|
لمن ناوي مو معيد بكرة ....!! تعال فضغض لسلام عليكم و رحمة الله وبركاته ,,, بكرة متتم لشوال ولا بكرة أول أيام العيد ..!!! ياليت بكرة عيد ياليت بكرة مو عيد ..!!! خلصت أغراضي ما خلصت أغراضي ..!!! عندي دوام ما عندي دوام ..!!! العيد طفش العيد مو طفش ..!!! عيد أول أحلى عيد الأن أحلى ..!!! نقااااااااااااش معتاد بكل سنة بكل بيت عربي ..!! و ياحبنا للنقاش ..!!:d نضيع كل رمضان و أحلى ليالي رمضاااااااااااااان في العيد و نقاشات العيد وسواليف العيد ولبس العيد و أن جاء العيد ماتحصل شي صار من هالتخطيط هذا كله ..!!!:to::to: الطاري الي خلاني أكتي مواضيع وليس موضوع نظرا لصغره ...!! أن العيد قرب و جاء العيد و لحظة العيد و جالس أفكر فهالعيد الذي بتوقع أنه سيمر ولن يستفاد منه ...!!! في العيد تعرف كم لك و كم عليك و أيش طبيعتك مع الناس محبوب أم مكروه أحد داري عنك ولا ما أحد داري عنك:d:d الأحراج يوم تلبس لبس العيد و تتجمل و تتزين و تكشخ و تتعطر و بالأخر تعرف أن ما هناك وجه بتقابله:cry::cry::cry: بتعيد على أبوك و أمك و هم بالاغلب عندك بالبيت و شايفينك قبل ما تلبس ثوووووووووووبك:s2: يعني أيش الجديد ..!!! و بتعيد على أخوانك هذا ان فضوا لك و اعطوك وجه و بعدين بتمشي تدور المقربين منك الي أغلبهم قبل ليلة او ليلتين كانوا عندك ..!!! وووووووووووووووووووووووين الناس الجديدية الي تحس أنك فعلا عيدتها ..!!! أنا بكلمكم عن نفسي بصراحة و بفضض شووووووووووي:cry: انا يمر هذا العيد و سكون لي ثلاث سنوات ماشفت أخواني و لا أخواتي و لا هم شافوني:cry::cry: أخواني من الوالد بحكم ان الوالد رحمه الله كان من أشد الناس تطبيق لشرع الله في التعدد.. دخل أبليس من أوسع ابوابه ولا هم قربوا ولا حنا قربنا و لا عيد نفع و لا رمضان نفع ..!!! وبنفس المشكلة تفرقت الجماعه و صاروا أحلاف و أحزاب أحزاب اسلامية واخرى ليبرالية و اخرى تمسك العصا من النص ...:d فجاء العيد السبت أو جاء الأحد حدي بكشخ و بسلم على أمي و اخواني و أسلم على من قابله بالصدفة بالحارة:d من جد شر البلية ما يضحك:d:d:d:d رغم التقارب العجيب بوسائل التواصل و الاتصال الا أنه كل سنة نبعد أكثر و أكثر و تزيد الفرقة أكثر و أكثر .... ومشكلتنا كلمة وحدة بس كلمة وحدة و نزعل .... جاهزين للزعل ما عندنا مشكلة و مستعدين له :d:d الشايب زعلان مع الشياب و الشباب زعلانين مع بعض و البزروة زعلانين مع بعض و المطاوعة زعلانين مع المطاوعة و خذ لك ماتبي من أشكال الزعل و الفرقة ...!! وهنا ختام موضوع لم يكمل و لكن دعوة و موساة لمن مثل حالتي بيكشخ و يلفلف في الشوارع :s2::s2: و خلينا نسمع قصص فراق كل واحد مو معقولة كلكم كاملين و ما أحد متخاصم مع أحد و بيطنشه بالعيد:d |
على بالي الموضوع طويل و يستحق النشر يوم نزل كأنه صغر :s2::s2: تقبلوه مني بسبب العيد:rose: |
ههههههههههههههههههـ موضوع فرفشي قميل.... انا رحت اليوم دجت على جميع البنوگ ابي اخرد عياااادي طبعآ ماااافيهـ شي كن فلووووس هالبنوووگ خلصن.... المهم باللعنهـ واختها حصلت ........ طبعآ بما ان بيت الوالد الكبير سيتوااافد علينا البشريه من كل حدب وصوب.... وللامانه احسن شي تصااافى القلوب بالعيد وثالث يوم لو تشوف ابن عمك بالشارع ماتسلم عليه هع هع احسن مافي هالعيد الفرحه بعيون الاطفاااال.... واكل المفطح... والشوق الكبير لوجبة الغداء بعد ثلاثين يوم فراااق..... |
