اخيرا رجعنا لجنه كره القدم اشتقنا عقب موسم مخيس جدا مع السباك جاء ولدنا وحبنا القديم زيمان متفائل فيه كثير موب لاني مقتنع بطريقته هجوم هجوم وفي كل مباراه العب ب 433 متفائل فيه لانه اكثر المدربين خبره في الكالتشيو حاليا وعاصر مدربين كبار يعني يعرف يتعامل مع الجمهور اللاعبين المدربين عكس السباك الله لايعيد ايامه ، في الميركاتو فريقنا قدم ميركاتو ممتاز الى الان مانتهى مأملين على الاقل بظهير واذا حصل سنتر عنده خبره برافو ، الحراسه في امان بوجود سيكي ولو ان فيه اخبار كثيره تخوف عنه ، الدفاع اضعف خطوط الفريق الظهير الايسر ممتاز ، الايمن بيرس ماندري وش وضعه بس حسب اخر وديه الرجل قدم مستوى جيد السناتر نيكولا ماندري وش وضعه بعد الرباط وكاستان بطل ليبارتادوريس البقيه صغار ويقولون انهم مواهب قادمه بقوه خصوصا البرازيلي ماركينهوس عساهم يكونون صادقين ، الوسط ممتاز جدا غير الثلاثي الاساسي (ديروسي برادلي بيانيتش) موجود عندنا لاعبين ابهروا الكل في الوديات وفي الموسم الماضي ايضا مثل تاكسيديس فلورنزي وبرضو ماركينيو الهجوم عاد ماعليه كلام كلهم قادرين يلعبون اساسيين توتي ديسترو اوزفالدو لاميلا بويان نيكو ، متى يبدا الدوري بس
بيعت +50 الف تذكره حتى الان ، كاتانيا فريق طول عمره بثر من اول ماصعد المباراه ممكن يسهلها الجمهور وحماس اللعيبه بس تبقى مواجهه صعبه ، الصراحه مادري عن الايقافات بس غالبا بندخل المباراه:-
100 شكر على التقديم , مع أني أقترح على الأخوان في اللجنة طرح التقديم بطرق مختلفة , يكون بشكل
أبسط و أريح .. لأن بصراحة التقديمات تاخذ جهد كبير , و مع ذلك ليس لها فائدة موازية للجهد المبذول!
بالنسبة للكالتشيو , بيكون فيه منافسة كبيرة جداً .. الإنتر و اليوفي هؤلاء رقم 1 .. روما و نابولي و ميلان
رقم 2 .. فيورنتينا لاتسيو أدونيزي رقم 3 .. هذا الكلام إن لم تكن هناك مفاجأت ..و العادة فيه مفآجأت ..
أنتظر تاكسيديس من روما , و موريل مع أدونيزي .. الشعراوي مع الميلان .. اتشيريبي مع ميلان ..
و غيرهم .. ودي أشوف كيف بيشتغلون مع أنديتهم .. بالنهاية أتوقع موسم كبير آخر للكالتشيو !
الجولة الأولى اتوقع بيكون فيها الكثير من المفاجئات .. شخصياً اتوقع بداية قوية لروما ويوفي ونابولي .. الإنتر يمقن يخبص مباراته بتكون خارج اسوار الجوزيبي مياتزا والفريق عامل ميركاتو كبير وجاب لاعبين كثار يبيلهم وقت على بال ما ياخذو على النادي .. ميلان بيلعب مع السامب بالسان سيرو ..مدري عن وضعية السامب لكن اتوقع بداية سيئة للميلان.. الفيولا والأوديني بتكون قمه كبيره .. جميع الاحتمالات ممكنه!..
بتكلم بالتفصيل عن روما ..
روما والبدايات التعيسه بالكالتشيو !..
روما بالسنوات الماضيه ما يعرف يبدأ الكالتشيو الا بتعثر .. نتكلم عن الموسم الماضي اللقاء الإفتتاحي كان بالاوليمبيكو امام كالياري ، انتهت 2-1 للضيف كالياري .. الموسم اللي قبله 2010 .. كان الإفتتاح مع تشيزينا .. تعادل سلبي بالعاصمة ! .. 2009 الإفتتاح كان بملعب جنوى .. الخسارة 3-2 .. 2008 الإفتتاح بالأوليمبيكو مع نابولي ... انتهت بالتعادل 1-1 .. 2007 امام باليرمو في صقليه .. فاز روما 2-0 .. اذاً آخر بداية جميلة لنادي العاصمة كان بتاريخ 2007 .. طبعاً لو نتكلم عن آخر فوز بملعب الأوليمبيكو بالإفتتاح يعود الى موسم 2006 امام ليفورنو 2-0 .. من عام 99 روما فاز بالمباريات الإفتتاحيه 6 مرات فقط ، 3 منها كانت خارج ملعبه و3 على ملعبه .. وتعادل 4 مرات .. 3 تعادلات كانت بملعب الأوليمبيكو !.. ومره خارج ملعبه .. خسر روما 3 مرات بالافتتاح.. خساره يتيمه بملعبه الموسم الماضي .. وخسارتين خارج ملعبه ..
أخيرا استديو محايد وصاحي؟ نقول ان شاءالله تعبنا من تسليك خليف وعباطه الخلصي (ولو ان له وحشه) ، الجوله الاولى بيكون في الاستديو التوبلي وحازم امام وحسام الحاج الاستديو بيكون هـ الموسم من الدوحه موب ميلانو كـ العاده (لينهم تركوا التوبيلي هناك)
في لندن للتوقيع مع كوين...
يقول عن قرار تواجد 12 لاعب في الدكه انه ممتاز جدا لانه يحسس اللاعب باهميته اكثر من السابق في السابف كنا نشعر بالحرج ونحزن اذا ارسلنا لاعب للمدرجات اما الان فلا ولكن من الناحيه التكتيكيه ليس هناك فرق فالمسموح هو 3 كما اعتدنا
اليوفي الظاهر فشل في صفقات المهاجمين الكبار ختى باتزيني طار الظاهر الامور وقفت على بوريللو واحتمال ياخذه اليوفي اعاره
خلال 48 ساعه , الإنتر يضُم الثلاثي" كاسانو - غارغانو - بيريرا " رسمياً ب مبلغ 7 مليون فقط
ستراماتشوني بعد صفقة بيريرا يشكر برانكا على تأدية مطالبه ويعلن : مريكاتو الإنتر لم ينتهي بعد
سيزار ومايكون 90% وجهتهم القادمة البريمرليغ , الأول الكيو بي آر والثاني اما السيتي او تشيلسي
يقال بإن لونغو راح يُعار ل اسبانيول موسم مثل ماصار مع كوتينهو ونجح , اذا اُعير راح يكون فيه مهاجم بديل
مشرف منتدى الرياضة العربية والعالمية عضو باللجنة الاعلامية للرياضة العالمية نائب رئيس رابطة عشاق الكالتشيو
تاريخ التسجيل: 13/01/2009
المكان: Riyadh
مشاركات: 6,892
صباح الخير يا الغاليـــن
ميركاتو الإنتر
للأمانة أهني محبي الإنتر على العمل الرائع، فريقهم ناقصه الإنسجام فقط و هذا بيكون تدريجي خلال مجريات الموسم، الفريق يمتلك أسماء مميزة و قادرة تنافس على الكالتشيو
الكل يشيد بـ ميركاتو اليوفنتوس وأنا ضد هـ الكلام ..
( الأعمآل بـ خواتيمهآ ) أول الميركاتو اليوفي إشتغل صح لكن خبصهآ مع قرب نهايته
والعكس مع الإنتر اللي أهنيهم على صفقاتهم ,
متى ما جاء لـ اليوفي مهاجم صآحي كذا نقدر نقول ميركاتو ناجح غير كذا كأنك يآبو زيد ما غزيت
~
يوفنتوس X بارما
متى مآكانت البداية قوية إستبشرنآ بـ موسم قوي ,
مباراة على الأرض فريق شبه متجانس كم وجه جديد فقط ,
بطل الدوري بدون هزيمة أتمنى تستمر الإنتصارات وتكون مباراة الإنطلاق نحو الإسكوديتو 31
عودة الكالتشيو ، الكالتشيو مع السامب مش حتئدر تغمض عنييك
،،،
موسم بالنسبة لي ما يبشر بخير للأسف ، اليوفي بيطول من دون هزيمة ،ميلان الي اين ؟
انتر صفقات حلوه ولكن ! ، نابولي ممتاز بس ما تظمنهم ، روما هم الي فيهم رجا
اما البقية لاتسيو الفيولا باليرمو جنوى اعتقد منطقة الدفء تنتظرهم
،،،
ميلان vs السامب
ع الاوضاع الي يعيشها ميلان الفوز مو مستحيل ،ناهيك عن النقص الي عندهم
ماكسي راح يكون له كلمه ضد الميلان ، بالتوفيق لـ السامب
،،،
تعليق بسيط ع صفقة الباتزو بالفانتانتونيو :
بغض النظر مين الي لعب ع الثاني (موراتيvsقالياني) انا ما يهمني هالشي
اعتبرها اسخف و اغبى صفقة في تاريخ الفريقين، كان من باب اولى جمع
الثنائي مع بعض ، درجة التفاهم عندهم غير طبيعية ، مكملين لـ بعض بشكل
خيالي ،لكن وش تقول لـ مُهرجين يُسيرون جنة كرة القدم
السلآم عليكم .. مبروك علينآ عودة عجلة الكآلتشيو للدورآن مجدداً
بعض حكآيآت الحب لآ تنتهي ..
كآكآ بآت قريباً من العودة للروسونيري أكثر من أي وقت مضى !
مشعل
كاسانو راتبه 3.5 مليون ..
ومتبقي في عقده مع ميلان سنتين ..
يعني ميلان ملزوم يدفع له مستقبلاً 7 مليون ..
عمر كاسانو 30 سنة ..
مركز كاسانو فيه أكثر من لاعب يغطيه بالميلان ..
الباتزو موافق على راتب 2.5 ..
الباتزو عمره 28 سنة ..
مركز الباتزو يحتآجه ميلان بشكل أكبر مما تتصور ..
بالتالي الصفقة صارت كذآ :
كآسآنو مع راتبه بالموسمين المقبلين مقابل تخلي الإنتر عن مهاجم يحتاجه الميلان بالمجآن ..
حتى أنا قرأت خبر بالميلان نيوز .. يقولك أن كآسآنو طالب إدارة ميلان بالتعويض بعد خروجه من ميلان بسبب أن الإدارة خيبت أمله بعد عملية بيع إبرآ وتيآجو .. غالياني قاله أنت وش دخلك في الفريق ؟ نبيع اللي نبي ونشتري اللي نبي ، أنت مآ لك إلا راتب ينزل بحسآبك مقابل أداء مرضي تقدمه للفريق ، آخر شيء اتفقوا أنه في حال وافق موراتي على عملية التبادل راس براس بدون زيادة أموال من أحد الطرفين فالميلان راج يعطي كاسانو السبعة مليون يورو .. لكن في حآل موراتي طلب زيادة على كاسانو في مقابل التخلي عن الباتزو فالسبعة مليون اللي هي راتب كاسانو لموسمين ستعطى للإنتر فقط . وعلى هذآ جرى التوضيح !
بعدين ياخوي مشعل .. أنت ما تقدر تقول لنا الآن من المستفيد ؟ ميلآن أم إنتر ؟ لأن الميزآن في هالأمر هو الملعب ، ممكن نشوف البآتزو يتأقلم ويستعيد مستوآه أيآم الفيولآ والسآمب ويدبع مع ميلآن ، ونشوف كآسآنو متمشكل مع كمبياسو وميليتو وسترآمآ وإصآبآت وبالتالي مستويات متذبذة .. ويمكن العكس تماماً .. لذلك من الحمآقة إطلاق الأحكآم مبكراً في مثل هكذآ صفقآت غريبة !!
شيء آخر .. بإمكآن ميلآن مثل مآ أنه عآلج كآسآنو وانتشله من وحل الضياع أنه يعيده فيها مرة أخرى ، بحيث يخليه يخيس بالدكة طول الموسم .. لكن لأنه ميلآن تجده أعطى اللاعب رغبته بكل هدوء .. وقاله اللي ما يبينا ما نبيه .. درب السلآمة !
وبالمقآبل .. مونتي صديق البآتزو منذ الطفولة كآن يلح على ميلان في إتمام الصفقة .. والبآتزو كآن متجآوب ومتقبل فكرة الإنضمام لميلآن ..
يآخي مدري كيف يفكر كآسآنو ؟ ينتقل من فريق يشآرك بالشآمبيونز إلى فريق يلعب يوم الخميسس ؟! فعلاً النآس أذوآق !
14 يناير 2011 في تقديمه ، كاسانو :
لن أخون أبدا من وثق بي في ميلان ، فوق ميلان هنالك فقط السماء ،
إذا أخطأت في ميلان أنا معتوه .
واليوم نشوفه يطالب بالرحيل ، وموافق على اللعب للجار .. !!
على فكرة كآسآنو معروف عنه إنتريستا منذ الطفولة .. لكن هالآدمي والله عجيب !
في بآلي كلآم أكثر وضوح بخصوص سآلفة خروج كآسآنو اللي كنت أقولها لكم في أسبوع أنتقال إبرآ وتيآغو .. بأن كآسآنو المغآدر التآلي .. وفعلاً صدق قولي !
لكن مو قآدر أصفه لك ، ممكن مع الشد والجذب معك يطلع لك كل اللي بمخي الحين ما عاد الا خير .. أبي أنآم
روح لهم ركض .. ميلآن عمره مآ وقف على لآعب ..
روح لهم ركض .. إنتر يوم من الأيآم كآن يتشمت فيك ..
رآجع لكم بكرة لعيون كونتي الحبيب مسوي مؤتمر صحفي جآلس ينفس فيه عن خاطره .. الرجآل وآضح عليه أنه متدهور نفسياً ، عموماً لي حديث مطول عن تصاريح مدرب اليوفينتوس الموقوف كونتي غداً بمشيئة الله .. تصبحون على خير
مشرف منتدى الرياضة العربية والعالمية محرر أخبار رابطة ريال مدريد
تاريخ التسجيل: 16/09/2010
المكان: Santiago Bernabéu
مشاركات: 13,327
نفذ الصبر يا الكالتشيو
جداً متحمس للكالتشيو أكثر من أي دوري بالعالم الكالتشيو طعمه غير الحماس غير المتعه غير
الصراحة متفائل بـ موسم جميل للكالتشيو ولليوفي أيضاً
هالموسم أرشح أربع منافسيين
أولهم اليوفي بطل الموسم الماضي وصفقاته هالموسم ممتازة وراح يصير أكوس ميركاتو لو جبنا مهاجم
الثاني الإنتر الميركاتو حقهم ممتاز جداً كاسانو , غارغانو وغيرها بس يحتاجون إنسجام مع الوقت
الثالث روما أتوقع بيسوي شي هالموسم وأتوقع بينافس بس ما راح يتوج
الرابع نابولي أتوقع نابولي راح يقدم مستويات مميزة مثل الموسم الماضي بس في الموسم الماضي كان يقدم مستوى خرافي أمام الكبار بس يجيه هبوط بالمستوى أمام الفرق الصغيرة
^
أتوقع هالفرق بتكون في المربع الذهبي أو الأربعه الأوائل طبعاًَ مبدئياً أو على الورق الجدول بيكون كذا
1 - يوفنتوس
2 - الإنتر
3 - نابولي
4 - روما
أدري بتقولون مين الغبي اللي يحكم الحين
بس هي مجرد توقعات أو على أسماء اللاعبين الحالية
الصراحة أستبعد الميلان ينافس وبقوة ممكن ينافس على مركز أوروبي فقط , الأسماء الحالية ما تساعد ومع إحترامي أسماء عادية تقريباً النجوم اللي عندهم باتو طبعاً هاللاعب ما راح يعتمد عليه كونه لاعب كثير الإصابات وتقريباً النجوم مع باتو هم بواتينغ وروبينهو وممكن نوتشيرينو
أما اليوفي والإنتر وروما ونابولي لديهم أسماء قوية جداً وأقوى بكثير من أسماء الميلان
المهم نجي للمباريات وحده وحده
الفيولا عندهم أسماء قوية عكس أسواق العثيم عفواً أودينيزي اللي باع أغلب نجومه لنا ما قصروا بس أتوقع أودينيزي ما راح يتأثر
أتوقعها تنتهي 1 - 1
اليوفي مرشح قوي للمباراة عندنا أسماء قوية ونجوم عكس بارما اللي باع نجم فريقه النمله الذرية وعندنا أسامواه هاللاعب خالع جداً مكسب كبير وأفضل صفقة حتى الآن بس بعدنا ما شفنا مستوى إيسلا وبوجبا ما طلع مستواه حتى الآن لأني أحس هاللاعب بيسوي بلاوي
أحس جوفينكو بيكون له كلمة بالمباراة قدام فريقه السابق وبيجيب هدف أو هدفين
أتوقعها 3 - 0 لليوفي
أمممم الميلان لا تعليق الصراحة سامبدوريا ما شفت مستواهم الصراحة بس حسب اللي أذكره أنه فريق عنده عنصر المفاجأة وبصراحة بأسماء الميلان الحالية ما أستبعد فوز سامبدوريا
أتوقعها تعادل أو فوز الميلان 1 - 0
روما أصبح لديه عناصر جيدة بـ صراحة وقادرة على صنع الفوز وكاتانيا فريق بعض الأحيان يكون بثر خصوصاً لما يدافع ودفاعه بالموت ينفك
أتوقع تعادل 2 - 2
أول مباراة لـ جارنا في السيريا A من بعد الهبوط أحس تورينو بيسوي شي بالسيريا A وأتوقع بيصير فريق بثر جداً
أتوقع يفوز تورينو 1 - 0
فريق الإنتر تقريباً غير منسجم ولكن مرشح بالفوز بالمباراة هاذي وبنتيجة كبيرة بعد
أتوقع فوز إنتراوي 3 - 1
نابولي فريق منسجم وقوي زي ما ذكرت سابقاً وباليرمو فريق بعض الأحيان يشيب براسك ويبثرك
كآسآنو مع راتبه بالموسمين المقبلين مقابل تخلي الإنتر عن مهاجم يحتاجه الميلان بالمجآن ..
سعد انت مقتنع بكلامك؟ اجل السبعه مليون هي الرواتب؟ الدعوه ميب على كيفه يبي ينتقل ينتقل براحته بس موب يطالب بالراتب هذا يسمونه نصب واحتيال اذا نصب عليك موراتي مصيبه واذا نصب عليك لاعبك فالمصيبه اعظم ، كل اللاعبين اسعارهم متقاربه ولا فيها فرق كبير يخليك تدفع 7 مليون ! وسالفه الرواتب ماتخش العقل اصلا ميلان موب اول مره يبيع عشان يدفع 7 مليون للاعب رغبته الخروج واذا موراتي طلب فلوس ترا بنسحب من فلوسك! هـ الشئ ان كان يثبت شئ فهو يثبت ان جالياني بالفعل خرف، بعدين من يقول اني حكمت على الصفقتين بالفشل واطلقت عليهم احكام مبكره؟ اللي قلته لو خيرت بين اللاعبين منب مختار ولا واحد فيهم ، وقلت برضو من الناحيه الفنيه الميلن يحتاج للاعب مثل باتزيني اكثر من حاجه الانتر لكاسانو بس الـ 7 مليون اللي دفعتوها لهم مالها اي مبرر لا رواتب ولا مستوى لاعب فـ وين "الحكم بالفشل" اللي قلته انا؟
إقتباس
بعدين ياخوي مشعل .. أنت ما تقدر تقول لنا الآن من المستفيد ؟ ميلآن أم إنتر ؟
كاسانو في اكثر من لاعب في الانتر بنفس مواصفاته مثل كوتينيو وبالاسيو وبرضو الفاريز يقدر يادي مثل ادواره اما في الميلن الوحيد اللي يقدر يلعب كـ راس حربه هو باتزيني لا باتو ولا روبينيو يقدرون يلعبون مكانه ، تشوف في كلامي غلط؟
،،
تلاقط مع جالياني مره ثانيه وهدد بالاستقاله ، ماشاوروه في صفقه زي ادواردو لاعب جنوى ، واضح انه اخر موسم له اذا ماقالوه في نص الموسم
ديسترو موقوف بس ماعليكم ان شاء الله يقنعكم بموهبته في السان سيرو
لازال في مفاوضات مع الفيولا وفي اخبار عن اهتمام روما ! (في مركزه عندنا توتي وديسترو وبوريللو وبرضو اوزفالدو يقدر يلعب خبر غريب)
لونغو بيتجه لاسبانيول ، دي يونغ يقولون انه عرض على الانتر ولكن الانتر خلص مع جارجانو
تشيلسي انسحب من السباق بعد ضم ظهير مرسيليا الان الامور بين السيتي والريال والاخير اقرب ، بكره وكيل مايكون بيكون في مدريد (مافيه سبب ممكن يقنعني ببيعته)
127Likes
..
مش حتئدر تغمض عنييك 
جنة كرة القدم 
الوضع العادي
