بسم الله الرحمن الرحيم انا قلبي بيتكسر مية حته افضل في مكاني .. انشاالله لسته الصبح بفكر بالدوآم ,, يوهَ كآنت من اصعب لحظات حياتي قديمآ ض2 اول يوم دراسه بعد العطله ,, والله انني اجلس اتحسف كل ساعه مانمت فيها ,, واتذكر الطاآبو الصباحي و وجيه المدرسين الصبح وابتدائيه وقلق وعشر طعش الف طالب استغفر الله بس وبعدين لاجاء مثل هذا اليوم [ الجمعه ] قبل الدراسه بيوم البيت ينقلب الشميسي اتميرض اروح اغرّق نفسي بالبانيو اكل حبتين اسبرين والمعاناه الحقيقيه ,, الساعه 11:00 ليلآ .. البيت يجيه حاله هدوء الكل بالغرفه ما كأننا قبل كم اسبوع متعيدين وسهر وساعه صدر لا خلاص الماضي ودعته .. اجلس اتقلب فَ الفراش واالوالده الله يطول بعمرها تصير ممرضه معها شراب ابو حصان اللي ينوّم وبدوّر ,, مير اشربه ولا ما اشربه جالس لي 3 شهور مانام الا الصبح تبوني بين يوم وليله ارقد بدري واجلس اتقلب بعد هالشراب الساعه وصلت 12 :30 pm نبي نرقد الله يطول بعمرك ,, اروح مره ثانيه افتح علبه الشراب واشرب هالدواء صايرآ ماء زمزم مب شراب كحه .. ابي ارقد المهم لاجت الساعه 2 :00 ماتسمع الا صوت مكيفات وكلن راقد ومافيه الا انت مصحصح خلاص يبدا الهم يطقك من جد تبدا تتميرض تجلس تصيح شوي تقول والله مادرس تغمض عيونك تبي ترقد يطلع لك بخيالك مدرس الرياضيات ومعادلات وجدول ضرب المهم اذا حسيت ان الوضع تأزم .. ي اما تروح عند اهلك تقول تعبان يا اما مصدع بخشمك ولا فيك مساك باذن المهم تدور اي مرض ولاتداوم وإلا اذا هداك الله ورقد تصحىآ الصبح تتذكر معاناه البارح تحس انها مغامره وتفطر على سندوتش جبنه ولا بيض والصبح تشوف كل اخوانك كأنهم بعزاء وكلن يتذكر وش فيه مريض ,, اللي ابي اوصله لاؤلياء الامور وآلله اصعب لحظه ترى اول يوم دوام بعد اجازه .. حط كام بغرفه عيالك وشف افلام الاكشن انا مير بثاني ابتدائي كنت لاجاء الليل احط راسي قدام المكيف عشان امرض من كثر ماقابلت هالمكيف النخاع شوكي تجمّد و وجهي ورّم كآني حاط بآكنج بودر صايرآ مكيف صحرآوي ,, اللحظه الوحيده اللي تحس انك تغير جوَ اذا اخذت الكتب وجيت اجلدها ودفتر ابو 40 وابو 60 واحلى تجليد ,, واللحظات المؤلمه اذا نقلوك فصل نا سماتعرفهم ولا مدرسه جديده تحس انك داخل على ناس اول مره يشوفونك وتشوفهم كآنك رايح لعُمان باآلله كلن يقول معاناه ويشاركنا الذكريات الخايسه ,, والليل لكم موعد مع اخوانكم الصغار ومعاناهم مع ان الوضع تغيّر لكن تبقى المطرسه مشكله وراثيه
خلني أقولك أول عن ششخصي الكريم
بالنسبة لي كان دوام أول يوم بعد أي إجازة وخصوصاً الصيفية أطلق يوم في الحياة
من كثر الحماس تلقاني معرّق لدرجة إني أطلع بدري وأقعد أتمشى أنا وعيال حارتنا شوي شوي لين نوصل
المهم بقولك سالفة عندي أخ اسمه دحيّم يوم صار عمره 6 سجلناه في المدرسة ، المهم بالإجازة الصيفية اللي تسبق بدء عامه الدراسي الأول كان مزعجنا كل يوم مكتبه وكل يوم يبي شي وكل يوم متى تجي المدرسة
الوالد الله يطول بعمره كان يقول هذا بس اللي بيرفع راسي ويفلح في دراسته ، ولا أحد فيكم كان مثله بذا الحماس
المهم جاء أول يوم دراسي قمنا من الصبح نتجهز للمدرسة أنا كنت بالمتوسط واثنين بالإبتدائية وهو الثالث لحق عليهم الله يخلينا لبعض
بحكم إن المدرسة قريبة طالعين رجلي~ة ودحيّم معهم وأنا باقي ماطلعت ، شوي إلا وصوت واحد يبكي من قلب داخل البيت ندور على مصدر الصوت طلع دحيّم اللي يبكي وش فيك أأحد طاقك قال لا بس فيني مغص
الوالد والوالدة يحاولون فيه يقنعونه وهو مصمم إنه مريض عرف الوالد إنه خايف من المدرسه فيحاول يقنعه والولد مصمم مايروح ، فبدأ يتعامل معه بحزم وعنف وكان كل مازاد إقترابه من باب الشارع كل مازادت حدة بكاه ، الولد بدأ يخور يوم جاء وقت الجد
وفيني خاااصيه انا مدري تشاركوني فيها ولا امتااز فيها عن غيري هع
انا انسااان اكره مصطفى واخوانه الشطااار وماااسولف معاهم واحبهم الا قبل الاختبارات بكم يوم....
والله معاناه
كنت اكثر شي اكرهه مدرس العربي بحكم اني كنت أدبي احسه معقد او نفسيه
وطبعا كان يبادلني نفس الشعور لاني طالب كنت غير محترم...
ياااحلو الدراسه وايامها
والله صادفت مدرس كان يدرسني وعرفته وحبيت راااسه وهو طبعا من كثر مامروا عليه طلاب ماعرفني... وقلتله عن الموقف اللي حصل بيني وبينه وظمني وفعلا حسيت بمعنى الاستاذ والطالب حينها....
اعان الله الطلبه على اول يوم دراااسه فعلا يوووم تعيس لكل اعضاء الجسم
أنا كنت اعشق مدرستي بـ شكل غير طبيعي و ليلة الدوام ما يجيني النوم بس اعدل بـ شعري لزوم الكشخه و تسذا و لا اجرب البس المريول مع الجزمه و الشنطه و أشوف شكلي كيف و يصبح الصبح و أنا بس اعدل بـ شكلي ي حياة الشقا
هذا طبعا ايام الابتدائي ، اما ايام المتوسط كنت مسويه يوه ما ودي أداوم و ي كرهي للمدرسه و أنا من جوا انتظر النور يطلع عشان أحط رجلي للمدرسه عشان اقلد خواتي يوم يتأففون من الدوام
ايام الثانوي يمكن تكون أسواء ايام دراستي كنت ناقله لـ حي جديد و مدرسه جديده و لا اعرف احد غبت يوم السبت و كنت بـ أغيب يوم الأحد بس أبوي قال روحي تعرفي و كذا و ليتني ما رحت من لبست مريولي و أنا اشاهق و حتى شعري ما زينته و لا بعد حاطه روج شاطططططح و الله ما أنسى يوم شفته بالمدرسة كيف شهقت طلعت من البيت ابكي و لا سكت الين رجعت بيتنا و حلفت ما أداوم من البكرآ و طبعا غصب داومت قهر أشوف كل البنات مع صحباتهم و مبسوطين و أنا لـ وحدي كني جربانه
و من بعد اولى ثانوي الترم الاول مـ داومت أبدا في الاسبوع الاول كان يمثل ذكرى حزينه و في ثالث خربتها عالاخر أخذت أسبوعين غايبه حتى يوم أجي مسطوله و حالتي حاله البنات يقولون مرينا بـ ذا الحاله قبل اسبوع
اااااااااااااااااااااااااااااااااااااااااااااااااااام الحاله
اول شيء يوم الجمعه الكل قوموا بدري ناموا بدري
هذي المعاناة الاولى
المعاناة الثانيه باص المدرسه
طبعا من اولى متوسط وانا اركب مع سواق
ما اركب مع الباص الحكومي لأن بابا ما يحب اركب معه
برغم ان المدرسه قريبه لكن بابا يخاف علي اكر من الازم
اركب في جمس احمر وبيج قديـــــــــــــــــــــــــــــم من ايام الشرك
العم اللي اركب معه كبير في السن شايل المراتب وحاط فرشه ومساند
تقول مجلس ومضلل السياره وحاط ستاره قمة الزحمه ولا اهم شيء يجلس
يغني كلمات داخله مع بعضها البعض ما نفهمها
المشكله مو قادره اتكبر وارفض الركب معه لانه الوحيد اللي لقيناه
الصدمه الاكبر اني راح اركب معه في الثانوي
زي كذا تقريبا بس فرش ومساند
هو احيانا فله بس تعب
اول ما تدخل المدرسه تتمنى الارض تنشق وتبلعك
تشوف الكل نفسيات وخاصة المعلمات يا ثقل دمهم
نبذه بسيطه عن المعاناة
يعطيك الف عافيه يا اخوي على الموضوع الرائع
المدارس وماادراك مالدارس موت وهم ومرض وغم , للاسف جميع الطلبه السعودين [ اولاد , بنات ] يكرهون شيء اسمه دراسه والسبب مافيه شيء يؤهل للتعليم كما شفنا رمضان عام 2011 في برنامج خواطر كيف كان التعليم في عدة دول , يكفي انه مافيه سور على المدرسة كأني داخل سجن ويكفي ان مافيه لامصاة لا شيء غير الاكل وغير الاختلاط , هذا لو يبطقونه في السعوديه اتوقع بل اجزم ان الطلبة السعوديين بيداومون ايام الاجازة بيصرون العن من مصطفى , لكن للاسف مستحيل يطبق دايم تجي نفس المدرسة نفس الترتيب نفس الفصل نفس المدرسين نفس الحصص يابن الحلال داخل سجن واقسم بالله مو ادرس , لو يبطقون النظام في المدارس الاوربيه والي جات في برنامج خواطر لمدرسة واحده بيشوفون الفرق 100% حتى لو بدون اختلاط ياخي يكفي كل يوم فصل ومافيه لاكرسي ولاماصه , لااحد ينط ويقول ايام زمان كانوا يفعلون ويفعلون حبيبي الان كل شيء تططور خلاص لاتقول زمان ومن هالكلام .. , بالنسبه لــ اول يوم اتوقع نصف الشعب يغيب ياخي اقنع ولي امرك شوا كان الوالد او غيره , بالغياب واقنعه بان يتم تسليم الكتب فقط فهذا صحيح الي اعرفه يتم تسليم كتب وباقي اليوم سواليف مع الطلاب والمدرسين طيب انام في البيت اريح لي , ياليت من اولياء الامور الاهتمام في مسأله الغياب فلازم الطالب يغيب يعني يوم على الاقل كل ثلاث اسابيع او شهر يرتاح نفسيا بسس وخاصه يوم السبت لان اتذكر هاليوم مايكون احلا يوم الا اذ كان علينا حصه رياضه ههههههههههههه وربي تعظم هاليوم , على العموم اول يوم خذوها مني اجازة ويوم الاحد لو انهزم الهلال لاقدر الله قول لولي امرك الهلال انهزم ويوم الاثنين سوي نفسك تقول الشهادة علشان تموت ههههههههههههههههه وعاد يوم الثلاثاء داوم واستحمل وقول دايم قدر الله وماشاء فعل وان شاء الله يتطور التعليم عندنا من افضل الى الافضل لاني بديت الاحظ تطور في التعليم سوا في المناهج او اعطى حق الطالب لان ابوي يقولي من زمان كانوا يخافون من مدرس لدرجه لو شافه وقت العصريه يروح يندس الطالب ولو كشفه المدرس اليوم الثاني المدرس يضربه ويقول ليشت طلعت الشارعه بالبداية كذبت ابوي لكن بعد ماسالت طلعت المساله صحيحه وقسم بالله لو كان المدرس شيطان ياشيخ تراني ادمي واتمنى من الطلاب لو المدرس سبك ضربك ماتسكت له تراك انسان وتحس قوم عليه وتفاهم معاه الا المصاريه خلك معاهم مثل النمل ههههههههههه لان يحقدون الله يهديم والله لتعيد السنة اتوقع كأني كاتب موضوع ههههههههههههه في امان لله والله يوفقكم في دراستكم وعقبال الدكتوراه والي يداوم بكرة الله يعينه يابتجيه حاله نفسيه من نوع اخر ..
كل المدرسه بما فيها المدير والمدرسين ، كل واحد يحارش ذبان وجهه ، مثل مايقول المثل الشهير
تحس مالك خلق ووتذكر كل لحظه حلوه بالاجازه الي مضت .. ويمر عليك شريط الاجازه وانت بالحصه
الاولى ، وتقول ياليت ترجع الاجازه شوي وتخنقك العبره
موضوعك حلو وخفيف ، ذكرتني بلحظات عمري مانساها يوم كنت صغير
مريولنا فـ جده لونه سماوي مقلم بـ ابيض هذا للابتدائي المتوسط وردي مقلم بـ ابيض و الثانوي اصفر مقلم بـ ابيض <~ من الاخر كلها بلايز بيضا و مريول مقلم بـ ابيض
![معاناه اول يوم دراسـه بعد العطـله ,, ]](iconimages/t1118136_rtl.gif)
4Likes
معاناه اول يوم دراسـه بعد العطـله ,, ] 
,, والله انني اجلس 
وبعدين لاجاء مثل هذا اليوم [ الجمعه ] قبل الدراسه بيوم البيت ينقلب الشميسي 
تحس انك داخل على ناس اول مره يشوفونك وتشوفهم كآنك رايح لعُمان 
لدرجة إني أطلع بدري وأقعد أتمشى أنا وعيال حارتنا شوي شوي لين نوصل 
كنت ناقله لـ حي جديد و مدرسه جديده و لا اعرف احد غبت يوم السبت و كنت بـ أغيب يوم الأحد بس أبوي قال روحي تعرفي و كذا و ليتني ما رحت من لبست مريولي و أنا اشاهق و حتى شعري ما زينته 
الوضع العادي
