السلام عليكم:

احب اني ابارك لكل المنتسبين بنادي الهلال اداره واعضاء شرف ولاعبين وجماهير بمناسبة حصول الفريق على كأس ولي العهد, وثانيا وفيما يخص كأس الدوري فأنا مطمئن ان شاء الله انا بنحصل عليه بس بشرط حضوركم للملعب وانا سمعت ان مباراتنا مع النصـ كم والأتهاد بتكون بملعب الملك فهد , يعني ياشباب مالكم عذر, وفيه شي ثاني بقولكم اياه من يوم الاربعاء اللي راح وهو معي افكر فيه بستمرار وهو الدوري, من جد ياكل ويشرب معي. طلعت بتصور ان الهلال دائما يحرز البطوله اذا كان مش مرشح فيها, يعني الزعيم مرشح لاي بطوله يدخلها بس انا اقصد مش المرشح الاول. معليش برجعكم بالذاكره الى موسم 1406 انتهى الدورالأول والهلال بالمركز الثامن ومايفرق عن التاسع الا الاهداف المهم جانا مدرب برازيلي على مأذكر كان اسمه اديسون او قريب من هالأسم, المهم بدات الاقلام تكتب ان الهلال ممكن انه يهبط اذا ماتدارك نفسه وكان اكثر المتفائلين الهلالين كان يتوقع الخامس او السادس, لكن كان عبدالله بن سعد "رحمة الله عليه" كان له رأي ثاني شال المدرب وجاب البرازيلي اللي قلتلكم عنه, واول مباراه بالدور الثاني تعادلنا مع الشباب والباقي كله فوز يعني فاز بعشر مباريات ورا بعض واخذ البطوله عن جداره واستحقاق. اللي ودي اقوله ان الهلال اذا ماكان مرشح يطيح عنه احمال كثيره, حمل الصحافه وحمل الجماهير واللي يشكل ضغط نفسي على اللاعبين انفسهم وان شاء الله هالسنه تكون سنة خير بعد اخفاقات البدايه وهكذا حال الهمام خطوه للخلف وعشر للأمام, بعدين انضرو للموضوع بنظره ثانيه حنا ولله الحمد من اكثر من تسع سنوات وحنا كل سنه فيه لاعب او لاعبين جدد من فريق الشباب, وفيه تجديد كل سنه وهذا يخلي الفريق دائما بالمنافسه لان دائما تشكيلة الفريق مزيج من الخبره والشباب, وهذا اللي مخلي الهلال دائما في القمه "ماشاء الله" بينما الفرق الثانيه تلقى التجديد عندهم بطئ شوي وهذا من صالحنا, وكلنا نذكر الكابتن محمد الشلهوب متى بدا مع الفريق "من سنتين" والحين ماشاء الله من اعمدة الفريق وصاحب اهداف حاسمه مثل هدف البطوله الاخير وهدفه العالمي في النصـ كم وبعد هدفه في الشباب في نهائي 1421 , احساس حبيت انكم تشاركوني فيه

سلملم