"الشلهوب الموهوب" المحبوب - صفحة رقم 2 - نادي الهلال السعودي - شبكة الزعيم

A.A.M 11 · #16 30/08/2012, 02:40 AM

لاعب الوسط الوحيد الي جاب هداف الدوري السعودي

Why so serious · #17 30/08/2012, 02:49 AM

موضوع المشاركة "الشلهوب الموهوب" المحبوب ... كفاكم تطبيل"
ما راح اقول غريب ولا راح اقول المقارنة بين الشلهوب و مناف ابوشقير مضحكه

إقتباس


	ياناس انا اتكلم عن مستواه ليس تاريخة ميزة وحده بس في الشلهوب وحدة بس؟ هل يستحق كلمة نجم ؟

ولا راح اقول وش هالكلام الفاضي ولا مالها مطار

إقتباس


	اكثر تمريراته متسرعة او خاطئة ولعب مع الهلال 30000 ركنية ولم يسجل فيها ولا هدف

ومارح اقول انه واضح من هالرقم انك من عشاق الركنيات

إقتباس


	للآسف انه بالهلال. اذا المرشدي حرام بالهلال من باب اولئ الشلهوب الي له 15 سنه وصابرين.

بس راح اقول الله يهديك ويصلحك هذا كلام عاد

اتمنى وارجو من المشرفين والقائمين على هذا المنتدى انهم يشدون حيلهم شوي في الفلتره

ودمتم في حفظ الله

رشيد القرنبعي · #18 30/08/2012, 02:56 AM

احترم وجهة نظرك

الشلهوب نعم انخفض مستواه شي ما

ولكن

لاعب مميز خلف المهاجمين

لاعب لايتفلسف بالكرة
يمرر وقت التمرير
ويسدد وقت التسديد
ويشارك بالدفاع رغم ضعف البنية واللياقة
لاعب يملك عقلية احترافية ياليت يتعلم منه سالم الدوسري وبقية لاعبين المملكة
الانضباط .. الفكر الكروي داخل الملعب .. وقبلها الاخلاق والاخلاص في العمل

xroqaaanx · #19 30/08/2012, 03:01 AM

صح ننتقد الشلهوب اذا انخفض مستواه ونقسوا عليه احياناً من باب العشم ولكن ماننسفه نسف زي ماذكرت وكأنه لاشيء

الشلهوب جزء من تاريخ الزعيم لايمكن بأي حال تجاهله او تغييبه

وتاريخه الحافل مع الزعيم او المنتخب خير شاهد له

ولكن السن له احكام وهذه طبيعة البشر جميعهم

والذي يجعل الشلهوب يظهر بهذا السوء الفني هو اصرار المدربين الزج به طول التسعين دقيقه

كأنه لازال ابن العشرين وفي مراكز لا تناسب طريقة لعبه

الشلهوب حالياً لايمكن ان يعطي لاكثر من شوط وهو ورقه رابحه متى ماتم التعامل معه بشكل مناسب

ابراهيمفيتش · #20 30/08/2012, 03:02 AM

كأس ولي العهد في عهد الامير عبدالله بن مساعد مباراة الاهلي النهائي الشلهوب حسمها بهدف وحيد في المربع الذهبي الشلهوب لوحده حسم مباراتنا مع الاتحاد للوصول للنهائي ، العام الماضي الشلهوب لوحدة انقذ الهلال في كم مباراة ومنها مباراة الاسيويه مع الفريق الايراني بالرياض بعد مانكبنا هوساوي والكثير هذا بعض من كل ، كان عمرك صغير ولا لحقت على بطولات الهلال فهذي مشكلتك

.Mohammed# · #21 30/08/2012, 03:27 AM

آلشلهوب روح آلهلال وآقدممم لآعب الى الان , لبى آبو بندرر وآلله يلوم آللي يلومه

سدير ون · #22 30/08/2012, 03:37 AM

اخي الكريم الشلهوب لاعب مبدع مته ما وضع في خانته وهذا ما يحصل لجميع لعيبة العالم

مجنون نواف 24 · #23 30/08/2012, 03:45 AM

ي عزيزي سمعنـأ ببرنآمج الملعب الدبيخي وش قال ومعه كم وآحد ؟؟

قال مابقى نجم من القدمآء الا الان الا نور والشلهوب هم الي يستحقون رفع القبعه لهم ؟؟

