بأذن آلله آول خطوآت آلتصحيح رحيل آلآدآره
وآتمنى آن عزوز آلدوسري مآيلعب آسآسي لآعب ثقيل من آبرز آسبآب آلخسآره هو
وآلمرشدي برآ
آلملكي محتآج سآمي

الحمدلله على كل حال
........................................

لا لا يارب ما ياخذها لا اهلي ولا اتحاد وياخذها الازبكي او الكوري
الله اكبر لو اخوذها لا يارب لا طالما راحت من الهلال ان شاء الله ما ياخذونها يارب

يعطيك العافيه ع الموضوع ..

والكوره فوز وخساره .. وليست نهاية المشوار ..

كل التوفيق للزعيم في اسيا2013 واتمنى يغيرون الاجانب ماعدا ويسلي ..

الحمدلله على كل حال قدر الله وماشاء فعل

كل الامور بيد رب العالمين واللي حصل مساء امس ماكان بالحسبان

الكل ماتوقع اللي حصل امس

حظر الجمهور .. الكل كان متفاؤل .. الكل متحمس .. الكل يشجع

وفجأه انقلبت الموازين كلها

انصدمنا بمستوى عادي جدا .. لعب ضايع .. خطوط مفككه

لاعبين غير قادرين على صنع المستحيل

مستوى هزيل .. تغييرات متاخره

روح غائبه .. تمريرات مقطوعه .. محاولات يائسه

دفاع مشتت .. وسط متباعد .. هجوم نايم

جمهور غاضب .. وتخبيط مدرب


صدمه غير طبيعيه .. نتيجه غير متوقعه

ردة فعل جماهيري كبيره .. رمي قوارير واحذيه اكرمكم الله

كسر زجاج سيارة لاعب ماله ذنب .. ردة فعل لاول مره تحصل من جمهور الزعيم

اين العقلاء .. هذا مهو جمهور الزعيم اللي نعرفه

خسارة مباراه لاتعني نهاية المطاف .. ياما فزنا بمباريات وحققنا بطولات

ليه ياجمهور الزعيم تسوون كذا ؟ .. هل اثرت فيكم جماهير الانديه الثانيه ؟!!

هل الفريق اول مره يخسر ؟ .. نسيتو اننا خسرنا من الفتح !!

وش صار بعدها !! .. وش اللي اختلف !! .. كلها مباراه وخسرناها !!

رجعتو ترددون اقاويل الانديه الثانيه .. من متى العالميه صعبه قويه علينا ؟

نسينا البطوله اللي تاهلنا لها .. نسينا اننا الفريق الوحيد باسيا اللي محد كسر رقمه ..

