[COLOR="Blue"]السلام عليكم ..
كيفكم يا أحبائي عشاااق الزعيم الهلالي

حابه اني اطرح ها الموضوع المهم والله بوجة نظري انه مهم جداً جداً جدأ لحد كبير ما تتصورونه واتمنى منكم انكم توصلون صوتي وموضوعي هذا لصاحب السمو رئيس الهلال بمشاركاتكم وارائكم الي الله لا يحرمني منها

الموضوع بدون ما أطيل عليكم هو يختص بصانع ألعاب للفريق ..

الفريق حاليا والله يحقق فوز في بعض المباريات بدون أي هوية كلها أهداف بالصدفة ما فيه هدف تحس انه هدف مصنوع او هدف من هجمة مرتبة ومنسقة على قولتهم طقهاا ولحقهاا

لو تلاحظون في جميع الفرق العالمية كل الفرق تعتمد على صانعي الأهداف من طراز عالي قبل الإعتماد على المهاجمين وانا لاحظت في الأونة الأخيرة أن الإدارة الهلالية معتمدة بشكل كبير على جلب أفضل المهاجمين دون النظر لمن هم خلف هاؤلاء المهاجمين .
وصدقوني مهما يكن لدينا أفضل المهاجمين وليس من خلفهم لاعبين يصنعون لهم الكرات ما راح نستفيد منهم

وانا راح امثل لكم أول شي بالفرق العالمية

برشلونة : شوفوا كم عدهم صانع لعب ( ميسي - انيستا - اقزافي ) تلاقيهم في كل مبارة موجودين مع العلم ان ما عندهم راس حربة لانهم عارفين ما فيه فايدة من راس الحربة مالم يكن خلفه صانعي أهداف

ريال مدريد : شوف الريال كم عنده صانع لعب ( دي ماريا - كرستيانوا - اوزيل -كاكا ومع ذلك تعاقد مع صانع لعب موديش ) وهو عنده اثنين مهاجمين بس مو زينا تلاقي دكة الاحتياط في الفريق كلهم مهاجمين

نجي للأهم تعالواا شوفواا الأندية الكبيرة الي عندنا ( الشباب - الاتحاد- - الأهلي حتى الفتح ) شوفوا ايش لاعبين الوسط لفرقهم لا يمكن تشوف فريق منهم ما عنده لاعب أجني صانع لعب ومن طراز عالي

تعالوا للإتحاد شوفوا كم مليون خسر النادي على شان يجيب سوزا تقريباً ( 65 مليون ريال ) بس هذا على يجيبوا سوزا صانع العاب للفريق يكون بجنب محمد نور وعاد انتم أدرى مني بإمكانيات هذا الاعب

تعالواا شوفواا الشبااب كم مليون دفعها على شان يغري كماتشو بترك الأهلي واللعب للشباب

حتى الفتح الفريق النوذجي عندهم إلتون رغم إمكانياتهم المادية والله انه شي يحز في النفس فريق مثل الفتح لا تتعدى ميزانية نادية مبلغ عقد الفريدي ومع ذلك جايبين لهم صانع العاب ولاعب كمان عالي المستوى

وهلم بقية الأندية

فهل معقول نادي كبير ونادي عريق ونادي صاحب امكانيات عالية ما عنده صانع لعب أجنبي ؟!!!

لا احد يجي ينط الحين ويقول عندنا سالم الدوسري وعبدالعزيز الدوسري والشلهوب والفريدي والعابد

وانا راح ارد على الي يقول كذا

الاعب السعودي عامة مهما كانت إمكانياته لا يمكن انه يصير لاعب صانع لعب حقيقي وعالمي هاذي غسلوا يديكم منها

سالم الدوسري : لاعب صغير تنقصه الخبرة ولس يبغاله كثير على باال ما يجيد صناعة اللعب

عبدالعزيز الدوسري : هو الاعب الوحيد في الفريق الي جالس يحالو انه يصنع لعب وكرات للمهاجمين بس يد وحده ما تصفق ولا يمكن الاعتماد على عبدالعزيز في كل مباراة لانه احتمال يصااب في اي مباراة

الشلهوب : خلاص على قولتهم راحت عليه صحيح انه لاعب ممتاز بس ما عاد صار زي أول الحين صار لاعب شوط واحد والشوط الثاني تدور له ما تلقااه

الفريدي : لاعب مزاجي وثقيل تلقااه في مباارااة يبدع وعشر مباريات يبغا يعدي بفريق كاامل وفيه شوية من الغرور

العابد : لاعب جيد لانه مثل سالم لس صغير وما عنده الخبرة الكافية

ولا ينط لي شخص ويقولي المدرب ما يحتاج صانع لعب

انا اتحدى أي مدرب في العالم النادي يحضر له صانع لعب من طراز ممتاز ويقولك لا ما ابغاه كل مدربي العالم الان يبحثون عن الاعب الي يجيد صناعة الاهداف وليس المهاجمين

وها هي الإدارة احضرت الكوري وش استفدنا منه كمهاجم عشر كورات يضيعاها ويسجل وحده

اتمنى من الجميع تكفون تكفون تفكون ابغا تصل المشاركات في ها الموضع والمشاهدات لأكثر من مليون مشاركة

الي نطلبه من الإدارة الهلالية الله يطول عمر رئيسها ويخليه انه

1- يستغني عن الكوري في فترة الإنتقالات الشتوية ويحضر لاعب محور أسيوي لانه مو معقولة ما تلاقي في أكبر قارة في العالم لاعب محور أسيوي يجيد الأدوار الدفاعية يكون بجانب محمد القرني أو سلمان الفرج أو الغنام

2- الاستغناء عن لاعب المحور عادل هرماش انا اشوفه انه لاعب مندفع للهجوم اكثر منه للدفاع ولا يجيد الأدوار الدفاعية .
وجلب مكانه لاعب صانع لعب برازيلي يجيد صناعة اللعب وكذلك الكورات الثابتة والله يا عشااق الزعيم الي صح يفهم الكورة يلاحظ ان أغلب الفرق في العالم تعتمد على الكرات الثابتة في تسجيل الأهداف

وانتم شفتوا كيف الإتفاق عادل الهلال في أخر الدقائق بسبب كرة ثابتة سددها لاعب بطريقة لافه وسريعة هاذي هي الكرات الي تخدع المدافعين وحراس المرمى

يالله يا شبااب نطالب الرئيس من الآن حتى تبدأ الإنتقالات الشتوية أنه يجيب لنا صانع العاب مثل نيفيز

وانتم شفتوا الهلال يوم كان معااه اكثر من صانع لعب ( نيفيز - ولي هامسن - زائد لاعب سعودي ) كيف كان الهلال يفوز بالخمسة والمستوى الجميل

يالله يالله يالله تكفون تكفوون

,اسفة وربي على الإطالة لاكن كان لازم أقول كل الي عندي لآني عااشقة للون الأزرق الزعيم الهلالي

اتفق معك والجميع طالب بصانع العاب وقالوا بيجي بدل هرماش وانتهى الموضوع لان الامير يقول محتاجين محور اسمه هرماش حتى لو مايلعب محور ومحتاجين مدافع وجابوا مانقان الى الان سيء والامر بيد المدرب تسكيته للجمهور ولكن الهلال لايحتاج محترف اجنبي عاله على الفريق
اي مدرب يقوم بتقسيم الاعبين حسب مراكزهم ويجري لهم اختبار السرعه والمهاره ثم قوة الاشتراك ويقرر بعدها الاساسي والبديل الاول ولا اعلم هل قام بذالك كومبواريه ام لا ولكن كيف يجتاز اختبار المهارات الاساسيه لكرة القدم هرماش ومانقان ونامي ووو!
الان الفريق يحتاج ابعاد نامي والحمدلله بيرجع سلطان المباراه الجايه ولكن من يستطيع ابعاد هرماش؟
البعض يلوم المرشدي والزوري وما ادري شاف اي مباراه هرماش ونامي ومانقان اسباب الهدف والسب لغيرهم
عادة مايؤكد البعض انه لايهمه مستوى المهاجم وان مهمته التهديف عندما يلعب ياسر واليوم لم يطرح اي موضوع عن الهجوم عقدة الاجنبي
شكرالك

ايه ماعليك وصلت الرسالة

و الوقت مبكر على الحديث عن فترة الانتقالات

مهم جدا واكثر من المهم بأن كلامك كله يوصل لـ ( ابو مساعد )
مع ان مستحيل نحقق آسيا بـ هالمستوى

حتي لو وصلت فلن تلقي اذان صاغية خلاص انتهي ايام الروح روح الانتصار فلم يبقي الي اشباح والقادم اصعب

والله معك حق فعلا الهلال محتاج لصانع لعب زي تياجو نيفيز أتوقع ان هذا الكلام محور اسوي
يكون من اليابان افضل وصانع لعب مع لوبيز برازيلي
يكون وسط نار والله معاك بس مين يوصله الكلام منه اه اه بس
حنا كلام بدون وصول وبدون أفعال

لآ تعليق بكل صراحة على موضوعك : )
ما عندي اي تعليق ":>

مااشي الحين اتصل عليه واوصل له

ننفخ بقربه مشششششقووووووووووووووقه

جيبوا محترف يابانى كأول حل ..
ــــــــــــــــــ

حسبي الله عليهم واستثمارهم اجل هرماش يستحق يلعب في الهلال

وش الفايده
اذا طلعنا من آسيا خلاص راحت علينا مافي انتقالات الحين

لاكن
كلامك كله منطقي تكلمنا في بدايه الموسم بس خلاص الادارة ماتبي تخسر
بالكوري
عاد تبي تجيب لك لاعب 65 مليون

عبدالرحمن بن مساعد هو الفاهم الوحيد

للآسف يكابرون على حساب الهلال

سألتكم بالله هذا مدرب وتكتيك..قسم بالله انه مدرب مايملك اي تكتيك بالملعب..

ولما تطير الطيور بإرزاقها راح يقيلونه!!

سألتكم بالله هؤلاء اجانب يمثلون الهلال.. اين اجانب الهلاؤ امثال رادوي ونيفيز وولي والتايب؟!

الفرق الآخرى تشتغل وتتطور واحنا من موسمين شغلنا فقط كيف نستثمر الأجانب..

هل يعقل فريق يملك من لاعبي الخبره المعتزلين الكثير من فاهمي معنى الكوره والتكتيك ولأ يستفاد منهم امثال: طارق التويجري..فيصل بو اثنين..منصور الاحمد..تركي العواد..والكثير...كل هذا لآجل المكابره ولآجل محاوله خلق شي جديد على بالهم فريق اوربي! لاتكابرون على حساب الهلال شوفوا كيف الاهلي والاتحاد بشتغلون صح واحنا من المكابره ﻷهاويه.

تكفى يابو فيصل قسم بالله نحبك قسم بالله نحبك بس عيبك الوحيد المكابره وعدم الاستفاده من كوادر لين يديك صدقني جميع الانديه تتمنى لو لديهم مثل بعض عقليات الهلاليين الفاهمين كوررره.


الهلال يعاني يعاني يعاني واذا استمر على هذا المنوال سيكون حالنا حال انديه الوسط.

الهلال بحاجه الى شغل كبير لكي يعود الزعيم زعيم المتعه.

اشكر لكم مروركم واصواتكم

الي يقول احنا نتكلم بس مين الي يسمع اكيد لو كلنا تكلمنا بصوت واحد راح ينسمع صوتنا

الكل شااف المطالبات الي كانت على ايمانا وكيف ان الموضوع اخذ اهتمام سموه

كله بفضل اصواتكم ومشاركاتكم

والحين لس نبغا نرفع صوتنا ونزيد مشاركاتنا حتى ينسمع صوتنا