فمن انت علشان تقيم الشلهوب ؟؟ وتترك الي جنب الشلهوب والي خلف الشلهوب ؟؟

اذا كان الفريق منهري ومتشتت ومافي مع الشلهوب لعيبه يلعبون بروح وش تبي يسوي الشلهوب ؟؟

خل الفريق كله قوي مثل الاهلي العام الي فات وشف كيف الشلهوب يبرز من بينهم ؟؟

وآتمنى ماتكتب مثل المواضيع الي مدري وش تبي ؟؟ ساند فريقك ماعجبك رح نام وتوكل على الله موب وقت تنتقد!!

asiir_9 · #24 30/08/2012, 03:59 AM

اقول تعبتك نفسك يالحبيب مسوي النظره الثاقبه ....
اذا الشلهوب ماايعرف يلعب اجل الهلال مافيه احد يعرف يلعب ولا مسوي بيقارنه بمناف روح شجع الاتحاد ومناف يا خبره انت

Legend .. al-Hilal · #25 30/08/2012, 04:17 AM

الشلهوب ، يعتبر من اساطير الهلال ..

يدرج أسمه ضمن [ صالح النعيمة ، يوسف الثنيان ، سامي الجابر ، محمد الدعيع ، محمد الشلهوب ]

أذا تكلمنا عن الجوانب الفنية .. لاننسى الشلهوب وصناعته وتسديداته والكور الثابته ، واكثر من مره يصنع الفارق ، واخرها الموسم الماضي في البطوله الأسيوية .. امام بيروزي ، وامام الغرافة ..

اذا تكلمنا عن الأنضباط .. نكتفي ب اشاده الأسطوره سامي الجابر عنه بقوله .. اللاعب الوحيد الذي يطبق الاحتراف بالسعوديه هو محمد الشلهوب !

واذا تكلمنا عن الوفاء للنادي .. لاننسى توقيعه للعقد ، وكانه يوقع على بياض للهلال .. وفاء واخلاص له !

أتعجب ، من كلامك كثير ..

Madrida · #26 30/08/2012, 05:14 AM

لاعب وسط يسجل في موسم واحد اكثر من 12 هدف واخذ ثاني افضل لاعب باسيا مع ان الجميع يرى انه يستحق الأول <<< هذا شي بسيط من محمد الشلهوب كلاعب ومع ذلك تقول مجامل ,,, انا من شفتك كل شوي كاتب نور والامور واضحه هههههههههه ليتك نمت قبل تكتب هالموضوع التافه ...

عاشقي الشلهوب · #27 30/08/2012, 05:27 AM

ناس جايه وهي ما تعرف شي أنت شايفن لعب الشلهوب قديم بس هو ماتت امه وأبوه الله يرحمهم وجاه أصابه ومهما تكلمت يبقى الشلهوب اسمه الموهوب صفحتي على التويتر /محب الشلهوب

عاشقي الشلهوب · #28 30/08/2012, 05:33 AM

ياحول في التويتر مطلعين إشعاعه أنا معتدى عليه والحين انه شين لعبه تراى يكفي انه عبد الرحمن بن مساعد يقول الشلهوب نبي نوقع معه لو يكون عمره ١٠٠ هذا اقل كلام اسكتك فيه يالاتحادي

سلمان الحربي10 · #29 30/08/2012, 06:23 AM

حبيبي اررجع لـ المباريات الي قدام النصر 3-0 و 4-1
وشوف مين الي كان يمشي الفريق .

وبعدين لاعب يلعب مع التيماوي ونواف التمياط بالوسسط
هل هذا لاعب تسميه ماعنده امكانيات ..؟؟

رح رح تفرررج بكابتن ماجد احسلك

هلال اسيآ · #30 30/08/2012, 06:35 AM

.

الشلهوب ( كان ) لاعب ممتاز و له بصمه
اما الان .. !

ما احسد الا مدافعين الخصوم بوجود الشلهوب امامهم !
فـ لو اني مدافع ، لـ تفرغت لمراقبة الشلهوب و قطعت كل الكرات من امامه
و حصدت نجومية المباراه !!

إقتباس

الرسالة الأصلية كتبت بواسطة عاشقي الشلهوب


	ياحول في التويتر مطلعين إشعاعه أنا معتدى عليه والحين انه شين لعبه تراى يكفي انه عبد الرحمن بن مساعد يقول الشلهوب نبي نوقع معه لو يكون عمره ١٠٠ هذا اقل كلام اسكتك فيه يالاتحادي

و مبسوط يالطيب

؟

هو مانكبنا الا رئيسك ذا ابو المجاملات