ممكن نشوف منافسة حقيقية من الميلن ع الأسكوديتو ، خصوصاً إن حصل تعزيز كبير في يناير . حالياً ميلن يلعب بدون ضغوط
أو مطالبات جماهرية ، هذي نقطة في صالح الميلن ، بـ عكس باقي الأندية .
فوز كبير اليوم لـ الغراناتا . بيسكارا واضح إنه صعد لـ السريا A ، عشان يرجع من جديد لـ السريا B .. فقط ، أتوقع راح
يكون محطة لـ التزود بـ النقاط ! الفريق في صعوده في الموسم الماضي كان يعتمد على زيمان و فيراتي + لاعبين
شباب مُعارين إرجعوا لـ أنديتهم ..
..
1 - 1
هذي نتيجة المساعدات التحكيمية بين الشسمه لـ الحين !
وش ذا البلنتي مفرووض ينطرد باتزيني بهذل المدافع المسيكين وآخرتها ياخذ بلنتي .. الله يستر من الإنتر بكره لا يكون التحكيم بايخ ..
اليوم اصبح البرازيلي الكسندر باتو عمره 23 سنه .. بيرلسكوني العربي معلقاً على التويتر :أليكسندر باتو 5 سنوات في ميلان وللأسف قضيت نصفها مصابا ...ننتظر عودتك !..
هههههههههههههههههههههههههههههههههههه
من جدكم ي مشجعين اليوفي
ي رجل الاسبوع الاول
فيه مشجعين ناديهم ﻵ يمتلك الا
2 اسكديتو مدري ثﻻثه
وازعجو امنا لدرجة اني حسيت ان اليوفي
يلاعب فريقهم
عطو الدوري لليوفي من الحين
ولاتخلونا نصرف ع الميركاتو
ع اساس انهم بينافسون ع الدوري
ماعلينا ايقنت تماما ان اليوفي زي الهلال هنا
نتكلم عن الميﻵن شوي
الميﻵن سيء جدا سهل الوصول لمرماهم
ولولا غلطة الحارس لكانت المباراه رايحه لفريق ديمانتي المزعج جدا
نص الميﻵن في بعض اﻷحيان نجده ضايع تماما
في يناير بواتينغ راح يترك الميلان مجرد توقع : (
بالنسبة للمُستوى اللي ظهر به الكالشيو حتّى الآن متواضِع جدّاً , بعيد عن اللي يسلّك لك ويقول به مُفاجئات وفيه نتايج غريبه من الأندية الصغيره وهذا بحد ذاته تنافس.. هنا أنت تسلّك لنفسك وتقنع نفسك بإن الدوري يمشي بطريق مُمتع زي ما كان .. أوضاع الأندية الكبيرة مهوب فالسليم أبداً هالمُوسم بالتحديد مُمكن نشوف اليوفي طاير عن المُنافسين كلّهم وبـ فرق شاسع .. على اللي شفته من الأندية المُنافسة لحد الآن تواضع بالأداء وحتّى وإن كان حُكمِي بدري على الفُرق حتّى إنها تتأقلم .. بس ماتُوصل إنّنا نشُوف ميلان بهالسّوء ورداءة المُستوى, شوط إنقلب فيه كُل شيء ولا يعكس أي واقع من اللي حاصل بالمُباراة أبداً .. أوكي ما نختلف على حماقة ورعونة مُهاجمين بولونيا وهسترة دايمنتي وأنانيّته فـ بعض الكُور اللي كانت مُمكن تخلّص المُباراة من بدري .. يوم تشوف ميلان يمر بهالبُطء وهالسُّوء فـ مسألة الإنتقال لـ الوضع الهجُومي وماعنده القُدره الكاملة على السيطرة لـ أكثر من 20 باص تقريباً ف هذي مُشكلة أيضاً .. بولونيا كان مُمتع جدّاً وكان فيه أفضليّة على المُستوى الدفاعي والهجُومي وبتفوّق شاسع على الميلان, أليغري ما إختلفنا على نجاحه بخطته المُوسم الماضي بس الإشكاليّة إستمراره على هـ الوضعيّه حتّى بـ عدم وجُود أدوات تخدم هالخطّة إصرار رهيب إنّه يبدأ فيها بكُل مباراة .. تواجد مُهاجم مثل باتزيني يستغل فرصتين ويلقط بها هدفين بالشُّوط الثاني ويخلّص لك متش كان مُمكن يكون تعثّر جديد .. يبقى الباتزو موهبة وهدّاف كبير.
