جديدي
إهداء للزعيم وعشاقه
.
..
ياهلال من كنـــــز القوافي وألاوزان
اللـــي رزقــــني فيـــه رازق عبـــيده
ماشفت مطــلـــع بيــت وافي ومليان
ابدأ مـــعــــه فـكـــرة ورحـلــة قصيده
(الا انت عــز وكبـوتك كبوة حـصـان)
اصيـــل يقـــدر مافــقــــد يــستـعـــيده
تنام لكـــن صحـــوتك عـبر الأزمـان
تخــضـــع لهــا روس الكـــبار العنيده
تغيب حيـــن ورجعتـــك باق اﻷحيان
تبــــدأ بـــها صفـحـــه وسيـــره فريده
صفحة فخر فيـــها عبـــارة وعنوان
( زعامتي مــــاهـــي حـــــكايه جديده )
انــا زعيــم اﻷمـــس والغـــد واﻷن
تشهد له ارقامـه ويثبـــت رصــــــيده
نعم نعم غصبً على فلان وفــــلان
ياقلعـــة المجــــد العظـــيم المجـــيده
تبـــقى زعيـم الكل راضي وزعلان
وفي مايلي مكتوب جـــمله مـــفــــيده
اكبر دليل انك بطـــل كـــل ميــدان
شف حالة اصحـــــاب القلوب البليده
من كثر ماتعطيهم اشكـــــال والوان
واصناف وانـواع العــــذاب العديــده
اوكارهـــم ضجـت زغاريد والحان
صارت لهم فرحـــــه وفرصه سعيده
الى هنا عبرت من هيض اﻷشجان
عن سالفة عشـــق الكــــــيان اﻷكيده
وباقي معي شطـرين خيبه وخذلان
ماهيـــب تصلح للـنشر بالــجـــريده
ترى مهي لحية بني عم وأخـــوان
وم ـــيراث من جد العيال لـــ حفيده
لا ترجع الخمسه من أفكار خمسان
كم واحدً جت نكبتـــه من عضـــيده
...
شاعر الملكي 10 / 10 / 1433
1Likes
الوضع الشجري
