السلام عليكم ورحمة الله وبركاتة


بدون مقدمات ومجاملات يؤسفني الهلال هذا الموسم بلاعبية وفي مدربة والاعبين الاجانب الا البرازيلي ويلسي

والمغربي عادل هرماش ولا بقية الاجانب مانغان والكوري لايستحقون الاحتراف في نادي الهلال على مستواهم الضعيف

بعدين الهلال هالموسم ناوي على ايش ع الدوري ولا الاسيوية.

تخبطات وخساره من فرق ضعيفة . ولاعبين مو في الفورمة مثل الشلهوب من بدا الدووري واكثر تمريراتة

للمهاجمين مقطوعة وسالم غايب عن مستواه والله يستر على بعض اللاعبين .

اربع جولات مرت وماكسبنا الا خمس نقاط لا ومن فرق ضعيفة في المستوى اجل لو نلعب قدام الاهلي وشباب ولا الاتحاد

الله يستر لاتكون تاريخية في ظل مدافعينا مانغان والمرشدي . اتمنى من اداره الهلال مادام الان في بداية الدوري

تصحيح الاخطاء ورسم خطة لتحقيق الاسيوية بأذن الله .

(( لايجي واحد مطفي النور ويقول هذا مندس ولا لا تنتقد والله مقهور ع الهلال وهذا منتدى شامخ لكل الهلاليين ))

والله يوفقنا ويوفق الزعيم الملكي الهلال فوق كل ارض وتحت كل سماء

الزعيم يمر بمرحله خطيره من هبوط في المستوى الفني والمستوى الاداري

وأنا أحمل الاداره الهلاليه كامل المسؤوليه في تأخرها في تعاقدها مع المدرب والاجانب حتى آخر يوم من فترة الانتقالات

هذا مع علمها بأن المدرب سيئ الذكر هاشيك كان مؤقت !!!

شيئ يحط العقل بالكف !!!!

على العموم ودنا نخليها فترة تشجيع وتحفيز لكن ما قدرنا من ألمنا المبرح من المستوى اللي يقدمه الملكي

بالتوفيق للملكي أمام الفقر

شكرا لك

[QUOTE=SCORPION-KING;20619826]الزعيم يمر بمرحله خطيره من هبوط في المستوى الفني والمستوى الاداري

وأنا أحمل الاداره الهلاليه كامل المسؤوليه في تأخرها في تعاقدها مع المدرب والاجانب حتى آخر يوم من فترة الانتقالات

هذا مع علمها بأن المدرب سيئ الذكر هاشيك كان مؤقت !!!

اي والله هذا تاخر حاسنا

شكرا اخوي

اتفق معك ان منجان مو مستوى الهلال لكن الباقين فيهم الخير والبركه والكوري ممتاز ومزعج ﻷمدافعين ولاكان ذا الايام نزل مستواه بعد الاصابه والمرشدي في مباراة الاتفاق حول انه يتدارك اخصاء وقدم مستوى مميز والشلهوب اعتقد كبير السن مأثر وسالم الدوسري انضبط وبداء يعود لمستواه وعزوز الدوسري مستواه في هبوط وهذي حاله يمر فيها اي ﻵعب فالعالم

وفي الاخير اتمنى من الاداره الهلاليه من الان تبحث بديل لمنجان قبل الانتقالات الشتويه والاعب ﻵيمكن الصبر عليه واللعيب يبان من لمساته

صدقووني الهلال راااجع وشي طبيعي نزول المستوى ..... ريال مدريد تلقى خساره من خيتافي والهلال باذن الله راجع ,,,, الكوري مادري ليش الاداره مانسقوه وجابو صانع لعب صريح
مانجان انتظرو لاتحكمو عليه,,,,,,,

كلامك على الجرح اخوي فعلا هذا الي حاصل للهلال هذا الموسم . ويبني تنسيق حسن العتيبي والمرشدي والزوري هوالاء عاله على الزعيم .

اطردوا الكوري وجيبوا بداله اللاعب الكويتي بدر المطوع ...

واطردوا هرماش وجيبوا لنا لاعب محور دفاعي بحت ...


ومانقان نصبر عليه ونشوف ...



الله كريم ..



.



.

قلب تبوك كلامك في الصميم يالبيه قلبك .

اتمنى انا معاك الهلال يعيش في بداية الموسم انهيار مره لازم الكوري باااي مانبيك مانغان مانبيك هذا لاعب بسكوت جالكسي هههه


وشكرا

هذا لاعب ولا بسكوت جالكسي هههه

ياليت يرحل الكوري ويجي صانع العاب