السلام عليكم ورحمة الله وبركاته

اسعد الله مسائكم / صباحكم بكل خير ,

في البدايه حظ اوفر للهلال وخاصه للجمهور الهلالي على الخساره وعلى المستوى وعلى وضع الفريق بشكل عام

--------------------

والله ياجماعة الخير انا مو من الناس اللي يكتب بشكل مستمر او في كل حدث سواء بالفوز او الخساره , لكن اللي نشوفه من المدرب يجبرنا نتكلم ونطلع اللي في قلوبنا ونرتاح - واتمنى تتقبلون سرد الموضوع بهالشكل لانه وليد اللحظه بدون ترتيب للنقاط.

-----------------------

انا مااعرف هالمدرب يفكر بعقله او يجيب الاربعه الاجانب وبعدين يكملهم بالمحليين ويقول العبوا ؟؟؟؟ ليش وجود الاجانب الاربعه ضروري بالنسبه للمدرب وحتى لو الموجودين بدكة الاحتياط افضل من بعضهم وبمراحل !


بداية في التشكيله اللي دخل فيها المباراه والله اللي يطالع الملعب من فوق ويشوف توزيع الهلال في وسط الملعب بيستغرب! ماعمري شفت الهلال يلعب 4-2-2-2 في حياتي كلها

المدرب فكره ضعيف جدا لو شرحنا خطته بالعقل والمنطق بنتاكد انه ضعيف ولا عنده تكتيك ,

لاعب بمحاور اثنين ثابتين ولا فيهم احد يتقدم مااختلفنا بهالشي بنقول يمكن خطته دفاعيه , لكن يلعب باثنين قدام المحاور وعلى الاطراف ؟؟ مايدري انه وسط الملعب فاضي لو لاحظنا انه عزوز يستلم مع الطرف ويوقف الكوره ينتظر احد يتقدم او يسانده في بناء الهجمات ولا حياة لمن تنادي , وحتى الشهراني اللي لاعب معاه في وسط الملعب بعيد عنه لانه المدرب وجهه يلعب قدام نامي وصار وسط ايمن. معناته الدائره فاضيه من وجود اي لاعب هلالي

التشكيله كانت بهالشكل


السديري

الزوري - المرشدي - مانقان - البيشي

القرني - هرماش

عزوز الشهراني

لوبيز - الكوري


اسالكم بالله هذي تشكيله تدخل فيها باسيا وفي ربع نهائي ؟

وجود الشهراني في وسط الملعب خطا كبير اولا لاننا جبناه على اساس انه ظهير
ليش نلعبه وسط وكاننا ناقصين صناع لاعب او لعيبة وسط

عندك افضل صناع لعب في السعوديه ( الشلهوب - الفريدي - العابد اللي عاقبته بوقت خطأ )

لو نزل بهالتشكيله كان وضع الهلال افضل بكثير

السديري

الزوري - المرشدي - مانقان - الشهراني

القرني - الفرج

الدوسري - الشلهوب - الفريدي

لوبيز


وبعدين يلعب بالتغيرات سواء يسحب الفريدي وينزل مهاجم ثاني او يسحبه وينزل سالم الدوسري او ياسر او حتى الكوري لو كان مقتنع فيه لهالدرجه



------------------------------------

طبعا حاليا نبعد عن مشكلة جلب هالمدرب وهرماش والكوري ومانقان لانه كثرة الكلام بهالموضوع مالها اي فايده , نهتم بالموجود حاليا واصلاح الاخطاء باذن الله في الفتره الشتويه


عندي ملاحظه بسيطه على بعض الاعضاء اللي يقول انه الشلهوب كبر ولا يقدر يعطي مباراه كامله
لو نتذكر في فترة كوزمين كان الشلهوب مركون بالاحتياط ولا يطقها الا للضروره
ومع هذا كله جا بعده قريتس ووظفه صح في الموسم اللي بعده وصار من هدافين الهلال واكثر لاعب يصنع اهداف !!!!!!!!!!!!!


نقطه بسيطه اختم فيها الموضوع : افتدنا وجودك ياسامي لاني متاكد بتحلف على المدرب انه الشهراني لاعب ظهير مو وسط .


اعتذر عن الاطاله

فمان الله