اللهم لك الحمد على كل حال .. تعود متأخر خير من ألا تعود .. ونقطة خير من لاشي ! ملخص المباراة كان استحواذ هلالي لكن بدون حلول .. لكن من بعد دخول الشهراني وعبدالعزيز الدوسري تغير مجرى المباراة وبدأ الهلال يلعب بفاعليه أكثر وخلق فرص أخطر .. تحركات هالثنائي تعجبني في وسط الملعب .. اليوم شفنا دفاع الهلال شوارع في الهجمات المرتدة مانغمان اتمنى ما يستمر على هذا المستوى وأيضاً سوء تغطية من المرشدي سناتر الهلال خارج التغطية ضد هجر وشفنا أترام كيف يسرح ويمرح وأيضاً البيشي كان سيء واتمنى من كومبواريه يعتمد على الشهراني أساسي مثل ما شفناه اليوم أثبت نفسه في الخارطة الهلالية .. أسلوب كومبواريه بالإعتماد على مهاجم واحد ما يعجبني , غير مقنع يكون عندك 6 مهاجمين وتلعب بمهاجم واحد أساسي و 5 دكة .. اتمنى أن نرى الهلال من اللقاء القادم بمهاجمين ويسلي لوبيز وياسر القحطاني ..
بداية غير مرضية لنا كجماهير وعشاق للكيان الازرق لكن التعثر حصل وعليك أن تستفيد من هذا التعثر وتصحح أخطاءك في الجولة الجاية ضد الفتح .. الفتح نادي صعب وعليك أن تستعد مبكراً لهذه المباراة ومشاهدة مباراتهم الماضية مع النصر وقراءة الخصم بشكل جيد .. استغرب من مدربين الاندية السعودية جديد على الدوري لازم تشوف مباريات سابقة للفريق اللي بتقابل قراءة الخصم من أشرطة فيديو مهي عيب .. نشوف مدربي أندية اوروبا يطبقونها لما بيلعب ضد نادي جديد عليه وما يعرف طريقة لعبه ..
عبدالعزيز الدوسري عاد بقوة بعد غيابه للإصابة وبإذن الله يستمر على هالمستوى للأفضل إن شاء الله .. وياسر القحطاني نجم كبير وله ثقلة بالملعب ولكن يحتاج للدعم .. المباراة انتهت بخيره وشره وبالتوفيق للهلال في القادم والحمد لله على كل حال ..
السلام عليكم ورحمة الله وبركاته عسى ماشر انت وياه واحد يطالب باستقالة الادارة والثاني يقول ألغوا عقد المدرب والثالث يقول المدافع الأجنبي مقلب والرابع الزوري والمرشدي مو عاجبينه أنا ما ادري وش تبي توصل انت وياه يجيك واحد مندس يكتب موضوع يريش فيكم وانتم انواع الانزلاقات باخي والله عيب الفريق اول مباراة له في الدوري شئ طبيعي الرتم يكون نازل بعدين يتصاعد والله هالمندسين بدوا يلعبون لعبتهم في المنتدى وماشاء الله عندنا هنا ناس معهم معهم عليهم عليهم والله شئ يحز في النفس الي أشوفه في المنتدى أنا أطالب إدارة المنتدى اي موضوع يكون في تعدي على إدارة النادي او احد من اللاعبين عدم نشرة تونا في البداية وأنواع التجريح والله ولا موضوع فيه انتقاد صحيح من اجل النادي بل بالعكس انتقادات فيه تجريح لإدارة النادي واللاعبين واذكروا كلامي الوعد بعد الجوله الخامسة بإذن الله راح نشوف الزعيم بمستواه الحقيقي والله يصبرنا على شلة هالمندسين وعلى الاعضاء الي معهم معهم وعليهم عليهم
شفنآ الهلال اليوم في المبآرآة لم يقدم مستوآه المعهود
لكن والحمد لله خرج بتعآدل
آحسن من الخسآرة
شفت بعض الآعضاء في المنتدى
يسبون اللآعبين
ويطآلبون بآستقآلة الآدآرة
قلت بدل مآ نسوي كذآ .!
ليش مآ ننآقش آسبآب الخسآرة اليوم
ونعرف الآخطآء اللي وقع فيهآ الفريق اليوم
آنآ آشوف آن الفريق الهلالي آفتقد اللمسسة الآخيرة ، اللي مآ شفنآهآ الآ بعد مآ نزل الدوسري .
آمآ لاعبنآ السنغآلي لم يكن في يومه ، يمكن آنه مآ آنسجم مع الفريق .
آمآ الفريق ككل كآن لعبه جيد نوعا مآ ، ومع الآنسسجآم رآح يتحسن ويكون آفضل .
الآهدآف جآءت من هجمآت مرتدة من جهة البيشي ، رجوعه كآن بطيء
و مآنغآن مآ كآن متفآهم مع المرشدي .
و هذآ كلفنآ هدفين .
بآذن الله نشوف الفريق الهلالي آفضل في المبآريآت المقبلةة
- صحت قرار المدرب بجلب مهاجم , الكل شاف ياسر كـ ( مهاجم ) مايصنع فارق بل ان العربي لو كان اليوم موجود كان ريحنا .. - عبدالعزيز الدوسري هو الاعب الافضل بالوسط الهلالي حالياً لانه يملك فكر عكس البقية , دخل وبفكرة الكبيرة ما شاء الله بداء يغير من طريقة الهلال - الشهراني كان مميز ويملك روح عاليه تحب الفوز , تحركاتة كانت رائعه ولاعب مايسترو لعبه المدرب أول شيء محور متقدم وكان يوزع كور صح , وبعدين غيره إلى الظهير الأيمن .. - الفريدي بعد مباراة اليوم اقنع نفسه إن الهلال لو وقع معه فهو الكسبان , لاعب أقل من عادي اليوم .. - هرماش ماهو الاعب المحور المدافع , والكل شاف اليوم الضعف الواضح بالمنطقة اللي بين المحور والدفاع واللي استغلها اترام , - الدفاع لا يلام بصرآحة بشكل كامل , لان اندفاع الفريق للأمام كان فيه فراغات كبيرة وبالأخص بجه البيشي اللي كان الهدفين من عندها ,
مباراة كنا نتخيلها سهله لكن بصرآحة أصعب مما توقعنا ..
كلام سليم .. مع الغبار والرياح وهدفين لهجر في غفله وتوقيت سئ .. وضياع فرص بالجمله
المدرب قارئ رائع لكن الضروف جوا الملعب ما خدمته اليوم ؟
4Likes
الفريدي و سالم الدوسري احتفاظ بالكره اكثر من اللازم 
الوضع العادي
