|
تشكيلة قد توصف بالجنون ... بسم الله الرحمن الرحيم في البدااية أحب أقول ...، في ذكرى اليوم الوطني للمملكة العربية السعودية، هذة تهنئة صادقة إلى كافة أبناء هذا الوطن الغالي واليوم ..المملكة حكومة وشعباً تحتفل بالذكرى الثانية والثمانين لتوحيد وإعلان قيام المملكة العربية السعودية. أسأل الله أن يديم علينا نعمة الأمن والأمان وأن يحفظ لنا ولاة أمرنا ومصدر فخرنا وعزنا. ــــــــــــــــــــــــــــــــــــــــــــــــــــــــــــــــــــــــــــــــــ أنا ضبطت تشكيلة هي خاطرة وأمنية أن أشاهدها على أرض الواقع ..:yes: http://store1.up-00.com/Sep12/iGo58839.jpg بعض النقاط،،، 1- طبعاً كثير يسأل ليش نلعب بمحور واحد؟؟ * لأنه الأظهرة ما راح تتقدم .. لأنه الفريق الكوري يعتمد على الأطراف ،،، رغم دفاع الهلال السيء وعلى أرضهم لم يسجلوا ألا هدف واحد عن طريق الطرف وبأخطاء ...!! 2- ليش نلعب بنامي جناح أيمن ؟؟ * لأنه مركز نامي الأصلي .. ونامي يجيد إختراقات مع زاوية منطقة الــ 18 وغير كذا نامي عنده ميزه وهي أنه يرسل كور ساقطه خلف الدفاع ,,مثال،، ((هدف الكوري على الأهلي في مباراة 4-0 العام الماضي)). 3- أيش الفائدة الكبرى من لعب نامي والشهراني في الأجنحة ؟؟ لأن لديهم لياقة .. تساعدهم اللعب مو إلى أخر دقيقة أو ثانية بل إلى أخر جزء من الثانية. 4- ليش نلعب بالفرج خلف المهاجمين ؟؟ لو ترجعوا لمباراة الذهاب راح نشاهد أن الهلال يصل إلى قوس الــ 18 لكن ما في لاعب يحاور بسرعه ويكون لديه دقة التمرير وتقطع الكورة .. وهذا ما يمتاز به الفرج(( راح يرتب المنطقه هذي)). 5- لعب بـ 4 دفاع ثابتين +1 محور دفاعي .... أفضل من 4 دفاع غير ثابتين مع محور هجومي ومحور دفاعي. ،،،،، ،،،،، ،،،،، أتمنى من جماهير الهلال الحضور و المؤازرة إلى أخر ثانيه ... لأنه من زمان ما شفنا الملعب فل :wub: ولا ننسا أنه سعد محبوب رئيس رابطة المحرق البحريني رااح يقوود الرابطه :to::mr::mq::ra::clap::alzaeem: أنا حضرت مباراة الهلال وبونيوديكور .... وبعد ما سمعت أنه سعد محبوب راح يجي قررت أحضر المباراة ... أنا و3 من أخوياي من الجوف ((1000كم)) والله يوفق زعيمنا الغالي :wub: إختلاف الرأي لا يفسد للود قضيه |
أتـمنى الرفع .......................... |
يعطيك العافيه أخوي وكل واحد وله نظرته ، وما يميز تشكيلتك هو عدم تواجد عادل هرماش والحمد لله السواد الأعظم من هذا المنتدى أصبح لايقتنع بهرماش بنظري التشكيل المناسب يعتمد على الوسط وهو سر قوة الهلال وتكون التشكيلة كتالي : السديري الفرج - المرشدي ( الزوري ، المسلم ) - مانجان - الشهراني القرني العابد - الشلهوب - الفريدي - سالم لوبيـز العابد وسالم يمتازون بالمهارة والسرعه أكثر من نامي ، ونستفيد من الشهراني بالظهير لأنه يجيد التغطيه ويمتلك السرعه وراح يقتل الجهه اليسرى للفريق الكوري اتمنى عدم وجود سلطان البيشي لأنه يرتكب أخطاء قاتلة كما حدث في مباراة الشعله ويتسبب في ضربات جزاء مثل ماصار في مباراة اسبانيا الخمسه :) ويكون بالاحتياط ( عزوز الدوسري - ياسر القحطاني - الكوري - نامي - قلوب الدفاع الموجودين بالتشكيلة - شراحيلي ) أتمنى عدم رؤية هرماش حتى على دكة الإحتياط قوة الهلال في وسطه وتكثيف الوسط يقتل السرعة الكورية ويفرض إسلوب الهلال على المباراة بشكل عام والشلهوب والفريدي وعزوز الدوسري خير من يلعب هذا الدور ومن امامهم لوبيز اللي مايعرف يتفلسف عند الباب وبإذن الله يفوز الهلال بس أهم شي التركيز |