أودينيزي فقد ورقة الأبطال؟ أودينزي متشخبط من براقا؟ كلام ما يوكّلك عيش.. الآن إنت قدام أحد أرقى أندية الدوري وأكثر نادي ما ودّك تقابله بـ هالفتره لين تحس إن فريقك مُتمكّن و فيه إنسجام تام بين عناصر فريقك خُصوصاً وإن فيه تغيّرات كثير في تشكيلتك أو فـ الدكّه .. أودينيزي فريق أبداً مهُوب بسيط .. كل شيء بـ هالفريق يخّوفك وخصُوصاً إنّه هجُوميّاً يعتمد على الضعف الدفاعي المتواجد عندك .. مسألة إن الفريق اللي ضدّك يلعب بـ 352 وبـ إحترافيّه تامه و بعناصر أقل ما يُقال عنها مُميّزه .. هنا المُشكلة الكُبرى ! .. أولاً الثغرات الدفاعيّه المُستمرّه على مدى مُوسمين تقريباً و الأهداف اللي تنضرب منها مشكلتها كبيره .. أولاً فيه ثقل كبير و واضح وبُطء فـ دفاع اليُوفي.. من بانوتشي إلى لوسيو إلى بارزالّي .. وجود جورجيو بين هالعناصر ضروري إذا كان فعلاً جاهز ومتعافي بشكل كامل.. الدفاع بـ وجود هالثلاثي وتوزيعه مُصيبه ومُشكلة .. بارزالي كـ مدافع أيسر وبانوتشي كـ سنتر ديفنس و لوسيو بالجهه اليُمنى هنا أنت تتكلّم عن أدوار كارثيّه لـ هالثُلاثي.. بارتزالي كان عامُود فقري ثابت فـ متوسّط الدفاع وكان من أفضل مواسمه على الإطلاق تواجده بـ مُنتصف الدفاع .. ثبات لـ مستواه ويقدر يعطيك بشكل سليم, مسألة بانوتشي يكون بـ الوسط إستحالة أنت تقدر تفلت من أودنيزي بهالشّكل.. نكُون واقعيّين أكثر اليُوفي مهوب مُرضي أبد من نهائي السوبر الإيطالي إلى أوّل مُباراة بالدوري .. الفريق تحسّن على مراحل مُعينه وقدر يتغلّب على بعض الأخطاء اللي بـ وسط الميدان.. لكن المُشكلة الكبرى تكمن بالدفاع والكل عارفها.. التقليل من الخطأ الدفاعي إن وسطك يكون فـ أفضل حالاته من أندريّا إلى فيدال إلى الأمير, بعيد عن الترقيع والكلام الفاضي والدّور الجبّار اللي يسويه ماركيزيو على حد قولكُم.. وإن دوره فعّال وهو مختفي طول المُباراة .. وإن مركزه تكتيكي بحت هذي كلّها خربطة.. من الموسم الماضي وبالدور الثاني خصُوصاً انتظر توظيف من كونتي سليم لـ ماركيزيو وبكُل مُباراة نشوف دورة الهجومي مُهمّش .. أما على المستوى الدفاعي فـ هُو جيّد.. ماركيزيو خطورته أكبر إذا كان بالعُمق التوفيق بالأدوار بينه وبين فيدال وبيرلو مُهم عشان توصل لمراحل كُبرى وتطوّر بالمستوى .. اليوفي يلعب بتكنيك جديد ومحتاج له وقت ما إختلفنا على هالشّيء .. لكن الخامات الموجوده بالوسط جبّاره ! تقدر تضرب فيها أي فريق بالعالم ! بس محتاجه التوظيف السليم , متى ماكان دوران (( فيدال // ماركيزيو )) حول " بيرلو " بشكل سليم وبدون إتكاليّة على مجهودات فيدال الواضحه فـ المهام الهجوميّة بيكُون فيه نضج أكبر فـ المهام الهجوميّة والدفاعيّة..
إيه يا هالوجه الودر, أبو بندر يطقّها باليوفي؟ ههههههههههههههههههههههههههه .. والله يا إنّا نسلّك لأنفسنا واجد .. أيوه تقولّي مفصّل؟ ومستواه متحسّن بـ ساندرلاند؟ وباليورو الفنشنق بالهيد بن كلب .. طيب وش وضعه والكورة برجولة؟ مهاري بحت والباص عنده الله وكيلك .. عن الهبال بس والتسليك لبعض , والله لا هو مفصّل ولا أي شيء .. غِل فينا من هالميركاتو المخيس اللي ما قدرنا نلقط به مُهاجم سوبر .. مُهاجم ينهي مشاكل المُوسم الماضي ورعونة ربعنا بـ الفُرص .. من الكوريلّا لـ ماتري .. يالله الخيره .. أبو بندر أجل ؟ سوّد الله وجهك يا الأحول .. مدري من قايلّه وضع تجميع المُهاجمين جيّد؟ نظام يمكن تلقم معه ويمشي مع طريقة المُدرّب.. لوكا توني والشلقة اللي طقتها معنا وأدفت الدكّه .. خلاص فيه تبلّد ما يحتاج نتحمّس على مسألة المُهاجم دحنا تعبنا أوي ..
