الموضوع في نقاط ..


+ نادي ماعمره حقق بطولة قاريّة .. ويسمي نفسه / سفير الوطن والملكي
اذا كان اللي ماحقق آسيا ملكي .. آجل اللي ماخذ اسيا مرة ومرتين وش نسميه ؟
طيب واللي ماخذ اسيا ست مرآت برقم غير مسبوق وش ممكن نسميه ؟
( للعقلانيّين من الاهلاوييّن - إن وُجد - ) ...

+ عمري الرياضي اكثر من 20 سنة .. وماعمري شفت آنسحاب فريق من مباراة إلا فريق المريخ ف بطولة الصداقة قدام الهلال الآولمبي والآهلي قدام الشباب يوم الستّة ... ومع ذلك .. ياربآآآآآهـ إنّه / قلعة الكؤوس والراقي والعنفوان والآخويا وال عبر الزمان سنمضي معاً


+ نادي له اكثر من 14 سنه ماحقق بطولة رسمية للكبار .. ويسمي نفسه العالمي

+ اذا سمعت بعض المعلقين وهم يصارخون (فارس نجد .. فارس نجد ) .. مدري ليش يجي ف بالي هالآدمي
فارس القبيلة ( ‫الشيخ فؤاد بن بطاح .Vs مهاوش‬‎ - YouTube )

+ نادي الشعب / نادي الوطن .. / وقبل آيام كانت في لوحة على بوابة النادي مكتوب فيها - للتقبيل لعدم التفرّغ والسفر - وجنبها لوحة ثانية - رئيس نادي ، لله يامحسنين - نص اعضاء شرفه آتَهمو في كارثة الشعب في مدينة جدة والنصّ الثاني / آستلمو آدارة النادي وماكملّو موسم رياضي لاعبين : ادفعولنا نلعب ولا ترى بنخرّب وجمهور يعشق الهتافات على الخصوم وآلفاظ جدا رائعه - ويظهرون لنا صورة الشعب اللي عمايله نظيفة جدا جدا
فعلا نادي الشعب والوطن

+ الآتحاد : لقب يطلق على الجماعة العربية المُتحدة
لكن عندنا في رياضتنا الجميله ..
الآتحاد : هو استنفار اعلامي شرفي بحت ..
موال كل سنة ..
اسم النادي الاتحاد ..
وليس بين المنتمين له / آتحاد !


.
.

واذا علمت آخي /
آن الآخضر العالمي .. آسياد اسيا ..
يملك / اقوى دوري عربي ..
آحسن اللاعبين ..
آحسن جمهور ..
آحسن رياضيين ..
آحسن صحافة ..
آحسن ملاعب ..
آحسن حكام ..
ومع تعدد الآلقاب والمسميات ......
لايستطيع آن ينتصر على سوريا والآردن وكوريا الشمالية وعمان !
ف تعلم حقيقة ( قيمة الكرة السعودية الآن ) ...
وآنّها قيمة ( مهايطية ) آكثر من آنها واقع رياضي ناجح ....


فعلا / نحنُ آسياد الآلقاب / وصُنّاع التاريخ الجديد ..
ب حضارة ( فقاقيع الهياط ) !!!!!



.
.


نقطة آخيره /

لكل جمهور الآندية الآخرى آطرح سؤال بسيط
عندما تُذكر بطولات الهلال ..
تشوف اعذارهم / ..
نصها بطولات تنشيطية !
ومايتذكرون إلا / ..
كاس الارهاب والخطوط !

طيب / وش اسويّ اذا شفت ان النصر يقول عنده 45 بطولة ..
ونص البطولات / كأس ناصر بن تركي بين آولاده والجيران .. وكأس الشهداء والآرامل والآيتام وآندية الدرجة الثانية وبطولات المناطق !!!!!!

طيب / وش اسويّ اذا شفت ان الاهلي والاتحاد يقولون عندهم اكثر من 40 بطولة ..
ونص البطولات / كأس المصيف وكآس الامير عبدالمجيد لآندية الغربية ( يعني مثلا مين بياخذها الهلال ولا الشباب ولا النصر يوم تحسبونها تحسّها بطولة آصدقاء آنفسنا ) والاهلي يقولون : آكثر نادي يحقق كأس الملك والمشكلة لو تحسب آول بطولاته في كأس الملك ماغير هو والآتحاد والوحده ماكان فيه آندية

ورغم ذلك ..
نادي الهلال .. الزعيم : حِنَيّين عليكم ومايبي يحسب بطولاته التنشيطية ويوسع الفارق ل سنين عجاف لاتُعد ولاتُحصى ... وما كتب في تاريخه العريق إلا الرسميات ال 53

ولكن تخيّلو لِوهلة !
لو الهلال فجآه صدمهم ب حسبتهم وطريقتهم في تعداد البطولات السكّاني وطلعت بطولات الهلال آكثر من 87 بطولة وش بيصير ... ؟!

من عندي خُذوها النصر آول نادي بينتحر وبيستقيل وبيتقاعد في نفس الوقت الحين 53 بطولة وقالو مسحورين آجل لو قلنا 87 بطولة وش بيصير فيهم


.
.


دعواتكم بالتوفيق للزعيم الليلة ..

والله ابدعت ياخوي
سلمت يداك

إقتباس طيب واللي ماخذ اسيا ست مرآت برقم غير مسبوق وش ممكن نسميه ؟ ( للعقلانيّين من الاهلاوييّن - إن وُجد - ) ...

حلوة .. للعقلانيين إن وجدوا ..
تماسيح المتعصبين .. وش ترجى منهم ؟

موضوعك أشبه بتعبير محشش
تناقض نفسك بنفسك
تتكلم عن موضوع وتنصح عنه
وفي السطر التالي تتكلم بنفس الموضوع وانت مقتنع به
لايوجد أي فائده او كلام يعتبر كلام موزون
احترامي لك

يا اخوي خف علي المجانين ههههه وربي فريق منتهي وجماهير منتهية الصلاحية اخوي منيفالاتحاد هو يتكلم عن ببطولاتهم الي مو وثقة بس هم يحسوبنها علشان يتقربون من الهلال في عدد البطولات لاكن بدري عليم بنو طحلب نادي مكاتب تشليح يقول عمر الشباب مافاز علي الااهلي ستة ولا في اشياء تثبت ذلك طيب والمقاطع يافريق التسدح ما اقول الي ربي يعطيهم عقل بس

سفير الوطن في البطولات المحلية

اتوقع كذا يقصدون جمهور الاغماء

بردت قلبي والله


انا مو منقهر الا من لقب ( الملكي ) كيف يأخذونه وهو ملك للهلال

هههههههههههههههههههههههههههههههههههههههههههههه
والله ابدعت افضل موضوع قرأته في هذا القسم رووووعه
رد ملجم مسكت

الله يعطيم العافيه وكثر لنا من هالبهارات

الفقراوية طالعين بكذبة جديدة وهي 32 مباراة بدون هزيمة والمساكين مصدقين هالكذبة

ننتظر احد الاعضاء او جريدة الجزيره الغراء تفضح هالكذبة

ياخوي كل واحد يشوف ناديه احسن نادي

خصوصا وان جماهير الأنديه متعصببه جداً ومستحيل تعترف ببطولات الهلال او القابه الا من رحم ربي

حنا نقول الهلال هو الملكي لآنه تسمى بأمر ملكي ومقتنعين بهالسبب

الاهلاويين اكثر نادي حقق كاس الملك ومقتنعين بهالسبب ويشوفون انهم يستاهلون الملكي !!

اوك انا هنا ماعندي مشكله ان الاهلي يجي وياخذ مننا لقب وسببه انه اكثر واحد حقق كاس الملك بس لو الهلال او الشباب وصل عدد الكؤوس اللي حققها الاهلي وزياده يفقد الاهلي اللقب؟؟

فالاحق بلقب الملكي هو الهلال لأنه اول نادي تسمى بأمر ملكي

طيب خلنا من هذا النصر يوم انه حاط تاج فوق شعاره ويسمي نفسه الملكي بأي صفه تسمي نفسك ملكي؟؟؟ يكفي العالمي وساكتين عنكم عسا مايجيون باتسر ويقولون حنا زعيم اوروبا بعد مب اسيا

الكره السعوديه مستحيل تطور دام هذي عقليات الرياضيين يفكرون بالالقاب بس

منتخبنا مستحيل يتطور لأننا نهايط بالانديه والالقاب بس

ههههههههههههه

موضوع للفرفشة


انا ماهمني الالقاب حقت الاندية الثانية وكلها القاب جماهيريه فقط لا اكثر

اكثر مايقهر هو لقب الملكي كيف يوخذ منا وحنا ساكتين