احترم وجهة نظركـ وتحليلكـ المنطقي... بس اتمنااااااها.... السديري الزوري....يحي المسلم...مانجان....الشهراني الفرج...هرمااااش العااااابد....الفريدي....الشلهوب ويسلي... |
انت يا مافي راسك كورة يا نصراوي يا اتحادي يا تمزح يا تستهبل |
امنيتك هذي اذا تحققت بننهزم 5-0 لو كانت قدام فريق حطين |
هههههههههههه سلمك الله ... مابقى ألا أني فااهم كووورة :s4s: إختلاف الرأي لا يفسد للود قضيه إقتباس:
|
إقتباس:
ناامي: وهذا مركزه مع الأنصار وبناءً عليه أشتراه الهلال بــ 6 مليون. الشهراني: لعب بهذا المركز أكثر من مباراة وشفنا إبداعاته ما شاء الله عليه. الفرج: لعب مباراة بهذا المركز العام الماضي وصنع هدف. إختلاف الرأي لا يفسد للود قضيه |
عندك سالم و عزوز والعابد والفريدي والشلهوب وتقول نامي يلعب وسط ؟! |
أتفق معك أخووي ... تحليلك رائع ومنطقي وأقنعني في حاجات ... لكن لوو الكوري بدال القحطااني أتوقع تصير تشكيلة نااارية :) |
التشكيغه المثالييه على قولتك يجب انها تخلوآ من اللي مدري وش جابه للهلال نـــامي.... |
إقتباس:
لكن هل أجساااامهم وسرعتهم تستطيع مجاراة الأندية الكورية ....؟؟ لو نادي أوزبكي أو أسترالي أنا معاك :yes: |
إقتباس:
ناامي مبدع في الوسط .. أما في الدفاااع أتفق معك 100% |
أبيَ آعررف نـآميَ ليه وسط مخليه طيب . وآلزوريَ حرآم يلعب آسآسي مآمنه آي فآئده ولآ نشوف منه تفآعل .. . |
http://www.sharekna.com/en/photos/se...ge/4886/medium بذمتي ... انك منت هلالي او ماتفهم كوره ههههههههههههههههههههههههههههههه تشكيلة محشش او مثل اليماني ماكل قات واشتغل يخطط تدافع ب 6 مدافعين ههههههههههههههه غير المحور ونت مطلوب منك الفوز ب اكثر من 2 http://s.alriyadh.com/2010/02/13/img/575202917992.jpg |
أجمل شي حآطه بتشكيلتك وخطتك أن الاظهره مايتقدمون والله هذا افضل شي لأن هجوم الكوريين كله من الاطرآف وكآنو يستغلون أي تقدم للزوري هذا غير جهة نآمي اللي صآرت شوآرع رآيحين جآيين منها .!! يعني لو نقول الدفآع ثآبت مآيتقدم ولعب بالمحور القرني والفرج بيكون جدآ ممتاز .. والفرج يكون يتقدم ويكون حلقه الوصل بين الدفآع والهجوم وقطع اي كوره مرتده .. لانه كلنآ شفنآ بآلذهآب لمآ دخل الفرج وصآر بالمحور مع القرني شلون غيّر مجرى المبآرآه !! والهجوم يآسر ولوبيز ثنآئي رآآآئع ومنسجمين مع بعض بطريقه عجيبه .. نقدي الوحيد هو ليه نآمي يلعب ؟؟!! والله اسمه بس يجييب لي خفقآن ..!! لا مهآره ولآ ضغط ع حآمل الكوره ولآ قوه التحآم إلا ماندر .. فيه غيره افضل منه وبكثيييير .. العآبد وعزوز والشلهوب وسالم .. ع العموم أن شاء الله تكون تشكيله كومبواريه عقلآنيه وبعيده عن المفآجئات .. والله يوفق الملكي .. |
نامي صانع لعب اجل والله والله والله لو انة يحطين ما يلعب اساسي تبية معنا خف علينا يا طارق التايب |
تشكيلة مجنووووونه وبالنسبه لنامي هذا مركزه الأصصصلي بس متى يفهم المدررررب .. |
إقتباس:
ماكنت اتمنى ان تضع هالصورتين لانها لاتليق بمنتدى الهلال الرسمي اتمنى ان تحذف الصورتين لانها لاتليق لا لك ولا لنا كرمنا يالغالي |
مانت بعيد عن مدربنا هو واخترعاته عندك افضل لعيبة وسط الفريدي والعابد والدوسريين والشلهوب كلهم برا ومخلي النص للاظهرة والمحاور لا دخيلك مانبي جنونك |
حاان وقتنا يااجمهور الهلال لنعيد رووح الهلال من المدرجااااااات بالتشجيع المستمر لجميع الاعبين دون استثناء بعيدا ع الاستهجااان على اي لاعب مهما كاااان مستواه |
تشكيلة لاباس فيها ولكن ارى ابعاد محمد النامي ووضع الشهراني مكانه مع ووجود الشلهوب امام الزوري مكان الشهراني بكذا فوز هلالي قوي باذن الله او العابد بدلا من الشلهوب |
أهم شي الوسط يتواجد فيه بالمحور هرماش عزوز الفريدي العابد وسالم وفي المقدمه ويسلي والدفاع الشهراني بدلاً من الزوري |
و الله و انا اخوك لا توصف بالجنون و لا شي التشكيله الانسب السديري ياسر الشهراني (سلطان البيشي ) (ظهير ايمن) مانقان (قلب دفاع) يحي المسلم (قلب دفاع) عبدالله الزوري (ظهير ايسر) محمد القرني (هرماش ) (محور ثابت) سلمان الفرج (محور متحرك) نواف العابد عبدالعزيزالدوسري ويسلي لوبيز يو بيونغ سو ياسر الشهراني بالظهير مبدع و شفناه بمباراته الاخيره لاعب وسط و يرجع للظهير لتسكير ثغرات نامي الفرج لمحور هجومي رائع و شفناه في اخر مباراة يوم نزل غير المباراة كامله ووجوده مع نواف وعبدالعزيزالدوسري راح يفيد المهاجمين كثير و الاوراق الرابحه تكون سالم الدوسري و الفريدي و ياسر القحطاني الشلهوب لاعب كبير بس ما اتوقع انه بالالتحامات راح يستطيع مجارات الخصم تقبل مروري& |
درب السلامة ان شاء الله اهم شي خل احد يحجز لك تذاكر لايكون الطريق بالمجان التشكيلة حلوة لكن بدال الزوري الشهراني ويكون بمكان الشهراني عزوز والفريدي ولا العابد بمكان نامي وهرماش اتوقع انه افضل من القرني |
شوف حبيبي كل واحد لو قلت له حط تشكيلة بيحط تشكيلة غير اللي انت مسويها لان الافكار تختلف عشان كذا حطو مدرب واحد ولازم نرضى باللي يسويه ولكن اخطاءك بالتشكيلة واضحة جدا وأهمها انت ذكرته هو اللعب بمحور واحد !! لايوجد فريق بالعالم يدخل مباراة تنافسية بمحور واحد لأن هذا جنون وهو أهم مركز حتى لو الاظهره ساندو وهذا خطأ لأن المحور هو من يساند الاظهرة حين ينطلقون ويغطي اماكنهم وانت ذكرت العكس !! عن نفسي اتفق معك في وجود لوبيز وياسر ولكن يجب وجود محورين حتى لو لعبنا بثلاثة دفاع مثلا 3-2-3-2 تحياتي |
هههههههههههههههههههه الحين انت هلالي ولا تستهببل الحين ذي التشكيلهه الناريهه ههههههههه الهلال لو يبي يفوز يلعب الفريدي و ياسر في التشكيلةة الاساسيةة الفريدي ضرووري يلعععععععععععععععععععععععععععععب |
ماكل قات و معمر جرااااااك السديري الشهراني....يحي المسلم...مانجان....البيشي الفرج...هرمااااش العااااابد....الفريدي....الشلهوب ويسلي... |
الله يكتب اللي فيه الخير .. مع ان قلبي ماهو متطئمن .. انشاءالله الاعبين قدها وقدود .. انا شكلي ماراح اشوف المباراه !! لانه قلبي الصغير لا يتحمل .. |
