من غيري غير مقتنع بــــ "قادر مانجان" - صفحة رقم 7 - نادي الهلال السعودي - شبكة الزعيم

دوست دارم. · #1 16/08/2012, 03:46 AM

أنا شخصيا غير مقتنع نهائيا بكل محترفينا للأسف

سعد الجديعي · #2 16/08/2012, 03:49 AM

لا زال في البدايه صعب الحكم عليه ,, يعطيك العافيه

فهد القبع · #3 16/08/2012, 03:53 AM

والله اللاعب قادر مانجان بصراحة بطيء ويتأخر من تغطية خانته , بس ماأدري هل هو لم يتأقلم أو هذا لعبه , إذا كان هذا لعبه عسى يعيننا على كثرة الهداف.

meriel radoi8 · #4 16/08/2012, 03:59 AM

انا متفائل فيه وبتشوفو ..............................

هلالي و الدم ازرق · #5 16/08/2012, 04:18 AM

انا اقول ما نحكم على اللاعب لين تجي فترة تسجيل المحترفين اللي في محرم اذا ما خاب ضني وانا والله ودي في يحيى مسلم مع ماجد في الدفاع صراحة لاعب يستحق كل ريال اندفع فيه اقصد يحيى طبعا

hilalicanada · #6 16/08/2012, 04:28 AM

اتمنى من الاداره جلب المدافع الافريقي لدى الفتح بدال الاخ مانجان... قسم بالله شكل عمره مالمس كوره... لا تكتيك ولا تمركز ولا تغطيه وبطء شديد.. لا ومباراته الاولى كان يعرج وهو يركض.. حنا جماهير نادي الزعيم وش ذنبنا نتبعذل هالبهذله؟؟؟ والله تعاقدات الفتح والرائد افضل مننا بمراحل.. وللاسف امكانياتهم اقل.. الله منعم عليهم وعلينا بنعمه اسمها العقل.. هم يستخدمونه وحنا تاركينه استبنه يمكن نحتاجه في المستقبل... مين يدري

هلالي عالي الهامة · #7 16/08/2012, 05:04 AM

في اعتقادي ان فيه سلك ضارب عند مانجان ولازم نشوف حل لانه طويل وما يصدار اومره من راسه الي رجله ولانه طويل يحصل تقطيع خفيف ونتيجه لوجود سلوك مضروبه توصل الاشارة لرجله خطا ويجلي عن الكورة وانا اعرف في صناعه الخرج محل سمكرة وكهربائي على كيفكم لو نوديه هناك يمجن نلقاه هالسلك الضارب ونركبله فيوز جديده بالمره وناخذ ضمان شهرين من المحل

فخر النوادي · #8 16/08/2012, 02:47 PM

إقتباس

الرسالة الأصلية كتبت بواسطة CHOCOLET


	السلام عليكم ورحمة الله وبركاته اولا" ابارك لكم بالعشر الاواخر من رمضان والله يتقبل منا ومن جميع المسلمين صيامهم وقايمهم ثانيا" انا غير مقتنع في المدافع السينقالي "قادر مانجان" من جميع النواحي وكل من تابع المباريات الي لعب فيها كان عبء على الفريق طبعا" الكل بيقول راجع من اصابه وماني عارف ايش لاكون بقوله مع احترامي الشديد ماتفهم كوره لان عمر اللاعب ماينسا اساسيات الكوره يعني مدافع مايعرف ((يغطي + تشتيت الكوره + تثبيت الكوره )) يعني معليش بس كلام الحق ينقال بصراحه مدري كيف تم اختياره وعلى اي اساس لاكن شكل اليوتويب لاعب لعبته صح في اختيار اللاعيبه يجمعون اربع لقطات في حياته الرياضيه وصار هاذا تاريخه الرياضي وهاذا مستواه طبعا" الكل بيقول المرشدي فيه وفيه برجع اقوله مره ثانيه انت ماتفهم كوره لان الي حاظر بالملعب بيعرف وش كان يسوي المرشدي باختصار ((المرشدي كان يغطي خانته وخانت "قادر مانجان" )) لاكن فيه سؤال محيرني ليش تم التعاقد مع يحيى المسلم ؟؟؟؟؟ من رآيي !!!! انا اشوف لو لعب يحيى المسلم جانب المرشدي راح يكون بينهم تفاهم اكثر وبيضبط الدفاع خصوصا" ان يحيى المسلم يبي بس ربع فرصه علشان يثبت نفسه في خانت الدفاع ملاحظه بسيطه ...... اتمنى الي بيعلق على الموضوع يحط في باله اني اتقبل اي نقد وانا ماكتبة الموضوع الا من عشقي للكيان الازرق

يحي المسلم مع المرشدي ياجماعه راح يكون ابداع بس وبعدين راح يبقى فى الاحتياط ومثل المدافع اللي جبناه وراح وماشفناه للأسف هل ترضون ان يكون الهلال مقبرة اللاعبين

:alzaee

mjnoon alhilal · #9 16/08/2012, 04:35 PM

يعطيك العافية على الموضوع

..

لكن لو تشوف الهلال كله عناصر جديدة ومدرب جديد
ولا ننسى ذهاب سامي كل هذه امور تاخذ وقت ليتأقلم
عليها الفريق فاللاعبين و المدرب والادارة يحتاجون الى
مزيد من الوقت ومن الخطأ الحكم على الفريق من جولتين فقط ..

كلنا آمال لنرى الهلال في افضل حال

..

هلالي نادر.. · #10 16/08/2012, 04:43 PM

اي مقاطع يوتيوب اللي تتكلم عنها ؟
اللاعب جاي بناء على توصية المدرب .. المدرب متابعه لانه يلعب بالدوري الفرنسي وماجابه الا وهو عارف امكانياته !!
بعدين الدفاع اكثر خانة تحتاج انسجام .. والخطأ شي وارد .. لكن نصبر ونشوف هل الاخطاء اللي صارت بسبب الانسجام او لا !

الزعيمه الشرقاويه · #11 16/08/2012, 04:51 PM

هو سيء صح
بس ماراح نحكم من الحين لان الجولتين ماتحكم
بعد الجوله الرابعه او الخامسه راح نحكم اذا يقعد ع الاحتياط اولا ... طبعا بعد راي المدرب والادارة لاننا مو في محل نطرد ونختار ع كيفنا

الغازي الهلالي · #12 16/08/2012, 05:12 PM

كم سنه لك وانت تدرب خوش مدرب من مباره تحكم خليك متفرج ابرك لك

lostكلاش · #13 17/08/2012, 02:59 AM

اصبروا على اللاعب وسترون انه لاعب من طراز نادر فقط يحتاج الى الانسجام مع اللاعبين والكل والاجواء والمنطقه

وباذن الله سيكون صخره الدفاع الهلالي واتمنى ان يلعب يحيى مسلم بجانيه وارحة المرشدي قليلا

وان شاء الله القادم افضل تفائلوا ياعالم انتم تشجعون الزعيم ملك الكؤوس المتربع على عرش اسيا اتمنى تكون الثقه في الكل موجوده وان شاء الله سينهض الجواد الازرق وسياكل الاخظر واليابس

الزعـــ روح ـــيم · #14 17/08/2012, 03:12 AM

خل اني مقتنع وكذا .. . انا بصراحه احس الرجال عقله ناقص يعني الله بالخير

مجنون يوســـ 15 ـــف · #15 17/08/2012, 03:24 AM

اتمنى يجربونه محور بجانب هرماش ويكون مانقان ثابت في المباراة الوديه اليوم

^ تجربه
^اقسم بالله تجربه