نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   اموت اعرف هاللاعب وش مركزه او وش الادوار اللي مطلوبه منه ويؤديها (http://vb.alhilal.com/showthread.php?t=1117439)

هلالي من1399 28/08/2012 03:33 AM

اموت اعرف هاللاعب وش مركزه او وش الادوار اللي مطلوبه منه ويؤديها
 
بسم الله الرحمن الرحيم
كل عام والجميع بخير ..

لاعب سبق قدومه للهلال ابان التوقيع معه ضجه اعلاميه كبيره وتفائل بقدوم لاعب ينسينا اوعلى الاقل يخفف علينا صدمة انتقال لاعب المحور الرائع والمبدع ميريل رادوي من الهلال لصالح العين الاماراتي .. لكن وبعد مرور عام ودخولنا بالعام الثاني هاهو اللاعب واقصد به عادل الهرماش لم نرا منه مالم كنا نراه أو حتى نصف ما كنا نراه من رادوي من حماس واداء وقتال طوال التسعين دقيقه لدرجة تعرضه للخشونه والاصابات وسيل الدماء في بعض الحالات من رأسه وساقه واصراره على الاستمرار والبقاء بجوار زملائه لحثهم وبث الحماس في نفوسهم وياما كنا نراه يحرث الملعب دافعا وهجوما وصناعة بل وتسجيلا للاهداف .. والحديث عن رادوي ذو شجون لكن اختصره بشطر البيت الذي يقول في الليلة الضلماء يفتقد البدر .

ختاما فقط اتمنا من لديه منكم من المتابعه المتمحصه والمعرفه باداء اللاعبين ان يوضح لي ما يراه في عادل الهرماش من فائده لخطوط الفريق الثلاثه الدفاع والوسط والهجوم كي فقط يخفف علي علامة التعجب التي زرعها عادل بادائه !!!





اسطورة الملاعب9 28/08/2012 03:37 AM

محور يساعد المهاجمين في الهجمات ويعود لمنطقته اذا انقطعت الكوره

اذا هرماش مابين معك فانصحك ان تتجه لرياضه القولف هههههههههههه

هلالي بجنون ss 28/08/2012 04:02 AM

إقتباس:

الرسالة الأصلية كتبت بواسطة اسطورة الملاعب9 (مشاركة 20612873)
محور يساعد المهاجمين في الهجمات ويعود لمنطقته اذا انقطعت الكوره

اذا هرماش مابين معك فانصحك ان تتجه لرياضه القولف هههههههههههه


والله ان هرماش نقطه ضعف بالفرررررررررريق ومحور لحاله مايعرف يلعب لان ادواره فقط هجوميه ودفاعيا جدا سيئ ولايغرك مستواه اليوم لان الاتفاق اصلا كان ما يهاجم وسيئ جدا

شفناه قدام الفتح شوارع قدام التون


وبتشوفه قدام النصر اذا لعب لحاله بتشوف الشوارع

باندرو 28/08/2012 04:02 AM

مشكلة الفريق بتسجيل الاهداف

وهذا الدور مطلوب من صناع اللعب و المهاجمين

الهلال مو قادر يسجل على هجر و الفتح و الاتفاق

قاهر الصخور 28/08/2012 04:05 AM

إقتباس:

الرسالة الأصلية كتبت بواسطة اسطورة الملاعب9 (مشاركة 20612873)
محور يساعد المهاجمين في الهجمات ويعود لمنطقته اذا انقطعت الكوره

اذا هرماش مابين معك فانصحك ان تتجه لرياضه القولف هههههههههههه


ههههههههههههههه بنص الجبهة ^^


اخوي القلوب الي مابينوا ولا هرماش ماقصر

هلالي من1399 28/08/2012 04:05 AM

إقتباس:

الرسالة الأصلية كتبت بواسطة اسطورة الملاعب9 (مشاركة 20612873)
محور يساعد المهاجمين في الهجمات ويعود لمنطقته اذا انقطعت الكوره

اذا هرماش مابين معك فانصحك ان تتجه لرياضه القولف هههههههههههه

يالحبيب أنا اتكلم عن عادل الهرماش مو طارق التايب .. بعدين ذكرني بكوره وحده ساعد فيها المهاجمين !!

.. وتقول طال عمرك يعود لمنطقته اي منطقه تقصد ودفاع الفريق ياما انكشف بعدم وجود محور بمواصفات رادوي او عزيز (ايام ما كان عزيز) او حتى الغنام بتواجده وتغطيته لمنطقة قوس ال 18

الباجيرو الازرق 28/08/2012 04:07 AM

محور هجومي دفاعي .. نزعته الهجوميه تؤثر ع مهامه الدفاعيه المفترضه

التحاماته قويه .. قارئ رائع للملعب .. قائد مثالي لولا حاجز اللغه .. تسديداته قويه اذا كان بوضع مناسب

سعره لايقل عن 6 مليون يورو ...

ان شاء الله عرفت ؟!:rose:

فلسفه هلالي 28/08/2012 04:07 AM

هرماش راح يكون ممتاز لو كـان مع رادوي او خالد عزيز لانه محور ثاني اما ان تجلبه الأدراه ليقوم بدور المحور اسمحلي غير قـادر على اللعب كمحور

لاعب ثاني يعني الدور هذا كان يقوم فيه الفريدي بصراحه هرماش غير مقنع كمحور

tanab 28/08/2012 04:09 AM

لا وانت الصادق هذا مثل الغراب اللي ضييع مشيته ومشيت الدجاجه

وانا وش ابيه فيه يساند الهجوم وعندي اربع لعييبه تخصصهم صناعة اللعب

الخلل كله في منطقته اللي هي من نصف الدائره وانت راجع

خالد عزيز ع ايامه كن يغطي المنطقه بالكامل ع ان التوزيع عنده صفر ولاشكينا الحال

بالعون المدرب اول ماجاء للهلال قال هالاعب مايخدم تكتيكي

امووت فيك ياهلال 28/08/2012 04:11 AM

قلته من زمان هالاعب لايدافع ولا يهجم

Radoi__8 28/08/2012 04:11 AM

والله هرماش انه افضل السيئين محور ادواره هجوميه لكن دافع لان محاورنا الدفاعيه صفرر !!

جبلي لاعب ف مباراة الاتفاق من الهلال يسلم ويستلم صح !! اللعيبة ماقصرو ف المباراة لكن هرماش مستواه ثاابت !

هلالي جددده 28/08/2012 04:11 AM

عادل هرماش ماله ذنب
اي مشجع يحمل هرماش الخساره فهو لايفقه كوره
الخلل من الدفاع المرشدي ومنغان
ليش مايتحمل الهدف القرني اللي دخل وسبب حول خمس فولات
والهدف تسبب فيه القرني

الباجيرو الازرق 28/08/2012 04:15 AM

إقتباس:

الرسالة الأصلية كتبت بواسطة tanab (مشاركة 20613000)
لا وانت الصادق هذا مثل الغراب اللي ضييع مشيته ومشيت الدجاجه

وانا وش ابيه فيه يساند الهجوم وعندي اربع لعييبه تخصصهم صناعة اللعب

الخلل كله في منطقته اللي هي من نصف الدائره وانت راجع

خالد عزيز ع ايامه كن يغطي المنطقه بالكامل ع ان التوزيع عنده صفر ولاشكينا الحال

بالعون المدرب اول ماجاء للهلال قال هالاعب مايخدم تكتيكي


بالله اجل نصف الدائره وانت راجع :laugh:؟! .. الاخ سواق تريله والا شلون ؟!:yes:

xroqaaanx 28/08/2012 04:24 AM

إقتباس:

الرسالة الأصلية كتبت بواسطة الباجيرو الازرق (مشاركة 20613031)
بالله اجل نصف الدائره وانت راجع :laugh:؟! .. الاخ سواق تريله والا شلون ؟!:yes:


شكلك انت مترجم الاندونيسي مدربنا الي قاعد تسلك للهرماش عنده

كلام الاخ واضح ولا يدعو لنثر سماجتك

عاشق للملكي 28/08/2012 04:26 AM

مشكلة الهلال بختصار (( محور )) والدليل يوم كان فيه رادوي كان الدفاع افضل
من كذا وهذا يدل على ان(( المحور)) هو اساس اي فريق .



<< اتمنى ان يعود المحارب الروماني رادوي وفوق هذا عقده ينتهي مع العين الموسم هذا يعني الموسم القادم يقدر يجينا >>

رادوي بختصار افضل لاعب اجنبي مقاتل يلعب بروح من اول دقيقه الى اخر دقيقه اتمنى عودته ..