حققنا 53 بطوله .. وغيرنا يبي له سنين يوصلنا .. عتبي الوحيد لكم انكم انجريتو

خلف مشجعي الانديه الثانيه .. وقمتو ترددون اقاويلهم .. ردة فعلكم غير طبيعيه

وش ذنب ياسر الشهراني !! .. تكسرون زجاج سيارته .. ويدخل المستشفى عشانكم

انا متاكد ان اللي صار مهو من جمهور الزعيم .. لانه جمهور عقلاني وماتوصل

ردة فعله لهالشي .. طلعنا من اسيا .. وخسرنا الكاس .. باقي قدامنا بطولات

امس ماكان يوم طبيعي لنا .. التشكيله هي نفسها اللي مع الشباب .. والخطه نفسها

والتكتيك نفسه بعد .. حققنا الفوز قدام الشباب .. وخسرنا من اولسان

فرق شي واحد بين المباراتين .. الرووووووووح كانت مفقوده امس

يعني المشكله مهي من اداره ولا مدرب .. المشكله من اللاعبين فقط

الروح كانت مفقوده وماكان فيه روح .. وهذا هو سبب الخساره

حتى لو غير المدرب .. وسوى اللي عليه .. الخساره بتكون هي هي

مابيتغير شي .. لان اللاعبين ماكان عندهم روح عشان يفوزون

والهدفين ضغطت عليهم اكثر .. وصار الفريق يلعب بلا هويه

امامنا استحقاقات كثيره .. لابد من ايجاد الحلول

لابد من التغييرات .. المهاجم الكوري لابد نغيره ونجيب صانع لعب

وهرماش لازم نغيره بعد .. خلاص اخذ فرصته بشكل كبير

ومانجان ارى تغييره ضروري .. لانه ضايع وغير ملتزم دفاعيا

يتقدم كثير وتكون خانته فاضيه ويتورط المدافعين

نحتاج مدافع محلي على مستوى كبير .. ومهاجم محلي كبير

واتمنى من الجمهور الهلالي ماينجر خلف اقاويل جماهير الانديه الاخرى

وترى احنا النادي الوحيد اللي يشارك كل سنه باسيا .. لاننا ثابتون والبقيه متحركون

السنه هذي الشباب ماشارك .. والنصر ماشارك .. والسنه الجايه الاتحاد مابيشارك

وكل الانديه السعوديه ماحققت بطولة اسيا .. اخر فريق الاتحاد عام 2005

يعني لا تجلسون ترددون كلام الانديه الاخرى .. تراكم افضل فريق سعودي

ولا يغركم كلامهم .. والدليل على ذلك .. انهم طلعو في القنوات يتغنون بخروج الهلال

عرفتو الحين ان فريقكم هو الفريق المسيطر على الكؤووس وغيره يندب حظه

له كم سنه ماحقق بطوله .. ووبطولتهم الموسميه .. خروج الهلال من اي بطوله حتى لو وديه وهذا الواضح واللي ملاحظ منذ زمن بعيد

شاكر لكم حظوركم ومساندتكم .. وبالتوفيق لزعيمنا في قادم البطولات

مشكلتنا احنا يااخواني اننا على نياتنا وطيبيين نشجع باقي فرق الوطن اللي تمثلنا خارجيا وندعي لهم

وهم بعد خروجنا تشمتو فينا وطلعو حرة السنيين اللي ذاقو فيها المر من الزعيم

وعلى راسهم فهد الهريفي وحاتم خيمي وطقتهم

اتمنى من كل هلالي يحب الزعيم ويعشقه انه مايشجع اي فريق سعودي يمثلنا خارجيا

لانه مهو شغلنا فازو او خسرو اهم شي هلالنا

لمناقشتي ادخلو هنا

http://vb.alhilal.com/t1124404.html

طرح عقلاني
لن اترك تشجيع الهلال فهو عشقي الاول والاخير

شــــــــــعارنا دائماً
( يدا بيد من أجل الزعيم )
اللهم وفق الهلال فوق كل ارض وتحت كل سماء

يعطيك العافيه انا معك بكل شيء قلته إلا اني اشجع الاهلي
عني انا ماراح اشجع ولا نادي سعودي بالاسيويه
اول من شمت فينا هم

إقتباس الرسالة الأصلية كتبت بواسطة سعوديه والهلال ناديه انا مع الهلال ع المر قبل الحلو بس ليت مراهقين امس اللي اهانو تاريخ الهلال ومسوين فيها انهم معه ضد الاداره والاعبين مع الاسف اصبح وبال ع الفريق الا من رحم ربي اجل بدال ماتحاولون تدعمون الاعبين من اجل الكيان لعلهم ع الاقل يقلصون الفارق او الخوف انها تكون ثمانيه تزيدونهم بحجه اننا غيرانين ع الكيان اعاذنا الله من النفاق اما الاهلي والاتحاد بحول اللي ماتنام عينه واحد يطلع من الثاني بهزيمه تاريخيه والثاني يطلع من اولسان بهزيمه تاريخيه الله ع كل شي قدير

من بؤك لباب السمااااااااااااء

الله يخذل الاتحاد والاهلي

والله انهم كلااااااااااااااااب لعنت الله عليهم

الروح القتاليه ليسة موجوده لكن انشاء الله بنديكور يفوز بآسيا

إقتباس الرسالة الأصلية كتبت بواسطة alz3amh_llhilal_wbs طرح عقلاني لن اترك تشجيع الهلال فهو عشقي الاول والاخير شــــــــــعارنا دائماً ( يدا بيد من أجل الزعيم ) اللهم وفق الهلال فوق كل ارض وتحت كل سماء

الله يعين

--------- اييييييه ياحزم الظامي