضب البعض لكن فكرو فيها شوي !
الاهلي ان استطاع تحقيق اسيا سيمحي صعوبه الاسيويه لدي لاعبين الهلال

***

لن اتكلم عن الشامتين في خسارتنا البارحه لكن تغريده الهدلق
رساله للجميع وكافيه لتسكيت كل حاقد على الهلال

:-

[ على الهلاليين ان لايلقوا بالا للشامتين فهؤلاء لو لم يعلموا ان الهلال
في الامام وفريقهم في الخلف لماشمتوا فعندما يكبو الناجح لايشمت به الا الفاشل ]

***

- بالاخير اتمنى الوقوف مع هلالنا في الحلوة والمرة " وتأكدو قبل كل شي
ان خروجنا البارحه مكتوب لنا وان اسيا هذه السنه ليست من نصيبناا ..

مباراتنا القادمه يوم الاحد مع الوحده في مكه " عشاق الزعيم في مكه والطائف
وماحولها فريقنا بحاجه لنا كجماهير عامه وبحاجه لكم في مباراه الوحده ..
كونو على الموعد ..

***

لقطه ختام / من لايثق بالهلال لا يستحق تشجيعه !

###

اتمنى وفقت بالطرح واتقبل كل وجهات النظر كانت معي او ضدي ..
هذا وصلى اللهم وسلم على نبينا محمد ..

https://twitter.com/FARIS_AL7RBE

‪Faisal Al-Juhani · #2 04/10/2012, 04:42 PM

جماهير الهلال تقف مع الاهلي والاتحاد وماذا يحدث الان منهم ؟!!

لا والله ماتمنى اي فريق سعودي يحققها دام هم كذا

لن نأخذ الاسيويه بدفاعنا الزوري والمرشدي ومنغان
وبرئيس يبحث عن التجاره
للأسف الهلال لن يحققها بوجووودهم

فتى الازرق .. · #3 04/10/2012, 04:42 PM

الحمد لله على كل حال

قدر الله ماشاء فعل

يعطيك العافية على الموضوع المميز ياغالي

$ دمــي أزرق $ · #4 04/10/2012, 04:43 PM

اجل تتمنى الطحالب ياخذوا الاسيويه

ياجعلها من نصيب اولسان

وبخصوص موضوع الشهراني بالفعل اشوف انها حادثه دخيله هدفها تطفيش النجوم !!!!!!

الله يعدي الامور ع خير مانتدهور مره وحده

neo pavel · #5 04/10/2012, 04:43 PM

خربتها بأمنيتك الاخيره .. بإذن الله ما يأخذها ولا نادي سعودي

تبي جماهير الاهلي يرددون ضدنا نفس الشيء مع الفقراوية والاتشادية ؟؟

اصحى اصحى من النوم

فآإرس الحربي · #6 04/10/2012, 04:48 PM

إقتباس

الرسالة الأصلية كتبت بواسطة neo pavel


	خربتها بأمنيتك الاخيره .. بإذن الله ما يأخذها ولا نادي سعودي تبي جماهير الاهلي يرددون ضدنا نفس الشيء مع الفقراوية والاتشادية ؟؟ اصحى اصحى من النوم

هذي مشكلتنا
ياعزيزي الفقراويه والاتشاديه خلهم يرددون على هواهم
وش علينا منهم ؟

الكل يعرف زعيم اسيا من يكون بـ6 بطولات
ويعرف ان الهلال وصل للعالميه وتصريح التمياط الدليل

ااذا الكل بيكون نفس عقليتك على الهلال السلام
اذا كل همنا جماهير الانديه الثانيه وش تقول وش ماتقول رحنا فيها

أنا كذا هلالي · #7 04/10/2012, 04:49 PM

موقفين مع نادينا الحمدلله في الحلوه والمره
بس هذا مايمنع اننا نشارك في تصحيح الغلط
سامي واقولها للمليون...لازم يرجع يمسك الهلال تدريب..مو اداري لا ..تــــــدريـــــب
بأي قيمه وبأي وسيله ..وابوعبدالله يستاهل للامانه
وعلى فكره ...ترا الإتحاد ماقدم مستوى ابدا وفاز..تصحيح لمعلومتك اخوي الفاظل

ارنولد · #8 04/10/2012, 04:49 PM

نحن جمهور نغار على اسم الهلال ودام هناك انسان اسمه عبدالرحمن بن مساعد لن نحضر ,,

مطلبنا استقالته باسرع وقت وسوف ياتي من يخاف على اسم الهلال ولا يجلس يستثمر باسمه,,

mazo0o0n · #9 04/10/2012, 04:49 PM

يارب يأخذ البطولة اولسان الكوري

بن جبله المطيري · #10 04/10/2012, 04:53 PM

طرح مميز وعقلاني.....

الخساااره عشعشت في مخي ومو رااااضيهـ تطلع .....

الله يزين الامور ون شاء الله يتجاوز اللاعبين اثارها وماتأثر عليهم بالمسابقات المحليه....

فآإرس الحربي · #11 04/10/2012, 04:53 PM

إقتباس

الرسالة الأصلية كتبت بواسطة أنا كذا هلالي


	موقفين مع نادينا الحمدلله في الحلوه والمره بس هذا مايمنع اننا نشارك في تصحيح الغلط سامي واقولها للمليون...لازم يرجع يمسك الهلال تدريب..مو اداري لا ..تــــــدريـــــب بأي قيمه وبأي وسيله ..وابوعبدالله يستاهل للامانه وعلى فكره ...ترا الإتحاد ماقدم مستوى ابدا وفاز..تصحيح لمعلومتك اخوي الفاظل

اكيد تصحيح الغلط ضروري وسامي الموسم القادم عودته اهم شي
بالنسبه للاتحاد
هذا رأي وليس معلومه لتصححها
انا اشوف الاتحاد مباراه الذهاب مستواه جدا ممتاز لكن في الاياب
تأهل بقوه حظه ..

عزتي بشموخي · #12 04/10/2012, 04:55 PM

ان شالله البطولة من نصيب اولسان
اذا ماحصلت لهم تكون من نصيب الاتحاد
الطحالب الله لايقوله
ان شالله يطلعون الدور الجاي عشان يعرفون حجم انفسهم

! الهلال07 ! · #13 04/10/2012, 04:56 PM

الاهلي فااز بجداره
لديه دفاع قوي ووسط متماسك وهجوم مايحتاج
ولديه لاعبين خبره

وحنا ماعندنا هذه المعطيات
وعندهم جمهووووور يربك الخصم

اتوقع تأهل الاهلي لنهائي

سعوديه والهلال ناديه · #14 04/10/2012, 04:58 PM

انا مع الهلال ع المر قبل الحلو
بس ليت مراهقين امس اللي اهانو تاريخ الهلال
ومسوين فيها انهم معه ضد الاداره والاعبين
مع الاسف اصبح وبال ع الفريق الا من رحم ربي
اجل بدال ماتحاولون تدعمون الاعبين من اجل الكيان
لعلهم ع الاقل يقلصون الفارق او الخوف انها تكون ثمانيه
تزيدونهم بحجه اننا غيرانين ع الكيان اعاذنا الله من النفاق
اما الاهلي والاتحاد بحول اللي ماتنام عينه واحد يطلع من الثاني بهزيمه تاريخيه
والثاني يطلع من اولسان بهزيمه تاريخيه
الله ع كل شي قدير

هلالي مـووت · #15 04/10/2012, 05:24 PM

لا مانترك التشجيع , لكن مانبي تضيع هيبة الهلال ويضيع تآريخه !
سآلفة ياسر زيه زي آي لآعب معرض ل مثل هالموآقف ,
ب التوفيق !