hh مدخل إجباري : اعتذر لكل من ارسل لي رساله خاصه،،ولم يتلقى الرد مني،،لاادري كيف وبغفله مني إتمسح..إتمسح،،والذي يتصور اني خذلته،،اتمنى ان يعيد ماكتبه،،اكرر اسفي وإعتذاري.....؟؟

XX وسقط النتيف،،وخيل لي وهو(ساقط)انه كذلك،،ونهض النتيف وخيل لي انه استيقظ من سبات عميق،،وبدلا من ان يلعب الكره،،إتجه صوب الجمعان..وخذ ياسلام..وخذ يااحضان..وخذ ياعناق،،والمعلق يصرخ بصوته النشاز ياسلام على هالاخلاق العاليه،،رغم إنها ازفت اخلاق شفتها في حياتي،،واخس عليك يازمن مافيك حميه..واخس عليك يافتى النجف والناصريه........؟؟؟؟

XX كان بإمكان الهلال ان يفعل غير الذي فعله،،لكنه إكتفى بما لديه،،بس ولله قهر مجهود سنه يضيع كذا من دون حتى تلتفت....؟؟

XX المفروض على بتالوه ان لايقدم ضيوفه،،خلاص يبه حفظناهم حفظ،،،حتى اقدر اقول اسمائهم وانــا مغـمــض....؟؟؟

XX والله مشكله،،بقناة علي داود اللي يحلل(مصري)..وبقناة بتالوه اللي يحلل(سوداني)،،الاول بص بص حترتك...والثاني لكن التسرع ماطيب...وياقلب عادي احزن،،طالما محسوبين علينا كسعوديين وياقلب وش فيك إخلص علينا وجر موال الحزن......؟؟؟

XX يقول ماجد انه تابع الواكد،،وتابع الشنيف،،وتابع الزهراني،،وتابع..وتابع..ومشكله اللي ماعنده شغل.....؟؟؟

XX فاز الاهلي وتغير كل شئ في ماجد،،عدل من جلسته،،ونبرات صوته واضحه،،يتحدث ويبتسم،،ويقولون كل ما جا فاصل قام وسلم على الموجودين كلهم،،يارجال زين ماحط شعار الاهلي على كتوفه..وشلت كتوف الظالم.....؟؟

XX اندريه...مايصلح لنا....وبدرا ياهو يرفع ضغطنا...وكالعاده لاحياة لمن لاقلب بجســـده....؟؟؟

XX ماذا يريد التمياط،،ياخوفي انه يطالب الإداره بإعادة صفوق،،،او يمكن مبطي ماسجل هدف ذهبي.....؟؟؟

XX استديو فاشل فاشل..تركوا كل مافي الباراه...وركزوا جل تفكيرهم على خطوة الدعيع،،ولله يادعيع عليك..مشغلهم حتى برجليك؟؟

XX خربها المدرب،،تغيراته شلت الفريق باكمله،،والتمياط الله يهديه ...يعني ماتتحرك إلا إذا شفـت سامـي يسـخـن......؟؟؟

XX نسمع سعد الدوسري ـ نصدقه ـ ..نسمع المدرب ـ نصدقه ـ وبصراحه حيرونا....يعني وشلون نكذب ماجد،،طبعا واحد وعلى نياته بيقول..وش دخل ماجد بالسالفه...برد عليه وبقول..مثل ما ماجد يتدخل بكل شئ...حنا بعد راح ندخله في اى شئ.....؟؟

XX ماجد طلع البارحه يحلل،،،وعندي سؤال..إذا فيه إحراج طنش السؤال..وإذا مافيه إحراج..سو نفسك ماسمعت السؤال...وسؤالي..الحين ماجد يوم طلع البارح كان مربي دقن وإلا....لا.....؟؟؟
XX السؤال اللي يفرض نفسه..ليش بالذات ماجد ونجيب الامام..لايكون عشان الاول رخيص بقيمته ـ اقصد الفلوس ـ والثاني عشان طيبته ـ اقصد النفوس ـ .....؟؟؟

XX اخس ياماجد الله ماهو سهل..تصدقون توقع هدف الواكد قبل لايسجله،،زين مادام إنك فاضي جالس تتوقع...ودي اسالك..الحين يوم امريكا فازت على العراق....من تتوقع راح تقابل...؟؟؟

XX بدرا اساسي..وفيصل الصالح احتياط...اندريه اساسي..والجمعان احتياط..سوفو اساسي..وحسين العلي في قطر عنده اليوم نهائي...
وعلى طارئ النهائي...الحين وينه يوسف الحيائي.....؟؟؟

