رسمياً للهلال ولأبو فيصل - نادي الهلال السعودي - شبكة الزعيم

الزعيما · #1 04/09/2012, 01:58 PM

عزيزي المشرف: أول مشاركة شعرية و ( آمل التثبيت ) شاكراً ومقدراً لكم . هدية مني لأبو فيصل حفظه الله

هلالي والثمن غالي .. هلالي ..
هلالي والسعـد فاله .. وفالي ..
هلالـي كـل جمهــوره مثــالي
ليا رام المعـــــالي مايبـــالي

زعيم القرن هو عشقي وذوقي
ليا طـروه يهـتز الخفـــوقي
وحبه صار يجري في عروقي
زعيم الفن في لعبه خيالي

أحبه موت لو أنــه جرحنــي
أنا هايم وهو حبــه ذبحنــي
ولا أسمع حكي عذال(ن) نصحني
مكانه في الحنـــايا دوم غـــالي

زعيم(ن) عاشق(ن) دوم الصدارة
يجينا منتصــر في كل غـــارة
تقول أنه يبشــرنا بشــــارة
يقول الكاس والدوري هلالي

ترى اللي مايخاف الموج الأزرق
خطير أنه مع الطوفان يغرق
زعيم العالم عن الكل يفرق
وأبو فيصـــــل يقوده للمعالي .

* أبوفيصل / صاحب السمو الملكي الأمير المحبوب / عبدالرحمن بن مساعد

عذب السجايا · #2 04/09/2012, 04:52 PM

كلمات موزونة وهادفة ومناسبة جداً
قرأت كثير من المشاركات الشعرية التي تدور في قالب واحد وتفتقد للوزن
احييك واحلى لايك وصح لسانك ولي ملاحظة على اقحام ابوفيصل في الشطرالاخير لكونهااصبحت شخصية ولو استبدلتها بعبارة ( وجمهوره يقوده للمعالي ) لكانت انسب وشملت حتى ابوفيصل

monster · #3 04/09/2012, 05:13 PM

إقتباس

الرسالة الأصلية كتبت بواسطة عذب السجايا


	كلمات موزونة وهادفة ومناسبة جداً قرأت كثير من المشاركات الشعرية التي تدور في قالب واحد وتفتقد للوزن احييك واحلى لايك وصح لسانك ولي ملاحظة على اقحام ابوفيصل في الشطرالاخير لكونهااصبحت شخصية ولو استبدلتها بعبارة ( وجمهوره يقوده للمعالي ) لكانت انسب وشملت حتى ابوفيصل

وعاااااااد عذب السجايا من جديد
نفسي اعرف بوفيصل متسلف منك والا سوى لك شي ومؤذيك في حياتك

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وانت يا الشاعر صح الله لسانك وسلّم بنانك قصيدتك رائعة ومحبوكة
ننتظر جديد ابداعك وعساك عالقوة

بن جبله المطيري · #4 04/09/2012, 07:05 PM

صح لسانگ طااال عمرگ..

قصيده جزلهـ وراااائعهـ...

هوفو الزعيم · #5 04/09/2012, 07:10 PM

صح لسانك على القصيده

مشكور خيييييييييييييييييييييو

الزعيما · #6 04/09/2012, 07:23 PM

عذب السجايا - monster - بن جبلة - هوفو الزعيم

أشكركم جميعاً على هذا الإطراء وهذا حافز لي على تقديم المزيد للزعيم
وكلماتكم هذه أعتبرها شهادة ووسام فخر لي .... شكراً