هرماش مايعرف يدافع بختصار ..
مو محور دفاعي واضح بعدين هرماش مايعرف يلعب محور وحيد لازم فيه احد معه والافضل الفرج لان الغنام مصاب !!


مانجان بعد فضايح بس مانقدر نحكم عليه توه له 4 مباريات
مع اني افضل اللعب بالمسلم مع المرشدي والشهراني ظهير ايمن والزوري ظهير ايسر .

( وجهة نظر )

جريتس07 28/08/2012 04:27 AM

هرماش مايتقارن برادوي اتمنى عودة رادوي و ويلي هامسون

هلالي دووووووم 28/08/2012 04:29 AM

والله العظيم انك صادق

لا انه مدافع جيد ولا انه صانع لعب

بس فالح ينفلت ويجري باي مكان

أأأأه يارادوي أأأه ياويلي أأأه يانيفيز

أأأه بس

اسطورة الملاعب9 28/08/2012 04:31 AM

إقتباس:

الرسالة الأصلية كتبت بواسطة هلالي دووووووم (مشاركة 20613072)
والله العظيم انك صادق

لا انه مدافع جيد ولا انه صانع لعب

بس فالح ينفلت ويجري باي مكان

أأأأه يارادوي أأأه ياويلي أأأه يانيفيز

أأأه بس

رادوي مايبيك

نيفيز مايبيك

ولي كبير ولا راح يقد للهلال شي وعمره 34 سنه

هرماش يمشي الحال واذا فيه افضل مانقول لا

عاااشق الدوخي 28/08/2012 04:33 AM

هرماش يرفع الظغط وبس وربي انك صادق وزيادة على ذالك لو له ادوار مايقدمها صحيح وبعيد عن المقارنة برادوي لو اعطي للمحاور القرني والحارثي راح يقدمون افضل منه والمشكله بعض الجماهير المؤيده لهرماش اجزم انهم مايفقهون في الكوره شي او مشجع جديد ( صغير) يتفلسف ويمدح هرماش والمشكله الأعظم إدارة المجاملات لانه مغربي

اسطورة الملاعب9 28/08/2012 04:37 AM

إقتباس:

الرسالة الأصلية كتبت بواسطة عاااشق الدوخي (مشاركة 20613080)
هرماش يرفع الظغط وبس وربي انك صادق وزيادة على ذالك لو له ادوار مايقدمها صحيح وبعيد عن المقارنة برادوي لو اعطي للمحاور القرني والحارثي راح يقدمون افضل منه والمشكله بعض الجماهير المؤيده لهرماش اجزم انهم مايفقهون في الكوره شي او مشجع جديد ( صغير) يتفلسف ويمدح هرماش والمشكله الأعظم إدارة المجاملات لانه مغربي

القرني هو الي تسبب بالفاول الي جاء الهدف

فاول مايستاهل الكوره كانت منقطعه

القرني توه صغير

مجنون نواف 24 28/08/2012 04:41 AM

والله الهلال كله يبي صيانه من الرئيس لـ فهد المديد هههههههههههههههه

سافيو 28/08/2012 05:03 AM

كل ماأشوف الردود في اي موضوع ...... استغرب الهلال ليش يتعاقد مع مدربين ويخسر فلوس عليهم :ranting:

الامع 28/08/2012 05:13 AM

إقتباس:

الرسالة الأصلية كتبت بواسطة هلالي دووووووم (مشاركة 20613072)
والله العظيم انك صادق

لا انه مدافع جيد ولا انه صانع لعب

بس فالح ينفلت ويجري باي مكان

أأأأه يارادوي أأأه ياويلي أأأه يانيفيز

أأأه بس


هههههه بعض الناس تحسه بسادس ولا اولى متوسط يقولك لاهو مدافع جيد ولا صانع لعب,,,, زي لعب المدارس يحسب كلهم يلعبون هجوم.
.
ارجع للمباراة وشف هرماش والله انه ماقصر وقدم مستوى رائع, بس المشكلة مو منه من المدرب اللي ارتكب خطأ فادح لما الهلال كان متقدم اخرج الفرج اللي كان يلعب محور مساند لهرماش وفضى منطقة الوسط !!!!! بالرغم الهلال متقدم يعني مالها داعي المجازفه, وهذا خلى البعض يلاحظ ضعف بمنطقة المحور لان لا الشلهوب ولا سالم ولا عزوز لهم نزعات دفاعيه فماتقدر تحمل هرماش مسؤولية المحور الدفاعي لوحده مع لعب الاتفاق بثلاث مهاجمين.
.
المشكلة ان هدف الاتفاق جاء باخر الدقايق وهرماش ماله اي ذنب يعني لو ماتسجل كان شفنا اللي يمدحه ويثني عليه او على الاقل محد تكلم عليه.
.
انا ما اقول انه افضل من رادوي لا ابدا, رادوي لا يعوض ابدا, بس دوام الحال من المحال , ولاتنسى اضافة لذلك ان راودي كان خلفه هوساوي والدعيع , لكن الان من خلف هرماش , الفتى التائه اللي كنه يدور عن امه مانجان, اللي هو يمين والكورة شاطفها يسار.
.
حري بالمدرب ان يلعب بالقرني او الغنام كمحور دفاعي بحت وامامه هرمش كمحور حر فهو انسب مكان لامكانيته وظهر ذلك جليا عندما لعب الهلال ضد الفرق الكبيره العام الماضي الاتحاد (ثلاث مرات كاس ولي العهد ومباراتي كاس الملك) وضد النصر مرتين وبني ياس والغرافه وبيروزي .........الخ, كان هرماش نجم المبارة ولا يشق له غبار.
:alzaeem::alzaeem::alzaeem:

الطالبB 28/08/2012 05:14 AM

اقول والله ماسنعكم اليوم غير هرماااش

بس انتم صايرين مع الخيل ياشقرا

كل ماسمعتوا شيء عن لاعب رحتوا ونزلتوا ميضوع عنه

من جرفين مع عيال الفقر

زعيم من حارتنا 28/08/2012 05:49 AM

قلته من زمان هالاعب لايدافع ولا يهجم

الزعيم (ابو بدر) 28/08/2012 05:51 AM

يا حبيبي انت وياه الفريق كله منتهي وقفت على هرماش
بعدين هرماش السنه الماضيه جته اصابه ومالعب وقت طويل وكل بعد فتره يروح لمنتخبه
بعدين قريتس مقتنع بهرماش
لو قريتس في الهلال والله لتشوف هرماش زي رادوي
شف يوسف العربي يوم كان مع الهلال ما سوا شي ليش
عشان المدرب
بعد ماراح لغرناطه بدع
هذا دليل ان المدرب ثور
انا اقول هرماش ممتاز بس المدرب دجاجه
قريتس دايم يخلي هرماش اساسي في المنتخب ليش عشانه محور جيد
بعدين شف وش يسوي هرماش مع المنتخب وحكم

جنون الزعيم ياناس 28/08/2012 05:51 AM

لاعب فاشل ولا يستحق اللعب في الهلال

واللي افشل منه المدرب ياناس والله العظيم مشكلة الهلال المدرب وبس

وربي يستر من نتيجة كبيرة في مباراتنا القادمة مع النصر

يسووووووف 28/08/2012 06:15 AM

المقارنه ظالمة بين رادوي وهرماش

ولا يعقل ان اطلب من المهاجم صناعه اللعب

كذلك هرماش لاعب محور هجومي وليس دفاعي !

عاشقة الشلهوب 10 28/08/2012 06:17 AM

اي هرماش ما قصر لعب ابو كلب قال ما قصر مسوي يبغى يطلع مهاراته وتنقطع الكورة منه ريحونااااا قال هرماش

هلاليهـ للموت 28/08/2012 06:24 AM

إقتباس:

الرسالة الأصلية كتبت بواسطة اسطورة الملاعب9 (مشاركة 20612873)
محور يساعد المهاجمين في الهجمات ويعود لمنطقته اذا انقطعت الكوره

اذا هرماش مابين معك فانصحك ان تتجه لرياضه القولف هههههههههههه

+1 :yes:s13ss13s

هرمآش اليوم كآن أدآءه رآئع ما أخطأ أخطاء

وما أتوقع إن نقطة الضضعف منه !!

عوافي

هلالي بجنون ss 28/08/2012 06:39 AM

إقتباس:

الرسالة الأصلية كتبت بواسطة الامع (مشاركة 20613198)
هههههه بعض الناس تحسه بسادس ولا اولى متوسط يقولك لاهو مدافع جيد ولا صانع لعب,,,, زي لعب المدارس يحسب كلهم يلعبون هجوم.
.
ارجع للمباراة وشف هرماش والله انه ماقصر وقدم مستوى رائع, بس المشكلة مو منه من المدرب اللي ارتكب خطأ فادح لما الهلال كان متقدم اخرج الفرج اللي كان يلعب محور مساند لهرماش وفضى منطقة الوسط !!!!! بالرغم الهلال متقدم يعني مالها داعي المجازفه, وهذا خلى البعض يلاحظ ضعف بمنطقة المحور لان لا الشلهوب ولا سالم ولا عزوز لهم نزعات دفاعيه فماتقدر تحمل هرماش مسؤولية المحور الدفاعي لوحده مع لعب الاتفاق بثلاث مهاجمين.
.
المشكلة ان هدف الاتفاق جاء باخر الدقايق وهرماش ماله اي ذنب يعني لو ماتسجل كان شفنا اللي يمدحه ويثني عليه او على الاقل محد تكلم عليه.
.
انا ما اقول انه افضل من رادوي لا ابدا, رادوي لا يعوض ابدا, بس دوام الحال من المحال , ولاتنسى اضافة لذلك ان راودي كان خلفه هوساوي والدعيع , لكن الان من خلف هرماش , الفتى التائه اللي كنه يدور عن امه مانجان, اللي هو يمين والكورة شاطفها يسار.
.
حري بالمدرب ان يلعب بالقرني او الغنام كمحور دفاعي بحت وامامه هرمش كمحور حر فهو انسب مكان لامكانيته وظهر ذلك جليا عندما لعب الهلال ضد الفرق الكبيره العام الماضي الاتحاد (ثلاث مرات كاس ولي العهد ومباراتي كاس الملك) وضد النصر مرتين وبني ياس والغرافه وبيروزي .........الخ, كان هرماش نجم المبارة ولا يشق له غبار.
:alzaeem::alzaeem::alzaeem:


للاسف انت رديت على نفسك :laugh:

هذا اللي نقوله وننتقده هرماش ماينفع محور لحاله لانه ضعيف دفاعيا صحيح قدم مستوى جيد امام الاتفاق لكن معه محور ثاني الفرج والاتفاق ما كان ذاك الخصم وكان مستسلم لكن لما خرج الفرج شفنا له بعض الخطوره والبركه بهرماش اللي مو قادر يوقف لفريق ميت لحاله لازم معه مساند


هرماش بالامكان اي لاعب يلعب مكانه كمحور متقدم لكن بالمحور الدفاعي نحتاج واحد من طينه رادوي وخالد عزيز

GRENES 28/08/2012 06:55 AM

انت حتى امﻻء صف ثاني ماعندك !!
الله يفكنا من الجمهور اللي مثلك واشكالك

الامع 28/08/2012 06:57 AM

إقتباس:

الرسالة الأصلية كتبت بواسطة هلالي بجنون ss (مشاركة 20613432)
للاسف انت رديت على نفسك :laugh:

هذا اللي نقوله وننتقده هرماش ماينفع محور لحاله لانه ضعيف دفاعيا صحيح قدم مستوى جيد امام الاتفاق لكن معه محور ثاني الفرج والاتفاق ما كان ذاك الخصم وكان مستسلم لكن لما خرج الفرج شفنا له بعض الخطوره والبركه بهرماش اللي مو قادر يوقف لفريق ميت لحاله لازم معه مساند


هرماش بالامكان اي لاعب يلعب مكانه كمحور متقدم لكن بالمحور الدفاعي نحتاج واحد من طينه رادوي وخالد عزيز

ما ادري وش رديت على نفسي فيه؟؟؟؟

ثانيا هل انا قلت ان هرماش بيشيل الوسط لو لعب لحاله محور؟؟؟؟؟

Hilaly jed 28/08/2012 07:12 AM

الفريق كله يمر بمرحلة هبوط مستوى وعدم انسجام

امووت فيك ياهلال 28/08/2012 07:31 AM

إقتباس:

الرسالة الأصلية كتبت بواسطة الزعيم (ابو بدر) (مشاركة 20613305)
يا حبيبي انت وياه الفريق كله منتهي وقفت على هرماش
بعدين هرماش السنه الماضيه جته اصابه ومالعب وقت طويل وكل بعد فتره يروح لمنتخبه
بعدين قريتس مقتنع بهرماش
لو قريتس في الهلال والله لتشوف هرماش زي رادوي
شف يوسف العربي يوم كان مع الهلال ما سوا شي ليش
عشان المدرب
بعد ماراح لغرناطه بدع
هذا دليل ان المدرب ثور
انا اقول هرماش ممتاز بس المدرب دجاجه
قريتس دايم يخلي هرماش اساسي في المنتخب ليش عشانه محور جيد
بعدين شف وش يسوي هرماش مع المنتخب وحكم

قريتس باشا قيرتس سبيشل ون قيرتس صاحب الايادي المعطاه قيرتس الفنان الي هبل بالعالم
بالله كم عمرك غثيتنا بقيرتس الله يغث العدووو
قيرتس المنزهه عنددك اعوذ بالله يااخ ترا قيرتس كافر والمسلم مايحب الكافر يبغضه مادرست توحيد وفقه حرام تحب الكافر لاان الي يحب احد يحشر معه
وقيرتس اسوا مدرب مر على الهلال

عاشق الزعيم* 28/08/2012 07:33 AM

كيف الحال !
كل الموضوع صار تزبيد و هياط

Larson bn cogar 28/08/2012 07:39 AM

إقتباس:

الرسالة الأصلية كتبت بواسطة الباجيرو الازرق (مشاركة 20613031)
بالله اجل نصف الدائره وانت راجع :laugh:؟! .. الاخ سواق تريله والا شلون ؟!:yes:

قمة السماجه ،، مشكله جيل سبيس تون الرجال يقولك ماابيه محور دفاعي هجومي لانه ضيعنا يكتفي انه يكون محور دفاعي وانت تقول تريلا، رح اشرب حليب وتك على كرتون نت ورك وخل الكوره ل هلها

D7ooMx 28/08/2012 07:43 AM

والله انا اتوقع لو نلعب 5 دفاع مع المسلم اصرف من هرماش محور !!

خالد الظاهري 28/08/2012 07:52 AM

اللآإعب نـزعه هـجوميــه .، وليس دفآعيـــه

SIR. David 28/08/2012 07:56 AM

البارحه هو الافضل اتقو الله ي احبه
المعضله مشاركته ك محور دفاعي وهذا مالا يجيده
وبالرغم من ذلك اجتهد وقدم المأمول منه !

هلالي 1977 28/08/2012 08:06 AM

هرماش نقطة ضعف في الهلال او بمعنى صح في الدفاع

لا يوجد محور دفاع في الهلال الا القرني والغنام

واللذان لا يستطيعان اللعب كمحور واحد

مع الاسف الهلال يلعب بتخبط

الهلال المفترض يلعب بــ 4 1 4 1

مهاجم واحد فقط

لكن يجب ان يكون محور من نوعية رادوي وليس هرماش

الهلال لديه وسط جميعهم هدافين ويكفي ان الشلهوب قبل موسمين اخذ الهداف

بوجود الداهية جيريتس

الهلال يعاني بالمحور وانا سبق وقلت المحاور لدينا سيئة جدا

ان استمر الوضع كذا فانسوا الدوري وركزوا على الاسيوية وبطولات خروج المغلوب

مع الاسف الادارة تناست هذه المشكلة ولم تحضر محور مدافع

هرماش ينفع للهجوم فقط والكرة ليست هجوم فقط وانما هجوم ودفاع

يا خسارة يا هلال وبس

احمد الحميدي 28/08/2012 08:12 AM

عادل هرماش لاعب يمتلك لياقه عاليه ويتحرك في الملعب كامل لاكن ما ينفع يلعب محور لوحده سيخدم الفريق اكثر لو يلعب بجواره محمد القرني

مستر ازرق 28/08/2012 08:23 AM

كلامك سليم
بصراحه الهرماش ماينفع محور
الاداره الهلاليه جابت هاللاعب للاستثمار ( يعني عشان يبيعونه بربح)
والان بالشين به ... ومضطرين يخلونه يلعب اساسي عشان يسوقونه ..يمكن يجي منه شي

بس فيه نقطه ايجابيه وحده ... يتكلم فرنسي

Fasfas11 28/08/2012 08:34 AM

احب اوظح نقطه يازعماء والله ان الهلال اسوء موسم له هذا الموسم لعدد من النقاط اولا نبداها من مدرب السباك كومباوريه والله لايفقه شي بالتدريب وماعنده سجل غير دوري فرنسي ووكاس فرنسا فقط وتعرفون ان قال لاعلام الهلال انقذنبي من البطاله بالله هذا مدرب ثاانيا الاعبين والله لاعبين الهلال لايستحقون ارتداء هذا الشعار اولا العتيبي تسريح والمرشدي والزوري وهرماش والفريدي وياسر والحارثي ونامي والله لاعبين ليس بكفئ يلعبون بالله اوك خدمو الهلال قدمو الي عليهم الله يستر عليكم الهلال يبي دماء وروح جديده ثاااالثا الاجاانب يابن المساعد انت مابرزت بالاجانب الا 2009 مع قريتس غيره ماسويت شي كل سننه الهلال ينزل اسوء ماكان ياخي خاف ربك بالجمهور نحترق وانت تقول اصبرو ياخي نصبر لمتى راااابعا الاداااره لازم تستقيل وان لم تستقيل وتجي اداره كفئ فوالله لن ترو لا ابطال اسيا ولا كاس ولي عهد ولاكاس ابطال والدوري خلصنا منه راح وفي ختامي اوجه كلامي للرايس بن مساعد والاعبين ان لم تعرفو قيمه النادي الي انتو فيه والا ارررحلوووو بالفم المليان النادي يتعذركم والسلام عليكم تقبلو مروري واسف ع الاطاله

ذيب999 28/08/2012 08:56 AM

إقتباس:

الرسالة الأصلية كتبت بواسطة xroqaaanx (مشاركة 20613057)
شكلك انت مترجم الاندونيسي مدربنا الي قاعد تسلك للهرماش عنده

كلام الاخ واضح ولا يدعو لنثر سماجتك

هههههههههههههههههههههههههههههههههههههههههههههه

+11111111111111111111

هلالي من1399 28/08/2012 09:31 AM

إقتباس:

الرسالة الأصلية كتبت بواسطة GRENES (مشاركة 20613478)
انت حتى امﻻء صف ثاني ماعندك !!
الله يفكنا من الجمهور اللي مثلك واشكالك

ربنا لا تؤاخذنا بما عمل السفهاء منا ..

Moshaa 28/08/2012 09:39 AM

يا شباب ودي أقولكم حاجتين

فيه فرق بين صانع اللعب وبين صانع الهدف
هرماش يتميز بجدارة في الأولى وترك للعيبة الوسط المتقدمين الثانية
دليلي (شاهدوه عندما يلعب خلفه محور دفاعي بحت) عندها ستعرفون

neves7alhilal 28/08/2012 09:53 AM

ياحبيبي انا اقولك اسباب خسارة الهـــلال امس بتعادل


1- المدرب اخطاء في تبديل يـــاسر ( لأن يــاسر كان مسوي ثاني ممتاز مع لوبيز وكانت النتيجه واحد صفر ) .

2- المدرب اخطاء في اشراك عبد القادر منغان المفروض يحيى المسلم بداله ( لان الاعب يقول انه لم يلمس كوره من 4 اشهر و مستواه ضعيف )

3- مفروض من بداية الشوط الثاني يخرج الدوسري و ينزل سالم ( لان كانت اطراف الاتفاق ضعيفه )

4- المدرب اخر الدقائق طلع الدوسري ونزل محمد القرني ( كان هذا اكبر خطاء للمدرب لأن محمد القرني من بداية الموسم لم يشارك على عكس ياسر الشهراني مفروض الشهراني بدال القرني )

(( اخطاء المدرب في اخراج سلمان الفرج اذا مكان مصاب و عدم اخراج الدوسري و الشلهوب و اخطاء في دخول محمد القرني ))


يارب نفوز قدام النصر يارب :smilie47:

Ronaldinho-20 28/08/2012 10:12 AM


يعطيك العافيه اخوي

اتفق معك هرماش ضايع في المحور وفوق ذلك كثير اخطاء

اما عن مقارنته برادوي فلا يقارن حتى بـ 5% من لعب او قتاليه رادوي

Jc_jiio 28/08/2012 10:41 AM

الهرماش
لاعب محور بموصفات عادية
سعره في سوق الاعبين المفروض مايتجاوز مليون دولار

بن جبله المطيري 28/08/2012 10:46 AM

هرماااش لو يحصل مدرب يوظف امكانياته عدل ويقوله خلك امام المدافعين ولاتحرك

اعتقد انه سينجح بمهمته....

ماجد . 28/08/2012 10:55 AM

هرماش لاعب جيد وليس ممتاز مثل رادوي

افتخر اني هلالي 20 28/08/2012 11:02 AM

هرماااش لاااعب ممتااز وكبيير لاننقص من حقه لاكن الهلال مو فحاجته الهلال فحاجة محور دفااعي اجنبي

بو نافع 28/08/2012 11:07 AM

اما حطيتوها ع هرماش ، شوف المرشدي والزوري وش يسوون
جت ع هرماش

ابوعذب 28/08/2012 11:21 AM

اذا لعب هرماش لحاله كمحور بوجود الشلهوب وعبدالعزيز الدوسري ينكشف الدفاع

لأن هالاثنين ليس لهم اي ادوار دفاعيه متفرجين فقط اذا صارت الهجمه للخصم

ضوء ازرق 28/08/2012 11:22 AM



ياشيخ وربي هرمااش فناان

اذا في مباراة البارح ماعجبتك قتاليتة متى بيعجبك

لحاله بالنص كله وربي انه احسن لاعب البارح

ارجع للمباراة اتحداك اذا غلط بكورة وحدة

لكن الشرهه على المسدحين اللي بالمعلب عزوزوالشلهوب والبيشي والزوري

الا انا ودي اعرف الشهراني مايلعب مكان البيشي ليش

ثائرالهميجان 28/08/2012 11:23 AM

اتفق معك هرماش لاعب جيد ولكن لايصلح للهلال (لاعب بطيء ثقيل الحركه ويرى انه يلعب في دوري اصغر منه)قد ينجح مع فريق اخر لايوجد له مركز يقدم فيه مستوى جيد المحور الدفاعي ارى الاعبين المحليين القاسم وحسام والقرني وبندرالبيشي افضل منه او قريبين منه ليش نجيب محترف اجنبي؟كي يقدم مستوى مميز ويشيل الفريق
انا اتوقع ان هرماش والشلهوب من المشاكل الرئيسيه لضعف الوسط والفريق بشكل عام

شكرالك

QADAH 19 20 28/08/2012 11:34 AM

حبيبي هرماش مقدم اداور رائعه ورجل فالملعب جميع الكرات المقطوعه هو يقطعها والظاهر انك شفته البارحه امام الاتفاق كان رجل المباراه لوحده

RAFA REAL 28/08/2012 11:40 AM

سبحان الله الحين هرماش ماتدري اش يلعب
وربي هرماش لو في فريق منتشي وجاهز فنيا
كان عرفت مين المايسترو صح
لعب قدام كل الفرق الموسم الماضي وفي ظل تذبذب الهلال
كان هرماش وهرماش لوحده يشكل مفهوم جديد للاعب المنتصف المدافع والمهاجم
كلنا شفناه امام النصر الاهلي الاتحاد وبقية الفرق الاخرى كيف يعاني منه الاعبين
ولا يستطيعون مجاراته في الفكر والاداء ولا انسى هنا افكرك انت وجهور الاعب
اللي راح بمزاجه رادوي انوا هرماش لم يطرد ولا مرة مشالله عليه اما طيب الذكر رادوي
كان يعاني من محمد نور ايما معاناة ومن اي لاعب يتكفل بمراقبته وخلنا نكونن صريحين
كم مرة رادوي ضرب وسوا مشاكل وكم مرة انطرد ولا توقف ولاتنسى في موسم رادوي الاميز اللي
هوا الاول كان مع كوزمين والفريق ماشي على رتم واحد ومستقر يعني في حالة فنية عاليه
وحاول تفتكر كيف رادوي لما يلعب لحاله بدون عزيز وكنا ننجبر نطيب خاطر عزيز خصوصا قدام الاتحاد
عشان ما ننكشف لما كان الاتحاد ند للهلال لانو لاعب سهل تنرفزه وتاثر عليه

واحد شاي 28/08/2012 11:42 AM

نيفيز :ba1: + رادوي :ba:+ ويلهامسون :ba1: + لي يونق :ba:

ــــــــــــــــــــــــــــــــــــــــــــ


ويسلي + هرماش + يو بيونق + مانقان



^

لاحظوا الفرق بين المجموعتين :cry:

آآآآه يازمن جيريتس بس آآآه :smilie47::cry:


الوقت المعتمد في المنتدى بتوقيت جرينتش +3.
الوقت الان » 05:10 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd