اولاً الف مبروك فوز الهلال اولمبياً على المتصدر الاهلي ...

ثانياً الشئ المستغرب والمحير هو عزوف جماهير الهلال عن حضور المباراه لاهميتها وخاصه والمباراه تقام في

الرياض وتحديداً في نادي الهلال والله العظيم ما شفت على الشاشه الا خمسه مشجعين واطفال

وللعلم ان جمهور الاهلي كان اكثر ويشجع رغم ان فريقهم متخلف بهدفين ..

خلونا واقعيين وصريحين جمهور الهلال جمهور فرجه فقط يحضر للملعب ويجهز كيلو فصفص ومكسرات ويجلس

على الكرسي ويتابع ويناظر على عكس بقيه الانديه الاخرى وبالتحديد الاتحاد والاهلي والنصر والفتح ووووو

مو اتفقنا ان جمهور الزعيم اكبر جمهور في المملكه ولكنهم غير مؤثرين لو كان حالنا مثل حال الجار الان من اوضاع

مترديه ونتائج سيئه وتخبطات لكان الهلال يلعب الى جوار انديه الدرجه الاولى



وفي الاخير اتمنى التوفيق للزعيم الهلالي غداً الاربعاء امام اولسان الكوري وتكون نجوم الهلال على قدر المسئوليه وتزف فريقها الى الدور نصف نهائي

وعلى الرغم من الغيابات والنقص الا ان الهلال يعج بالنجوم القادره على تخطي الصعاب

وبالتوفيق للجميع
والمعذره إن قصرت أو أخطاءت

وربي صـادق بكـلامك
وأنا أتفرج أمس على مبـاراة الأولمبي استغربت وبقـوه ان مافيه حضور هلالي وبالرياض !!
على عكسس الفريق الأهلاوي كان فيه جمــاهير حاضرة وتشجع وتآزررر !!!

فقلت بنفسسي إذا بمباراة دوري زين وللفريق الأول وقبل المعترك الاسيوي المهممم وبتقديم مستويات حلوه وماحضروا الجماهير .. فكيـف بمباراة أولمـبي ؟؟!!؟؟؟؟؟؟؟؟

بصـراحـه الوضـع والحضـور الجمـاهيري الهـلالـي بالريـاض لايشرررف أبـداً أبـــداااً
يعني على الأقـل رابطـة ورئيسهـا وكم واحـد مو بهالإنعــدااااام الحضورررري جـددداً !!!

صدقت اخوي الكريم

اللهم وفق الهلال يارب يفوز بكاس اسيا يارب

صدقت وربي قهروني مع اني نزلت موضوع يعني عندهم خبر في المباراه
المهم احنا الاكثر بس هم الانفع لكل الشركات
الحين شركه طيران الامارات تفكر ترعى الاتحاد وبعدها بيجي للاهلي والنصر
واحنا خلونا نتغنى باكثر شعبيه
وزين اذا كملت معنا موبايلي واكبر دليل ان موبايلي ملت وشبه خسرانه تراجعت عن كلامها
بفتح المدرجات مجانا والسبب عدم حضور الجماهير
والله الحضور الجماهيري يجذب مشجعين للفريق اكثر خصوصا خارج السعوديه
اكاد اجزم ان الاتحاد الاكثر جماهيريه خارج السعوديه
والسبب انهم يشوفون روعه جماهير الاتحاد بمدرجاته ووفائه

الزعماء قد المهمه وكلنا بنحضر باذن الله

بس بعون الله نراهم غداً الاربعاء امام اولسان الكوري وهم يملئون المدرجات تشجيع وضجيج

يارجال انتم ماعندكم الا جمهور الهلال اخذين ونازلين فيه
بالله بتقنعني
ان جمهور الاتحاد والاهلي اوفيا مع انديتهم ؟؟؟
الهلال ايام جريتس كان يقدم مستويات حلوه وكان الحضور كويس وكثير اقل شئ بالمباراة الواحده 8000 مشجع والسبب ان الفريق يقدم مستويات حلوه
الاهلي مستواه ثابت من الموسم الماضي وشئ بديهي ان الجماهير بترجع للمدرجات وبتشجع فريقها
الاتحاد الموسم الماضي كان جمهوره مايحضر والكلام ينطبق ع النصر
بس الاتحاد عنده اداره فاهمه جابت اجانب ع مستوى عالي ومدرب ممتاز
وهذا حافز للجماهير انها تحضر
عكس الهلال
الموسم الماضي كان الفريق سيئ
تفائلنا بتعاقدات تهز الجميع وتعاقدات كبيره بسس للاسف تعاقدوا مع مدافع مالعب من 6 شهور
ومدرب عاطل من 6 شهور والفريق كان مستواه سيئ
بداية الموسم مستوى مايبشر بالخير الى مباراة النصر ثم بدأ مستوى الفريق يرتفع
ثانيا
تفائل الجمهور بالفريق وانصدم بالخساره من اولسان.!
جت مباراة الشباب والرايد وقدم الفريق مستوى كويس يعني بيكون حافز للجماهير انها تحضر بكرى
والجمهور دايما يبيض الوجه بالاسيويه
وفيه شئ بقولك
بعد مباراة ذوب اهن في الرياض وبعد الخروج المذل
كانت فيه مباراة الهلال والنصر
ومع ذلك حضرت الجماهير بكثافه وشجعت الفريق لانها تعرف ان الفريق مافيه خوف عليه بوجود جريتس ورفاقه
انا ماقولك ان الحضور ممتاز او انه مشرف لكن اصبروا ع الجمهور وبتشوفون الحضور واجزم لك اذا الفريق تاهل بكرى راح تشوف حضور جماهيري كبير
وان شاء الله يتاهل الزعيم ويحقق الاسيويه ونقول يارب

ع العموم هذا كلامي واتمنى ماحد يزعل
بالتوفيق للزعيم