XX اصطادت الكاميرا ريئس الهلال وهو في قمة احزانه بعد هدفي الاهلي ..وسؤالي للامير..يعني إنت كنت متوقع شئ معين ولاصار..وهل شفت شئ خطا في الملعب..انت عاتبت الجماهير لعدم كثرتها..وبدورنا نريدك ان تسال المدرب عن تغيراته التي شلت الفريق..لاتغرك قومته وجلسته وعصبيته...إذا جاوبك جواب منطقي...صدقني راح نكون منطقيين في كل تصرفاتنا مع الهلال.. ...؟؟؟

XX بعد خروج الهلال تمنيت لو اني اطلقت رصاصة في السماء،لكي تعلم الصقور ان حبيبها قد خرج وخسر بمحض ارادته....؟؟؟

XX طالما ان الهلال خرج وبمحض ارادته...ليش مايتفق الهلال مع النصر في المباراه المقبله انهم يلعبون على كاس ولي العهد،،منهاالهلال يسلي نفسه،،ويسلينا معاه...ومنها تدخل الفرحه لكل قلب نصراي بشوفة الكاس...ومش مشكله النصر هو اللي يختار الحكام...يارجال لو يجيبون العمر...بس لازم الهلال يشترط عليهم انه وبعد المباراه لازم يغني لهم(خالد السلامه)لو بس مقطع صغير.....؟؟؟

XX ياويلك يالقادسيه،،الحين الكل طامع فيك،،الكل يبحث عليك،،الكل يتمنى لقاءك في المربع،،وياويلك منهم،،وماراح ينفعك اللي راح تسوينه لو حتى بلغتي الهيئه....وبصراحه تستاهلين وشلون تروحين ولاول مره وبدوووون محـــرم.....؟؟؟

XX اتمنى من سامي ان يبقى،،اتمنى من الشلهوب الا يكبر،،اتمنى ان نمنح الدعيع لو بعض حقوقه،،اتمى ان يعود نواف قبل التمياط،،واتمنى من الهلال وعلى وجه الخصوص ان يسامحنا فلقد ظلمناه معنا،،انت تحاول اسعادنا،،،وحنا ولا على بالنا،،،اخذنا منك كل شئ،،واخشى اننا لم نمنحك شيئا،،،اعذرنا ياهلالنا العزيز،،انت تبحث لنا عن بطوله لتهديها لنا،،ونحن لانهدي لك سوى الطعنات،،والكتابات المجحفه،،،،سامحنا ياهـلال....و......







































































((( إهــب عـلـيـك يالــقــادسـيــه )))...إلى اللقاء.....
وربما اعود.........؟؟؟

الاستاذ العزيز منصور حماد الشمري
الف شكر لك على ماذكرته باسلوبك الرائع فهذا ليس بغريب على شخص أذكر مقالاتة في اصدقاء الحرف قبل 12 سنه تقريبا كنت انتظر كل يوم متى ستصل الرياضية لاقرا فقط لمنصور من الثقبه ، الله لايحرمنا منك ولا من أسلوبك الشيق الرائع .
بالنسبة لماجد أستضافة الثالثة له يدل دلالة كبيرة على غباء من عادل بغدادي مدير القناة وعلى معد البرنامج ومقدمة قتال القتلى عفوا بتال القوس لان الكابتن ماعندة شغلة غير مقولة (حسب مايراه المدرب <أي أي> ومااوصى به الاعبين ولا أعتقد ذلك ) فقط حتى ان بتال يقوله ليه لاتعتقد ذلك يرد ويقول لان المدرب يرى ذلك .
واسف على الاطالة يااستاذي .

إقتباس hh مدخل إجباري : اعتذر لكل من ارسل لي رساله خاصه،،ولم يتلقى الرد مني،،لاادري كيف وبغفله مني إتمسح..إتمسح،،والذي يتصور اني خذلته،،اتمنى ان يعيد ماكتبه،،اكرر اسفي وإعتذاري.....؟؟

اكيييد مهوب انا المقصود...... بس تدري اللي كتبته كان تهنيئه بالبطوله والثانيه خاصه التهنيئه هذي هي وصلتك والخاصه كانت دعوة لعدم الانقطاع واشوفك مواصل مشاالله عليك وسؤال عن محمد عبيد العتيبي (مكه) وناصر الرميح(الامارات) اذا عندك خلفيه خذها عالمكشوف ;)
-----------------------------------------

إقتباس وربما اعود.........؟؟؟

راااااااائع يالشمري بس ماله داعي ربما خلها اكيد
تحيااااااااتي لك

إقتباس XX المفروض على بتالوه ان لايقدم ضيوفه،،خلاص يبه حفظناهم حفظ،،،حتى اقدر اقول اسمائهم وانــا مغـمــض....؟؟؟