باتزيني و بداية توحي لنا بالتفائل و يعيد لنا الشي القليل من جيلاردينو الي كان كويس
و بالنسبة للبلنتي أشوف حملة من أخواننا اليوفاوية على أنة غير صحيح ..!! و الصحيح انة بلنتي و اللقطة الي عرضت في المنتدى صعب نستند عليها أبدا ابدا .. مدافع الخصم شد القميص عندما فلت باتزيني في الأخير ..
نأمل مشاهدة مباراة اليوم بين روما و الانتر تعيد لنا الشي القليل من الدوري الأيطالي
بالبداية ميلان لعب كويس وبشكل عرضي لكن بدون خطورة مثل خطورته على السامب .. جاه بلنتي صحيح والحكم لم يحتسبه .. بعدها مدافع بولونيا شد قميص الباتزو وتسبب ببلنتي غير صحيح لأن الباتزو عليه فاول مسك من البداية .. النتيجة 1-0 للميلان .. ميلان يتراجع بشكل غير مبرر من المستر بعد الـ 1-0 .. نوتشي بخطأ ساذج يتسبب في بلنتي صحيح .. 1-1 تعادل بولونيا .. ميلان يرتبك وبولوينا يشكل الخطورة الأكثر .. خطأ ساذج من حارس بولونيا والباتزو يقتنص الثاني .. 2-1 لـ ميلان .. بولونيا يتحطم بعد خطأ حارسهم وينهار .. الباتزو يسجل الهاتريك بالكعب .. 3-1 لـ ميلان بدون مستوى .. بولونيا استحق الفوز لكن هذه كرة القدم .. الجولة الأولى ميلان استحق الفوز على السآمب لكن صار العكس .. غريبة هالكورة !
الهلال فآز 3-1 & ميلان فآز 3-1 .. وبنفس سيناريو الأهداف
أبوفآطمة أنت كذآ ظلمت غآليآني .. غآليآني مو غبي .. غاليآني انتهآزي .. وأنآ شخصياً تعجبني هالصفة .. إذآ على كلآمك أن غالياني كذآ نظآمه أي لاعب متمشكل مع فريقه يتعاقد معه كان تشوف الحين ياكوينتا وأمآوري مشخصين معنآ لكن لأنه موب كفو فغالياني مآ فآوضهم .. لكن جرب تكون هنآك مشكلة لجيوفينكو مثلاً مع اليوفي .. صدقني يومين وتشوفه ميلانيستآ .. غآليآني يعرف كيف يصيد صيدآته .. إبرآ ، كآسآنو ، مونتي .. إلخ !
مبروك ميلان النتيجه ..
ميلان امس مستواه ابو كلب , يمكن بداية دوري !
..
الليله في اكثر من مباراة بالكالتشيو نار ..
روؤف خليف بيعلق على اليوفي و الاودنيزي ..
المباراه سهله لليوفي الا اذا صعبها على نفسه ..
اودنيزي معنوياتهم طايحه بسبب خروجهم من الابطال ..
اتوقعها 4_0 .. كلها بيندتر
..
نابولي vs فيورنتينا
انتر vs روما ..
مشكله كلها بوقت واحد ماتدري من تتابع , تتابع فيورنتينا اللي تحسه داخل بعنف ,
و لا تتابع الانتر المتجدد ضد زيمان المتخلف < دعابه
..
الكالتشيو يعدكم بجوله ممتعه مساء اليوم ..
كل التوفيق ل احسن و اقوى و اجمل فريق بالعالم : Juve
الله الله ، مبآرآة الانتر و رومآ المبآرآة الأمتع و الأجمل والأفضل كمآن
الـخوف من الجوزيبي ميـآتزآ ، في كل مبآرآة مؤخراً لآزم يحصل المنافس على ركلة جزاء و هدف متواضـع يهز الشبآك
رومـآ في المباراة ألأولى أمآم كآتآنيآ تعآدل مرتين ، وهدف في آخر الوقـت أعتقـد من صالح الانتر ، لكي لا يلعب أبنـآء زيمآن بشكل مندفع نحو الثلآث نقـآط ويمـكن يآكلهآ شآيبهـم ثقيـلة على رآسـه ، ولكن ايضَـآ التعآدل يعطي أكـثر ثقـة لـ لآعبي روما .