الله يعطيكك العافيه ، بالتشكيله ذي تبي الهلال يلعب بدون صانع لعب حقيقي حاط لي ثلاث صناع لعب وكلهم اظهره !! سلمان ظهير ايسر ونامي ايمن وياسر ايسر !! تبي تقولي ان سلمان مبدع ومدري وش اتفق معك بس يبدع في المحور مو صانع لعب وشفت في مباراة اولسان جات له هجمه صريحه وضيعها ! لانه مو متعود يتقدم يعني حده محور وظهير وياسر سريع ومتحرك وحلو بس تنقصه الخبره في مركز صانع العب او الوسط واكبر دليل مباراة اولسان ، مدري ليش كارهين هرماش !! عشان مباراة اولسان يعني ؟ ياخوي كل الاعبين خايسين وحطيت عينك على هرماش وتبي تلعب القرني والله القرني فاشل ماغير يشوت يحسب نفسه رادوي وصدفه دخلت هدف وحده وازعجنا كل مايتقدم يشوت ! في المباراة القادمه محتاجين هرماش والفرج محاور والقرني اوت والزوري اوت والشهراني مكانه والعابد لازم يكون موجود واسف على الاطاله . |
في ذمتي انك ماتعرف كووووره |
اتفق معك بنسبه كبيره خصوصا في نقطه نامي خصوصا روحه العاليه واتقانه للكورات الساقطه بشكل ممتاز في كوره القدم لاعب يحترق في الملعب حتى لو لم يفقه شي في اساسيات الكوره افضل من لاعب مهاري مزاجي |
إقتباس:
|
صادق والله،، ولو تروح لموقع كورة وتشوف عدد الأهداف إلي سجلها محمد نامي: 26 هدف على ما أعتقد،، هذا إلي مسجل في موقع كورة بس،، ولا موقع كورة ما يسجل كل شيء خصوصاً دوري الأولى،، باختصار محمد نامي من زمان وأنا أبي نجربه لاعب وسط،، لكن!!! |
.. تكفى ! لا تفكر تصير مدرب !! |
نامي تبغاه وسط اخخخخخ يا بطني ماتحملناه بالدفاع تبغاه وسط من المدينه المنوره هاه :yes:شكله يقربك |
لا اله الا الله اجل الشهراني ونامي والفرج والقرني كلهم وسط ؟ من متى تتابع الكوره ؟ طيب عندي لمسه وحده في التشكيلة لو تسويها تكون تشكيلتك عشره على عشره وهي بدل لوبيز نحط السديري كذا تكون احسن هههههههههههههههههه والله لو انك مدرب كان من اول مباراه ع الباب خخخ |
إقتباس:
المسأله ليست من المدينه .. أنا عارف مستوى ناامي في الخاانه ذي. نامي لا يقرب لي .. هو نخلي وأنا عنزي |
إقتباس:
مين اللي راضي يفهم .....!!؟؟؟؟ |
إقتباس:
والشهرااني ما يحتااج تعريف أنه يلعب جناح أيسر ... والقرني معرووووف مكااانه والفرج شفناه في مباراة الشباب الأخيرره كيف لعب في منتصف الملعب ... ـــــــــــــــــــــــــــــــــــــــ أذا حآآب تعرف ... لي 18 سنه هلالي |
إقتباس:
|
هههههههههههههههههههههههههههههههههههههههههههههههه اكلوا صاحب الموضوع |
النامي وسط حرام عليك .... يا انت ما تفهم كورة يا أنا ما افهم |
وجهة نظر تحترم جداً بس اختلف معك في القرني وفي نامي يعني بدال القرني هرماش وبدال نامي سالم الدوسري |
خلاص بنتعاقد معاك بس دي المباراه الصراحة قتلت مورينيو في التكتيك |
التشكيلة امرها عند السيد كومبواريه |
لالالالا ياشيخ انا وقترح عبد الله الدوسري مكان ياااسر وخيرات مكان مانقان والجهني مكان لوبيز بشكيله نااااااااااااااااااااااااااااااااااااااااااار يعني السدير ي الزوري خيرات المرشدي البيشي نامي هرماش الشهراني الفرج الجهني وعبد الله الدوسري |
إقتباس:
ومالك داعي على ذا الكلام والبربرة على هرماش :ba1: مبارتك مع الشباب مين اللي جاب الهدف الخورافي:s5s: معقولة عشان مباراة اولسان خلاص نبدا نقول مانبيه ومدري ايش تحياتي لك : الهآووي :rose: |
مع احترام لوجهة نضركم هذي التشكيله الانسب / السديري الزوري - المرشدي - منجان - سلطان البيشي الفرج ياسر الشهراني - عزوز الدوسري - سالم الدوسري ويسلي ياسر ولانسى ان الهلال في المباراة كوريا نقصه الاختراق من الاطراف وبهذي التشكيله الهلال بيعتمد ع الاطراف وهذي نقطة ضعف الكوريين |
ليه ياعزيزي وين راح عادل هرماش وعزوز سالم ولا بعد حاط النامي جناح حسيت انه ويلي ماقول الا اشوى انك منت مدربنا |
يرحم امك لا يسمعك المدرب نامي والشهراني وسط نبي وسط يصنعون الفرص موب يركضون |
أنت قلت تشكيلة مجنونة وهي فعلاً مجنونة لكن بالجانب السلبي بصراحة، لو نجيب مدمن حشيش من تشيلي ما يسوي خطتك خخخخخخخ |
طبعا لو كل واحد بكيفه نزل التشكيله الي يشوف انها مناسبه ولو اخترنا بكل مركز الاسم الصحيح والاعب الي نتوقع انه بيأدي الافضل في المباراه صدقوني بدون توفيق من الله سبحانه ثم روح اللاعبين والحركه داخل الملعب ماراح نخطو خطوا للأمام عندنا مدرب يدفع له مبلغ وقدره شهريا مهمته الاساسيه قرائة الفرق المقابله واختيار الانسب من اللاعبين والتكيتيك المعين نثق فيه ونثق بلاعبينا من حارس المرمى واحتياطييه الى المهاجمين الجمهور دوره الاساسي التشجيع والحضور والمسانده يجيب ان لا نتخطا ادوارنا كل مشجع يدخل بالموضوع ويشارك برد سواء يختلف او يتفق مع صاحب الموضوع يجب ان يعلم بأن رده هنا ماراح يقدم ولا يأخر في المباراه دورنا الاساسي نعبي الملعب من وقت مبكر ونشجع ونهتف للاعبينا ونبث فيهم روح الحماس من الدقيقه الاولى حتى صافرة الحكم نسوي الي علينا داخل الملعب وان شاء الله يوفقنا ربنا ونتأهل للمباراه القادمه وكل مباراه لها وقتها الله يوفق زعيمنا ونتأهل ونتخطى الحاجز النفسي الاسيوي الي ملازمنا من سنوات عوافي |
بالله ذي تشكيلة واحد متابع الهلال لا والمصيبه حاط نامي اساسي ههههههههههههههههه مطنش هرماش والعابد والفريدي والشلهوب وعزوز وحاط نامي اساسي اقول يان في اعشاء بالمنتدى يكرهونك بالمنتدى وماودك تدخل |
لا يابوي سالفة نامي ذي ماهظمتها طيب العب بسالم عنده الي عند نامي وافضل وبعدين انت جالس تلعب بدون صانع لعب الفريق لازم يكثف الوسط ويلعب بمهاجم واحد لان وسط الهلال هجوم واهدافنا ب2010 و2011 تشهد يعني المفروض تلعب بهرماش محور وقدامه الفرج والفريدي والعابد وسالم والاظهرة الزوري والبيشي والقلوب مانجان والمرشدي والسديري حارس وويسلي هجوم ولو سجلوا هدف بالشوط الاول لاسمح الله كذا بنكون مطالبين ب 3 اهداف نحول التكتيك بالشوط الثاني ل 3-5-2 نطلع المرشدي وندخل ياسر ويرجع الفرج ظهير ومع الهجمة يلعب دور الجناح والزوري يكون قلب واذا تقدم الفرج يغطي مكانه واذا وصلت الدقيقة 60 وشفنا الوضع مافيه فائدة يكون الهلال ماعنده شيء يخسره ويلعب ب3-4-3 نطلع سالم وندخل يو ادري كلامي ذا مايودي ولا يجيب بس بطرح وجهة نظري واخشى مااخشاه خوف المدرب لازم يفهم انه لو دخل علينا قول بالشوط الاول انه مافيه شيء يخسره ابدا بالشوط الثاني |
معك يالغالي ومن وجهة نظري كلامك صح |
تشكيلتك جدا رائعة فقط ينقصها عبده برناوي |
حبيبي الله يهديك اوما سلمان صانع لعب وهرماش برى ونامي وسط يمين تصبح على خير حبيبي |
مآ آدري وش كنت تفكر فيه يوم حآط هآلتشكيلة |
احسن ماسويت استبعدت هرماااااااااش هههههههههههههههههههههه |
| الوقت المعتمد في المنتدى بتوقيت جرينتش +3.
الوقت الان » 04:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd