ممتاز مع إني تمنيت يذكر مركز لاعب الوسط بالضبط , هل هو يبي محور أو صانع العاب .. تقريباً المراكز اللي ذكرهم اليغري هي أهم المراكز لكن المهم هو عدم بيع ميكسيس اذا مافيه مدافع جديد يبي يجي والاهم من هذا إن كاسانو يبقى لإن من كلام الكوتش واضح إنه راح ينتقل .. والاقرب تبادل مع باتزيني , ننتظر ونشوف وش اخرتها
التشكيلة المتوقعة بكرة / ابياتي - اباتي - بونيرا - زاباتا - انتونيني - مونتليفيو - فلاميني - كونستانت - برنس - باتو - روبينهو وعلى فكرة روبينهو اختار رقم [ 7 ] بعد ماتركه باتو اللي رقمه الجديد [ 9 ] .. بإذن الله نشوف مستوى يشرف ومباراة يستفاد منها بكرة
تقبل الله منا ومنكم الصيام والقيام وكل عامٍ وأنتم بخير
أجرى الفريق بعد ظهر اليوم حصة تدريبية بملعب سان سيرو
وبعد حديث للمدرب الليغري مع لاعبيه , شرع الجميع في تمارين الإحماء وتمديد العضلات دامت 15 دقيقة بعدها خاض الفريق تداريب رياضية باستعمال الحواجز وذلك قبل القيام بتداريب الحفاظ على الكرة ثم أخرى تكتيكية وتدرب فيليب مكسيس بشكل خاص وسيغيب عن لقاء اليوم برفقة الكبيتانو امبروسيني
بعد نهاية الحصة استدعى الليغري 23 لاعبا لمباراة اليوفينتوس للمشاركة في بطولة كأس لويجي برلسكوني :
مشرف منتدى الرياضة العربية والعالمية رئيس رابطة عشاق الكالتشيو
تاريخ التسجيل: 17/06/2010
المكان: Britain - Southwark
مشاركات: 3,912
/
الجملة اللي طلعت بها اليوم بعد مباراة كأس برلسكوني ان برلسكوني أعاد هيكلت الفريق بعد ان كان ينقصه كماليات فقط امثال مونتوليفو وظهير ايسر في ضل وجود ابرا وتياغو , الان التكلفة زادت والفريق في تدهور والبحث كذلك لازال مستمر ! الله يكون بعون الليغري وتاسوتي واللاعبين
هاردلكم الخسارة , أعجبني الشوط الاول للفريق كنا الافضل رغم إن الخطة تغيرت لـ 4 - 3 - 2 - 1 إلا ان الفريق قدم مستوى ممتاز بالشوط الاول , أما الثاني الفريق كان ضايع وروبينهو يلعب الحاله مع كونستانت ومونتليفيو , على فكرة كونستانت مكسب كبير للفريق وعسى روبينهو دوم مروق زاباتا عنده مقومات المدافع الممتاز لكن يبالغ بالتقدم للإمام , ويبييس الاسوأ مع بواتينغ .. ليتهم ماعطوك رقم 10
والله ياهو شايف نفسه , جحد فضل الادارة عليه يوم جابوه ووزنه ما ادري كم ومطرود من رئيسه وصبرنا عليه يوم جته الاصابة بقلبه ورجع معنا للمنتخب ولعب اليورو وفي النهاية يبي ينتقل وللإنتر !! اساساً من بداية التحضيرات واضح عليه إنه بينتقل .. غير مأسوف عليك , ورباط صليبي بإذن الله قبل لاتلعب ولا مباراة
طبعاً على حسب اخر الاخبار بينتقل كاسانو للإنتر بصفقة مبادلة مع باتزيني والاتفاق تم تقريباً وبنسبة 90% الصفقة راح تتم , ويقولون بعد إن غالياني فوق كاسانو راح يدفع لهم مبلغ .. تقريباً 5 مليون يورو .
باقي 11 يوم ويغلق الميركاتو .. هانت جاري تغيير الرمزية للبطة , حطيت النك لتياغو وانتقل وحطيت رمزية لكاسانو وقرب ينتقل , ابي احطها لباتو , يمكن ينتقل ويفكنا من اصاباته ويجينا مهاجم سوبر
مشرف منتدى الرياضة العربية والعالمية رئيس رابطة عشاق الكالتشيو
تاريخ التسجيل: 17/06/2010
المكان: Britain - Southwark
مشاركات: 3,912
L L الليغري بعد الاجتماع اللي امس مع برلسكوني وجالياني , طلع الليغري وقابل الصحفيين لان حسب ما ذكر ان برلسكوني طلع مع باب المطبخ خجلً منه وما يبي يقابل الصحفيين , المهم الليغري ذكر ان الرئيس شاهد العديد من لاعبي الميلان وهم متحمسين وهذا شي اشعره بالسعاده ! لانو على اساس ان فيه كأس المتحمسين الاوروبي
الليغري مو معقول في كل تصريح يذكر اسم الرئيس ونائب الرئيس والادارة بشراهه , الليغري واضح جداً انه يعمل في بيئة تفرض عليه كل شي , موب صحيح ه الكلام الليغري يفتقد لـ الشخصية القوية سواء مع الادارة او مع اللاعبين فقط اللي قاعد ينفذه على اكمل وجه هو ( التنفيذ ) !
سكاي تقول إن باتزيني غاب عن تدريبات الانتر صباح اليوم وإنتقاله بات وشيكاً .. إلا على طاري باتزيني صدق غالياني يبي يعطيهم كاسانو وفوقها 7 مليون !! مع إني استبعدها إستبعاد تام لكن لو صارت فغالياني راح ينزرف ولاول مرة تقريباً , باتزيني مهاجم ادائه بالاونة الاخيرة سيء ويكفي مبادلته مع كاسانو مع إني اشوف إن كاسانو افضل منها كثيراً , لكن إنك تدفع فوق قيمته 7 مليون فهذا غباء .. ياخي اذا انت ماعندك مانع تدفع عط كاسانو لاتسيو وادفع 10 مليون وهات هيرنانيز , قسم بالله بيفك لنا أزمة بصناعة اللعب والمهاجم هات ماتري أو أي لاعب ثاني .. 7 مليون تخسرها بمهاجم أفضل شيء يسويه يتبطح بمنطقة الجزاء فهنا انت تثبت العشوائية بهالميركاتو .. ننتظر ونشوف