الإنتر المتـجدد وبعد الفوز على بيسكآرآ بثلآثية ، بالتأكيد الخصم كان ضعيف و خسر أمس بثلآثـية أمآم تورينو العآئد من الدرجة الأولى ، يعني لآزم سترآمآ يعرف بأن مباراة بيسكآرآ ليست مقيـآس ، وحتى مباراة فاسلوي الروماني التي تعـآدل فيهآ الانتر بهـدفين ، الانتر لعب بتشكـيلة أخرى وريّـح فيهـآ شنآيدر ، وميليتو وغيرهـم .
دفـآع الانتر هو النقـطة الأكثـر سوءاً ربمـآ في الانتر ، الفريق لآزم مآيعطي روما أي فرصـة لـ الهجوم و اثبآت نفسـة ، زيمآن الهجومي أعتقـد رآح يحـآول اللعب بمهآجمين ربمآ أوزفآلدو و ديسترو لآعبنآ السابق .
ننـتظر المبآرآة بككل شغغـف ، أول إختبـآر لـ سترآمآتشيوني ، وبإذن الله تنتهي بفـوز إنترآويُ
احساس مختلف لـ كاسانو عندمـآ يقابل فريقـه السابق روما بـ قميص الإنتر ، و سيقـآبل بورديسو فريقـه السابق الإنتر ، في روما عاش الايطآلي أنتونيو سنوات عديدة جذب فيهـآ أنظآر عدة اندية أكبرهـآ الريال و أندية آخرى ، كاسانو من أكثر اللاعبين حماسًـا للمبآرآة لمـآ فيهـآ طآبع خاص ومثـير .
قائـمة الانتـر المستدعـآة أمـآم روما [ غيـآب سميـر و بيريرآ ]
استـدعى المدرب الشاب أندريـآ سترآمآتشيوني ، 21 لاعبًـآ في مباراة روما المقررة مساء اليـوم في 9.45 فـي ملعب الجوزيبـي ميآتـزآ وأهم الغيابات همآ سمير هآندوفيتش و بيريرآ .
لن آرهق نفسي كثيراُ بالتفكير في مآهيتك !!
ولن آتعطش لمعرفة آسرآرك الكبرى آو تفآصيلك المذهلة ..
من الممكن آن تكون آسوآ ممآ آعتقد , ومن الممكن آن تكون
رآئع كفآية كما آعتقد , ولكن مآ يهمني فعلاً هو آنك تثير كل
جزء في مخيلتي وفي ذآتي , فـ لذلك آنا آعشقك ليس لآنك
مذهل , بل لآنك تذهلني , فما يثير أهتماماتي هو ما أهتم له فقط .
أحبك يا معشوقي البرشــآ.
81 لقاء على ملعب الجوزيبي بالدوري ,
43 فوز للإنتر ,
12 فوز لروما
26 تعادل ,
آكبر نتيجه 6-0 للإنتر
ولروما 4-2 ,
آكبر تعادل 3-3
اليوم توتي يواجه مباراة قد تكون الاهم في مسيرته شخصياً ,
ينقصه هدف فقط للوصول للهدف 216 ولرقم اسطورة ايطاليا جوزيبي مياتزا وفي ملعبه ,
زانيتي ورفاقه آحترقوا من اجل المياتزا
وولتر صامويل وستانكوفيتش يملكون 6 اسكوديتو اكثر من اي لاعب بالكالتشيو الآن ,
الغريب ان الأول حقق 5 مع الإنتر و 1 مع روما , والآخر 5 مع الإنتر و 1 مع لاتسيو
إقتباس
آنا وين عآيش ؟؟
متــى انتقل باتزيني للميلان وكاسانو للإنتر ؟؟!!
تفآجىئت جداُ .. أتمنى تفآصيل الصفقة وكيف تم الاتفآق
(())
1- كاسانو حس انه خارج مشروع ميلان
2- كاسانو يطلب من غالياني بيعه
3- اليغري يريد باتزيني
4- فكرة التبادل تراود غالياني
5- غالياني يخاطب موراتي بفكرة التبادل و مبلغ
6- كاسانو يطير من الفرح
7- ستراماتشوني مايبي باتزيني من البدايه لانه ماينفع لتكتيكه
8- تم الإتفاق , كاسانو + 7.5 للإنتر من اجل باتزيني
9- الإنتر يجيب غارغانو ب 6.5 ومليون بالجيب
97Likes
، أتوقع راح 
!
،
.. مدري من قايلّه وضع تجميع المُهاجمين جيّد؟ نظام يمكن تلقم معه ويمشي مع طريقة المُدرّب.. لوكا توني والشلقة اللي طقتها معنا وأدفت الدكّه .. خلاص فيه تبلّد ما يحتاج نتحمّس على مسألة المُهاجم دحنا تعبنا أوي 
الوضع العادي
