يالليل
لاجيرتس ولاكوزمين ولا احد نبغا سامي وبس

والله الي حصل طبيعي جدا بالاعداد الي استعد به عبدالرحمن بن مساعد ...
باع افضل لاعب مر على الكرة السعودية وهو ( رادوي ) عشان يستثمر ....

احضر مدرب في وقت متاخر جدا جدا وبعد فوات الاوان ...
احضر مدافع متهالك وفاشل ولا يلتحم مع الكره ابدا وترك مدافع معروف انه ممتاز وهو ( تفاريس )
احضر لاعب محور فاشل جدا بكل ما تعنيه الكلمة وهو هرماش
احضر نصف لاعب اسيوي وهو اللاعب الكوري والذي اعتقد بانه لعب اليوم ضد الهلال ...
تخبطات اداريه واضحه من سموه ...
يعني تبي بطوله عدلها كويس وعد الفريق صح ذاك الوقت تقدر تطالب فيها ولكن الكل عارف اعداد الهلال هذا الموسم والموسم الذي قبله ....

للحظه ياجماعه ياللي تبون غيرتس انا ماانكر ان جرتس انجز وانجز مع الهلال وكان الهلال الافضل معه ولكن

لو مو الظروف الي ابعدت كوزمين لكانت البطولات الي مع غيرتس باسم كوزمين
غيرتس استلم فريق جاااهز نفسيا وذلك لقرب كوزمين من اللاعبين وكان مثل الاخ والاب والصديق كوزمين احضر لنا افضل لاعب ومحور اجنبي في الملاعب السعوديه وهو رادوي وكان ولي موجود وبيو موجود ونيفيز موجود وياسر في قمة عطاءه والشلهوب في دهاءه والفريدي في اوج عطاءه جاء غيرتس وكمل مسيره جاهزه ولاننسى وجود قلب الهلال النابض الذي كان يبث الروح والدم والله العظيم سامي الجابر كان وجوده له بصمه اتضحت لنا الان سامي يلعب للشعار للهلال بقلب وروح يحرق دمه وروحه للهلال الزبده نبي مدرب عالمي مثل مدرب فريق الصين اذا فلسونا رايحه على الفاشلين نجمعها ونجيب مدرب على مستوى تفصل الامور الفنيه عن الامور الاداريه ماودي اقول نبي صانع لعب بكذا نقتل وربي لاعبينا الي موجودين يستاهلون الفرصه ويجب التجديد مع الفريدي لانه هو الي بيشيل الهلال بعد كذا بيكون ثقل رائع في الوسط اقوى خط في الهلال الوسط نستغل النقطه ذي
ابو فيصل اعذرني حان موعد الرحيل ابي لاعبين اجانب سرعه اقوياء ويسلي يعطى فرصه لانه رائع الكوري باي باي منجان مدري وش اقول نبي لاعب مدافع يلعب بمخه قبل رجله
واخ بس

عبدالرحمن بن مساعد الله معك انت ولاعبين الدجة وتسلم ما قصرت ممكن تفكنا منك ومن الفريق القوي الي ما شفناه بعد رحيل نفيز ورادوي ولي يونق ولي وطيب الذكر قرتس

المشكلة بالهلال ليست مدرب ولا ادارة

لاعبين بلا روووح انهكتهم الفلاشات والشهرة على حسابنا

اعيد واكرر لاعبي الهلال ضعفاء من الجانب النفسي

المنتدى صاير متنفس للبزرااان وعيال الفقر

واي واحد يجيب الادارة على لسااانه

ينثبر احسن

يارررررررررجال والله ذبحتنا المجاملاااات والله مجاملات
ياخي الزوري والمرشدي وش فادوناا به لهم اكثر من موسمين وهم من جرف لدحديره
يااخي شف لك ظهير يساار من الشباب ولا من ام الجماجم
يااخي كرهت الهلال من سبت المجااااااااااااااااااااااااااااااااااااااااااااملاااااات خللصص تعبننا

الله يعين بسسسسسسسسسسسسسسسسسسسسسسسسسسسسسسسس

السالفة نفسية بحته حتى المدرب بتشوفون كيف يتفنن بقراءة المباريات بالدوري
لكن اسيا ذهاب واياب مباريات حاسمه تصيبه ام الركب وينسى اسمه بعد و هو سبب
الخساره امس الشي هذا المدرب مو عارف يتعامل مع الفريق نفسيا لانه اساسا هو نفسيا
رايح فيها وغلط باختيار التشكيل من البداية وتفاجأ باسلوب الفريق الكوري وضربت اوم النفسيه بزياده وما عرف يغير التكتيك وجاء الهدفين و هي الي اعمته بزياده >> لدرجة انه فكر يهج من الملعب 'هذي من عندي'

المشكلة نفسيه ..

أول مره اشوف لاعب يرتبك قدام جمهوره !!!

المفروض فيه اعداد نفس . وطبيب نفسي في النادي يعرف اوضاع الاعبين وحالاتهم ويهيئهم

الادارة مع السلامة

المدرب بما ان الاسيوية ضاعت ارى ان يبقى افضل لانه يقدم في الدوري نتايج حلوة

إقتباس الرسالة الأصلية كتبت بواسطة خلف نت الادارة مع السلامة المدرب بما ان الاسيوية ضاعت ارى ان يبقى افضل لانه يقدم في الدوري نتايج حلوة

لا مانبيه بيكون متواجد في اسيا سباك.من شفت مانجان وابقى عىكوري والاداره لاجديد من بعد ولي وتياقو ورادوي وجريتس وكوزمن اصبح كاننا نبكي ع اطلال استقيلو وفكونا وخذو مدربكم معكم سباك رقم 3 هاشيك دول كومبواريه ليه كل هذا التخبيط ي اداره استثمار

السلام عليكم و رحمة الله و بركاته
في السابق كان في الهلال نجوم تحسم
تلعب لأجل الهلال و الآن لأجل ملايين الهلال
كما هو حال الفريدي و غيره يرفضون التجديد
إلا بمبالغ لا يستحقون نصفها و الدليل على ذلك المستوى السيء
الذي ظهروا به مشكلة الهلال إدراية و فنية و من اللاعبين أنفسهم
ما أبي أقول إنه فيه سحر عمل للهلال يمنعه من التركيز في هذا الدور بالذات
و لكن و أقولها بكل مصداقية بعد رحيل جريتس و الهلال من حفرة لدحديرة
جاء كالديرون و خرجنا من الإتحاد و جاء توماس دول و طلب لاعبين أجانب
و أبعد مع الأهم أني أراهن عليه لأنه كان يحس بالفريق و له لمساته
نحن بحاجة إلى لاعبين مثل تفاريس و رادوي و أحمد علي
صراحة هو أفضل من يو و الآسيوي يجب البحث عن ظهير أيسر
بدلا من الزوري و الأيمن الشهراني ممتاز

اشوف اكثر المواضيع تتكلم على الضغط الجماهيري وش ذنبنا الحين يعني تبغون مانحضر ولاكيف!!
عندك الاعبين عطني واحد منهم سوى شي بالامس ياخي الي مو كفو لحمل الشعار يشوتوه

مادامك تشوف الزوري وهرماش وكومبواريه وانت اغسل ايديك من الفريق
منطقة الوسط امس مفرغه ، الدفاع بطيء ومفهي
الهجوم نااااااااااايم
كومبواريه لو يستمر عشرين سنة ماراح يحقق حتى بطولة الدوري موب اسيا ، اجل تبديل في الدقيقه 45 بنهاية الشوط ؟؟؟؟؟
ذبحتونا سنة كاملة وانتم منجرين ورا لقب النادي الملكي والنادي الخطير وهاذي اخرتها
جيريتس وكوزمين لو استمروا بتدريب الزعيم اربع مواسم راح يحققون الاسيويه واللاعبين الكويسين لو بقوا راح يحققونها ، مانسيت نصف النهائي قدام ذوب اهان كان الهلال مرشح وبقوة ولو استمر بنفس المدرب ونفس العناصر البطولة راح تجي بالغصب بالطيب راح تجي

انا معك في عدم وجود قائد حقيقي بالملعب ولكن لو كان هناك قائد فهل يتغير شي من الوضع اللي شفناه امس اشك في ذلك .
ولكن مااقدر الا ان اقول الله يصبرنا على هولاء اشباه اللاعبين .