تلكم هي أعياد المُدن :yes: والله يخوي للعيد في كل قلب قصّة للصغير في العيد قصّة وللفتاة وللرجل الكبير أنا ما راح أقولكم مثل ما هو دارج "العيد ماهو نفس أول" العيد هو هو مثل ما هو رمضان هو هو الفارق فقط سرعة مضيّها ولم يعرف السبب حتى الآن .... بما أنّ الموضوع فرفشي فسأكتب إحدى حكايات العيد في الصغر, ليس الصغر الصغر مرّة لكن الصغر الأوسط :d كنت يا طويلين العمر أعشق العنف الصامت بمعنى أنني لا يظهر عليّ آثار الطفل العنيف كشامة محفورة في الوجه أو جرح لا يبرأ في اليد بالعكس كنت ذلك الطفل المسالم الذي يحب السلام لجميع البشر إلّا شارون في ذلك الوقت ومن سار على نهجه :yes: مع صمتي إلّا أنني أمتلك في الأعياد ما يعرف بـ(الشروخة أو الطراطيع) ليس لشئ ولكن تنفيسًا للشخصيّة الشريرة التي توجد لدى كل أحد ... المهم أتى أبن عمي لبيتنا العزيز ومعه المقسوم وأنا معي المقسوم لكنّي أزيد عنه (بصاروخ أحمر) أذكره لمّا الحين :d حبينا نسوي حركة خفيفة ألا وهي شراء علبة (راوخ) الكبيرة وتفضيتها من العصير بداخلها ومن ثم إشعال هذا الصاروخ بداخلها ... عندما هممنا بالإشعال وابتعدنا بالمسافة المطلوبة منّا دب صوت عنيف جدًا s121s كان من نتائجه إخراج ثلاثة من (الجيران) من هول الصوت ولكنّهم لم يتعرفّوا على الفاعل لأننا فررنا وفي رواية (انحشنا) :s2: هذا ما جاء في ذاكرتي للعيد الذي أتمنى أن ينعم الجميع به ويفرحوا :smilie47: وكل عام وأنتم بخير ... |
الأحراج يوم تلبس لبس العيد و تتجمل و تتزين و تكشخ و تتعطر و بالأخر تعرف أن ما هناك وجه بتقابله :cry::cry: بالضبطط هذا حالي :cry: |
إقتباس:
سبحان الله انا عكسك ما احب الزحمة في مناسبات الاعياد واذا كنت تبي تاخذ مكاني فحياك الله عشان تلف على كل قرايبي وتسلم عليهم ويبي لك اسبوع عشان تخلص من السلام وياويلك اذا نسيت احد بيصير عليك حظر اجتماعي لحد العيد الجاي عشان تعوض ويمسح اسمك من اللائحة السوداء. وعلى طاري الزعل ما بين الاخوان والقرايب ترى العيد فرصه لكن المهم من اللي ياخذ فرصة المبادرة ويروح لاخوه او صديقة ويكون هو البادي في اكتساب الاجر ومحد بيطردك اذا جيت تسلم عليه لان كل البيوت ابوابها مفتوحة في العيد. وكل عام وانتم بخير .. |
- وعليگم السلام والرحمه كل عام وانتم بخير يَ آحبـه :ba1::ba1: ليش الگل متشآءم بالعيد هذا بالنسبه لنآ يجتمعون عمامي الكرام بمقر الحكومه (بيت جدي) :d ومن اجمل ثلاث ايام بالسنـه :smilie47::smilie47: المغامرات فالعيد لها طعم ثاني جربوها :s2: بالنسبه لاخوانك فبادر بالعيد بزيارتهم مع هديه بسيطـه :) مايمنع تغير روتين العيد اقل شي تطلع مع آهلك تزور أقاربك :) ماعندي مشكله اسوي قصف للبيت ولايبقى نفس الروتين كل عيد :smilie47::d هدية الـعيد لو كانت بسيطه تبقى بمعناهَآ :smilie47: نستقبل هدايا العيد على الحساب الالكتروني :d:smilie47: والله ينصـر شامنا والمسلميـن في كل مكان كيف سيكون العيد فالشام . . .؟! |
أنا لو ذهبت حتى اسلم على أقاربي في العيد ما يكفي 15 يوم انا في القاهرة و جزء في أسوان و جزء في جدة و جزء في أم درمان و جزء في ليبيا تراني اصطحب معاي ابن بطوطة حتى يدلني على الطرق لهالبلاد |
عيـد بأية حال عـدت يا عيـد .. بـما مضى أم بأمر فيك تـجديد :cry: حياك يأبو عزام ( نبض الشارع ) :smilie47::d حقيقة العيد ماتغير الناس اللي تغيروا , والنفوس تغيرت وأيضاً القلوب عموماً بالنسبة لي والحمد لله لم يمر عليّ عيد وأنا في قطيعة مع قريب أو صديق , ولكن أظن الأمر اقترب إن لم يكن هذا العيد فلن يتأخر بأي حالٍ من الأحوال عن عيد الأضحى!! :d العيد أيام أول يازينة صدق تحس إنه عيد بالتواصل والتقارب والطراطيع , وثوب محترق , ووجه وارم ... الخ :d بزارين الحين يولعون طراطيعهم في حوش البيت ويحسون بوناسة عجيبة غريبة :s3s: حنّا من أول إذا ماسوينا معركة في الحارة وإلا مانستانس :d كنت من أشد الأطفال حباً في الشروخ والصواريخ , ولكن في عيد من الأعياد نشب صراع بين أطفال حارتنا وأطفال الحارة المجاورة , وبين كرٍ وفر وشدً وجذب , نتقدم مرة ونتأخر أخرى وبما أني من أشجع الأطفال حينها :s3s: كنت في الصفوف الأمامية وحدث مالم يكن بالحسبان . قام أطفال الحارة بهجمة مرتدة ومباغته في حين غرة مني فألتفتُ وإذا بأطفال حارتنا قد هجوا :d وإذا بالجموع تقترب مني فلم أستطع الهرب إلا متأخراً فبدأ وابل الطراطيع والصواريخ ينكب عليّ وأنا أقاوم :ap: وقبل أن أصل لفة حارتنا وإذا بشرخ قوي ينفجر في أذني اليمنى فطحت صريعاً على الأرض :cry: ولم أشعر بنفسي إلا وأنا في البيت :d تورّمت أذني وبقي صوت الطنين فيها لأكثر من يوم وألم شديد فكان ذلك آخر عهد لي بها :s2: اسأل الله أن يعتق رقابنا من النار في آخر هذا الشهر المبارك وأن يُقّبِل عيدنا والأمة الإسلامية بخير وسؤدد وبنصر مؤزر لأهلنا المظلومين في سوريا وبورما :smilie47: وكل عام وأنتم إلى الله أقرب :smilie47::rose: |
أنا لا احب الزحمة والتكلف وفي العيد تحديدا اعشق جلسة البيت واستكن بدون إزعاج :) وتروقني الزيارات التي لا تكون بعيدة ولا تكون زحمة .. ولدي عادة جميلة جداً .. دائماً ما أوجب مع الاخرين بعد العيد :) أما بخصوص أغراض العيد .. فبالنسبة لي أما ان تكون في شعبان او شوال .. في شعبان تحت شعار من اجل العيد .. وفي شوال تحت شعار كل أيامنا أعياد :) لا ادري .. هنالك محطات مهمة من عمري قضيت عيدها بعيدا عن الأهل .. لذلك لربما اعتدت ان احب العيد بهدوء .. الله يصلح حالكم يا ابو عزام ونحن معك والمسلمين تعدد الزوجات وتعدد الأشقاء من بطون عدة ينتج عنه غالبا ما تفضلت به .. لذلك هذا الوضع طبيعي جداً .. ولا تظن انك حالة منفردة .. لدي أقرباء وأصدقاء آبائهم كما والدك يرحمه الله ووضعهم كما هو وضعك بالضبط جميل العيد في مجتمعنا المجلساوي .. كما هو جميل في هذه الصفحة كل عام وانت وجميع الأحبة في خير وصحة ويمن وبركة |
العيد في الماضي القريب بعد صلاة العيد مباشرة كنا جميع يالاقارب نجتمع في المصلى ونتعايد وبعدها مباشرة على اقرب بيت وناخذ العيديه عنده وبعده على البيت الي بعده الى ان نخلص من بيوت الاقارب يعني حوالي عشرين بيت بس تاكل من ذا التمر والبن والحلى لين يطرش مع خشمك :to: بعدها تبحث عن المخده :s2: اما الان تغير كل شي صل وعلى بيتك وافتح ابوابك وانتظر يجيك احد او انت روح سير لوحدك فرق الايام ماتغيرت بس البشر هم الي تغيروا :ranting: |
طبعي في العيد مثل طبع الشباب اللي فوق يعني بعض النقاط مو كلهم :d:smilie47: أحب أجلس لـ حالي بعد صلاة العيد قدام التلفزيون وهالشي جداً يريحني :smilie47: فيه أشياء ما تعجبني بالعيد من بينهم الأعياد اللي فيها زحمه , أكره هالشي بـ صراحة وغير كذا يطيح وجهك بعض الأحيان :s2: يعني مثلاً بعض الأحيان تجي الناس لـ بيتكم وتبارك بالعيد وأنا أجي واقف أستقبلهم يمشون عشرين قدامي ولا يعطوني وجه وأنا يدي صارلي لي ساعتين وأنا أمدها :s2: مدري يصير لكم هالموقف ؟ :d وأكره الزيارات البعيدة يعني كأني رايح لـ كشته في الثمامة :s2::smilie47: ولا في الأخير يطلع واحد ما تعرفه ويسألك من ولده و وش تصير لفلان وعلان ؟ :s2: ياخوي أنت عرفت أبوي ولا عرفتني :s2: بالسبب هذا أكره الزيارات البعيدة اللي مالها داعي أبد لأني فعلاً أول مره أشوف واحد يعرف أبوي ولا يدري عن عياله :s2: ومن الأشياء اللي تقهرني بالعيد [ الطراطيع ] صحيح لها ماضي جميل مع الطيبين :d:smilie47: بس لما تكبر تحس أنها أشياء سقيمه جداً ولكن بعض الأحيان أسترجع الذكريات مع الطيبين والطراطيع ويقلب العيد حرب ونرمي على بيوت خلق الله :s2::smilie47: تقريباً اللي أسويه بالعيد هو أصلي ثم ناخذ قسط من الراحة في البيت ونبدأ نزور الأقارب اللي هم جدتي وأعمامي وعماتي وخوالي وغيرهم من المقربين جداً :d:smilie47: أما اللي أقرب لهم من بعيد أحلى سيفون :d المهم بالنسبه العيد هو عبارة عن زياره الأقارب الذي لم نراهم في طوال السنة إلا في يوم العيد :s2: أما الأطفال بالنسبه لهم هالشي جميل جداً بما أنهم من عشاق الطراطيع وبالنسبه لنا هالأشياء سخيفه وطبيعي هالشي وبيصيرون البزران من الطيبين في السنوات القادمة :d:smilie47: وجيل ورا جيل |
إذا ما أوجعتك خدودك بالعيد فأنت ما عيدت ! العيد يجب أن نظهر فيه الفرحة و السعادة حتى لو كانت غائبة عنا بالأصل : ) |
^ ^ خدودي جاهزة و تعبان. عليها و مدلعه بس مافي احد :d:d انا ودي والله بالجمعات الكبيرة و العياد الزحمة بس مافي احد القلوب فيه شي ما يطفيها لو شمس العيد:cry: بالنسبة لطارق اتفق معك ان اغلب من يكونوا اخوان من امهات مختلفة يكون في فرقة و مشاكل بس حنا غير حنا كنا مضرب المثل:cry: ابوي الله يرحمه توفى قبل عشرين سنة و خلال هالعمر كله وحنا سمن على عسل و ما تفرقنا الا بعد ما كبرنا و عقلنا:s2::s2: الدنيا اسرار و ما تعرف كيف يدخلك ابليس s121s والي يقول العيد للاطفال اقوله هذا زمن اول الان كل طفل متكئ بطرف وماسك يجوال امه ياجوال ابوه يالايباد يالايبود وخذلك لعب و طنش ههههههه عموما ما ادري عن راايكم اتوقع ما احد حاس بالعيد على طبيعته الا اهل القرى و اهل المدن لو كثرت ساعة ساعتين وهو راجع على الطاري بس قصة واحد يقولي رمضان العام اشترى زكاة الفطر و لقى بيت شعبي مكسر و قديم و متهالك و قال مايحتاج ابحث العنوان واضح هولاء هم محتاجين للزكاة يقول نزل ثلاث اكياس رز و دق الباب و راح يجيب الباقية من السيارة طلع له شاب بالعشرينات يقولوه شايفينا شحدين عندك ههههههههههههه يقول من الصدمة ركبت السيارة و مشيت جالس يلحقني و يرمي كيس الرز على السيارة ههههههههههههههههههههههههههههه |
كل عام والجميع بخير وصحه وسلامة و ينعاد علينا وعليكم اعواما مديده أما أنا جاني تبلد من العيد صار طبيعي وعادي جدا فيه تجمع في زيارات لكن شعوري النفسي عادي جدا لإن وأنت صادق في هالنقطة أمس وفي رمضان كله شايفهم الفطور عند فلان وعلان يعني من الآخر هوا هوا ومن ناحية المشاكل والعلاقات فهيا موجوده في الكل لابد تلقاها في كل عائلة شعور العيد بإنه عادي أحس إنه يجي كل ما كبر الشخص اسأل الله العظيم أن يصلح قلوبكم ويلم شملكم :rose: |
| الوقت المعتمد في المنتدى بتوقيت جرينتش +3.
الوقت الان » 09:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd