السلام عليكم ورحمة الله وبركاته


اول شي هاردلكم الهزيمه وإن كانت من الفتح على قولة البعض

لكن يبقى الفتح فريق كبير وفريق متمكن عنده لاعبين مميزين ويستحقون الفوز , في ظل المستوى الهزيل اللي ظهر على زعيمنا


اما بخصوص النقد ,

يعلم الله اني استغرب من بعض الجمهور هنا بالمنتدى بالذات ناهيك عن اللي يحضرون في المدرجات ويشتمون الاعبين في حال ضاعت هجمه او غيرها الى درجة شتم والديهم .!!!

بعض الجمهور اللي هنا في المنتدى ... تلقاه سلمك الله طايح مدح في لاعب وترفيع وخذ كلام معسووول وتغزل في فنيات هالاعب ...

واخرهم سالم الدوسري .. ياكم موضوع تكلم عنه وعن لعبه وفنياته
وياسرع ماقلب نص الجمهور عليه وانه مايعرف يلعب وفاشل واطردوه من النادي و و و و .... الى اخره


طيب تدري وش ظروف الاعب ؟
ممكن عنده شي مشوش تفكيره ... ممكن متضايق من شي .

الاعب بشر يا اخوان ويمر بظروف ما احد يدري عنها


بتقولون ان الفريق اليوم كله ماقدم شي يعني كل الاعبين عندهم ظروف .؟


ليه لا ... ممكن كلهم ماهم راضي عن شي في النادي .. مثل المدرب او محصلين معامله غير مرضيه لهم واثرت عليهم


لاتنسون ان سامي الجابر رحل عن النادي وترك فراغ كبير .. مستحيل انه يتعوض
سامي كان اقرب شخص من الاعبين والكل لاحظ ايام اشرف على تدريب الفريق الموسم الماضي بعد تسريح المدرب كيف الاعبين قدموا مستويات حلوه


ياشباب الاعبين يقرون المواضيع ويتأثرون فيها فصدقوني لو ضغطنا على لاعب بالمواضيع وانتقدناه نقد جارح مثل اللي حاصل بالمنتدى الان ... راح نخسرهم


ياسر القحطاني لحق على معناة كبيره ومع الوقت اختفت المواضيع فكان فرصة النقد اللي يراد به الخير للاعب وبعدها شفنا تجاوب من ياسر وبدا يرجع لمستواه شوي شوي


فخلونا نكون عون للاعبين ولا نصير فرعون عليهم ....
بعد كل مباراه كل واحد فينا يستلم له لاعب وينشر غسيله


اتمنى اني وصلت اللي بقلبي ويعلم الله اني اتكلم وانا منقهر من الهزيمه لاكن متفائل في الزعيم انه راح يرجع ومتفائل بكلام الاعبين بعد المباراه دامهم عارفين خطاهم ويقرون فيه فهذا بداية العلاج





دمتم بود

up
........................................................................

انا ابي تقول لي بالعقل المحترف الاجنبي يشيل الفريق ولا المحليين يشيلونه.
ياخي هرماش ومانقان بكل الاحترام لاخيرهم ولا كفاية شرهم الي يقول الوسط ضايع من عمايل هرماش الي يقول الدفاع مفكك من سبب مانقان بصراحه اصبر على الغنام والقرني وبندرالبيشي وحسام افضل مليون مره من الصبر على هرماش وكذلك اصبر على خيرات والمسلم احسن من مانقان الحلول موجوده لكن يبيلك اداري زي البلطان جيباروف سنتين احتياط مصلحة الفريق اهم النصر شوكت احتياط مصلحة الفريق اهم
اما حسن ان كان كما قال من العام مصاب ويلعب فهذي لوحدها كارثه


شكرالك

إقتباس الرسالة الأصلية كتبت بواسطة ثائرالهميجان انا ابي تقول لي بالعقل المحترف الاجنبي يشيل الفريق ولا المحليين يشيلونه. ياخي هرماش ومانقان بكل الاحترام لاخيرهم ولا كفاية شرهم الي يقول الوسط ضايع من عمايل هرماش الي يقول الدفاع مفكك من سبب مانقان بصراحه اصبر على الغنام والقرني وبندرالبيشي وحسام افضل مليون مره من الصبر على هرماش وكذلك اصبر على خيرات والمسلم احسن من مانقان الحلول موجوده لكن يبيلك اداري زي البلطان جيباروف سنتين احتياط مصلحة الفريق اهم النصر شوكت احتياط مصلحة الفريق اهم اما حسن ان كان كما قال من العام مصاب ويلعب فهذي لوحدها كارثه شكرالك

حياك الله يالغلا

انا مقدر الكلام اللي قلته وعلى راسي من فوق

لاكن وانا اخوك مانقان هذي ثاني مباراه له ... ولاتنسى يالغلا وليهامسون اول ماجا كان ضايع ويوم تأقلم صرنا مانرضى بغيره


اما بخصوص هرماش فهو لعب مع المجموعه ... وللأمانه المجموعه كلها ضايعه امس


لذا ننتظر لعل هالاخفاق خيره للهلال وانه دفعه للأمام وتعديل الاخطاء

اتمنالك يوم سعيد

تسلم يالغالي ياليت الناس مثلك ومثل تفكيرك
والله ماحنا راضين عن مستوى الهلال ومستوى
الكثير من اللعيبه بس لازم ندعمهم ونقف معهم
وبحول الله يرجع هلالنا كما عهدناهـ يارب ياكريم

إقتباس الرسالة الأصلية كتبت بواسطة بقايا جرووح تسلم يالغالي ياليت الناس مثلك ومثل تفكيرك والله ماحنا راضين عن مستوى الهلال ومستوى الكثير من اللعيبه بس لازم ندعمهم ونقف معهم وبحول الله يرجع هلالنا كما عهدناهـ يارب ياكريم

الله يسلمك يالغلا كلك ذوق

وان شاء الله تتعدل الاخطاء ويرجع زعيمنا مثل ماكان واحسن


بالتوفيق لك