السلام عليكم ورحمة الله وبركاته

مساء \ صباح الخير

ماحبيت اكتب من امس ادري الكل منفعل وزعلان وقام يرمي الاتهامات يمين وشمال
مره الاداره ومره اللاعبين ومره المدرب

مباراة الامس حصلت اخطاء عديده وانا بعطيكم الاهم منها

الكوري المفروض ماكان اساسي لانه معروف يضيع فرص كثيره وياسر افضل منه خبره وتمرس وشفنا الدقايق اللي لعب فيها ياسر تغير شكل الهلال للافضل
واللي طالبو بلعب الكوري عرفتو الفرق الحين بين ياسر والكوري وانكم ظلمتو ياسر

خلال مجريات المباراه هرماش فوق الغلط اللي جا منه الهدف ماقدم مستوى وكان عاله على الوسط ويوم دخل الفرج مسكنا الوسط ولعبنا صح

والفريق الكوري ترى ماسجل الا بخطأ دفاعي لا تقولون انه افضل منا بالعكس احنا كنا سيئين عشان كذا الفريق الكوري سجل هدف من خطأ دفاعي وضاغط علينا

لكن بعد التغييرات ضيعنا كم هدف وهذا دليل ان الفريق كان فيه شوية اخطاء وصححها المدرب بس غلطته انها تاخر في التغيير يعني كان واضح الكوري وهرماش ضايعين وغيرهم وتغير الوضع وهذا دليل انه يقرى المباراه زين
بس ليه تاخر في التغييرات ؟ يمكن متردد او خايف من الاصابات الله اعلم

وانا متفائل بمباراة الاياب وان شاء الله تكون لنا بصمة الانتصار وعودة الازرق لمكانه الطبيعي وبدعمنا ووقوفنا مع فريقنا راح نثبت للجميع اننا الافضل باسيا

لاحظت بعض المواضيع تهاجم الاداره واستثماراتها والمدرب وطريقته واللاعبين واسلوبهم ماخلو احد الا هاجموه

الاداره قبل كل شي تدفع ملايين من جيبها وهي اللي تعبت وفاوضت واتفقت مع موبايلي وغيرها عشان السيوله الماليه ويرتاح اي رئيس قادم من الدعم الموجود
ومافيها شي اذا تعاقدت مع لاعب وتم بيعه بقصد الاستثمار يكفي انه تمت الاستفاده منه بشكل كبير وتحقيق بطولات وبعد ذلك بيعه بقيمه اضافيه وشراء غيره
اللاعبين الموجودين فيهم الخير والبركه مانجان مدافع مميز وكابتن منتخب
وهرماش محور مميز ومشكلته فقط الاستدعائات مع المنتخب والكوري لاعب ينفع
بتحركاته المزعجه وهو خير احتياط لياسر وويسلي نجم هداف من اول مباراه ماشاء الله عليه ووين اللي يتكلم عن التعاقدات

والمدرب واضح المنهج اللي يمشي عليه تدرب معي وتبدع تلعب تلف وتدور مع الباب وهذا شي طيب مهما كانت نجومية اللاعب الانضباط اولا واخيرا مهم
وش الفايده اذا لاعب منضبط ويتعب كل يوم وما يلعب وواحد مهو منضبط ويغيب ويلعب اساسي هل هذا عدل ؟

وطريقة المدرب واضحه ومعروفه ومدرب مبين عليه فاهم ويعرف كيف يتدخل من خلال مجريات المباراه ويكفي تغييراته خلال مباراة اولسان يوم طلع الكوري السيئ وهرماش الضايع بس اللي تنحسب عليه هي التاخير في التغيير

واللاعبين ينقصهم شي واحد الروح وتدرون ليه مافيه روح لانكم انتم شغاليين ليل ونهار انتقادات وجالسين ببيوتكم كل واحد راز قدامه براد شاي وصحن فصفص
ويتفلسف ويرمي الاتهامات على اي شي يجي براسه لاعب اداره مدير فريق مدرب

طيب طال عمرك ليه ماتحظر الملعب وتدعم اللاعبين معنويا وتعطيهم حافز ؟

كيف تطالبهم بمستوى وروح ومعنويه ووفاء للشعار وانت جالس ببيتكم !!

شفتو امس لاعبين الاتحاد كيف حرثو الملعب عرض وطول !!

تدرون ليه ؟ لان فيه جمهور حظر !! ومو بس حظور الا تشجيع ودعم ومعنويه !!

مهو انتم لا حظرتم محد يشجع واللي يوقف يشجع تقولون له اجلس

انت جاي تجلس والا تشجع !!

ياليت اشوف تعليقات على اللي كتبته والا تحبون المواضيع اللي فيها انتقاد جارح للاعبين ونحملهم فوق طاقتهم

بالعكس
موضوعك روووووووووعه
بس تدري ان هدف اولسان تسلسل؟؟
....نفسي اشوف خشش الي نزلو مواضيع كلها انتقاد بعد مايعرفون ان هدف اولسان كان تسلل ..وان المفروض المباراة تكون تعادل 0-0

إقتباس الرسالة الأصلية كتبت بواسطة أنا كذا هلالي بالعكس موضوعك روووووووووعه بس تدري ان هدف اولسان تسلسل؟؟ ....نفسي اشوف خشش الي نزلو مواضيع كلها انتقاد بعد مايعرفون ان هدف اولسان كان تسلل ..وان المفروض المباراة تكون تعادل 0-0

يارجال هم فكرو كيف الهدف جا اصلا

اهم شي الفريق خسر

واكيد حطو الغلط من المرشدي المفروض يصير رامبو على غفله

واللي اخطأ هرماش ماظنتي بيقولون عنه شي

شكرا لك اخي
يريدون روح الهلال تعود وشاهدنا حضورهم في مباراة الشعله
للاسف جمهور يريد كل شي دون ان يقدم اي شي
تحيتي لك

إقتباس الرسالة الأصلية كتبت بواسطة مرفأ الذكريات شكرا لك اخي يريدون روح الهلال تعود وشاهدنا حضورهم في مباراة الشعله للاسف جمهور يريد كل شي دون ان يقدم اي شي تحيتي لك

من جد يبون كل شي جاهز

يبون الفريق يفوز وبس

مايدرون ان الكوره فوز وخساره

مايدرون ان الفريق ماعمره لعب مباراه هالموسم مكتمل الصفوف
كم مباراه غاب عنها اللاعب الفلاني ومباراه غاب عنها فلان ومباراه غاب عنها علان
لللحين الفريق مالعب مباراتين على بعض بعناصر ثابته

الغيابات لها دور