ابوراكان شرهتك على اللي يبي يتابع بتالو وضيوفه معه

الله لا يخلينا من الاوربت اما بتالو وقناته .... مايتابعه الا واحد مافيه لا ضغط والا سكر

إقتباس XX ماذا يريد التمياط،،ياخوفي انه يطالب الإداره بإعادة صفوق،،،او يمكن مبطي ماسجل هدف ذهبي.....؟؟؟

اااااااااه لو يرجع صفوق على الاقل احسن من سوفو والجمعان وحسين ولد علي

إقتباس ((( إهــب عـلـيـك يالــقــادسـيــه )))...إلى اللقاء..... وربما اعود.........؟؟؟

من حصل شي يستاهله يبو راكان

ونشالله الكأس للقادسيه او الاهلي والاصفرين السود خارج الحسابات


والبني انشالله الموسم القادم بالممتاز وراح يغني غريد اجا مثل الذهب...وخل خالد السلامه على جنب

مقال رائع ابو راكان كعادتك دائما

تحياتي لك

والقادم احلى



سنعوسي حايل

إقتباس XX اتمنى من سامي ان يبقى،،اتمنى من الشلهوب الا يكبر،،اتمنى ان نمنح الدعيع لو بعض حقوقه،،اتمى ان يعود نواف قبل التمياط،،واتمنى من الهلال وعلى وجه الخصوص ان يسامحنا فلقد ظلمناه معنا،،انت تحاول اسعادنا،،،وحنا ولا على بالنا،،،اخذنا منك كل شئ،،واخشى اننا لم نمنحك شيئا،،،اعذرنا ياهلالنا العزيز،،انت تبحث لنا عن بطوله لتهديها لنا،،ونحن لانهدي لك سوى الطعنات،،والكتابات المجحفه،،،،سامحنا ياهـلال....و......

النتيف،،وخيل لي وهو(ساقط)انه كذلك،،ونهض النتيف وخيل لي انه استيقظ من سبات عميق،،وبدلا من ان يلعب الكره،،إتجه صوب الجمعان..وخذ ياسلام..وخذ يااحضان..وخذ ياعناق،،والمعلق يصرخ بصوته النشاز ياسلام على هالاخلاق العاليه،،رغم إنها ازفت اخلاق شفتها في حياتي،،واخس عليك يازمن مافيك حميه..واخس عليك يافتى النجف والناصريه........؟؟؟؟

؟؟؟؟؟؟؟؟

نا اشهـد انك صادق

لا جديد سخافة في سخافة ويا قلب احزن

إقتباس XX ياويلك يالقادسيه،،الحين الكل طامع فيك،،الكل يبحث عليك،،الكل يتمنى لقاءك في المربع،،وياويلك منهم،،وماراح ينفعك اللي راح تسوينه لو حتى بلغتي الهيئه....وبصراحه تستاهلين وشلون تروحين ولاول مره وبدوووون محـــرم.....؟؟؟

القادسية أجتهد و من حقه على الجميع الإحترام يا عزيزي...!!!

تسلم يمينك على هذا الإبداع والتميز في الكتابة ..وفعلا أسلوب راقي ومميز بالتوفيق دائما ..

يعطيك العافية ..

وعندي سؤال بسيط وهو في أي جريدة أومجلة تكتب ياأستاد منصور ؟ ولك ألف تحية

..

طق طق طق طق طق <<<<< تصفيق
<<<<< حيل تاثر باسلوووووووب ابو راكان

ابو راكـــــــــــــان

القافله تسير وهذولاك يقولون عو عو من وراها

ماعليك من كلام العذال وواصل ابداعك
اظنك تفهمها وهي طايره

تشششششششششاو

الاخ العـزيز ,, منصـور البلوي.. آآآآآآآآآآآسف ؟؟


قصـــدي

الشمـري,,, ,, تحيــــــة.
تـرانـا مـا نسينــــــــاك.... لكـــــن ؟؟

بكـرى .. نلقـاك....

ليلــة السبــــــت ؟؟؟ ,,, مـــــدري وش أوصف لك...
لنــــــا عـودة... للأطـلاع...
تصبحـون عـلى خـير,,

يا رجال وسع صدرك...تونا,, لسا في أمل ان شالله.

يارجال الشباب ماقصروا ولي العهد وخذوه
والدوري مالنا نصيب فيه
ولكن شي أحسن من لاشيء

تذكر قول الله عز وجل { ما يلفظ من قول إلا لديه رقيب عتيد }

اقسم بالله أن شيطانك اقوى منك يا منصور يابن الشمري ....

روح يا شيخ الله يهدينا وياك ...

ياخسارة الوقت اللي تضيعه في المنتدى ...

ومافي غير تجميع ذنووووووب من خلق الله

تذكر قول الله عز وجل { ما يلفظ من قول إلا لديه رقيب عتيد }