عاجل ... هجوم على استاد الملز من قبل هوامير الصحراء...!!! - نادي الهلال السعودي - شبكة الزعيم

شمالي والعشق هلااالي · #1 01/10/2012, 07:09 PM

السلام عليكم ورحمة الله وبركاته ,,,

لا أريد الإطالة عليكم ..

كتبت هذه الاسطر دون مقدمه او تجهيز لها من قبل
فارجوا منكم ومن ادارة المنتدى العذر والسموحه
فــــــديتــــــــكم

نحن جماهير الزعيم قادمون من المنطقة الشماليه ومنطفة الجوف
( سكاكا _ قارا _ عرعر _ طريف _ رفحاء )

وعددنا يتجاوز 20 الى 25 اذا اعطونا الشباب الباقي الاوكيه لهم

شطحه

طبعا اللي ننتظر منهم الموافقه علشان يرحون معانا وزارة الداخلية عندهم رافضة انهم يروحون

بإذن الله اذا الله أراد سوف ننطلق في مساء يوم غدا للعاصمة الرياض لكي نفرح مع الزعيم في موقعة الأربعاء
في معركة الملز
ونفرح مع هوامير الصحراء والشعب الهلالي في تلك الليلة التي نرى فيها نجوم الزعيم الملكي

ونرى فيها وجوهكم الطيبه

قبل كل شي

والله يا احنا متحمسين وجايبين معانا لافتات نبيها مفاجئة
بس ان شاء الله الامن يسمحون لنا اننا ندخلها للمعلب

ونبي نفل امها في الملز نبي نقلبها طرب وناسه

ونبي منكم التفاعل والحماس مانبي جمهور على الصامت !!
لا تصيرون مثل جمهورالكابتن ماجد وياسين ما يتحمسون الا مع الهجمه الخطره والهدف هههههههه

وان شاء الله نحصل تذاكر والله لا يخيب تعبنا
واعودا لنا ناصل بالسلامه ونرجع فرحانيين
ورافعين رايه الزعيم

اسأل الله العظيم رب العرش الكريم قبل كل شي ان يسعدنا واياكم في الدنيا ولاخرة
وأساله سبحانه ان يفرحنا في يوم الأربعاء بفوز الزعيم ولا يخيب كل من تعنى وحظر من اجل الهلال ,,,

وآسف ع الإطاله ,,,
ودمتم في رعاية الله

شمالي والعشق هلااالي · #2 01/10/2012, 07:11 PM

ارجوا من الادارة الرفع

ولكم كل الشكر والتوفيق

a lonle wolf · #3 01/10/2012, 07:14 PM

الله يهديك حسبت الحرب قامت

توصلو بالسلامه ان شاء الله وترفقوا

عبدالله الغاامدي · #4 01/10/2012, 07:14 PM

اذا لقيت تذاكر علمني بكرة

لان راح تخلاص التذاكر

انا شاري 12 تذكره اليوم العصر

وبالتوفيق لكم

أنا كذا هلالي · #5 01/10/2012, 07:17 PM

هلابك اخوي
توصلون بالسلامه يارب
الافتات الله يستر لايمنعونها الامن
اما عنوان موضوعك صدقته وقلت يمكن الجمهور بيحضر من اليوم للملعب..مو بعيده هههههههه
سلمت اخوي

bader_305 · #6 01/10/2012, 07:19 PM

حتى الآن تم بيع أكثر من 10 الاف تذكره
المتبقي 13 الف تقريبا

احظروا من بكره واضمنوا التذاكر مبكرا

الرويلي2011 · #7 01/10/2012, 07:45 PM

ونعم باهل الشمال متعنين لاجل الزعيم الله يووفقكم ويوفق الزعيم

شمالي والعشق هلااالي · #8 01/10/2012, 07:46 PM

إقتباس

الرسالة الأصلية كتبت بواسطة a lonle wolf


	الله يهديك حسبت الحرب قامت توصلو بالسلامه ان شاء الله وترفقوا

نعم انها حرب الزعامه للقارة الاسيوية

monster · #9 01/10/2012, 08:10 PM

كفو الله يجيبكم ويردكم بالسلامة
وعسى الله ما يخيب رجانا ورجاكم ويفرحنا بفوز الزعيم

هلالـــي مانشستراوي · #10 01/10/2012, 08:21 PM

إقتباس


	شطحه طبعا اللي ننتظر منهم الموافقه علشان يرحون معانا وزارة الداخلية عندهم رافضة انهم يروحون

وزارة الداخلية وما أدراك ما وزارة الداخلية

هههههههههههههههههههههههههههههههههههه

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

أسأل المولى تبارك وتعالى أن ييسر لكم الوصول سالمون

وأن ينصر الهلال في هذا اللقاء ونفرح جميعا

ويرجعكم الى أهلكم سالمين غانمين بالتأهل

انه ولي كل شيء والقادر عليه

بالتوفيق للزعيم

سالم الصفردي · #11 01/10/2012, 08:22 PM

هذا المشجع ولا بلى

توصل بالسلامه وترد بالسلامه انت وربعك والهلال متاهل ان شاء الله

شمالي والعشق هلااالي · #12 01/10/2012, 08:25 PM

إقتباس

الرسالة الأصلية كتبت بواسطة عبدالله الغاامدي


	اذا لقيت تذاكر علمني بكرة لان راح تخلاص التذاكر انا شاري 12 تذكره اليوم العصر وبالتوفيق لكم

يعني ما راح نحصل تذاكر بيوم المباراة ؟؟؟

(((C.RONALDO))) · #13 01/10/2012, 08:29 PM

يالغالي لاتحركون إلا إذا ضمنتوا تذاكر ..

لأن الأقبال اليوم العصر والمغرب كان كبير في النادي ..
غير باقي المنافذ ..!

والله يوفق الجميـــع ..

شمالي والعشق هلااالي · #14 01/10/2012, 08:30 PM

إقتباس

الرسالة الأصلية كتبت بواسطة monster


	كفو الله يجيبكم ويردكم بالسلامة وعسى الله ما يخيب رجانا ورجاكم ويفرحنا بفوز الزعيم

كفوك الطيب يالغلا

والله يسلمك من كل شر

شمالي والعشق هلااالي · #15 01/10/2012, 08:37 PM

إقتباس

الرسالة الأصلية كتبت بواسطة (((C.RONALDO)))


	يالغالي لاتحركون إلا إذا ضمنتوا تذاكر .. لأن الأقبال اليوم العصر والمغرب كان كبير في النادي .. غير باقي المنافذ ..! والله يوفق الجميـــع ..

والله ياخي احنا مستعدين للمباراة هذي من زمان
بس التذاكر بإذن الله اني من الآن ابي اكلم واحد من قرابتي يحجز لنا
والله حرام نفوت المباراة هذي
والمفروض الادارة تساعدنا في الحجز

بس بإذن الله اننا نحصل واكتب الخبر لكم هنا
ونفرح بالتذاكر وعقبال مانفرح بالفوز ان شاء الله