المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

Like Tree27Likes

إضافة رد
   
 
LinkBack أدوات الموضوع طريقة عرض الموضوع
  #1  
قديم 16/09/2012, 07:45 PM
زعيــم فعــال
تاريخ التسجيل: 01/05/2009
مشاركات: 250
اكثر من عشرة الآف مشجع منعوا من حضور مبارة الشعلة.....!!!!!!!!

بسم الله الرحمن الرحيم



السلام عليكم ورحمة الله وبركاته


ألف مبروك لكل هلالي ملكي الفوز في مباراة الشعلة مع ان المستوى ماهو قد الطموح لكن الحمد لله على كل حال والله يوفقنا في مباراة الفريق الكوري.



بكل صراحه وبعيداً عن الأمور الفنية ونتجه للأمور الإصلاحية في ملاعبنا السعودية

بالفعل في مبارتنا مع الشعلة تم منع أكثر من 10 آلاف مشجع هلالي أو اكثر من ذلك

مايحدث في ملاعبنا بكل صراحه مهازل وكوارث لا تطاق ولا تحتمل .!


للأسف اصبح من يحضر للملعب الآن من وجهة نظر الكثير ما هو الا شخص تافه
وذلك على أثر ما هو متواجد في الملعب فانعكست واقع ملاعبنا على شخصياتنا



لو سألتك بديهياً وش رايك

الأول

تكييف , شاهي , قهوه , فطاير , مويه صحيه , مكان مرتب وتلفزيون قدامك

الثاني

حر , شاهي بطعم موية المغاسل , قهوه طبعا مافي اصلا مايعرفون شي اسمه كوفي , فطاير منتهي من شهر ونص , ومويه يعبونها من مغاسل , مكان خبصه وفوق هذا تنحشر من التدخين وكل انواع السب والشتم تسمعه.!


بالله عليك وش تختار وخلك منطقي وواقعي .؟


بالاضافه خذ لك هذي :


1- حمامات اجلكم الله مايدخلها الفيران.

2- وصاخة مقاعد الملعب خصوصا اذا قبل المباراة بيوم كان فيه مباراة أخرى.

3- رجال امن وتعامل مميز.!!!!!

4- مواقف من سبق لبق وكلن مسكر على الثاني واذا جيت تطلع يبي لك نص ساعه عشان تمسك دربك .

5- حر بحيث ان العرق نفسه يعرق , اختراع تكييف ما سمعوا فيه ابد.!

6- شباك تذاكر يفتح لك واحد ولا اثنين والله يعينك اذا جيت مباراة فيها زحمه.

7- آخر شي يعلن المذيع عدد الحضور حول 3000 وشوي.!

يعني انا اجي اغث عمري ليش .؟



مقارنة بسيطة سريعه خفيفه ولك الحكم .




هذا المطعم موب في التحلية هذا في ملعب اليانز ارينا في المانيا ملعب بايرن


لكن تعال شف هذا




ايه ايه ابشركم هذا يصب شاهي ..؟ واللي يقهرك برياليين


وتقولي تعال احضر وشجع ,, بالله عليكم من له نفس يجي في بيئة مثل هذي

والله ثم والله ثم والله ان لا يوجد اي نسبة من الاستمتاع في ذهابي للملاعب

طبعا مثل ماقلت في البدايه بعيد كل البعد عن الامور الفنيه لأن اصلا لو جمعنا الامور الفنيه والاصلاحية مع بعض

المفروض عدد الحضور مايتجاوز 500 شخص بالكثير ولكن خلونا في اصلاحات ملاعبنا

اذا استمر الحال على ما هو عليه الـ 3000 اللي قالوا عنها اليوم راح تصير 900 وعقبها 500 حتى لا نجد احد


يارعاية الشباب ارعوا الشباب وصلحوا ملاعبنا



سبحانك اللهم وبحمدك اشهد ان لا اله الا انت استغفرك واتوب اليك
اضافة رد مع اقتباس
  #2  
قديم 16/09/2012, 10:09 PM
زعيــم مميــز
تاريخ التسجيل: 03/11/2009
المكان: مجهول
مشاركات: 1,728
الله يعين
المشكله هذي انولدنا وهي فيه
مو شي جديد .....
وعلى فكره مو بس في الرياضه
بكره بتصير قضية رأي عام صدقني
اضافة رد مع اقتباس
  #3  
قديم 16/09/2012, 10:52 PM
زعيــم مميــز
تاريخ التسجيل: 18/12/2005
المكان: تحت السماء الزرقاء
مشاركات: 2,076
يا بن الحلال قبل عشر او خمسطعش سنه كانت الجماهير تحظر وتملا الملعب
في نفس الملاعب ويمكن الخدمات اسوأ بعد
ولا نروح بعيد قبل ثلاثة مواسم كانت جماهير الهلال تحظر وبكثافة
ولو كانت المباريات مشفرة كان شفت الملاعب مليانه بالجماهير
وازيدك من الشعر بيت لو تم تغيير بيئة الملاعب للافضل والاجمل
فلن تحظر الجماهير
لاننا شعب كسول
اضافة رد مع اقتباس
  #4  
قديم 16/09/2012, 11:05 PM
زعيــم متواصــل
تاريخ التسجيل: 06/04/2012
المكان: ينبع
مشاركات: 129
الله يعين بس احمد ربك ان مبارياتك تقام على استاد الملك فهد والملز كيف لو تشووف استاد عبدالله الفيصل
اضافة رد مع اقتباس
  #5  
قديم 16/09/2012, 11:12 PM
الصورة الرمزية الخاصة بـ هلا1980ي
زعيــم نشيــط
تاريخ التسجيل: 03/01/2012
مشاركات: 678
يا اخي عذر غير مقبول كيف كان زمااااااااااااااااااااان الحضور فيه مكيفات زمان نفس الوضع الي يبي يحضر يحضر بس جمهور الهلال الي برياض يحتاج دعوه من الامير عبدالرحمن ابن مساعد وتوصل لحد بيته مثل الزواجات 000 جمهور وقت البطوله فقط فقط فقط 00000 تقبل مروري
abo-khaled likes this.
اضافة رد مع اقتباس
  #6  
قديم 16/09/2012, 11:20 PM
الصورة الرمزية الخاصة بـ الآنسة الهلالية
زعيــم نشيــط
تاريخ التسجيل: 10/06/2011
المكان: قلب الهلال النااابض~~
مشاركات: 599
gia1444

كلامك صحيح مليون بالمية ..
وزيادة الحين صارالدوري عالرياضية السعودية
وصار الاغلب يشوفها بالبيت عكس ماكان عليه الدوري قبل 4 او 5 سنواات
كان الحضور كثيف لان النقل يكون مشفر عالجزيرة ويضطرون
يحضرون للملعب ..


اضافة رد مع اقتباس
  #7  
قديم 16/09/2012, 11:27 PM
الصورة الرمزية الخاصة بـ هلالي والهلال زعيم
زعيــم جديــد
تاريخ التسجيل: 13/05/2009
المكان: الدمام
مشاركات: 23
كلامك ماحد يختلف عليه من ناحية الخدمات وسوء المنشأت الرياضيه
لكن الاختلاف في حظور الجمهور والله زمان قبل 8 سنوات تقريبا كان الحظور من بعد العصر
وبكثافه ماحد كان وقتها يفكر بمرافق الملاعب وكانت في مباريات عاديه
اذكر مبارات الهلال والشباب حظرنا انا ومجموعة شباب الى ملعب الدمام من بعد العصر مباشره
قلنا بنمسك باب الدخول ههههههههه وجينا وحصلنا امم جالسه تنتظر ودخلنا بعد طلعت الروح بعد المغرب بوقت مو قصير والله الملعب امتلأ عن اخره وجلسنا قريب من الحاجز اللي بين الجمهورين
فكنا من جد نشجع بحماس واصواتنا انقطعت وعطش مو طبيعي فضحكنا على خوي لنا جته غرشة موية صحه هههههههههههه على قفاته فقام وكان اللي حولنا كلهم سكتوا ورفع صوته وهو يطالع على الجهه اللي جته المويه وقال بيض الله وجهك والله يجعلها في ميزان اعمالك وشرب منها هههههههههههههههههههههه من شدة العطش
دمتم بحفظ الله
اضافة رد مع اقتباس
  #8  
قديم 16/09/2012, 11:27 PM
الصورة الرمزية الخاصة بـ الشيخه هلاله آل هلال
زعيــم نشيــط
تاريخ التسجيل: 28/10/2011
مشاركات: 852
لــــجــــل عــــيــــن تــــكــــرم مــــديــــنـــــه
اضافة رد مع اقتباس
  #9  
قديم 16/09/2012, 11:28 PM
الصورة الرمزية الخاصة بـ الشيخه هلاله آل هلال
زعيــم نشيــط
تاريخ التسجيل: 28/10/2011
مشاركات: 852
لــــجــــل عــــيــــن تــــكــــرم مــــديــــنـــــه
اضافة رد مع اقتباس
  #10  
قديم 16/09/2012, 11:29 PM
الصورة الرمزية الخاصة بـ Zêик
زعيــم فعــال
تاريخ التسجيل: 09/09/2008
المكان: خلف الشاشة
مشاركات: 323
للأسف الاتحاد السعودي

يعمل بمقولة : لا أسمع لآ أرى لآ اتكلم

و لآ حياة لمن تنادي !
اضافة رد مع اقتباس
  #11  
قديم 16/09/2012, 11:29 PM
الصورة الرمزية الخاصة بـ Ĝeηtℓe Ḿαη
موقوف
تاريخ التسجيل: 01/03/2007
المكان: حـــــائــــل
مشاركات: 1,556
كلامك صحيح

لاكن ماسالت نفسك سؤال ؟؟

ليه بكل ملاعب المملكة جمهور الهلال يحطم الارقام القياسية ،، مع ان ملاعب الرياض افضل بكثير

بأذن الله

انا وكم مشجع راح نحضر

مباراة الزعيم مع الشباب والرائد واولسان بالرياض


كله دعم للزعيم اولا واخيرا
اضافة رد مع اقتباس
  #12  
قديم 16/09/2012, 11:30 PM
الصورة الرمزية الخاصة بـ الشيخه هلاله آل هلال
زعيــم نشيــط
تاريخ التسجيل: 28/10/2011
مشاركات: 852
لــــجــــل عــــيــــن تــــكــــرم مــــديــــنـــــه


وصلت المعلومه
اضافة رد مع اقتباس
  #13  
قديم 16/09/2012, 11:53 PM
زعيــم مميــز
تاريخ التسجيل: 17/01/2011
مشاركات: 4,519
لا وتطلع بعد المباراه ماتدري سيارتك مكسره ولا سالمه وصلنا من التخلف عتيا
اضافة رد مع اقتباس
  #14  
قديم 16/09/2012, 11:56 PM
الصورة الرمزية الخاصة بـ دخوشي
زعيــم نشيــط
تاريخ التسجيل: 16/08/2011
مشاركات: 827
هههههههههههههههههههههههه

والله ضحكت على صورة البنقالي


لكن ياخوي النواقص كثيرة وش تقول وش تخلي ..!!
اضافة رد مع اقتباس
  #15  
قديم 17/09/2012, 12:12 AM
زعيــم فعــال
تاريخ التسجيل: 01/05/2009
مشاركات: 250
اشكركم على التفاعل وبدال ما اقنعكم اقنعتوني فعلاً ممكن النقل التلفزيوني له الاثر الكبير
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube